د افغانستان او هند لوبه؛ افغان لوبډله سبا د لړۍ دوهمه سیالي ترسره کوي
د افغانستان او هند لوبه د درېیو یو ورځنیو سیالیو د لړۍ په ترڅ کې سبا سې شنبه ترسره کېږي. ټاکل شوې ده چې دغه سیالي د غرمې په ۱۲:۳۰ بجو پیل شي.
افغان لوبډله د لړۍ په لومړۍ مسابقه کې له هند څخه ماتې خوړلې وه. هغه لوبه د باران له امله ۲۵ اوورونو ته راکمه شوې وه او افغانستان هند ته د ۱۹۵ منډو هدف ټاکلی و.
د افغانستان او هند لوبه، هند او افغان لوبډلې
هندۍ لوبډلې ورکړل شوی هدف په ۲۳م اوور کې بشپړ کړ او د لړۍ لومړۍ بریا یې خپله کړه.
په لومړۍ سیالۍ کې رحمنالله ګربز د افغانستان لپاره تر ټولو غوره توپوهنه وکړه او د هند پر وړاندې یې په زړه پورې سلیزه ووهله. نوموړي ۱۰۲ منډې جوړې کړې. له ګربز وروسته حشمتالله شهیدي ۲۷ او عظمتالله عمرزي ۲۶ منډې وکړې.
د افغانستان توپ اچونه
په توپ اچونه کې راشد خان او ضیاءالرحمن شریفي هر یوه یوه وېکټ ترلاسه کړې وه.
د کرکټ مینهوال هیله لري چې د افغانستان او هند لوبه کې افغان لوبډله د لومړۍ ماتې جبران کړي او د لړۍ د مساوي کولو لپاره بریا خپله کړي. د لړۍ وروستۍ پایله به د دوهمې سیالۍ له نتیجې سره لا ډېره مهمه شي.
