دعربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي

 دسعودي عربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي.دافغانستان اسلامي جمهوریت د بهرنیو چارو وزیر ښاغلي محمد حنیف اتمر سعودي عربستان ته د خپل رسمي سفر تللی. او هلتهېې د مختلفو اعلی چارواکو سره په مخلتلفو موضوعاتو خبرې شوي.

ښاغلي اتمر د سفر په دریمه ورځ د سعودي عربستان په پلازمېنه ریاض کې د افغانستان او سعودي عربستان د همکاریو ګډ کمیسیون له رییس او د یاد هېواد د ترانسپورت وزیر ښاغلي مهنډس صالح بن ناصر الجاسر سره په لیدنه کې د اقتصادي، سوداګریزو، ترانزیټي، فرهنګي او ښوونیزو همکاریو پر پراختیا بحث کړی.له افغانستان سره په بیلابیلو برخو کې د سعودي عربستان له سخاوتمندانو همکاریو څخه د قدردانۍ په کولو سره ښاغلي اتمر وویل. افغانستان په څلور ستراتیژیکو محورونو؛ (۱)سوداګري او ترانزیټ، (۲)پانګونه، (۳)د افغان ګارګرانو له پاره اسانتیاوې او لیږد او همدارنګه (۴)د پرمختیايي مرستو په برخه کې د دواړو هېوادونو د همکاریو په تنظیم او متمرکز کولو کې لیوالتیا لري.

ددغه هیوادد ټرانسپورت وزیر د افغانستان د بهرنیو چارو وزیر له وړاندیزونو څخه هرکلی وکړ او له افغان لوري څخه یې وغوښتل چې په لیکلي بڼه د وړاندیزونه طرحه له سعودي عربستان سره شریکه کړي، چې دا وړاندیز له افغان لوري څخه و منل شو. ټاکل شوي دغه طرحه په کابل کې د راتلونکي ګډې ناستې په وروستۍ کاري اجنډا کې شامله شي.

په پرونی ناسته کې دواړو لورو د همکاریو د ګډ کمیسیون د لومړنۍ ناستې د پریکړو پر پلي کیدو په تفصیل سره خبرې وکړې او د نا بشپړو مواردو د تطبیق په اړه یې لازمې پریکړې وکړې.په دې ناسته کې سعودي عربستان ژمنه وکړه چې د طبي زده کړو د یوه پوهنځي په ګډون به یو مسلکي روغتون په افغانستان کې جوړوي او فعالوي.

دعربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي
دعربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي

د باندینیو چارو وزیر د سعودي عربستان د ترانسپورت وزیر او د دواړو هېوادونو د همکاریو ګډ کمیسیون رییس مهندس الجاسر په کابل کې د یاد کمیسیون په دویمه ناسته کې د ګډون په موخه کابل ته دعوت کړ چې د سعودي عربستان له لوري یې هرکلي وشو.دویی وویل چې په یو مناسب وخت کې به حتما د افغانستان سفر کوي.

حنیف اتمر: ډېر ژر به پاتې طالب بندیان خوشې شي

دهېواد د بهرنیو چارو وزارت سرپرست حنیف اتمر ویلي، پاتې طالب بندیان به د راتلونکې اوونۍ تر پای ازاد شي.دهغه په وینا کوم خنډونه چې بین الافغاني خبرو پر وړاندې موجودوو له منڅه لاړل او ډېر ژر به خپلمنځي خبرې پیل شي،

ښاغلۍ اتمر زیاتوي چې د بین الافغاني خبرو لپاره موقع برابره شوې، اود طالب زندانیانو له خوشې کېدو سره سم به د افغانانو خپل منځي خبرې هم پیل شي. نوموړي دا خبرې د امریکا د سولې انسټیټیوټ سره پر لیکه یا انلاین مرکه کې کړي،هغه ویلي، چې افغان دولت سولې ته ژمن دی او په دې لار کې یې لازم اقدامات هم کړي دي.په ورته مهال طالبانو د ملي پخلاینې عالي شورا رییس عبدالله عبدالله هغه څرګندوحې رد کړي، چې راتلونکې اوونۍ به د افغانژحکومت مذاکراتي پلاوی له طالبانو سره خبرې پیل کړي،

د ملي مصالحې عالي شورا رییس عبدالله عبدالله پرون پنجنشبه کابل کې ميډیا ته خبرو پر مهال وول ، چې راتلونکې اوونۍ به له طالبانو سره د حکومتي پلاوي د مخامخ خبرو لړۍ شروع شي، بل خوا بیا قطر کې د طالبانو د مشرتابه شورا غړي شېر محمد عباس ستانکزي د ملي پخلاینې عالي شورا د رییس ډاکټر عبدالله عبدالله دا څرګندونې رد کړې، چې ګواکې راتلونکې اوونۍ د افغانانو خپلمنځي مذاکرات شروع کيږي،

دغه ټینګار لري، چې د دوی پاتې ٣٢٠ بندیان دې ازاد شي بیا به له هغې یوه اوونۍ وروسته د حکومت له مذاکراتي پلاوي سره خبرو ته پلان جوړوو، طالبانو د بین الافغاني خبرو لپاره شل کسیز پلاوی هم چمتو کړی، خو یوازې د افغان دولت له لوري د دوی د پاتې بندیانو خوشې کولو ته په تمه دي چې بیا به له حکومت سره مذاکرات پیل کړي،

حکومت د پاتې د طالب بندیانو د خوشې کولو لړۍ ځکه ځنډولې چې له طالبانو غواړي د دوی بندیان چې نږدې ٢٤ کومانډو سرتیري هم په کې شامل دي ازاد کړي ، خو د بهرنیو چارو وزارت د سرپرست ښاغلي امتر له وروستیو څرګندونو داسې ښکاري چې دولت به پاتې طالب زندانیان هم له کوم قید او شرطه ورازاد شي،

دا هم باید یاده کړو چې څه وخت مخکې ځینې هېوادونو د درنو جرمونو یو شمېر هغو طالب زندانیانو له ازادولو سره مخالفت خودلۍ چې د دوی د اتباعو پر وژنې تورن دي، ممکن طالبان هم د دې شپږ زندانیانو د ازادولو له غوښتنې تېر شي. په دې اړه طالبانو ویلي وو، چې ځکه پاکستان ته د سفر پر مهال پاکستانیو چارواکو له طالب مشرانو غوښتي چې د یادو شپږو طالب بندیانو د ازادولو غوښتنه دې نه کوي، او بین الافغاني مزاکرات دې پیل کړي،

اوس وخت د دې رارسېدلۍ دۍ چې باید دواړه لورې ژر تر ژره د سولې مزاکراتو کې شته خنډونه له منځه لرې کړي او بین الافغاني مزاکرات پیل کړي ترڅو د سولې لپاره په نورو جزیاتو باندې وغږیږي ځکه دغه مزاکرات به لږ پیچيده وي او وخت به ډېر واخلي نو اوس دواړو خواوو ته پکار ده چې دې تلايي چانس نه ګټه پورته کړي او افغانستان کې د سولې راوستلو لپاره هڅې وکړي،

اتمر:موازي حکومتونه رامېنځته کېدل د منلووړ نه دي

حنیف اتمر چې د بهرنیو چارو وزارت سرپرست وزیردۍ د سې شنبه ناوخته په یوه ټویټ کې په خورا سخته لهجه له ایران سره پر بارډر زیات شمېر افغان مهاجرین وژنه غندلې او دا یې یو داسې جرم بللی چې د ده په خبره د بښلووړ نه دۍ. ښاغلي اتمرویلي، هغه ظلم او وحشت چې له ایران سره پر پوله د افغان کډوالو د شکنجې او شهادت لامل شوی،‌ افغان ملت یې خواشینی کړی دی.

 هغه وویل دا زموږ شریک ‌ غم دی.‌ خپلو هېوادوالو ته ډاډ ورکوو چې حق او عدالت ته د رسېد لپاره به په ټولو دیپلوماتیکو امکانانو سره دا نه بښل کېدونکی جنایت څېړو.

.‌پخوا هم د بهرنیو چارو وزارت ویلي‌ وو چې د دې پېښې پلټنه پیل شوې،‌ خو دا اول ځل دی چې یو افغان چارواکو په دومره سخته لهجه دا پېښه غندي او د پلټنو ژمنه کوي. بل خوا ته د افغانستان د بهرنیو چارو وزارت د سې شنبې پر ورځ په یوه جلا بیانیه کې وویل چې د ایران د بهرنیو چارو وزارت د دې پېښې پلټلو لپاره د یو ګډ پلاوي جوړولو ته چمتو شوی دی.‌

د شنبې پر ورځ یو شمیر افغان کارګرو چې د هرات د رباط سنګي ولسوالۍ اوسیدونکي دي بي بي سي ته وویل، د قاچاق وړونکو له خوا ایران ته د کار لپاره اړول شوي وو او بیا هلته ایراني عسکرو ونیول. دا کسان ادعا کوي چې له نیول کېدو وروسته ایراني عسکرو سیند ته ټېل وهلي. دوی وایي څه باندې شل کسان یې لادرکه دي خو د ۷ کسانو مړي پيدا شوي او نور ژغورل شوي. وروسته له همدې ډلې د یو شمېر کسانو مړي هرات ته ورسېدل چې ورسره افغان حکومت د پېښې د پلټلو خبره وکړه.

.‌د ایران سرحدي ځواکونو د یکشنبې پر ورځ دا رپوټونه رد کړل چې ګواکې دې ځواک یو شمېر هغه افغان کډوالو چې غوښتل یې ایران ته واوړي، سیند ته غورځولي او وژلي یې دي. دې ځواکونو وویل چې د افغان کډوالو د وژنې په اړه خپره شوې ویډیو یې کتلې او دې نتیجې ته رسېدلي چې د ایران او افغانستان پر ګډه پوله داسې کومه پېښه نه ده رامنځته شوې.

د مرکزي او سویلي اسیا لپاره د امریکا د بهرنیو چارو وزارت مرستیالې الېس وېلز پرون دوشنبه په یوه ټویټ کې ویلي وو، د ایران لخوا افغان کډوالو سره د ناسم چلن ادعاو په اړه رپوټونه وېروونکې دي.

نخو د ایران د بهرنیو چارو وزیر جواد ظریف د اغلې وېلز د څرګندونو په ځواب کې وویل، ایران له افغانستان سره ټینګې اړیکې لري او هغه څه چې افغان وګړو سره (په هرات کې) وشول، یوه تراژیدي ده.‌

بل خوا  ته افغان طالبانو هم د دې رپوټونو په اړه اندېښنه څرګنده کړې ده او له ایرانه یې غوښتي چې افغانانو سره د رحم، اسلامي اخوت او ښه ګاونډیتوب چلن وکړي طالبانو د پلټنې غوښتنه هم کړې. .

.