٩٨کلنه هندۍ ښځه په کرونا ویروس اخته کسانولپاره وړيا ماسکونه جوړوي

ماسک چې د کرونا ویروس نه بغیر هم خلک استعمالوي او خپل ځان د ناروغۍ نه ورباندې محفوظ ساتي. اوسمهال د کورونا ويروس له امله د مخ ماسک تقاضا زياته شوې ده او خلک ماسکونه په هره بيه اخلي، خو هر څوک بيا د خپلې وسې سره سم ماسک اخلي او خپل مخ پرې پټوي. د راپورونو په وېنا، روغتياپالانو د کورونا څخه د خونديتوب لپاره ماسک په مخ کول لازمي ګڼلي دي، تر څو خلک له ويروس خوندي شي، خو يوازې ماسک او په خوندي ماسک کې بيا لوى توپير شته.

ماسک يو وخت د ويروس نه د خونديتوب په برخه کې ناکامېږي او دا هغه وخت وي چې بايد تاسې خپل ماسک بدل کړئ، يا هم همدغه ماسک ووينځئ او بيا يې وکاروئ. که په ماسک باندې لاندې نښې يا علامې وې نو بيا مو خپل ماسک ژر تر ژره بدل کړئ.

که چېرته په تاسې کې د کورونا ويروس نښې راښکاره کېږي، نو تاسې ته پکار ده چې ژر تر ژره مو خپل ماسک بدل کړئ، تر څو ځان او کورنۍ مو د کورونا څخه خوندي کړئ، يا بيا دغه ماسک پاک ووينځئ او له وچولو وروسته يې وکاروئ.

که تاسې چېرته په کوم روغتون کې د کوم ناروغ پوښتنې ته ورغلي يئ، يا د يو داسې کس سره نږدې يئ چې ستاسې پرې شک وي چې هغه کس کې د کورونا نښې دي، نو بيا د ځان د خونديتوب لپاره مو ماسک بدل کړئ.

کورونا ويروس په دروازو، په بازار کې د سودا اخيستلو پر مهال، او نورو شيانو باندې کېداى شي، نو تاسې چې داسې هر يو څه ته لاس يوسئ او بيا هغه لاسونه مو ماسک ته وروړئ، نو له دې وروسته بايد چې ماسک بدل کړئ يا هم دغه ماسک مو ژر تر ژره ووينځئ او له وچولو وروسته يې وکاروئ.

له ټولو هیوادولو نه هیله کیږي چې باید ماسک واچوي که بیروی راوځي او که داسې ځایونو ته ځي چې هلته ګنړه ګوړه زیاته وي. او با هم د مریض پوښتنې ته ځي باید ماسک واچوي که ماسک وانه چوي نو دويی په دغه ناروغۍ اخته کیدایشي او دغه ناروغي بیا نورو وګړو ته هم زر انتقالیدایشي او زیات انساني فاجعې رامنځته کیدایشي. د یادونې وړ ده چې ماسکونه په بازارونو کې ډیر ګران پلورل کيږي او ډیر په کم مقدار کې پلورل کيږي نو مونږ کولۍ شو چې په کورونو کې له ټوټې څخه جوړ کړو او استعمال یی کړو.د ټوټې ماسک یوه فایده دا ده چې مونږ او تاسو کولۍ شو چې دغه ماسکونه ومینځو او لمر ته یی خپاره کړو او بیا یی استعمال ته چمتو وساتو.

دستکشې او ماسک د کرونا مخنیوئ نشي کولئ

د فرانسې د طبي څېړنو پوهانو ويلي دي، چې ماسک او دستکشې هېڅوک له کورونا ويروس نه شي ساتلى، بلکې دا د دې ويروس د خپرېدو سبب کېږي.

د فرانسې روغتياپالانو د کرونا ويروس په اړه يوه څېړنه ترسره کړې ده او له دې ويروس نه متاثره کسانو ډاټا او نور معلومات يې راغونډ کړي دي.

روغتياپالانو خلکو ته ويلي دي، چې د ماسک يا دستکشو کارول د کرونا ويروس نه د خونديتوب په برخه کې هېڅ ګټه نه کوي، بلکې دا د دې ويروس د خپرېدو کچه لا زياتوي.

دغه پوهان په خپل راپور کې زياتوي، هغه خلک چې د کرونا ويروس نه د ځان ساتلو لپاره ماسک کاروي، دا د دوى خپله اختراع ده، په اصل کې د ماسک د ککړېدو چانس ډېر زيات دى. د دغې څېړنې په رڼا کې روغتياپالانو ويلي دي، چې که خلک خپل مخ ته له لاس وروړلو لاس نه اخلي، نو دستکشې هم دوى ته هېڅ ګټه نه رسوي.

روغتياپالان وايي، چې په متاثره سيمه کې د ګرځېدو يا په ازاده هوا کې له ګرځېدو وروسته ويروسونه ماسک او دستکشو ته داخلېږي او وروسته چې کله هغه وکارول شي، نو دا ويروسونه بيا بدن ته هم ننوځي.

روغتياپالان مشوره ورکوي، چې دستکشې د پاکو لاسونو بديل نه شي کېداى، نو هر کس ته پکار دي چې لږ ساعت وروسته دې خپل لاسونه په صابون يا دې ورته بل کوم شي باندې پاک ووينځي، که چېرته د اړتيا پر مهال ماسک يا دستکشې کاروئ، نو هغه له يو ځل کارولو وروسته بيا پاک وينځئ.

د چين له ووهان ښار څخه خپور شوى د کرونا ويروس اوس په دغه هېواد کې تر کنټرول لاندې دى، خو د روغتيا د نړيوال سازمان په وېنا، د کرونا ويروس مرکز اوس اروپا دى، ځکه چې په اروپا کې ډېر په چټکۍ سره خپرېږي.

د راپورونو په وېنا، په ايټاليه، سپېن او فرانسه کې حالت دې ته رسېدلى دى، چې ښايي ټول هېواد کرنتين شي، ځکه کنټرول يې نور دغه هېوادونو ته سخت دى، همدا راز ويل کېږي چې برېتانيه هم په دې هڅه کې دي چې خپل هېواد کرنتين کړي.

د روغتيا نړيوال سازمان بيا خلکو ته لارښوونه کړې ده، چې ژر ژر خپل لاسونه وينځئ، خپل مخ ته لاس مه وروړئ او ټولنيزې اړيکې مو ودروئ، له خلکو سره مه وينئ.

دوى همدا راز وايي، چې ماسک په هغه وخت کې وکاروئ، چې تاسې په دې پوه يئ يا مو شک وي، چې په خپله يا هم ستاسې مخامخ کس په کرونا ويروس اخته وي، نور له کوره بهر مه راوځئ.