اسدالله خالد له دفاع وزارت نه داستعفا خبر رد کړ

اسدالله خالد د دفاع وزارت نه داستعفا خبر رد کړه په سوشل میډیا کې د ملي دفاع د وزرات د وزير ښاغلي اسدالله خالد د استعفا په اړه خبرونه لاس په لاس کېږي، د ملي دفاع وزير اسدالله خالد رسنیو ته د خپلې استعفا خبر در کړ او دا يې صرف اوازه وګڼله.

مخکې داسې خبر خپور شوی و چې ګواکي د ملي دفاع وزير اسدالله خالد د خپلې دندې څخه استعفا کړې ده او په ځای يې لوی درستیز یاسین ضيا ټاکل شوی دی.څو شېبې مخکې کې چې دا اوازه خپره شوه نو خبريال وېبپاڼې ددې اوازې د سپيناوي لپاره په دې هکله د سرچينو څخه پوښتنه وکړه او وروسته په رسمي ډول د ملي دفاع وزير دا خبر خبريال وېبپاڼې ته در کړ او دا يې صرف آوازه وبلله.

د هېواد‌ دفاع د وزرات په رهبرۍ کې هرڅه آرام او نورمال روان دي، ټول پخپلو دندو بوخت دي او د هېواد د ارامۍ او دفاع لپاره په ګډه کار کېږي.له بده مرغه چې ټولنيزې رسنۍ د زياتو ګټو سره سره د ناوړه نیت لرونکو کسانو لپاره د ناسم خبر خپرولو یوه ښه وسيله هم ده، دوی اکثره د خلکو د ګټو لپاره نا سم خبر خپروي او خلک په تشویش کې اچوي.

اوپه ټولنیزو رسنیو کې خبر ډېر په چټکۍ سره خپرېږي، د خبر زيات چټک خپرېدل ددې سبب شي چې ځينې د باور وړ کسان ان په دې ډول جعلي خبر او اوازې باندې باور وکړي.او بيا ځينې معتبرې سرچینې هم په دې غفلت کې ولوېږي او دا ډول خبر خپور کړي.

اسدالله خالد له دفاع وزارت نه داستعفا خبر رد کړ
اسدالله خالد له دفاع وزارت نه داستعفا خبر رد کړ

له بده مرغه چې د سوشل میډیا کارونکي هم ډېر وخت د خبر په سرچينه پسې سر نه خوږوي او فوراً خبر پخپل پروفایل کې هم نشروي چې دا د اوازې د عمومي کېدو سبب کېږي.اکثره خلک پیسو ګټلو لپاره هم دا ډول کارونه کوي. او خلکو باندې فکر کوي چې ګینی داعام ولس په دې تخنیکونو نه پوهیږي.

ولسمشرغني دامریکا دفاع وزارت سرپرست سره لیدل کتل شوي

ولسمشرغني-د امریکا دفاع وزارت سرپرست سره ملاقات کړی ولسمشر اشرف غني د امریکا د متحده ایالاتو د دفاع وزارت له سرپرست «کریسټوفرسي میلر سره چې د یوه لوړپوړي پلاوي په مشرۍ کابل ته راغلی ولیدل کتل شوي دي.

په دې لیدنه کې د افغانستان د سولې پروسې، د سیمې د امنیتي وضعیت او له دولتي ځواکونو څخه د ملاتړ په اړه یې خبرې کړې دي.د ولسمشری ماڼړی څخه په همدې تړاو خپره شوې خبرپاڼه کې د پنټاګان د سرپرست له قوله ادعا شوې، چې نوموړي د کابل او واشنګټن تر منځ د ستراتیژيکو اړیکو د پیاوړتیا په اړه ټینګار وکړ او له ترهګرۍ سره د مبارزې په برخه کې یې د افغان حکومت د ملاتړ ډاډ ېې ورکړ.

ویبسایټ کې وړاندې راغلي، چې په دې لیدنه کې د پنټاګان سرپرست په افغانستان کې د اوربند د تامین د تمې تر څنګ ویلي، چې هیواد یې د دولتي عسکرو ملاتړ ته ژمن دی.ورته مهال اشرف غني هم د امریکا او کابل تر منځ اړیکې مهمې بللي دي، د امریکا له مرستو یې مننه کړې او په افغانستان کې د «ترهګرۍ» خلاف مبارزه کې يې د امریکا رول اړین بللی .

د ولسمشر غني او پنټاګان د سرپرست تر منځ لیدنه داسې مهال ده، چې تېره اوونۍ د امریکا د پوځ لوی درستیز «جنرال مارک میلي» هم په دوحه کې د طالبانو د سیاسي دفتر له غړو سره تر لیدنې وروسته کابل ته راغلی و، او دلته یې د افغانستان او سیمې د امنیتي وضعیت په اړه خبرې کړې وې.

ولسمشرغني دامریکا دفاع وزارت سرپرست سره لیدل کتل شوي
ولسمشرغني دامریکا دفاع وزارت سرپرست سره لیدل کتل شوي

بلخواد امریکایي نظامي چارواکو سفرونه په داسې وخت دي، چې د طالبانو او امریکا تر منځ د شوي توافق په بنسټ له هیواد ه د امریکايي او ناټو ځواکونو د وتلو لړۍ روانه ده او تمه ده د راتلونکي کال د جنوري میاشتې تر نیمایي پورې افغانستان کې د مېشتو امریکایي ځواکونو شمېر ۲۵۰۰ ته راټيټ شي.دا هم باید یاده ړو د ځينې هېوادونو عسکر به په افغانستان کې پاتې وي.

۱۲۷۹ تنه فوځیان او بریدملان له پوځي زدکړو دفراغت اسناد تر لاسه کړل

۱۲۷۹ تنه فوځیان او بریدملان له پوځي زدکړو فارغ او د فراغت اسناد تر لاسه کړل ملي دفاع وزارت وايي، د ۲۰۰ ښځینه وو په ګډون ۱۲۷۹ تنه سرتیري او بریدملان د پوځي زدکړو له ترلاسه کولو وروسته فارغ شول.دويي ته تحصیلي اسناد هم ورکړل شول.

د دفاع وزارت وزارت په خپره شوې خبرپاڼه کې راغلي، دغو سرتیرو او بریدملانو پرمختللې پوځي زدکړې ترسره کړې او له هر پلوه د خلکو د ځان او مال دفاع ته چمتو دي.د خبرپاڼې له مخې، دغو تازه فارغ شویو ځواکونو ډاډ ورکړ چې په هېواد کې د تل پاتې سولې او ارامتیا د ټینګښت په موخه به په ټول ځواک او توان سره کوشش وکړي. د مسوولینو په خبره، ټاکل شوې ده، دغه ځواکونه به د هېواد د دښمنانو پر وړاندې د مبارزې په بېلابېلو ډګرونو کې میشت شي.

دیاد وزارت مسوولینو د یادو سرتېرو او بریدملانو د فراغت په مراسمو کې ویلي، طالبانو د جګړې په ډګر کې د دفاعي او امنیتي ځواکونو پر وړاندې ماتې خوړلې، خو په خبره یې، طالبان د ماتې د اعتراف شجاعت نه لري او پر ملکي وګړو او عمومي ځایونو او بنسټونو بریدونه ترسره کوي.

دويي وايي له دین څخه په ناسم قرائت سره په دننه او بهر کې د اسلامي علماوو له جدي عکس العمل سره مخ شوي، د خلکو پر وړاندې منفور شوي او کړنې یې د دیني علماوو په منځ کې هم مردود دي.او هیڅ څوک ورباندې باور هم اوس نه کوي.

۱۲۷۹ تنه فوځیان او بریدملان له پوځي زدکړو فارغ او د فراغت اسناد تر لاسه کړل
۱۲۷۹ تنه فوځیان او بریدملان له پوځي زدکړو فارغ او د فراغت اسناد تر لاسه کړل

د افغانستان دفاع وزارت همداراز وايي، د دفاعي او امنیتي ځواکونو په لیکو کې د مېرمنو شتون ددې لامل شوی دی چې طالبان ددې توان ونه لري چې پر افغان ښځو محدودیت وضع کړي او په خبره یې، په دې لیکو کې ښځینه نه یوازې د ټولو افغان ښځو لپاره بېلګې دي، بلکې په نړیوالې الګو بدل شوي او په ډیری نړیوالو کنفراسونو کې د دوی شتون او وړتیا ستایل شوې ده.