د امریکا تازه بریدونه

سهیل شاهین:د امریکا بریدونه د سولې توافق خلاف کار دۍ د امریکا بې پیلوټه الوتکې د افغانستان په هلمند، زابل او غزني ولایتونو کې هوایي حملې کړي دي، خو د طالبانو ویاند وايي دغه بریدونه د سولې د هوکړې خلاف کار کړۍ دۍ،

قطر کې د طالبانو د سیاسي دفتر ویاند سهیل شاهین پر خپله ټوېټر پاڼه خپاره کړي ، چې د امریکا ډرود الوتکې د هلمند، زابل او غزني په غیر جنګي سیمو حملې کړي .سهیل شاهین وایي، دا د امریکا له لوري د سولې د هوکړې دقض دی او طالبان یې په کلکه غندي.تر اوسه امریکا د طالبانو د یادو ادعاوو په اړه څه نه دي ویلي.که څه هم طالبانو هم د امریکا سره د قطر پایتخت دوحه کې د سولې د لاسلیک شوې هوکړې بندونه ندي پلي کړي،

بلخوا بیا د طالبانو هم شکایت کيږي ، چې دوی د سولې هوکړه په بشپړ ډول نه ده پلي کړي،ځکه د طالبانو بریدونو لا زور اخیستی او تاوتریخوالی یې د پخوا په پرتله نور هم زیات شوۍ .طالبانو له امریکا سره د توافق له مخې ژمنه کړې، چې له امریکایي ځواکونو سره به جګړه نه کوي او له امریکا سره یې سوله شوې، خو له افغان دولت او سرتېرو سره یې دښمني لا هم د پخوا په څېر ده، دوی د سولې د هوکړې له لاسلیک وروسته ملکي او نظامي تأسیسات تخریب کړيدويي لاهم ملکي ځایونو باندې حملې کوي،

اوس ویره دا ده ، که امریکا په غزني، زابل او هلمند کې د هوایي بریدونو پخلی وکړي، نو د طالبانو او افغان حکومت تر منځ به پر خپلمنځي خبرو اثر وکړي او ممکن خبرې نورې هم له مشکلاتو سره مخ کړي.ټاکل شوې وه، چې په راتلونکو څو میاشتو کې د طالبانو او افغان دولت تر منځ خپلمنځي خبرې ترسره شي، خو وخت نا وخت د ځینو لاملونو له کبله د مذاکراتو نېټه نوره ځنډ سره مخ شي،

دخپلمنځي خبرو د پیل پر وړاندې تر ټولو ستر مشکل د طالبانو له خوا تاوتریخوالی او د افغان دولت او طالبانو تر منځ د بندیانو د تبادلې پر سر مشکلات دي د افغانستان د بهرنیو چارو سرپرست محمد حنیف اتمر پرون په یو خبري کنفرانس کې ویلي، چې افغاندولت به هغه ٦٠٠ طالب زندانیانچې د درنو جرمونو کیسونه لري، خوشې نه کړي، هغه ویلي، چې هېڅ قانون د داسې لویو مجرمینو د خوشې کولو امر نه کوي.

په دې اړه بارې نړیوالو ادارو هم ټينګار کړۍ ، چې د درنو جرمونو ترسره کوونکي طالب بندیان باید ازاد نشي .په ورته مهال افغان دولت پرون د طالبانو ٥٠ نور بندیان هم له بنده ازاد کړي خو تر څو چې د دواړو خواوو له لوري د بندیانو تبادله بشپړه شوي نه وي خپل منځي خبرې به پیل نشي،

اوس وخت د دې رارسېدلۍ دۍ چې باید دولت او طالبان په خپلمنځو کې ژرتر ژره پیل شي ځکه که دغه مزاکرات ځنډ سره مخ شي نو دا به د سولې خبرو فرصت د ضایع برابر وي اوس باید دولت دغه فرصت خراب نه کړي او یو داسې مېکانېزم باندې کار وکړي چې دواړه لورې په ازاده فضا کې سولې بادې او اوربند باندې توافق وکړي،

طالبان: د امریکا او طالبانو ترمنځ هېڅ ډول پټ اسناد نشته

طالبانو ویلي، له امریکا سره هېڅ ډول پټ تړون نه لري، بلکې څو ورځې وړاندې د شوې هوکړې جزییات په رسنیو کې خپاره شوي او هر بند یې تشریح شوی دی. دوی وايي، “ځینې جعلي پاڼې او پروپاګند چې مغرضې کړۍ یې خپرويو هېڅ حقیقت نه لري.”

په قطر کې د طالبانو ویاند سهیل شاهین دا هم پر خپل ټوېټر لیکلي چې،‌دوی له امریکا سره د شوې هوکړې ټولې برخې له پلان سره سم یو په بل پسې عملي کوي چې د جګړې د شدت مخه ونیول شي.

په قطر کې د طالبانو د سیاسي دفتر ویاند سهیل شاهیل پر خپله ټوېټر پانه لیکلي، مقابل لوری دې هم د هوکړې ټولو برخو عملي کولو کې خنډونه له منځه یوسي، تر څو سرتاسري سولې ته لاره هواره او افغان ولس له خپلو اساسي حقونو برخمن شي.

طالب ویاند په داسې حال کې دا څرګندونې کړې دي چې په افغانستان کې د بهرنیو ځواکونو یوه ویاند نن چارشنبه ومنله چې پر طالبانو یې هلمند کې هوایي برید کړی.

د سهیل شاهین ټویټ:

زمونږ او د امریکا ترمینځ هیڅ ډول پټ اسناد نشته. یوه توافقنامه ده چې په مطبوعاتو کې راغلې او بل د توافقنامې تشریح ده چې د توافقنامې هر بند تشریح کوي اود تطبیق میکانیزم یا ضمایم بلل کیږي. ددې علاوه بل هیڅ سند نشته، ځیني جعلي پاڼې او پروپاګند چې مغرضې کړۍ یې خپروي هیڅ حقیقت نه لري.

د امریکایې ځواکونو ویاند ساني لګیټ وایي، دغه هوایي بریدونه یې ځکه کړي چې وسله والو طالبانو په تېرو څلورویشتو ساعتونو کې د افغان ځواکونو پر پوستو ۴۳ بریدونه کړي.

ښاغلی لګیټ وايي، سولې ته ژمن دي، خو د افغان امنیتي ځواکونو دفاع د دوی مسوولیت دی.

نوموړی وايي، “طالب مشرتابه نړیوالې ټولنې ته د اورکم ژمنه کړې چې بریدونه به نه ډېروي. موږ پر طالبانو غږ کوو چې بې ګټې بریدونه ودروي او پر خپلو ژمنو ودرېږي.”

وسله والو طالبانو د دوشنبې پر ورځ بي بي سي ته وویل چې د اورکم لپاره ټاکل شوې موده پای ته رسېدلې ده او پوځي وضعیت به بېرته عادي حالت ته ستنېږي.

خو اروپایي ټولنې، ملګرو ملتونو او همدا راز امریکایي چارواکو ټینګار کړی دی چې د باور جوړولو او بین الافغاني خبرو ته د زمینې برابرولو لپاره باید اورکم دوام وکړي.

د افغانستان د کورنیو چارو وزارت هم وايي، په تېرو ۲۴ ساعتونو کې وسله والو طالبانو په ۱۵ ولایتونو کې ۳۰ بریدونه کړي دي.

د دې وزارت ویاند نصرت رحیمي رسنیو ته ویلي چې په دې بریدونو کې څلور ملکیان، ۱۱ امنیتي او دفاعي ځواکونه وژل شوي او د ملکیانو په ګډون ۱۸ امنیتي ځواکونه ټپیان شوي دي.

رحیمي زیاته کړه چې په دې بریدونو کې د وسله والو طالبانو ۱۷ تنه وژل شوي او ۱۱ نور یې ټپیان دي.