دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي

دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي. حکومت د ولسمشر اشرف غني او د پخواني اجرائيه رییس عبدالله عبدالله په امر د ملي بودیجې له ۹۱ کوډ څخه زرګونه میلیونه افغانۍ په غیر اصولي ډول د شخصي مصارفو، مرستو او انعاماتو په نامه اجرا شوي دي.

یوه سرچینی ښيي، چې سلګونه میلیونه افغانۍ د زري موټرونو او اپارتمانونو د پېرلو، د کورونو د کرایو، د سفرونو او میلمستونونو د مصرف، تشویقي انعاماتو، ګوندي غونډو جوړولو، درملنې او  داسې نورو نومونو په غیر اصولي ډول اخیستل شوي دي. .د معلوماتو په اساس، د ۹۱ کوډ یوه ستره برخه د مسجدونو د جوړولو، د لویې جرګې د مراسمو د رابللو، د ملي امنیت د اوپراتیفي کارونو او د قومي شخړو د هوارولو د مصارفو او د خپلواکۍ د ورځې لمانځلو په پلمو اجرا شوي

میلیونونه افغانۍ نورې بیا د «پټو مصارفو» تر نامه لاندې په مبهمو نومونو او ادرسونو له ۹۱ کوډ څخه وړل شوې دي.دغه میلیونونه افغانۍ د اشرف غني د ۱۹۷ او د اجرائيه رییس د ۹۵ حکمونو په اساس د ۲۵ ادارو او بېلابېلو افرادو ته ورکړل شوې دي.د حکومت له یو شمېر مشهورو چارواکو څخه یوازې ۱۵ تنو یې تر ۱۲۳ میلیونه زیاتې افغانۍ د خپلو شخصي مصارفو لپاره له ۹۱ کوډ څخه ایستلې چې له ډلې یې وحید عمر۳۰ میلیونه افغانۍ، عمر داوودزي ۱۳ نیم میلیونه افغانۍ، فضل محمود فضلي ۱۲ میلیونه او ۹۰۰ زره افغانۍ، سرور دانش ۵ میلیونه افغانۍ او همدارنګه حامد کرزي بیا د خپل دفتر په نامه تر ۱۱ میلیونه زیاتې افغانۍ اخیستې دي.

محمدافضل لودین، محمدرسول طالب، عبدالغفور لیوال، احمدیوسف نورستانی، سمیع حامد، شاه‌حسین مرتضوي، شهزادگل آریوبی، صدیق صدیقي، فیض‌الله ذکي او غزال حارس نور هغه چارواکي دي چې میلیونونه افغانۍ ورته له ۹۱ کوډ څخه ورکول شوې دي.

همداراز اشرف غني او عبدالله خپلو نږدې کسانو ته هم میلیونونه افغانۍ د مرستې په نامه ورکړې دي، چې له ډلې يې عبدالله ۱۷ میلیونه او اشرف غني ۴ میلیونه افغانۍ اجرا کړي دي.

دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي
دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي

حکومت د نړیوالو مرستو د جلب لپاره له فساد سره د مبارزې کمېسیون هم په کار ګمارلی او له نړیوالو سره یې ژمنه کړې، چې له اداري فساد سره به جدي مبارزه کوي.خو په عمل کې اصل کې چارواکي خپله د دولت خزانې نه پیسې په یو او بل نو اجرا کوي او د غریب ولس ته په سترګو کې خاورې اچوي.

د ولسمشر غني وزيران ناکام او د عبدالله بريالي شول

د ولسمشر غني وزيران ناکام او د عبدالله بريالي شول په دې وروستيو کې د ولسمشر غني او ډاکټر عبدالله عبدالله دواړو وزيران ولسي جرګې ته وروپېژندل شول ترڅو د باور رايه ترلاسه کړي د ولسمشر غني له لوري د ورپېژندل شویو وزیرانو څخه اوه تنه يې په دې بريالي شول. چې د باور رايه واخلي.

بلخوا بیا ۵ نور یې بيا د ولسي جرګې له لوري رد شول، د ډاکټر عبدالله عبدالله لخوا بيا ورپېژندل شوي ۱۲ وزيران غونډ په دې وتوانېدل چې د ولسي جرګې څخه د باور رايه ترلاسه کړي.که څه هم د ولسمشر غني لخوا ورپېژندل شويو وزيرانو ډېره هڅه وکړه چې وکیلان په پيسو او چوکیو راضي کړي او ځانته ترې د باور رايه ترلاسه کړي خو بيا هم ډېری په دې بريالي نشول.ولسي جرګه کې وکيلان د افغانانو ذهنيت ته ګوري چې همدا اوس افغانان څه غواړي،

سوشل میډیا کې د ولسمشر غني لخوا د ورپېژندل شويو وزيرانو څخه د ځينو په وړاندې یې سخت غبرګون وښود او پدې هکله حساس و، ملت چېرته دا مني چې ددوی د مرکزي بانک ريس دې يو لبنانی وي، داسې يو کس چې د افغانستان په ژبه خبرې نشي کولی د افغانستان سره هیڅ ډول تړاو نلري.

ملت هېڅکله داسې کسان نه شي زغملی چې ددوی د بطن څخه نه وي راپورته، له بده مرغه ولسمشر غني داسې کسان د وزیرانو په شکل ولسي جرګې ته ورپېژندل چې د بهر څخه راوړل راغلي او دلته هېڅ ډول تېر او راتلونکي نلري، نه ددوی کورنۍ دلته ژوند کوي نه دوی، ملت پوهېږي چې دا کسان به نن وي سبا به ځي، نو له همدې کبله ملت په ولسي جرګه ډېر زيات فشار راوړ چې په هېڅ وجه دغسې يوه کانديد ته رايه ورنکړي چې د بهر څخه راغلي وي او افغانستان ته د چور او فرصت د يوه ميدان په شکل ګوري.

د ښاغلي غني لخوا اجمل احمدي د مرکزي بانک د مشر په توګه وړاندې شوی وي چې ولسي جرګې په اکثريت رايو رد کړ، احمدي د افغانستان سره هېڅ تړاو نلري نه يې پښتو نه يې دري زده، د ولسمشر غني له لوري ددا ډول کسانو معرفي کول پخپله ددې سبب کېږي چې ولس د ارګ په وړاندې دريځ ونیسي.

د بلې خوا بیا د معارف د وزرات لپاره ولسمشر غني داسې څوک وړاندې کړي و چې په دې څانګه کې یې بريالي کېدل ګران و، رنګينې حميدي يو عمر د ښځو په ملاتړ کې کار کړی دی او په کار دا وه چې د ښځو د چارو وزرات ته يې ورپېژندلې وی خو ولسمشر د پوهنې د وزرات د نوماندې په حيث معرفي کړه چې ماتې يې وخوړه.حسينه صافۍ چې له دې وړاندې یې د اطلاعاتو او فرهنګ وزارت په مخ بېولی و بايد بېرته په همغه پوست مقرره شوې وی، ځکه هم یې پکې تجربه درلوده او هم ورته مناسبه وه

اوس وخت د دې رترسېدلی چې ولسمشر پخپلو کړنلارو بيا يو ځل فکر وکړي، افغانانو ته دې افغانانو ريښتيني استازي وروپېژني، د بهر څخه په راوارد شويو کسانو دې ځان نور نه خواروي که نه ملت اوس به نور هم شا ورواړوي.او د حکومت لا نور هم ناراضه شي. ملت ددې لپاره اوسنی حکومت غوره کړ تر څو داسې کارونه چې د ملت پکې خیر وي خو داسې ونشول او برعکس نور هم مبلک دبهران خوا ته لاړ.

عدالرشید دوستم: مارشال یم د دولت زیاتو تصمیمونو کې به موجود یم

عدالرشید دوستم: مارشال یم د دولت زیاتو تصمیمونو کې به موجود یم د هېواد دریم امتیازي مارشال عبدالرشید دوستم ویلي ، مارشالي د ازبیک قوم حق او دا باید پخوا د دولت لخوا ورکول شوې وۍ اوس هم د ځنډ سره مخ شوه ،

ښاغلۍ دوستم وایي، مارشالي یې په ډېره سخته ورته ، له عسکرۍ ٤٢ کاله وروسته راکول شوه، په داسې حال کې چې دا د ازبېک قوم حق وو او غني باید د حق ازبیک قوم تهډېر مخکې ورکړۍ وۍ، هغه له ١٨ کلونو وروسته انځوریزې مرکې ته یو رسنۍ له لارې حاضر شو.مارشال دوستم دغه رسنۍ سره په مرکه کې ویلي، چې له دې وروسته به ګوښه نه وي او د حکومت په هر ډول تصمیم کې خضور ولري،

دوستم یو ځل بیا خپله وعده تازه کړه، که دولت اجازه ورکړي په شپږو میاشتو کې به د طالب نوم هم د ځمکې له مخې نه وي هغه وایي، که طالبان فکر کوي چې لنډ مهالی دولت به جوړوي، خو طالبان د حکومت کولو وړتیا نه لري، اصل کې زموږ د اوسني دولت مدیریت کمزوری دی، طالبان غواړي چې د سولې په کولو سره به خپل امارت دولت جوړکړي ، خو دا صرف د خبرو پورې به پاتې او هيڅ کله به بیا عملي نشي په هېڅ صورت د اماراتي حکومت د جوړېدو اجازه نه ورکوو، ځکه دويي یو ځل خپله ناکامي خلکو ته خودلې ده،

موموړي همداراز په خپلو خبرو کې وړاندې زیاته کړه، چې طالبان دې سولې ته غاړه کیږدي خو د امارت حکومت د جوړېدو هیلو ته دې اوبه نه ورکوي، دولت یې باید ټول ٥ زره بندیان ور ازاد کړي، تر څو طالبانو ته بهانه پاتې نه شي او نړیوالو ته معلومات وشي،چې افغان دولت د سولې په اړه روښانه دریځ لري، په سوله کې جګړه دوام نه شي لرلی، حقاني شبکه هېڅکله د سولې له بهیر سره نه یو کيږي ،

یوو رسنۍ سره په مرکه کې له نوموړي نه د ایشچي سره د هغه د وسیې په اړه وپوښتل شوه، خو مارشال دوستم وویل، هغه جالي قضیه ده، ایشچي زما ډېر نږدېملګرۍ وو، خو اوس سره جوړ نه یو ، ایشچي مې سر سخت دوښمن شوی او دا کارونه د غني پورې تړلې ډلې کړي دي.ځکه دوي غواړي چې مونږ سره نور هم واچوي خو دا خبره د نوموړي عملي نشي،

عبدالرشید دوستم په مرکه کې همدا راز د سمنګان ولایت کې له وروستي حملې یادونه وکړه، چې موخه یې د ٢٠٩ شاهین قول اردو له منځه وړل وو هغه د سمنګانو برید د خپلې مارشال پر وړاندې خنډ وبللو، دی زیاتوي چې په هره جګړه کې بریالی شوی یم، شهیدان مې ورکړي، زه باید د حکومت په لومړۍ پرېکړه کې اوسم، خو زما د مارشالۍ پر وړاندې راته جنجالونه او دسیسې جوړیږي.

دوستم د افغانستان دریم مارشال شو ، چې د غتي او عبدالله تر منځ د سیاسي هوکړې پر مهال ل د عبدالله له لوري نوموړي ته د افتخاري مارشالۍ د ورکړې شرط وړاندې شوی وو اودغه شرط ورسره غني منلۍ وو، د یادونط وړ ده چې نوموړي ته مارشالي رتبه په جوزجان ولایت کې ورکړل شوه په دغه مراسمو د مصالحې عالي شورا ریس عبدالله عبدالله تر څنګ نور سیاسي اوو نظامي څېرې هم کوجودې وې ، نوموړي ته دا رتبه د ولسمشر د فرمان په اساس وورکړل شوه او لموړۍ د ولسمشر فرمان د شاکر کارګر له لورې ولوستل شو او بیا د عبدالله لخوا ورته وورکړل شوه،

عبدالله عبدالله:

  پخواني اجرایه رييس ډاکټر عبدالله عبدالله په یوه ټوېټ کې د پاکستان له لومړي وزیر عمران خان نه مننه کړې، چې د ده پر وینا یې په قندهار کې د چمن ((سرحد)) بېرته خلاص کړ، چې په دې سخت حالت کې افغانستان د نوموړي د دې کار مننه او قدردانی کوي.

د عبدالله عبدالله یاد ټوېټ په ټولنیزو رسنیو کې د ګڼ شمېر افغانانو له خوا رشخند شو او پر هغه توندې نیوکې وشوې، ځکه چې نوموړي په ټويټ کې د چمن د کرښې پر ځای د چمن ((سرحد)) لیکلي دي، چې دا د دې مانا ورکوي، چې چمن له پاکستان سره د افغانستان سرحد دی، نه یوه کرښه.

په ټولنیزو رسنیو کې په عبدالله عبدالله توندې نیوکې کېږي او لیکل کېږي، چې هغه ملي ګټو او د افغانستان خاورې ته وفادار نه دی او که وس یې ورسي، نو له پاکستان سره به د ډيورنډ کرښه هم په رسمیت وپېژني.

په ټولنیزو رسنیو کې ګڼو کسانو دا هم لیکلي دي، چې عبدالله عبدالله په ټاکنو کې تر ناکامېدو وروسته غواړي د پاکستاني او ایراني چارواکو ته ځان نږدې کړي او د دې کار لپاره نوموړی هر ډول چارې ترسره کوي، حتا د ملي ارزښتونو پایمالولو ته هم چمتو دی، خو چې د پاکستاني او ایراني چارواکو باور لاس ته راوړي.

د ټولنیزو رسنیو په ځانګړې توګه د فېسبوک کاروونکي لیکي، چې عبدالله عبدالله لومړنی هغه کس شو، چې د افغاني جغرافیې په هکله یې تر ټولو بې مورده او بې بنسټه څرګندونې وکړې او د یوې فرضي کرښې په اړه یې داسې دریځ ښکاره کړ، چې ګنې دا کرښه په رسمیت پېژندل شوې او اوس د پاکستان او افغانستان ګډه پوله یادېږي. عبدالله عبدالله وروسته له دې چې د ټاکنو پایلې یې ونه منلې او د موازي حکومت د ولسمشر په حیث یې د لوړې مراسم ترسره کړل، د افغانانو له توندو نیوکو سره مخ شوی دی او په ټولنیزو رسنیو کې ډېری وخت ګرمه موضوع د عبدالله او د هغه د ټول شموله حکومت ملاتړي وي، چې خلک یې په اړه ډول ډول څرګندونې کوي

د عبدالله او غني انتخاباتي ټيمونو ترمنځ  مذاکرات پیل شوي

  عبدالله عبدالله په لږ څه نه خوشحالېږي او غني ډېر څه نه ورکوي، نو د دواړو ترمنځ کيسه يو ځل بيا خرابه شوې ده او عبدالله عبدالله هم وايي چې نن د همه شمول حکومت د ولسمشر په توګه لوړه کوي.

پرون تر ناوخته پورې زلمي خليلزاد د دواړو ترمنځ ډېرې منډې ووهلې او عبدالله عبدالله يې دې ته رضا کړ چې د خپلې لوړې مراسمو تېر شي او له ولسمشر غني سره يو جوړجاړي ته ورسېږي.

د معلوماتو تر مخه، د شپې تر ناوخته پورې ولسمشر غني، عبدالله عبدالله او زلمي خليلزاد ناسته وکړه، تر څو عبدالله عبدالله ته په حکومت کې ونډه ورکړل شي او هغه له خپلو (نه منلو) تېر شي، خو ويل کېږي چې سره جوړجاړي ته ونه رسېدل.

د سرچينو په وېنا، ولسمشر غني دې ته تيار و چې عبدالله عبدالله ته په حکومت لږه برخه ورکړي، خو ويل کېږي چې عبدالله عبدالله تر ٤٠ فيصده کم باندې نه راځي کېده او خبره د دواړو ترمنځ جوړه نه شوه.

د ولسمشر غني سلاکار ډاکټر فضلي همدا راز بېګاه ناوخته په خپله فېسبوکپاڼه کې وليکل: ((موږ پوره هڅه وکړه چې د اساسي قانون سره سمه حل لاره پېدا شي او ستونزه حل شي، خو د مقابل لوري غوښتنو دا چاره ناممکنه کړه.))

د عبدالله عبدالله وياند نن سهار يو ځل بيا خبر ورکړى دى، چې د دوى د لوړې مراسمې به په ټاکلي وخت سره ترسره شي، ځکه چې دواړه لوري کوم توافق ته نه دي رسېدلي.

خو ملي ټلويزيون نن سهار په خپل يو خبر کې ويلي دي، چې د ولسمشر غني د لوړې مراسم ځنډېدلي دي او له غرمې وروسته به ترسره شي، ښايي تر غرمې پورې يو ځل بيا د دواړو لوريو ترمنځ خبرې وشي، چې عبدالله عبدالله له خپلې لوړې مراسمو تېر او څه برخه ورته ومنل شي، خو په رسمي ډول تر دې مهاله پورې هېڅ هم نه دي ويل شوي.

عبدالله او غني د ناټو له سرمنشي سره خبرې کړي دي

عبدالله عبدالله چې د ولسمشرۍ انتخاباتو کې د ټاکنو خپلواک کمېسیون له لخوا بریالی نه دی اعلان شوی تېره شپه یې د یو خصوصي ټلویزیون سره په مرکې ویلي چې د ثبات او همپالنۍ او دولت ساز انتخاباتي ډلو ترمنځ د رامنځته شوي انتخاباتي بحران د حل لپاره خبرې کړي.

هغه د دې خبرو جزییات ورنه کړل خو وې ویل چې لومړۍ ناسته د پنجشنبې په ورځ شوې.

خو د ثبات او همپالنې انتخاباتي ډلې غړی فضل احمد معنوي د دې مذاکراتو په اړه د جمعې په ورځ له رسنیو سره په خبرو کې وویل، په دې ناسته کې د محمد اشرف غني له لوري امرالله صالح، فضل فضلي، محمد یوسف غضنفر او سرور دانش استازيتوب کاوه.

هغه وویل دغه ناسته چې د بهرنیو چاور وزارت په مېلمستون کې جوړه شوې وه د عبدالله په استازيتوب اسدالله سعادتي، عنایت الله بابر فرهمند، نور رحمان اخلاقي، او غلام فاروق مجروح ګډون درلود.

د ښاغلي معنوي په خبره په دې ناسته کې اصلي غوښتنه د ولسمشرۍ انتخاباتو د وروستیو پایلو د اعلان لغوه کول و

هغه زیاته کړه: “دوه لارې شته یوه دا چې د شکایاتو کمېسیون له لوري ټولو شکایتونو ته د نړېوالو څارونکو پر وړاندې بیا کتنه وشي، او یا دا چې سره له ټولو درغلیو د افغانستان د اساسي قانون له مخې د ټولو امکاناتو به نظر کې نیول سره د ټاکنو دویم پړاو لپاره چمتوالی ونیول شي.”

ښاغلی معنوی وايي، د دې خبرو په لومړۍ ناسته کې کومه پایله نه ده ترلاسه شوې او ممکن راتلونکي ناسته یې د شنبې په ورځ جوړه شي.

همداشان تیر ورځ د ثبات او همپالنۍ ټاکنیزې ډلې لومړي مرستیال بابر فرهمند پر خپل ټویټر لیکلي وه چې دغه خبرې د زلمي خلیلزاد او پخواني ولسمشر حامد کرزي په غوښتنه د دواړو ټاکنیزو ټیمونو ترمنځ پیل شوې.

د محمد اشرف غني انتخاباتي ډله او همداراز ولسمشرۍ ماڼۍ په دې اړه څه نه وايي خو د ولسمشر د ویاند مرستیال لطیف محمود د جمعې په ورځ رسنیوته وویل چې ولسمشر محمد اشرف غني به تر راتلونکي درې ورځو پورې د لوړې مراسم ترسره کړي.

هغه وویل: “ولسمشر به د لوړې مراسم تر سره کړي او دغه مراسم به راتلونکې دوشنبې په ورځ وي.”

خو د عبدالله انتخاباتي ډله وايي، که د دواړو ټاکنیزو ډلو ترمنځ خبرې پایلې ورنه کړي او محمد اشرف غني د دوشنبې په ورځ د لوړې مراسم ترسره کړه په همدې وروځ به عبدالله عبدالله هم د دوي په وینا د یو ټول شمول حکومت د ولسمشر په توګه د لوړې مراسم ترسره کړي.

ښاغلی معنوي وايي، عبدالله به د لوړې مراسم په خپل اوسني دفتر کې چې د سپیدار ماڼۍ ده ترسره کړي او دې مراسمو ته بهرني میلمانه هم راغوښتل شوي.

د عبدالله او غني انتخاباتي ټيمونو ترمنځ  مذاکرات پیل شوي

د عبدالله په مشرۍ د ثبات او همپالنې انتخاباتي ډلې د محمداشرف غني په رهبرۍ د دولت جوړوونکي له انتخاباتي ډلې سره د مذاکراتو د پیلېدو خبر وکړی دی.

د عبدالله عبدالله د انتخاباتي ډلې لومړي مرستیال عنایت‌الله بابر فرهمند ویلي، چې دواړو خواو دا مذاکرات د افغانستان د سولې لپاره د امریکا د ځانګړي استازي زلمي خلیلزاد په منځګړیتوب پیل کړي دي.

هغه په خپل ټویټر کې لیکلي: “د لوړې د مراسمو ځنډول او د والیانو د ګومارلو لړۍ ودرول ومنل شو. سوله د ثبات او همپالنې د انتخاباتي برنامې یو لومړیتوب وو / دی، خو د ملت د پاکو رایو څخه د دفاع لپاره د کرښې تر پایه ولاړ او ژمن یو“.

دواړو انتخاباتي ډلو د دغو مذاکراتو د جزئياتو په اړه تر اوسه له رسنیو سره معلومات نه دي شریک کړي.

ښاغلي خلیلزاد تېره ورځ وویل، چې د انتخاباتو د بهیر له پای ته رسېدو سره جمهور رئيس غني د دغو انتخاباتو ګټونکی اعلان شوی او نور مشران باید ډاډ ترلاسه کړي، چې نوی حکومت ټول‌شموله او د ټولو افغانانو د ارمانانو انعکاسوونکی دی.

د افغانستان جمهوري ریاست او دولت جوړوونکی انتخاباتي ټیم د دغو مذاکراتو د څرنګوالي په اړه تر اوسه ځواب ویلو ته حاضر شوي نه دي.