یوافغانه ډاکټره د پاکستان په یو شفاخانه کې د کورونا ويروس سره مبارزې کې برخه اخلي

د کورونا ويروس د نړۍ په کجه غټه او تاریخي وبا ده  په دې سخت حالت کې په ټوله نړۍ کې خپور شوى او د ټولې نړۍ اقتصادي، ټولنيزې او نورې چارې په ټپه ولاړې دي او خلک په کورونو کې بند دي، يوه افغان کډواله ډاکټر په پاکستان کې د کورونا ويروس ناروغانو لپاره شپه و ورځ مبارزه کوي.

ډاکټر سليمه رحمان یو افغان کډواله د او په پاکستان کې له ډېر وخت راهیسي په یو شفاخانه کې کارکوي هغه  يو له هغه ډاکټرانو څخه ده چې د پاکستان په يوه روغتون کې د کورونا ويروس د ناروغانو په درملنه بوخته ده. د يو اېن اېچ سي ار په خپل ټويټر اکاونټ باندې د دغه د افغانې کډوالې ډاکټرې ډاکټر سليمه رحمان انځورونه خپاره کړي دي او ورسره يې ليکلي دي، چې د پاکستان په پېنډۍ ښار کې په هولي فاميلي روغتون کې د غريبو ناروغانو په درملنه بوخته ده..

دغه روغتون چې د غريبو او کډوالو لپاره خدمات وړاندې کوي، د اروپايي هېوادونو او يو اېن چي سي ار پاکستان له لوري يې ملاتړ کېږي د په پاکستان کې اوس مهال په لکونو افغان کډوال ژوند کوي، ډېرى يې په همدغه هېواد کې زېږېدلي، لوى شوي دي او اوس په همدغه هېواد کې ژوند کوي.

د ډاکټر سليمه رحمان کړنې د ستایلو دي باید د هغې کړنې د مختلفو ادارو او اشخاصو لخوا ووستایل شي ترڅو د معاشرې عام وګړي هم د خلکو د خدمت لپاره کار وکړي او په دغه سختې وبا مخنیوۍ وشي.  

بل لوري ته د کورونا ويروس چې په ټوله نړۍ کې په چټکۍ سره خپرېږي، په پاکستان کې هم ډېر په چټکۍ خپرېږي او په دغه هېواد کې د کورونا ويروس د مثبتو پېښو شمېر له څلور زره څخه اوښتى دى.

که څه هم د پاکستان حکومت ټول هېواد کې ګرځبندېز اعلان کړى دى او له ډېرو ورځو راهيسې بازارونه تړلي، خلک په کورونو کې بند دي، خو بيا هم د کورونا ويروس پېښې کمېږي نه او پرلپسې دغه ويروس په پاکستان کې خورېږي

اوسمهال ددې وخت رارسېدلۍ دۍ چې باید ټوله نړۍ په دغې سخت وخت کې د کرونا ویروس سره جدي مبارزه وکړي په خیریه کارونو کې برخه واخلي د کرونا ویروس باندې مبتلا خلکو سره مرسته وکړي هغه ډاکټران چې تخصص لري باید د کرونا ویروس د درمل یا واکسین جوړولو لپاره ریسرچ وکړي تر څو د دغې وبایی نارړغۍ زر تر زره مخنیوۍ وشي.

د کرونا ناروغۍ له امله ۱۰ زره زندانیان ازاديږي

دولت د کرونا سره مبارزې په وجه شاوخوا ۱۰ زره زندانیان د زندانونو نه ازادوي دغه پرېکړه دولت د دې لپاره کړې تر څو د کرونا ناروغۍ مخنيوۍ وشي.او دډېرو انساني فاجعو نه مخنیوۍ وشي..

لویې څارنوالۍ، روغتيا وزارت او د زندانونو د عمومي رئيس په ګډ خبري کنفرانس کې اعلان وشو، چې ولسمشر محمد غني د زندانيانو د ازادولو فرمان صادر کړی دی

له دوي له قوله هغه زندانیان خوشي کوي چې د کورونا وېروس پر وړاندې له زیات خطر سره مخ دي. د افغانستان لوی څارنوال وویل، د کورني او بهرني امنیت پر وړاندې د مجرمینو ازادېدل د دغه فرمان برخه نه ده.

د زندانونو چارو د تنظیم عمومي رییس احمد راشد توتاخېل وايي، چې د ولسمشر محمد اشرف غني د فرمان له مخې ټاکل شوې دغه زندانیان تر راتلونکو لسو ورځو خوشي شي.

له دې سره یو ځای د افغانستان د عامې روغیتا وزیر ویلي چې زندانونه د کورونا وېروس د پراخېدو لپاره خطرناک ځای دی او په کار ده چې زندانونو کې بندیان کم شي.

په افغانستان کې په کورونا وېروس د اخته کسانو شمېر ۹۴ ته رسېدلی چې لس تازه پېښې یې په هرات او نیمروز ولایتونو کې ثبت شوې دي.

په ورته وخت کې لوی څارنوال محمد فرید حیمدي وویل ښځې، ماشومان، له ۵۵ کلنۍ نه پورته عمر لرونکې او هغه کسان چې په نا اعلاجه ناروغیو اخته دي، د ولسمشر له دغه فرمانه ګټه اخیستلی شي.

ښاغلي حمیدي ټینګار وکړ چې د زندانیانو خوشې کول یوه مسؤلانه پرېکړه ده او د خلکو د روغتیا لپاره شوې ده چې د افغان دولت بشر دوستي په ډاګه کوي.

په عيني وخت کې افغان ولسمشر محمد اشرف غني ویلي، چې په هرات کې دې ګرځبنديز نور هم سخت شي او نور ولايتونه دې هم دغه بڼه تعقيب کړي. ولسمشر غني د هغو ولايتونو له واليانو سره خبرې کړې چې له ايران سره کډه پوله لري.

د یادونې وړ ده چې د هرات په شمول د هېواد په بیلابیلو ولایتونوکې د کرونا نارغي ورځ تر بلې زیاتيږي تر دې دمه په هېواد کې د مثبتو پېښو شمېر د سلو نه اوړېدلۍ دۍ. او نور هم احتمال شته چې نوهم ریات شي. .

د کرکټ ملي لوبډلې لوبغاړي د کرونا ویروس سره د مبارزې عملونو کې ونډه اخلي

د کرکټ ملي لوبډلې لوبغاړي به د کرونا ويروس د خپرېدو د مخنيوي او وقايې په برخه کې په روانه مبارزه کې ګډون وکړي

د معلوماتو له مخې، د کرونا ويروس د خپرېدو د مخنيوي او وقايې د عامه ارتباطاتو دولتي کمېټې مشر وحيد عمر د هېواد له مشهورو لوبغاړو سره ليدلي دي.

د دغه ليدنې پر مهال عمر افغان ملي لوبغاړو ته په هېواد کې د کرونا ويروس د وروستي وضعيت او د دې ويروس سره د مبارزې په برخه کې معلومات ورکړل.

هغه وويل چې په ټول هېواد کې د کرونا ويروس د خپرېدو له امله رامنځته شوى حساس حالت د اندېښنې وړ دى، نو په دې خاطر بايد خلکو ته له بېلا بېلو لارو معلومات ورکړل شي، تر څو د دې ويروس د خپريدوى مخنيوى وشي.

نوموړي همدا راز زياته کړه، چې د کرونا ويروس مخنيوى د دولت لومړيتوب دى او ټول ملت ته پکار دي چې د دغه ناورين سره د مبارزې لپاره يو بل ته د مرستې او همکارۍ لاس ورکړي.

هغه همدا راز له ملي لوبغاړو څخه غوښتنه وکړه، چې په ټولنيزو رسنيو کې دې د کرونا ويروس د مخنيوي او وقايې په برخه کې خپلو مينه والو ته پېغامونه ورکړي او د کرونا ويروس په مخنيوي کې دې خپل مسووليت ترسره کړي.

په راپورونو کې ويل شوي دي، چې د کرکټ بورډ د ستراتيژيکو اړيکو سلاکار عبدالله بارکزي د هر ډول همکارۍ ژمنه وکړه او د کرکټ ملي لوبډلې لوبډلمشر اصغر افغان وويل، چې زموږ ټوله لوبډله په دې برخه کې همکارۍ ته چمتو ده.

اصغر افغان په خپلو خبرو کې وويل، چې د ملي لوبډلې لوبغاړي به د يادې کمېټې او د عامې روغتيا وزارت له لوري تاييد شوي پېغامونه په ويډيويي او تصويري بڼه چمتو او په ټولنيزو رسنيو کې به يې خپاره کړي.