څنګه کولای شو پریشر کې رانشو؟

څنګه کولای شو پریشر کې رانشو تاسو د فعلي وخت نه خوشاله نه یاست او تاسو خپله پوهېږۍ چې دهغه کار په تر سره کولو چې تاسو تر اوسه ندۍ کړئ هیڅ څه به هم بدل نشي او هیڅ نتیجه نه لري او له بل اړخه ډاریږی هغه څه چې مو تر اوسه لاس ته راوړي هغه به هم له لاسه لاړل.

د فعلن لپاره چې کوم کار کوئ او یو څه ناڅه پیسې یې ستاسو ژوند کې تیارې کړي او هغه نیم او نیمګړي ملګري چې مو درباندی باور لري هغه مو هم له لاسه ورکړی دی او په پایله کې د دی پر ځای چې ژوند مو ښه شي لا به هم پسی بد تر شي. نو په دې اړه باید سوچ وشي چې څه زما په خیر دۍ او څیشۍ زما په خیرندۍ نو دې سره به د انسان تسلي وشي.

ايا له ځان مو دا پوښتني کړي؟ ایا تر اوسه مو له ځان سره ویلي چې زړه ور تیا یې لرم؟ ایا تر اوسه مو تیر وخت ته کتلي او دا هیله مو کړی چې زړه ور ياستئ؟ په ډیر ګمان سره حتمن دا کار تاسو سره کیږي او مونږه ټول دا اړتیا لرو چې د زړه ورتیا په حالت کې و اوسو مګر دا مو ضوع باید ومنوچې خبرې کول له زړه ورتیا څخه اسانه ده او په هغه عمل کول او دا موضوع دې کار ته اړتیا لری چې مو نږه خپل ځان وژغورو دخفګان او هغه خطر په مقابل کې چې ایمان ته مو زیان رسوي مثلا زمونږ غرور.

دفکر خبره داده چې ډیرې خلک هروخت له ډار سره ژوند کوي او تر هغه وخته چې کله شاته وګوری او په هغه خطر منلو باندی افسوس وکړي چې هیڅکله یې نه ده کړي مګر اصلي ټکی داده چې هیڅوک دډار نه په امن کې نه ده زیږیدلی او مونږ ټول کولی شو زده یې کړو چې تر څو ورباندې کامیاب شو.

د همدې لپاره زړه ورتیا یو عادت نده چې یواځې بختور خلک یې ولري بلکه یو مهارت او رویه ده چې کولې شو زده یې کړو او د ټولو مهارتونو په څیر یې تقویت کړو او ماهر شو لکه څنګه چې د ورزش په ډګر کې دورزشي سامان په واسطه خپل دبدن غړي قوي کوو نو کولې شو چې دزړه ورتیا لپاره هم په ژوند کې ځینې برنامې جوړې کړو.

څنګه کولای شو پریشر کې رانشو؟
څنګه کولای شو پریشر کې رانشو؟

هر وګړۍ چې غواړي چې تر تاثير لاندي رانشئ تر ټولو لومړی هغه ناسم باورونه له مخي لري کړئ چې تاسو د بې جرعني خواته بيايې.ځان داسي احساس کړئ چې د نړۍ تر ټول قوي او پياوړی انسان يې.نو انسان ته پکار دی چې هر وخت مقاومت نه کار واخلي او هر مشکل ته غاړه ورکړي او په سمه توګه ېې حل کړي ځکه که چېرې مونږ مشکل په زړه واخلو نو دا به نور مشکل هم حوړ کړي او ژوند به ځانته سخت کړي.

د مینې په اړه۹ خبرې

د مينې مسله داسې يوه مسله ده چې تر اوسه ورباندې ډېری خلک اتفاق نه لري، څوک يې يو ډول معرفي کوي، څوک بل ډول، څوک يې د نفرت پيل بولي څوک بيا وايي چې تر ټولو لويه مینه یې په نفرت پيل شوې.

په مینه کې لومړنی دیدار، لومړنی تماس مهم دی، که په لومړيو څلورو دقيقو کې په يو چا ميين شوئ نو ميين يئ، که نه نو په لوی احتمال د هغه کس سره مو لارې نه يو ځای کېږي.

د ارواپوهنې څېړنې ښيي کله چې دوه کسان يو د بل سره مينه لري او د يو بل سترګو ته درې دقیقې وګوري نو درې دقيقې وروسته يې د زړه ضربان سره يو کېږي.

هغه کسان چې په لومړي ځل ميین شي د مغز په دولسو برخو کې يې په يو ځل په ډېره زياته اندازه د خوشحالۍ هورمون ترشح کېږي، چې دا د يوې نشې تر خوشحالۍ هم زياته ده.

د هغه چاسره چې مينه لرئ، په غېږ کې د نيولو سره مو بدن داسې تاثير کوي لکه درد بندونکي درمل چې وخورئ، اوکسیتوسين يا د مينې هورمون په غېږ کې نيولو سره په ډېر زياته اندازه ترشح کېږي، اوکسیتوسين د ښځو او نارينه په جن + سي غړو او مغز کې تولید کېږي، د اوکسیتوسين هورمون د سر درد په لومړیو کې په زيات کموي خو څلور ساعته وروسته یې بېخي له منځه وړي.

دا خو ټولو څېړنو ثابته کړې ده، چې هغه خلک چې د خپلو مېرمنو يا د هغه چا سره چې مينه لري، يو ځای ژوند کوي، د ناروغۍ څخه په ډېر لنډ وخت کې خلاصېږي، خو اوس نوې څېړنې ښيي چې کله يو کس په روغتون کې بستر وي او يا کور کې د ناروغۍ سره مخ وي، نو که د څنګ سره یې خپل ميين يا مينه، نه وي هم، که صرف د هغه انځور یې هم مخې ته کېښودل شي نو د خپلو دردونو څخه په لنډ وخت کې خلاصېږي.

مختلف طرفونه، مختلف اضداد يو بل ته د جذب قوت لري، په مينه ترسره شوې څېړنې ښيي چې هغه جوړې چې د يو بل سره ډېری ورته خويونه لري نو ډېر زيات وخت د يو بل سره يو ځای نه شي تېرولی، او زر د يو بل څخه خسته کېږي، يو بل ته نوي شی نه شي ورکولی، هغه جوړې چې د يو بل څخه مختلف خويونه لري يو بل ته تر ډېره جالب وي او يو بل تل خوشحاله کولای شي، داسې کسان ډېر وخت يو ځای تېروي او د خپل ژوند څخه خوشحاله وي.

دا خبره چې زړه مې دې مات کړ، که څه هم ډېر وخت په مجازي ډول کارول کېږي خو که ډېر وخت په حقيقت کې نه وي ځینې وخت په حقيقت هم بدلېږي، څېړنې ښيي چې کله يو جوړه سره بېلېږي، طلاق اخلي، يو بل ته دوکه ورکوي، نو په دې وخت کې د زړه يو سخت درد احساس کوي، دا سخت درد واقعي دی، او د زړه عضلات په شديد ډول ضعيف کوي، دې ته په ساینس کې د زړه د ماتېدو سندروم وايي، په دې وخت کې سړی ښه نفس نه شي اخيستلی، زړه په سینه کې په تنګ وي او شخص د هر نفس سره د درد احساس کوي. ډېر وخت جوړې په مينه کې د مقابل طرف د مخ او سيما څخه زیاتې متاثره کېږي، خو دا موقتي وي، يانې يا دا ملګري موقتي وي، هغه کس د اوږده وخت لپاره کوم فکر نه لري، او يا که فکر هم لري، دا اړیکه په واده هم بدله شي خو وروسته شخص د ښه مخ څخه د ښه بدن په غوره والي پوهېږي، او هغوی چې ښه بدن او ښه مخ دواړه لري نو دوی بيا تر ډېره يو راضي او خوښ ژوند لري

د افغان سولې په اړه د پختونخوا د خلکو نظرونه

ټاکل شوې نن دشنبې په ورځ دقطر په دوحه کې امریکا اؤ طالبان افغانستان کې دسولې په تړون لاسلیکونه کوي، دسولې دغه تړون ته په پېښور کې هم زده کوونکي هیله من دي اؤ ایي دا به دټولې سویلي اسیا دپاره دامن یو زیری وي.

د پیښور پوهنتون د سولې او تنازعاتو دڅانګې زده کوونکې رمشا ایوب وایي دې کیدونکي تړون ته زه په ښه نظر ګورم ځکه چې افغانان د تیرو څلویښتو کالو راهسې د نورو هیوادونو د حکومتونو لاندې پاتې شوي دي

هغه رسنیوسره په  خبرو کې ویلي “د افغانانو هم حق دی چې خوشالي وکړي او دا تړون به افغانستان کې سوله راولي”

هغه وایي افغانستان کې چې د امریکا څومره قواوې دي ښکاري داسې چې ټولې به له افغانستان څخه نه وباسي بلکې د څارنې لپاره به لږې قواوې افغانستان کې ساتي ترڅو بیا یو وارې حالات دجنګ لوري ته ولاړ نه شي.

رمشا ایوب وایي دا به د ټولې سویلي اسیا لپاره د امن زیری وي.

د زده کونکي ثنا الله نه چې رسنیو پوښتنه وکړه د طالبانو او امریکا د تړون نه ورستو به طالبان او افغان حکومت خپل مینځي خبرې کوي نو آیا دا پړاو به هم په آسانه سرته ورسي که نه څه مشکلات پکې پیښیدی شي؟

هغه وویل طالبانو کې بیلا بیلې ډلې دي، چې ځیني د تړون مرسته کوي خو ځینې یې مخالفې دي.

هغه وایي دغه راز افغان حکومت هم کمزوری دی اؤ د افغانستان اقتصاد زیاتره په خارجي هیوادونو ولاړ دی که امریکا افغانستان نه ولاړه نو دغه هیواد به اقتصادي ستونزو سره مخ شي.

بل لوري ته محمد نوید خان وایي افغانستان کې چې امن راشي نو دا ایران، هند او پاکستان کې هم امن راولي.

رسنیوسره خبرو کې هغه وویل ودا وخت د افغانستان او پاکستان تر مینځه د یو ارب ډالرو نه هم کم تجارت کیږي، که افغانستان کې سوله پر ځایې شوه نو دا تجارت تر پینځوؤ اربو ډالرو رسیدی شي او ورسره به د مرکزي آسیایي هیوادنو تجارت ته هم وده ورسي.

امریکې اؤ طالبانو دتیرو دوؤ کالو راهسې په قطر کې دسولې خبرې دوامداره ساتلې وې چې څو کرته دا مذاکرات دتلخیو اؤ ګډوډۍ هم ښکار شوي وؤ خو په دې وورستیو کې دواړو خواؤ اعلان کړی چې دسولې په یو غوڅ تړون اتفاق ته رسیدلي دي.

دسولې دغه تړون سبا په دوحه کې لاسلیک کیږي چې د خواوشا ۵۰ؤ هیوادونو استازي به پکې برخه لري اؤ دپاکستان په استازیتوب ددې هیواد دبهرنیو چارو وزیر شاه محمود قریشي هم دوحه ته رسیدلی دی.

طالبانو ویلي چې دسولې په تړون دلاسلیک نه وروسته به یو نړیوال کانفرنس کې دافغانستان داساسي قانون،ریاستي ادارو اؤ نورو چارو په هکله غور اؤ بحث کولی شي