امریکايو وار بیا خپلو افغان کارکونکو ته وېزې ورکول پیلوي

امریکايو وار بیا خپلو افغان کارکونکو ته وېزې ورکول پیلوي.متحده ایالات خپلو هغه افغان کارکونکو ته وېزې ورکوي چې په افغانستان کې ېې دویي سره کار کړی.واشنکټن پوسټ اخبار دامریکا يي چارواکو له خولې وايي چې په کابل کې د امریکاایمبیسي د زرګونو افغانانو لپاره د ویزو ورکولو لړۍ پیلوي.

دغه افغانانو کې هغه کسان شامل دي‌ چې په تېرو دوه لسیزو کې ېې له امریکا يي ځواکونو یا ددوی اړوندو ادارو سره ترسره کړی.‌د امریکا متحده ایالاتو یوځل وړاندي ‌هم دا سلسله پیل کړې وه خو وروسته یې په نامعلوم دلیل وځنډوله؛ البته د همدې سلسلې په مټ په سلګونو افغانان د امریکا تر بیلا بیلو ښارونو ورسېدل.د امریکا متحده ایالاتو خپل ملاتړي‌ ځايي‌ ډېری کاکونکي ‌له عراق نه هم وایستل.‌که څه هم دا لړۍ د پخواني ‌ولسمشر ټرمپ د واکمني‌ په وروستیو کې پیل شوې

او ډونلډټرمپ امریکا ته د ورتلونکو مسلمانانو سره په یوه نه یوه بڼه په مخالفت تورن وو؛ خو اوس د جوبایډن د ولسمشري پر مهال ښايي ‌دا لړۍ لا نوره تېز شي. امریکا یو داسي‌ هیواد دی چې د نړۍ د خوارو او غریبو هیوادونو نېژدې هر چارواکی یې د لیدلو او هلته د اوسېدلو شوق او هیله لري. خو هم دغه هیواد ته ورتګ سخت دی.

که څه تر اوسه په کابل کې د امریکا د سفارت له لوري د امریکايي ادارو یا امریکا يي پوځ ملګرو او کارکونکو ته د وېزو د ورکړې رسمي‌اعلان ندی کړی خو داسي ښکاري‌ چې دا لړۍ ښايي د کارکونکو د امنیتي ‌خوندیتوب په موخه یا پر سفارت د حجوم په موخه پټه ساتل شوې وي.

امریکايو وار بیا خپلو افغان کارکونکو ته وېزې ورکول پیلوي
امریکايو وار بیا خپلو افغان کارکونکو ته وېزې ورکول پیلوي

بلخوا بیا دافغانستان ځیني ‌خلک په دې باور دي چې امریکا يي ځواکونو او مریکا يي ‌موسساتو او ادارو په افغانستان کې د کار پر مهال هم ورکړسان پر ځان را غونډ کړي‌وو او اوس هڅه کوي ‌چې په کار پوهه کسانو ژوند وژغوري ‌او د امریکا ته ېې ولېږدوي.تر څودويي هلته سم ژوند پیل کړي.

ولسمشر غني په یو ورځني سفر هرات ته ورسېد

ولسمشر غني هرات ته یو ورځني سفر ورسېد دافغانستان د اسلامي جمهوریت جمهوررئيس محمداشرف غني د لوړپوړي دولتي پلاوي په مشرۍ د هرات ولایت د عمومي وضعیت د ارزونې په موخه نن سهار هرات ته ورسېد. نوموړی به هلته په هرات کې د دغه ولیت عموي امنیت هم اوګوري. او د دغه ځای چارواکو سره له اوګوري.

د هرات په نړیوال هوايي ډګر کې د هرات ولایت مسوولینو، مشرانو او متنفذینو جمهوررئيس غني او ورسره پلاوي ته ښه راغلاست ووایه.جمهوررئيس غني به په دغه سفر کې د دې ولایت ملکي او نظامي مسوولینو، علمای کرامو، ښځو، ځوانانو، ولایتي شورا غړو، متنفذینو، مدني فعالانو او تاجرانو سره جلا جلا لیدنې ولري.له نوموړي سره په دې سفر کې د هغه لومړی مرستیال امرالله صالح هم ملتیا کوي.

ولسمشر غني هرات ته له رسېدو سره سم دیاد ولایت د هوایي ډګر چې د «خواجه عبدالله انصاري هوايي ډګر» په نوم نومول شوی وو؛ پرانستنه وکړه.نوموړی به یوې عمومي غونډې ته وینا هم وکړي او د دغه ځای خلکو ستونزې به هم واوري.هرات ولایت که څه هم د نورو ولایتونو په پرتله پرمختللی ولایت خو بیا هم په هیواد کې د وروستیو حالاتو په کتو یو عمومي امنیت وضغیت وڅېړل شي او وروسته ورته بیا پلانونه هم جوړ شي.

ولسمشر غني په یو ورځني سفر هرات ته ورسېد
ولسمشر غني په یو ورځني سفر هرات ته ورسېد

هېره دې نه وي چې ولسمشر غني د عمومي وضعیت ارزونې په موخه ولایتونو ته سفرونه پیل کړي دي. هغه د دې نه وړاندې کندهار او ځیني نور ولایاتو ته هم سفرونه کړي دي او هلته د نظامي او ملکي مسولینو سره لیدل کتل شوي دي.نوموړي خپل سفرونه په داسې حال کې پیل کړي چې د هېواد عمومي امنیت وضعیت د باور وړ ندی او هره ورځ پکې هدفي وژنې او نور جنایتي جرمونه تر سره کیږي.

که مونږ اوګورو د ولاایاتو تر څنګ پلازمېنه کابل کې هم هره ورځ په لسګونو کسانو ته مرګ ژوبله اوړي او د عاموخلکو ژوند ترینه متاثره کیږي.بلخوا ډېری هام وګړي او مدني فعالان دې ته مجبور شوي چې افغانستان پرېږدي او نورو هېوادونو ته کډه وکړي. په همدې لړ ډيوه نیازی عصمت قانع او داسې نور فعالان هم مجبور شو چې افغانستان پرېږدي او بهر ته ولاړ شي.

محمدنبي، راشد او مجيب الرحمان هم تمرينات شروع کړل

محمدنبي، راشد او مجيب الرحمان هم تمرينات ترسره کړل.د افغانستان کرکټ ملي ټیم مشهور پلیران راشد خان، محمد نبي او مجيب الرحمان هم په دوبی کې له ټیم سره يو ځاى شوي او پرون يې له لوبډلې سره ګډ تمرينات هم شروع کړل.

دادرې واړه پلیران د اسټراليا بيګ باش ليګ کې د بېلا بېلو لوبډلو سره لوبېدل، چې څو ورځې وړاندې له اسټراليا څخه متحده عربي اماراتو ته تللي دي.د کورونا په دې وخت کې، د نړۍ په هېواد کې لوبغاړي د لوبو نه مخکې د څو ورځو لپاره کرنټين کېږي، چې دوى هم د کرنټين پاى ته رسېدو وروسته نن د ملي لوبډلې د نورو لوبغاړو سره تمرينات ترسره کړي دي.او هلته به د څوورځو نورو لپاره هم پاتې شي.تر راروانو لوبو نور هم ښا تیاری ولري.

افغانستان له ايرلېنډ سره د ٣ نړيوالو يو ورځنيو لوبو لړۍ ترسره کوي، چې دا لوبې د افغانستان په کوربه توب په متحده عربي اماراتو کې ترسره کېږي.د افغانستان او ايرلېنډ ترمنځ به لومړۍ لوبه د جنورۍ په ٢١مه، دويمه لوبه د جنورۍ په ٢٤مه او دريمه لوبه د جنورۍ په ٢٦مه نېټه ترسره شي.ویل کیږي چې دغه لوبو ته عام وګړي هم ډېر په تمه دي.

دا مېچونه د ملي سپورټ له لارې په ژوندۍ بڼه ښودل کېږي او د کاردان پوهنتون يې د ټايټل سپانسر دى.افغانستان کې هم خلک ورته ډېر په تمه دي.دوی وای چې څومره ژر کیږي دغه لوبې پیل شي او عام وګړي به ورته د نورو کارونو نه ځان رااوزګار کړي او دا لوبې به اوګوري.

محمدنبي، راشد او مجيب الرحمان هم تمرينات شروع کړل
محمدنبي، راشد او مجيب الرحمان هم تمرينات شروع کړل

هېره دې نه وي چې افغان پلیران هر وار ښه په مورال کې وي او دا وار د کرنتین نه وروسته ډېر وخت لوبه نده کړې نو ښای دا ځل ورته لوبه کول لږ پيچلې وي اوپه اسانی به ورکې بریا تر لاسه نه کړي خو که بیا که ځینې پلیران اوګورې نو لکه راشد اونبي نو ښای دوی ښه پر فامنس شو کړي پکې.

معصوم ستانکزی: د روانې  اوونۍ تر پایه د اجنډا پر مهمو موضوعاتو بحثونه تر سره کیږي

معصوم ستانکزی: د روانې اوونۍ تر پایه د اجنډا پر مهمو موضوعاتو بحثونه تر سره کیږي دحکومت مذاکراتي ټيم ریس ښاغلی ستانکزی وايي، د خپلمنځي مذاکراتو پلاووپه دوحه کې ناستې کړې دي او د روانې اوونۍ تر اخېره ښايي د اجنډا پر مهمو موضوعاتو باندې د بحثونو ترسره کېدو چانس برابرشي.

ښاغلي ستانکزی چې د ملي مصالحې عالي شورا د مشر عبدالله عبدالله د سولې په چارو کې د دولت وزیر او نورو چارواکو سره یو ځای یې د ویډيويي کنفرانس له لارې په کابل کې د اروپايي هیوادونو له استازو سره خبرې کولې وویل، چې د بین الافغاني مذاکراتي ټیمونو تر منځ د اجنډا د ویشلو په اړه بحثونه روان دي چې تر توافق وروسته به د دواړو لورو تر منځ جدي خبرې تر سره شي.

په همدې مهال د بهرنیو چارو وزارت معین میرویس ناب ویلي، چې یاد وزارت هم د سولې د تامین په برخه کې هڅې کوي او په خبره يې، د دیني ډيپلوماسۍ له لارې زیار باسي بېلابېل لوري د روانې جګړې غندلو ته وهڅوي.یاده ناسته کې د مصالحې عالي شورا مشر عبدالله عبدالله ویلي، چې په دوحه کې د کابل شته مذاکراتي ټيم د جمهوریت له بشپړ ملاتړ څخه برخمن دی او د جګړې د شدت کموالی او هر اړخیز اوربند هغه موضوعات دي، چې د یاد ټیم د اجنډا په راس کې شته.

یاده دې وي، چې له څه باندې یوې اوونۍ راپدېخوا په دوحه کې د بین الافغاني مذاکراتو دوهم پړاو پيل شوی او د معلوماتو پر بنسټ، د دواړو لورو مذاکراتي ټیمونو له خپلمنځي ناستو هاخوا له بېلابېلو جهتونو سره هم لیدلي دي.

معصوم ستانکزی: د روانې  اوونۍ تر پایه د اجنډا پر مهمو موضوعاتو بحثونه تر سره کیږي
معصوم ستانکزی: د روانې اوونۍ تر پایه د اجنډا پر مهمو موضوعاتو بحثونه تر سره کیږي

دوحه کې د طالبانو سیاسي دفتر وايي، تازه د طالبانو یو پلاوي د قطر د بهرنیو چارو وزیر «شیخ محمد بن عبدالرحمن ال ثاني» په حضور کې د افغانستان لپاره د امریکا له ځانګړي استازي «زلمي خلیلزاد»، افغانستان کې د ناټو ځواکونو له عمومي قوماندان «سکاټ مېلر» او ورسره هیئت سره لیدلي او د ناستې په مهال ټینګار شوی، چې د دوحې توافقنامه باید په ښه توګه عملي شي.تر څو مونږ یو پایداره سولې ورسیږو.

ښځې د کوم ډول نارینه څخه متاثره کیږي؟

ښځې د کوم ډول نارینه څخه متاثره کیږي؟ د انسان شخصيت د هغه له عادتونږ او خوی څخه پېژندل کیږي، د انسان همدا شخصيت بيا د نورو انسانانو سره د اړيکې په جوړېدو کې بنسټيز رول لري، مونږ تاسو ته هغه څه دروخایو چې نجونې يې په يو نارينه کې غوره ګڼي او زر ترې متاثره کیږي.

هرانسان په طبعي ډول دداسې يو چا دوستي غواړي چې دی ورباندې ډاډه وي او دده مرسته وکولی شي، هېڅ وګړی هم دداسې يو چا سره دوستي نکوي چې هغه دې هېڅ ډول وړتیا او موقعيت ونلريمېرمنې هم هغه ډول نارينه خوښوي چې غښتلی شخصیت ولري او دوی یې په خوا کې ځان په امن او ډاډ کې وګڼي.په غوسه باندې کنټرول درلودل يو له نادرو پيدا کېدونکو خاصيتونو څخه دی، ډېر کله نارينه خپله غوسه نشي کابو کولي، کله چې غوسه شي بيا نو هرڅه کوي هرڅه ماتوي،

نجونې د هغه ډول سړیو څخه ژر متاثره کیږي چې پراخه صبر ولري او د پېښو په وړاندې یې غبرګون احساساتي نه عاقلانه وي.او هر څه ته سوچ ولري.مجادله او مبارزه هغه څه دي چې ډېری کسان یې پيل کوي خو ډېر ژر يې بېرته پرېږدي، په ژوند کې د بريا لپاره پرلپسې مجادله اړينه ده، د نن زمانې لوستې نجونې هم مجادله کوونکي نارينه خوښوي، داسې نارينه چې په يو کار کې ډېر زيات شکست هم وخوري بيا پاڅېږي د خپلو غلطیو درس اخلي او بيا يې پيل کوي.

ليډر انسان، د ليډر روح لرونکي کسان تل په هر ځاي کې چې وي سمدلاسه د اداري چارې په لاس کې اخلي، خلک ورباندې باور کوي، نجونې دا ډول نارينه ډېر خوښوي چې د کارونو مشري په غاړه اخلي او مسولیت مننونکي او پالونکي وي.او هغه څه کوي چې نورو خلکو ته پکې هم خیر وي.

ښځې د کوم ډول نارینه څخه متاثره کیږي؟
ښځې د کوم ډول نارینه څخه متاثره کیږي؟

د انسان ژوند روان دی تېرېږي، هر انسان به سبا د تېرې ورځې ارمان کوي او فکر به کوي چې پرون څومره ښه ورځ وه، له همدې کبله د روزګار د مصروفیت او مسولیت سره سره انسان بايد کله کله پاڅېږي او د هرڅه لرې يوه د ارام ساه واخلي، نجونې هم دا ډول نارينه خوښوي چې د ژوند په مصروفیتونو کې ورڅخه ژوند هېر نشي، بلکې د ژوند خوشحالۍ هم وپالي.او د مېرمن لپاره ښه زړه هم ولري.

افغانستان کې د کرونا ناروغی پېښې په کمېدو دي

افغانستان کې د کرونا ناروغی پېښې په کمېدو ديره سره له دې چې په هېواد کې د کرونا ویروس دوهمه څپه نه ده کنټرول شوې، خو د عامې روغتیا وزارت ویلي چې د دغه ناروغی مثبتې پېښې په کمېدو دي.اوښای دغه نور زور ونکړي ځکه د لوړېدو ګراف په تدریجي ډول په کمېدو دی.

دروغتیا وزارت ویلي چې په تېرو ۲۴ ساعتونو کې په هېواد کې ۸۴ نور کسان په دغه ویروس اخته شوي چې له دې سره پر کرونا د اخته کسانو شمېر ۵۳ زره او ۶۶۴ ته ورسېد.د یاد وزارت په وینا، په همدې موده کې پر کرونا اخته شپږ تنو ژوند له لاسه ورکړی او ۱۹۹ نور بیا روغ شوي دي.د راپورونو له مخې، تر اوسه په هېواد له کې له کرونا وبا د مړه شویو کسانو ټول شمېر دوه زره او ۳۱۴ ته او د بېرته رغېدلیو هغه بیا ۴۴ زره او ۸۱۰ ته رسېدلی دی.

که څه هم د عامې روغتیا وزارت ویلي چې د کرونا مثتبې پېښې په کمېدو دي، خو وايي چې دا په دې معنا نه ده چې دلته دې د دې ویروس دوهمه څپه پای ته رسېدلې وي.روغتیا وزارت خبرداری ورکړی که چېرې خلک روغتیايي سپارښتنې په پام کې ونه نیسي او بې‌ غوري وکړي؛ نو هره شېبه د کرونا ویروس د درېیمې څپې د راتلو امکان شته.

همدا راز له انګلستان څخه د افغانستان ګاونډیو هېوادونو ته د کروناویروس د نوې بڼه رارسېدلې او د روغتیا مسوولین یې اندېښمن کړي او وايي چې دغو هېوادونو ته د تګ راتګ له امله به په افغانستان کې د کروناویروس دویم ډول په پراخه توګه خپور شي.او زیات شمېر خلکو ته به مرګ ژوبله واړوي.

افغانستان کې د کرونا ناروغی پېښې په کمېدو دي
افغانستان کې د کرونا ناروغی پېښې په کمېدو دي

دکروناناروغی د لومړي ځل لپاره د چین د هوبي ایالت په ووهان ښار کې خپور او په چټکۍ سره په نړۍ کې په مرګونې ناروغۍ بدل شو.اوسمهال په امریکا او د هند هېوادونو کې زیاته ده خو لا هم ویره شته چې دغه ناروغي یو ځل بیا د نړی ګډ ګډ ته ورسیږي.او خلکو ته مرګ ژوبله واړوي.هېره دې نه وي چې د نړی یو شمېر هیوادونو دغه ناروغی لپاره واکسین هم تیار کړي دي او خلکو باندې ازمایښتي ډول کاروي.

کابینې د1400 مالي کال بودجې د دویمې مسودې طرحه تصویب کړه

کابینې د 1400 مالي کال بودیجې د دویمې مسودې طرحه تصویب کړه دافغانستان اسلامي جمهوریت د جمهوررئیس محمد اشرف غني په مشرۍ د کابینې غونډه، د کابینې د غړو او والیانو په ګډون د ویډیو کنفرانس له لارې په ارګ کې جوړه شوه.

د جلسې په پیل کې جمهوررئیس غني د عامه ساتنې ملي تصدۍ عمومي ریاست د ویاند ضیا ودان پر موټر تروریستي برید د غندلو پر مهال د شهیدانو کورنیو، د کورنیو چارو وزارت منسوبینو او د هیواد رسنیو ټولنې ته یو ځل بیا د خپلې خواخوږۍ او غمشریکۍ مراتب څرګند کړل.وروسته د هیواد جمهوررئیس د کابل پوهنتون او ۴۶ نورو پوهنتونونو له استاذانو او محصلینو سره د سولې اعمار د څرنګوالي په هکله چې د افغانستان د انکشاف او سولې ملي چوکاټ دویم سند (ANPDF II) له عمده موخو څخه ده د بحث او نظریاتو د تبادلې او سولې دویم پړاو مذاکراتو د ښه ترسره کېدو په موخه د ملي مذاکراتو پر ایجاد د تمرکز په اړه معلومات ورکړل.

دې نه بعد د کابینې له غړو اووالیانو وغوښتل شول چې د سولې بهیر په اړه د ملي افکارو د انسجام او بسیج او د ملي وجیبې او دسپلین په توګه په دقیق ډول د نظریاتو د توحید او تاریخي او نړیوال فکر د ایجاد لپاره هڅې وکړي.ولسمشر غني ننګرهار ولایت ته د خپل وروستي سفر په اړه د معلوماتو وړاندې کولو پر مهال، ټولې مربوطه ادارې له اړوندو ولایتي رئیسانو سره د همغږۍ د پیاوړتیا، پر ولسوالیو، کلیو او ښاروالیو د تمرکز، ولایتونو سره د غوره همغږۍ په موخه د واضح کړنلارې ترتیبولو او د مرکز او ولایتونو د اړیکو د اسانتیا پر څرنګوالي موظفې کړې.

مالیې وزیر د ۱۴۰۰ مالي کال بودجې دویمه مسوده غونډې ته وړاندې کړه وې ویل، د ۱۳۹۹ مالي کال په لړ کې د اختیاري مرستو تمویلوونکو ټول شرایط بشپړ شوي، په عادي بودجه کې ۱۲ سلنه سپما شوې او همدارنګه انکشافي بودجه د کرونا د ستونزو باوجود ۸۶ سلنه مصرف شوې ده.

کابینې د1400 مالي کال بودجې د دویمې مسودې طرحه تصویب کړه
کابینې د1400 مالي کال بودجې د دویمې مسودې طرحه تصویب کړه

همداراز د ماليې وزارت معین کابینې ته د ۱۴۰۰ مالي کال بودجې دویمې مسودې وړاندې کولو موخه د ځینو اړتیاو موندل په ګوته کړل چې مخکې یې وړاندوینه نه وه شوې. نوموړي زیاته کړه، د دغو اړتیاو په پام کې نیولو سره په بودجه کې زیاتوالی او کموالی راغلی چې له امله یې د ۱۴۰۰ مالي کال ملي بودجه کې هم زیاتوالی او تغییر راغلی او دا کار د کابینې بیاځلې منظوري ایجابوي.او باید د هيواد ټولې ادارې ورته درناوی وکړي.

روان کال به ٥ میلیونه الکترونیکي تزکیرې ووېشل شي

روان کال به ٥ میلیونه الکترونیکي پېژندپاڼې ووېشل شي داحصایې او معلوماتو ملي اداره وايي، د روان کال تر پایه به څه باندې پنځه میلیونه وګړو ته برېښنایي پېژندپاڼې ووېشل شي.او حلکو ته به لارښوونه وشي چې ټول وګړي دې دا تزکیري واخلي.

د احصایه ادارې مشر جاوید رسولي وایي، چې دوی دمګړی د برېښنایي پېژندپاڼو د وېش ۷۰ مرکزونه لري چې له دې ډلې شپږ یې په ایران کې دي.دده په خبره، دوی هڅه کوي چې چارې یې چټکې او شفافې کړي او په دې توګه د روان لمریز کال تر پایه څه باندې پنځو میلیونه وګړو ته برېښنایي پېژندپاڼې ووېشي.نوموړي همدا راز ویلي چې له دې وروسته د پخوانیو پېژندپاڼو د تایید خدمات هم له منځه وړي،

ځکه په خبره یې، کومې پېژندپاڼې چې ددغه ادارې له لوري صادرې شوې د باور وړ دي او ادارات یې باید قبول کړي.خو په دې اړه خلک شکایت کوي چې د برېښنايي پېژندپاڼو پروسه ځنډنۍ ده او تر دریو میاشتو پورې خلک تذکرې نه شي اخیستلای.برېښنايي تذکرې د ملي هویت سند د نړۍوال اعتبار، جرمونو مخنیوي، ټاکنو شفافیت او ګڼو نورو برخو کې ډېرې ګټې لري.

او په کومک به یې هېواد حداقل یو څه له نړۍوالو معیارونو سره برابر شي.دې نه مښکې په برېښنايي تذکرو کې د مور د نوم ذکر کول پر سر ناندرۍ وې چې د عامو خلکو ګڼ غبرګونونه یې راپارولي وو او داسې انګېرل کېدله چې پښتانه د مور د نوم له ذکر کولو سره حساسیت لري او په دې سره به له برېښنايي تذکرو ډډه وکړي.

روان کال به ٥ میلیونه الکترونیکي تزکیرې ووېشل شي
روان کال به ٥ میلیونه الکترونیکي تزکیرې ووېشل شي

نو په اقلیت به حساب شي، خو له نېکه مرغه وروسته بېرته دغه چاره اختیاري شوه او یوازې په ډېټابېس کې د مور نوم ذکر کول اړین شول.هېره دې نه وي چې د برېښنای تزکرو د ورکړی لړی د ډېر وخت راهیسې شروع شوي دي.عام وګړي په خپلو منتقو کې ورزي او اخلي ېې. په کابل کې هم دا لړی شروع ده او ډېرو اعلی چارواکو هم واخیستې.

پي ایس ایل:نوراحمد د کراچۍکنګز لوبډلې خپلې لوبډلې لپاره غوره کړ

پي ایس ایل:نوراحمد د کراچۍکنګز لوبډلې خپلې لوبډلې لپاره غوره کړد هېواد کم عمره توپ اچونکى نور احمد هم د پاکستان سوپر ليګ په ډرافټ مراسمو کې د کراچۍ کنګز لوبډلې لخوا واخيستل شو.نوموړی به (PSL) کې د هغوی لوبډلې سره ولوبیږي.

ښاغلی احمد که څه هم تراوسه پورې د افغانستان لپاره کومه لوبه نه ده ترسره کړې، خو نوموړى دا څلورم تجارتي ليګ دې چې پکې اخيستل کېږي.نور احمد د افغانستان پنځم لوبغاړى دى، چې د پاکستان سوپر ليګ کې واخيستل شو. هغه د کراچۍ کنګز لوبډلې په سپليمنټري کې واخيسته نوموړی تکړه او ښه پرفامر لوبغاړی دی هغه کولی شی چې دا ډول ټورنمنټونو کې ښه پرفاکنس شو کړي.هغه تل هڅه کړې چې د هېواد لپاره ویاړونه راوړي اږ ښه لوبه وکړي،.

نوموړی لومړى د کارابين پريمئير ليګ کې اخيستل شوى و، خو هلته يې د وېزې په وخت نه ورکولو له امله برخه وانخيسته، له هغه وروسته د اسټراليا په بيګ باش ليګ کې واخيستل شو، چې نوموړى اوسمهال هلته لوبېږي. همدا راز ورپسې نوموړى د ابوظهبي ټي ټين ليګ کې واخيستل شو او اوس تازه د پاکستان سوپر ليګ کې واخيستل شو.

د کراچۍ کنګز لوبډلې محمد نبي هم اخيستى دى او دا يې دويم افغان لوبغاړى شو، چې د دوى په لوبډله کې شامل شو.تر نور احمد مخکې د پاکستان سوپر ليګ کې راشد خان، محمد نبي، مجيب الرحمان او قېس احمد هم د بېلا بېلو لوبډلو له لوري اخيستل شوي دي.

پي ایس ایل:نوراحمد د کراچۍکنګز لوبډلې خپلې لوبډلې لپاره غوره کړ
پي ایس ایل:نوراحمد د کراچۍکنګز لوبډلې خپلې لوبډلې لپاره غوره کړ

هېره دې نه وي چې د (PSL)پاکستان سوپر ليګ د شپږم پړاو سيالۍ د فبرورۍ په مياشت کې پيلېږي، چې د پاکستان په کراچۍ او لاهور ښارونو کې به ترسره شي.د دې نه وړاندې د پي ایس ایل لوبې زیاتې په عربي اماراتو کې ترسره کېدې.خو اوسمهال زیات شمېر میچونه به په لاهور کې تر سره شي.

کریم خلیلي نن اسلام اباد ته ځي

کریم خلیلي نن اسلام اباد ته ځي.د خارجه چارو وازت د وياند دفتر د يوې اعلاميې په خپرولو سره ويلي چې د حزب وحدت اسلامي مشر استاذ خليلی به د يو لوړپوړي دولتي پلاوي په مشرۍ نن دوشنبه چې د روان زیږديز کال د جنوری له ۱۱ نيټي سره برابره ده اسلام اباد ته سپه سفر روانیږي.

پاکستان ته د سفر پرمهال به د حزب وحدت مشر استاذ کريم خليلی د پاکستان وزيراعظم عمران خان، د پاکستان د ملي شورا مشر، د پاکستان د بهرنيو چارو وزير او د پاکستان ځينو نورو شخصيتونو سره ليدنه ولري.د استاذ کريم خليلی سفر پاکستان ته د روانو سياسي حالاتو يوه برخه ده ترڅو د افغان سولې لپاره د دواړو هيوادونو ترمنځ په ګډه همکارۍ ټينګار وشي او د دواړو هيوادونو ترمنځ ژورې اړيکي جوړې شوي.

کریم خلیلي نن اسلام اباد ته ځي
کریم خلیلي نن اسلام اباد ته ځي

پاکستان اوافغانستان د کلونو راهيسې ګډي اقتصادي، سياسي، ټولنيزي، دوديزي، کلتوري اړيکې لري او تر ډيره پاکستان دې اړيکو ته هيڅ وخت نه ورکوي او هرخت د خپلو موخو لپاره کار کوي.پاکستان هر وخت په افغانستان کې د جګړي د پای ته رسولو او د ثبات راوستلو لپاره هر اړخيزي ژمني کوي خو د پاکستان ژمنې په افغانستان کې د ثبات راوستلو لپارهنتیجه نده ورکړې او تر ډيره پاکستان اوس هم په افغانستان کې خپلو موخو لپاره کار کوي.

دې هرڅه ته په کتو پاکستان افغان سولې لپاره ريښتينې همکاري نه کوي افغانستان کې د روانو حالاتو اصلي محرک هم پاکستان دي چې د کلونو راهيسې يې د خپلو شمو موخو لپاره بي ګناه افغانان شهيدان کړي دي او هر وخت يې د طالبانو نظامي، سياسي او اقتصادي ملاتړ کړی دی.

افغانستان ته د عمران وروستي سفر پرمهال هم خان ويلو وه چې افغانستان سره به خپلو اړيکو او ګډي همکارۍ ته دوام ورکړي خو، د خان دې څرګندولو ته افغانانو سخت غبرګون وښود چې د افغانستان په ځينو ولايتونو کې هم کابل ته د خان راتګ له امله لاريونونه ترسره شول او افغانان د افغانستان لپاره د پاکستان څخه په ريښتيني همکاري غواړي.