ولسي جرګه:حکومت دې د سولې مزاکرات دځي ټاکلو  په بهانو نه ځنډوي

ولسي جرګه:حکومت دې د سولې مزاکرات دځي ټاکلو په بهانو نه ځنډوي افغان پارلمان وايي، سولې ته رسېدل د ټولو هیله ده او افغان حکومت او طالبان دې دلته یا هلته د سولې خبرو د ترسره کولو په بهانه نور دغه پروسه نه ځنډوي.او د سولې مزاکراتو ته دې ادامه ورکړي.

د پارلمان غړوویلي، ښايي د سولې خبرو کې شل ورځنۍ دمه د پاتې پړاوونه لپاره د ځای ټاکلو په بهانه نوره هم وغځېږي، چې یو غیرمعقول کار دی.دوی یو ځل بیا پر اوربند ټینګار کړی او ویلي یې دي، چې د سولې خبرو لومړی پړاو د خلکو د تمې خلاف پای ته ورسېد، خو دوهم پړاو کې باید پر اوربند موافقه وشي.هغوی د لومړي پړاو خبرې هسې د وخت ضایع یاده کړه او وايي، چې په تېرو درېو میاشتو کې د سلګونه افغانانو وینې وبهېدې خو په اوربند سلا نه شول.اوس باید د بل هر څه نه زیات سولې ته لومړیتوب ورکړي.

دجمهوری ریاست لومړي مرستيال امرالله صالح وړمه ورځ کندهار کې په خپلې وينا کې پر طالبانو غږ وکړ چې د بهرنيو هېوادونو پر ځای دې په کور  دننه د سولې خبرې تر سره کړي.له ښاغلي صالح وړاندې د ملي امنيت شورا سلاکار حمد الله محب، په خپله ولسمشر غني او د مصالحې عالي شورا مشر ډاکټر عبدالله عبدالله پر طالبانو غږ کړی وو، چې د سولې خبرو دویم پړاو دې افغانستان کې ترسره شي.

د طالبانو وياند نعيم وردګ بیا ویلي، چې طالبان په افغانستان کې د سولې خبرې نه کوي او په وینا یې، افغان ولس ته سوله سپيڅلي ده او دا چې د دوی مخالف لوری په افغانستان کې د سولې خبرو په تر سره کولو ټېنګار کوي، د سولې پر وړاندې د خنډونو جوړلو او بهانې کول دي.

بلخواامرالله صالح ویلي، دا چې طالبان په افغانستان کې د سولې خبرې نه کوي تر شا یې دوه لاملونه شتون لري؛ يو دا چې د طالبانو لاسونه د افغانستان د خلکو پر وينو ککړ دي او بل یې دا چې که چېرې دوی په افغانستان کې د سولې خبرې پيل کړي بيا نه شي کولی، چې له خپلو بهرنيو ملاتړو سره سلا – مشورې وکړي.

ولسي جرګه:حکومت دې د سولې مزاکرات دځي ټاکلو  په بهانو نه ځنډوي
ولسي جرګه:حکومت دې د سولې مزاکرات دځي ټاکلو په بهانو نه ځنډوي

طالبان بیا وايي، چې په افغانستان کې بهرني ځواکونه شتون لري او دا په دې معنا نه شي کېدلی چې افغانستان کې د سولې خبرې به د بهرنيانو له لاس وهنو خالي وي.هغه وايي هتمن باید خبرې افغانستان کې وشي. تر څو افغانان هم د دغخ خبرو نه په سمه توګه واقف ووي.

ولسي جرګه:که نور بندیان خوشي شي جګړه به نوره هم زیاته شي

ولسي جرګه:که نور بندیان خوشي شي، جګړه به نوره هم زیاته شي وروسته له هغه چې په کابل کې د امریکا سفارت ویلي چې وسله وال طالبان په راتلونکو څو ورځو کې له دوی د خپلو بندیانو د خوشي کېدو غوښتنه کړې، پارلمان ویلي، چې د طالب بندیانو خوشي کولو سره به جنګ زیات شي.

د پارلمان وکیلانو په کابل کې د امریکا د سفارت د شارژدافیر پر وروستیو څرګندونو غبرګون ښودلی دی.د ولسي جرګې غړیو ویلي، افغان حکومت د بین الافغاني مذاکراتو تر پیل وړاندې د طالبانو پنځه زره بندیان خوشي کړي چې په هېواد کې یې پر روان وضعیت او د اوربند پر رامنځ ته کولو هېڅ راز اغېز مثبت نه دی کړی.دوی زیاتوي، له منطعي دلایلو پرته د طالبانو د زندانیانو خوشي کول نه یوازې دا چې سوله نه شي راوستلی بلکې د وضعیت د لا ترینګلتیا او کړکېچ لامل کېږي او تاتریخوالی نور هم زاتیدی شي.

د پارلمان غړو د شارژدافیر راس ویلسن وروستۍ څرګندونې د جدي اندېښنې وړ بللې دي او په خبره یې د ولسي جرګې غړي له اوربند او سولې پرته د نورو طالب بندیانو له خوشي کولو سره مخالفت کوي.په کابل کې د امریکا د سفارت شارژدافیر ویلي چې وسله وال طالبان په راتلونکو څو ورځو کې د خپلو اوو زرو بندیانو د خوشي کولو خبره کړې.

 ښاغلي ویلسن ټينګار کړی و چې دا د دوحې هوکړې برخه ده او هوکړه باید عملي کړل شي.افغان حکومت په دې اړه غبرګون نه دی ښودلی.ولسمشرغني دوه ورځې وړاندې په یوه غونډه کې د خبرو پر مهال وویل، چې افغان حکومت د طالبانو پنځه زره بندیان خوشي کړل او اوس د طالبانو وار دی چې سولې ته څومره ژمن دي.

ولسي جرګه:که نور بندیان خوشي شي جګړه به نوره هم زیاته شي
ولسي جرګه:که نور بندیان خوشي شي جګړه به نوره هم زیاته شي

ولسمشر غني ویلي و چې د یادو طالب بندیانو خوشي کول د سولې لپاره نیک ګام و او پرې پښيمانه نه دی.خو وسله والو طالبانو د خپلو پنځه زره طالب بندیانو د خوشي کېدو سره ـ سره جګړې ته دوام ورکړی او د خوشي شویو بندیانو تر نیمايي ډېر برخه بېرته جګړه پیل کړې.

د ولسمشر غني وزيران ناکام او د عبدالله بريالي شول

د ولسمشر غني وزيران ناکام او د عبدالله بريالي شول په دې وروستيو کې د ولسمشر غني او ډاکټر عبدالله عبدالله دواړو وزيران ولسي جرګې ته وروپېژندل شول ترڅو د باور رايه ترلاسه کړي د ولسمشر غني له لوري د ورپېژندل شویو وزیرانو څخه اوه تنه يې په دې بريالي شول. چې د باور رايه واخلي.

بلخوا بیا ۵ نور یې بيا د ولسي جرګې له لوري رد شول، د ډاکټر عبدالله عبدالله لخوا بيا ورپېژندل شوي ۱۲ وزيران غونډ په دې وتوانېدل چې د ولسي جرګې څخه د باور رايه ترلاسه کړي.که څه هم د ولسمشر غني لخوا ورپېژندل شويو وزيرانو ډېره هڅه وکړه چې وکیلان په پيسو او چوکیو راضي کړي او ځانته ترې د باور رايه ترلاسه کړي خو بيا هم ډېری په دې بريالي نشول.ولسي جرګه کې وکيلان د افغانانو ذهنيت ته ګوري چې همدا اوس افغانان څه غواړي،

سوشل میډیا کې د ولسمشر غني لخوا د ورپېژندل شويو وزيرانو څخه د ځينو په وړاندې یې سخت غبرګون وښود او پدې هکله حساس و، ملت چېرته دا مني چې ددوی د مرکزي بانک ريس دې يو لبنانی وي، داسې يو کس چې د افغانستان په ژبه خبرې نشي کولی د افغانستان سره هیڅ ډول تړاو نلري.

ملت هېڅکله داسې کسان نه شي زغملی چې ددوی د بطن څخه نه وي راپورته، له بده مرغه ولسمشر غني داسې کسان د وزیرانو په شکل ولسي جرګې ته ورپېژندل چې د بهر څخه راوړل راغلي او دلته هېڅ ډول تېر او راتلونکي نلري، نه ددوی کورنۍ دلته ژوند کوي نه دوی، ملت پوهېږي چې دا کسان به نن وي سبا به ځي، نو له همدې کبله ملت په ولسي جرګه ډېر زيات فشار راوړ چې په هېڅ وجه دغسې يوه کانديد ته رايه ورنکړي چې د بهر څخه راغلي وي او افغانستان ته د چور او فرصت د يوه ميدان په شکل ګوري.

د ښاغلي غني لخوا اجمل احمدي د مرکزي بانک د مشر په توګه وړاندې شوی وي چې ولسي جرګې په اکثريت رايو رد کړ، احمدي د افغانستان سره هېڅ تړاو نلري نه يې پښتو نه يې دري زده، د ولسمشر غني له لوري ددا ډول کسانو معرفي کول پخپله ددې سبب کېږي چې ولس د ارګ په وړاندې دريځ ونیسي.

د بلې خوا بیا د معارف د وزرات لپاره ولسمشر غني داسې څوک وړاندې کړي و چې په دې څانګه کې یې بريالي کېدل ګران و، رنګينې حميدي يو عمر د ښځو په ملاتړ کې کار کړی دی او په کار دا وه چې د ښځو د چارو وزرات ته يې ورپېژندلې وی خو ولسمشر د پوهنې د وزرات د نوماندې په حيث معرفي کړه چې ماتې يې وخوړه.حسينه صافۍ چې له دې وړاندې یې د اطلاعاتو او فرهنګ وزارت په مخ بېولی و بايد بېرته په همغه پوست مقرره شوې وی، ځکه هم یې پکې تجربه درلوده او هم ورته مناسبه وه

اوس وخت د دې رترسېدلی چې ولسمشر پخپلو کړنلارو بيا يو ځل فکر وکړي، افغانانو ته دې افغانانو ريښتيني استازي وروپېژني، د بهر څخه په راوارد شويو کسانو دې ځان نور نه خواروي که نه ملت اوس به نور هم شا ورواړوي.او د حکومت لا نور هم ناراضه شي. ملت ددې لپاره اوسنی حکومت غوره کړ تر څو داسې کارونه چې د ملت پکې خیر وي خو داسې ونشول او برعکس نور هم مبلک دبهران خوا ته لاړ.

ولسمشر غني د ولسي جرګې اداري پلاوي سره وکتل

ولسمشر غني د ولسي جرګې اداري پلاوي سره وکتل ارګ او ولسي جرګې د غړو تر منځ د جنجالونو په درشل کې د ولسي جرګې رٸیس میر رحمان رحماني د اداري پلاوي په ملتیا له ولسمشر سره وکتل. او په مخلتفو ستونزو ېې ورسره خبرې وکړې.

په دې کتنه کې، د حکومت او مقننه قوې ترمنځ په همغږۍ خبرې وشوې او له ولسي جرګې څخه مننه وشوه چې د کابینې لسو وزیرانو ته یې د تایید رایه ورکړه او د همغږۍ زیاتوالي لپاره پر یو شمېر میکانېزمونو هم هوکړه وشوه.جمهوررئیس غني وویل، ولسي جرګه د هیواد د اساسي قانون د یو بشپړونکي بنسټ په توګه، جمهوري نظام ته ځانګړی اهمیت لري او د همدې لپاره له دې قوې سره باید همغږي زیاته شي.د غه پلاوي دعمومي غونډې وروسته، به جرګه پرېکړه وکړي چې پاتې نوماند وزیرانو ته څه وخت رایه اچونه ترسره کړي.

د جرګې له یو جنجالیزو بحثونو په خواله رسنیو کې د سلو وکیلانو خپور شوی نوملړ دی، چې ویل کیږي د امنیت شورا له لوري مایشتنۍ پیسې اخلي، خو امنیت شورا دا اوازې رد کړې.په ورته مهال ولسي جرګه حکومتي بنسټونه او په ځانګړې توګه ارګ د پیسو په حیف او میل تورنوي، په هم مهاله توګه د ولسمشرۍ ماڼۍ له لومړي مرستیال امرالله صالح غواړي چې پر وکیلانو د فساد لګولي تورونه د شواهدو او اسنادو پر اساس وروستي او ثابت کړي. او دوی ته پر فساد ککړ وکیلان هم ور په ګوته کړي.

یادې جرګې تېره اوونۍ د صالح د څرګندونو په غبرګون چې وکیلان یې په مالي فساد تورن کړل، جرګې یې په غبرګون کې شپږ نوماند وزیرانو ته د رایې اچونې ناسته لغوه کړه او تر اوسه یې په اړه پرېکړه نه ده کړې. صالح د جنېوا په کنفرانس کې د ولسي جرګې غړي پر مالي فساد تورن کړي وو.

ولسمشر غني د ولسي جرګې اداري پلاوي سره وکتل
ولسمشر غني د ولسي جرګې اداري پلاوي سره وکتل

د پارلمان مشر میر رحمان رحماني بیا پر صالح توندې نیوکې وکړې، چې د صالح په مشرۍ زرغون بهیر یو بهرني هېواد پورې تړلی سازمان دی او صالح یې په ځواب کې وویل، چې ولسي جرګې ته درناوی لري خو ټول وکیلان ملایکې نه دي، له هغې را وروسته د ارګ او جرګې تر منځ اړیکې خړې شوي.خو اوس تمه کیږي چې ښایي دغه اړیکې یو ځل بیا جوړې شي.

ولسي جرګه نن لس نوماند وزیرانو ته د باور رایه ورکوي

ولسي جرګه نن لس نوماند وزیرانو ته د باور رایه ورکوي. نن به د هېواد ولسي جرګه لس نوماند وزیرانو ته د باور رایه ترلاسه کولو لپاره د رایو صندوقونه کښېږدي او  له هغه وروسته به پاتي نورو وزیرانو ته صندوقونه کښېښودل شي. او د باور رایه به ورته ورکړي تر څو رسمي وزیران شي او سرپرستي ېې ختمه شي.

د ولسمشرغني اوښاغلي عبدالله عبدالله لخوا وزارتونو ته معرفي شوي وزیران که څه هم پرې نیوکې موجودي دي خو دوی دواړو ویلي چې ټول معرفي شوي کسان مسلکي دي او کولای شي چې یو وزارت چارې په ښه توګه پر مخ ویسي د امنیت سکتور وزیرانو هم خپلې طرحې ولسي جرګې ته وړاندې کړې خو تراوسه پوري د افغانستان د پلازمینې او ولایتونو امنیت ورځ تر بلې د ګواښ لورته ځي او هيڅ داسې ارګان یا سکتورپیدا نشو چې امنیت اداره کړل شي او د دې ادارو چارې پر مخ په سمه توګه ویسي.

اوس پوښتنه داده چې ولسي جرګه به دې نوماند وزیرانو ته د تاید که د رد رایه ورکړي داسې ګنګوسې هم وې چې وړاندې تر دې  چې د رایو صندوقونه کښېښودل شي نوماند وزیران په کمپاین کولو بوخت دي ټول وزارت خونې که امنیتي او یاهم ملکي دي یو وزیر پکښي داسې مثال نشته چې ولس يې پر خولو یاد او ښه نوم ورته غوره کړي تراوسه دا ناکام مسؤلین لاهم  خپلو دندو ته دوام ورکوي. ولس وايي باید دويي ته باور رایه په سوچ او فکر سره وکارول شي.

دولت ادعا کوي چې د هر وزارت لپاره يې وړ او مسلکي اشخاص په دنده ګمارلي خو تراوسه په ډیری مواردو کې مالومیږي چې د وزارتونو لپاره وړ کسانه نه دي معرفي شوي.او اکثره وزیران په ژبو او قومي زور باندې دندو ته راوستل شوي ولس د ولسي جرګې نه هم راضي ندي دويی وايي چې باید ټول وزیران اول وسنجول شي او بیا ورته د باور رایه ورکړل شي باید د مقرریو په بدل کې رایه ورنکړل شي.

د افغانستان ولسي جرګې له دولته غوښتې د باور رایه د نه ترلاسه کیدلو په صورت کې باید وزیر له دندې ګوښ او ورته بل سرپرست وټاکل شي د دې دولت له پیله تراوسه ټول وزارت خونې د سرپرستانو له لوري اداره کیږي چې په دې موده کې هم ډیر کسان راغلل ولاړل اوس به وکتل شي چې ولسي جرګه د خپل مسؤلیت په برخه کې څه کوي.دا به ټول وخت ثابته کړي

ریس جمهورغني: دولت  کې د سرپرستۍ دوره نور باید پاۍ ته ورسيږي

افغان ولسمشر غني وايي ډېر ژر به په دولت کې سرپرستي پاۍ ته ورسوو اود نوې کابينې غړي به د باور رايې ترلاسه کولو لپاره ولسي جرګې ته معرفي شي.نوموړي دغه خبرې پرون د غرمې وروسته یوې غونډې په ترڅ کې کړي دي.

په پارلماني چارو کې د دولت وزير امرخېل وايي، چې ریس جمهور غني د ولسي جرګې د رييس او اداري پلاوي سره ناسته وکړه. هغه وايي، چې په دې ناسته کې د کابينې د غړو د معرفي کېدو تر څنګ، د دولت د درې ګونو قواوو پر همغږۍ هم ټينګار وشو.

لدې وړاندې هم ولسي جرګې بيا بيا د سرپرستانو له لوري د وزارتونو په اداره کولو سختې نيوکې کړي دي او له ولسمشر غني يې غوښتنه کړې ده چې د وزارتونو لپاره نوماندان دې د باور رايې لپاره ولسي جرګې ته وروپېژني.ترڅو دويي په خپلې وظیفې په سمه توګه وکړی او د خلکو د خدمت مسدر وګرزي.

د یادونې وړ ده چې د ملي دفاع، کورنيو چارو، بهرنيو چارو، ماليې، سوداګرۍ، اوبو او برېښنا، مخابراتو او معلوماتي ټېکنالوژۍ، ښار جوړولو او ځمکو، د لوړو زده کړو، د کانونو، پوهنې او ځينې نور وزارتونه اوس هم د سرپرستانو له لوري اداره کېږي.

شل ورځې وړاندې د ولسمشر غني او عبدالله عبدالله ترمنځ یو سیاسي توفق شوۍ وو او په دولت کې ېې عبدالله عبدالله ته ۵۰ ٪ونډه ورکړه د ۱۱ وزارتونو ترڅنګ د یوو شمېر ادارو ریاستونه هم دغه ډلې ته ورکړل شوه عبداالرشید دوستم ته د مارشالۍ رتبه هم په نظر کې نیول شوې ده

بلخوا بیا دغې لا تر اوسه پورې د وزارتونو لپاره نوماندان ندي ټاکلي د بازې سرچینو له مخې په دې اړه د دويي خپل منځي بحث روان دې او ښايي دغه ډېر ژر د خپلې ډلې نوماندان کابینې ته معریفي کړي او بیا په پارلماني چارو کې د دولت وزارت دغه نوماندان ولسي جرګې ته وروپېژني.

دا هم باید یاده کړو چې دواړه ډاکټر صیبان باید ژر تر ژره ولسي جرګې ته خپل نوماندان وروپېژني ترڅو دغه نوماندان خپل کار ته ادامه ورکړي او د عوامو په سمه توګه خدمت وکړي.تېرو۵ کلونو کې اکثره وزیران سرپرستان وو او ولسي جرګې د باور رایه ېې نه وه اخیستې.

دا ځل باید ټول وزیران په یوځاۍ وټاکل شي او په یوځاۍ ولسي جرګې ته معریفي شي ترڅو د سربرستۍ دور پاۍ ته ورسیږي او دغه وزیران په قانوني ډول کار ته ادامه ورکړي او د وزارتونو احداف تر لاسه کړي.