پوهنې وزارت

زابل ولایت کې پنځه مکتبونه ګټې اخیستنې ته وسپارل شول زابل شاجوی، شهري صفا او سیوري ولسوالیو کې پنځه مکتبونه له جوړیدلو وروسته ګټې اخیستنې ته ورکړل شوي چې  د سیمې  سلګونه زده کوونکو ته به د ښې زده کړې ګټه پورته کړي.

د زابل ولایت د کلیو بیارغونې او پراختیا ریاست د مالوماتو په اساس چې دغه ښوونځۍ د اقرا پروګرام په مټ جوړې شوې چې پکښي ۱۲،۸،۶ او ۴ ټولګه ییزې ودانۍ شاملي دي په وړاندې شویو مالوماتو کې راغلې چې دا ښوونځۍ عصري تشنابونه او د څښاک اوبو معیاري سیسټم هم لري.د دغه ولایت د ولسي تړون ملي پروګرام ولایتي مسول استاد منیر احمد وویل چې په نورو ولسوالیو کې هم ګڼې نورې ښوونځۍ تر کار لاندې لري چې په نژدې راتلوونکي کې به یې کارونه بشپړې کړي.

د یاد ولایت د پوهنې رییس نصرالله زاهد وویل چې د دې ښوونځیو په جوړولو سره د سیمې سلګونه ماشومانو ته چې وړاندې يې تر شنه اسمان لاندې زده کړې ترسره کولې د ښې زده کړې زمینه برابره شوه.د هغه په وینا چې اوس مهال د تدریس د کفیت او بهبود لپاره زیار باسي همداشان په ټول زابل کې د ښوونځیو دروازې د ماشومانو پرمخ خلاصي دي

د هغه په خبره د خاک افغان په ګډون د زابل په ټولو ولسوالیو کې ماشومان ښوونځیو ته ځي او هلته زده کړې کوي.د ولسي تړون پروګرام مسؤلین وايي د دې ترڅنګ چې زابل کې د ښوونځیو لپاره ودانۍ جوړوي د اوبو لګولو، برېښنا استنادي دیوالانو او کوچیانو برخه کې هم سلګونه نورې پروژې لري چې اوس يې کارونه روان دي.

دوی وايي چې دا خدمات د اوس لپاره د مرکز کلات او شهري صفا ولسوالیو ته وړاندې کوي او ډیر ژر به نورو ولسوالیو ته هم خپلې پروژې وغځوي ترڅو هلته هم خلک له لومړیو اسانتیاوو، برخمن شي.دويي وایی زمونږ هدف صرف او صرف د افغانستان خدمت دی.او دا خدمت به تل لپاره کوو.

پوهنې وزارت چارواکي وايي د کرونا له امله لا هم مکتبونه نه پرانيزي دغه وزارت ویلي د فعلن لپاره مکتبونه په حضوري بڼه نشي پرانیستۍ ، د دوی په خبره کرونا لا هم مخ په ډېرېدو ده،باید متعلمان او والدین په دې وخت کې د صبر نه کارواخلي،

د پوهنې وزارت خپلې خپزه شوې اعلامیې کې ویلي د افغانستاند یو دولت په توګه د افغان ماشومانو د ژوند، حقوقو او ګټو هر اړخ په پام کې نیسو.فعلن چې په دنیا او افغانستان کې د کرونا خپره ده، د هېوادوالو ژوند او بقا ساتل تر هر څه ډېر ارزښت لري . له همدې امله د افغانستان اسلامي جمهوریت کابینې پریکړه کړې ده چې ښوونځي تر یو ټاکلي وخت په حضوري توګه بند خو غیر حضوري زده کړې دوام کوي.»همداراز په عین حال کې له ځینو اړخونو د پوهنې وزارت ته په کوچنیو ټولګیو او اجتماعاتو کې د درسونو د حضوري پیل کیدو په باب غوښتنې راځي.

دويي په خپله اعلامیه کې زیاتوي د پوهنې وزارت چې د هېواد ماشومانو او د سواد زده کړې د عمر لرونکو ته د با کیفیته او عادلانه تعلیمي خدماتو د رسولو مسئول دی، داخپل مکلفیت ګڼي چې د کویډ – ۱۹ د شیوع په شمول په هر ډول شرایطو کې خپله دنده ترسره کړي، نو ځکه د ځاني زده کړو، تلویزیون، ویب سایټ، موبایل اپلیکیشن او نورو لارو د تعلیمي خدماتو عرضه ژر پیلوي او په عین حال کې د کوچنیو ټولګیو او تجمعاتو بدیل ته صحي مسلکي لارې او پالیسی هدایات پلټي.»

دغ وزارت د کرنطین حالت تر پای ته رسیدو وروسته عاجل تدابیرو باندې هم خبرې کړي دي چې د شاګدانو تیر شوي درسونه هم په معقول شکل جبران شي.د پوهنې وزارت له فامیلونو او درنو والدینو څخه هیله کوي چې د ممکنو بدیلونو له لارې د خپلو اولادونو په زده کړه کې کومک شۍ .د ا هم باید یاده کړو چې خلک بيا بيا په حضوري ډول د ښوونځيو د پېلېدو درخواست کوي او په يو شمېر ولايتونو کې خو د طالبانو لخوا پيل شوي هم دي.چې دا تعجب وړ خبره ده،

په کومو ولايتونو کې چې د طالبانو پکې ښوونځي پيل کړي دي پوهنې وزارت يې هرکلی کړی خو وزارت وايي چې دوی طالبانو ته قناعت ورکوي، ترڅو د اوس لپاره د ښوونځيو پيل د زده کوونکو روغتيا لپاره ګواښ دی.او باید دا هبرې سنجولو سره دويي فیصله وکړي ځکه که چرته شاګردان په دغ وبا اخته شو نو دا به غټه انساني فاجعه رامنځته کړي،

اوس وخت د دې راغلۍ چې باید ټول والدین شاګردان او حکومتي چارواکي په دې پوه شي چې دا وخت د مکتبونو د خلاصېدو نه دۍ باید صبر او تحمل نه کار واخلو او ټول اړخونه وسنجيږي بیا دهغه نهوروسته په اتفاق سره تعلیمي ادارې پرانيزو ځکه که مونږ اوس مکتبونه پیل کړو نو دا ټولو هېوادوالو ته پکې تاوان دۍ که مونږ اوګورو د نړي یو شمېر هېوادونو کې لا هم تعلیمي ادارې او مکتبونه ندي پیل دويي لا هم وايي چې کرونا لويي ګواښ دۍ د ماشومانو لپاره زمونږ دولت ته هم پکار ده چې په دې اړه باید ډېر احتیات نه کارواخلي،