اریان خان: یاقُربان فلم کي به ډېر ژر کار پیل کړم

اریان خان: یاقُربان فلم کي به ډېر ژر کار پیل کړم افغانستان مشهور هنرمند اريان خان په لومړي ځل د پښتو او اردو ژبې فلم (ياقربان) کې کار کوي، چې ويل کېږي په ډېره بوديجه به دا فلم جوړ شي.او د خلکو به هم خوښ شي.

د یا قربان فلم جوړونکى او ډايريکټر عابد نسيم خان دى، چې ويل کېږي د پرمختللې ټېکنالوژۍ او د نوي ساونډ سيسټم په مرسته به جوړ شي.یاد فلم چې په پاکستان کې جوړېږي، په اول ځل به يو داسې فلم وي چې د پښتو ژبې تر څنګ به په اردو ژبه کې هم جوړ شي، چې مشهور هنرمند اريان خان پکې مهم کردار لوبوي.اريان خان په دې اړه له خبریالانو سره په خپلو خبرو کې وويل، چې (ياقربان) فلم په ډېره لويه کچه جوړېږي، چې مشهور اداکاران پکې اخيستل شوي دي

دا فلم به په دوه ژبو (پښتو او اردو) کې جوړ او نندارې ته وړاندې شي.نوموړي د فلم په اړه نور معلومات ورنکړل، خو وې ويل چې د فلم په اړه به نور معلومات ډېر ژر د دې فلم د لومړي عکسونو له خپرولو سره ورکړل شي.د دې فلم په اړه د فلم جوړونکي عابد نسيم خان هم په ټولنيزو رسنيو کې يو پوسټ کړى دى او ليکلي يې دي، چې په (ياقربان) فلم کې يې اريان خان اخيستى دى.نوموړی وايي چې زما رول به یاقربان فلم کې مهم وي او د خلکو به هم خوښ شي،

هېره دې نه وي چې اريان خان له دې وړاندې هم په پښتو فلمونو کې کار کړى دى، چې څو کاله مخکې يې د (ګل جانه) په نوم فلم کې کار کړى و. دا فلم لياقت علي خان جوړ کړى و.ياده دې وي چې اريان خان په ځينو نورو پروژو هم کار کوي، نوموړي څه وخت مخکې خبریالانو ته ويلي و، چې غواړي د افغانستان په تاريخي شخصيتونو باندې هنري کار وکړي او په ښه ډول دا شخصيتونه په هنري بڼه هېوادوالو ته وړاندې کړي.

اریان خان: یاقُربان فلم کي به ډېر ژر کار پیل کړم
اریان خان: یاقُربان فلم کي به ډېر ژر کار پیل کړم

ښاغلی اریان خان یو تکړه هنرمند دی او د ټولو خلکو په ښه اخلاقو خوښيږي.نوموړي تل کوشش کړی چې پښتنو لپاره ګټور فلمونه جوړ کړي هغه خر وخت دا فکر کوي ې باید زما د هنر له لارې پښتانه ښه نوم پیدا کړي او د هنر له امله مو پښتو بدنامه نشي.

دکورونا ويروس مختلفواجتماعي شبکو شرکتونوته ۱.۳ ټریلیونه ډالره نقصان ورساوه

د پښتو نخوا مشهور سندر غاړۍ کرن خان د خپل نوي البم (ګلقند) ټپييزې تېره ورځ د ټولنيزو رسنيو په يوټيوب او فېسبوک وېبپاڼو نشر کړې وې، چې ويل کېږي په يوه ورځ کې دننه ١٠٠ زره کسانو اورېدلي دي نوموړي دغه ټپيرې په فیسبوک او يوټیوب باندې نشر کړې وې. .

دغه ټپييزې چې د کرن خان په خپل رسمي يوټيوب چېنل باندې د مۍ په ٢٦مه نېټه خپرې شوې دي، تراوسه پورې ١٠٤ زره کسانو اورېدلي دي او لا هم اوریدل کيږي دا هم باید یاده کړو چې دغه چینل به نومړي ته ډیرې پیسې ورکړي کوم چې عام وخت کې چې د چا ویډیو ډیره لیدل کيږي نو د خلکو په حیساب کې پیسې جمع کيږي. .

کرن خان په دې اړه په خپل ټويټر باندې هم په يو ټويټ کې له خلکو څخه مننه کړې ده چې د هغه دغه ټپييزې يې په يوه ورځ کې په دومره ډېره کچه اورېدلي دي. هغه وايي دا زه د خپل ځان او ملګرو لپاره د ډاډ وړ ګڼم.

په یو ورځ کې د یو لاک نه زیاتو خلکو د ګلقند ټپئيزې واورېدې
زه یې د ځان او خپلو همکارانو ملګرو لپاره د ‌‌‌‌‌‌ډا‌‌‌‌‌‌‌ډ وړ ګڼم
ستاسو ټولو کتونکو او خوښونکو مننه کوم
Karan Khan – Tapaezy (Official) – Gulqand (Video) https://t.co/QrBSMj6Qtn via @YouTube

— Karan Khan (@karanpukhtoon) May 28, 2020


د کرن خان د (ګلقند) البم سندرې په انلاين بڼه په خپل يوټيوب چېنل خپروي، چې له دې مخکې يې د (مور)، (سبحان الله)، (وبا ده) او (سوله) په نوم سندرې مخکې خپرې کړې دي، چې سوله سندره يې څه کم يو ميليون کسانو اورېدلې ده او نورې سندرې يې هم هره يوه له سل زرو څخه زياتو کسانو اورېدلي دي.

د یادونې وړ ده چې کرن خان د پښتو ژبې واحد سندرغاړۍ دۍ چې په پښتو ژبه کې د پېښور پوهنتون نه ماستري لري او یو تعلیم بافتع ځوان هنرمند دۍ. نوموړۍ د پښتونښوا سوات سیمې سره تعلق ساتي او د افغانستان سره ځانګړې مینه لري. نوموړي د سندرو ویلو نه علاوه خپله په خپل لاس شعرونه هم لیکلي دي