ولسمشرغني د رحیم ګردېزي ګروپ د ځڼغوزیو فابریکه رسماً پرانیسته

د افغانستان اسلامي جمهوریت جمهوررئیس محمداشرف غني د رحیم ګردېزي د ځڼغوزیو د پروسس فابریکې د پرانیستې په مناسبت جوړه شوې غونډه کې ګډون وکړ.په ارګ کې په دې مناسبت جوړې شوې غونډې ته چې د پکتیا مرکز ګردېز څخه د پکتیا، پکتیکا، خوست او لوګر واليان او یو شمېر نور مشران د ویډیو کنفرانس له لارې وصل وو،

د پانګونې د اسانتیا واحد رئیس عطاالله نصیب وویل، د جمهوررئیس غني په وینا زموږ پټې خزانې نورې ښکاره، مشروع، رڼې او د استفادې وړ دي او د ځڼغوزیو د قاچاق مخنیوي، تولید پروسس، بسته بندۍ او خرڅلاو کې پام وړ پرمختګ راغلی.هغه له رحیم ګردېزي ګروپ څخه د دغې مهمې پانګونې مننه وکړه او وې ویل، افغانستان د کال ۲۴ زره ټنه د ځڼغوزیو حاصلات لري چې د حکومت په پاملرنه هر کال لس، دولس سلنه زیات او زرګونه خلکو ته کاري زمینې برابرېږي. له نورو پانګوالو څخه هم د پانګونې هیله کوو او ډاډ ورکوو چې ټولې لازمې اسانتیاوې به ورته برابرې کړو.

د کرنې، اوبو لګولو او مالدارۍ وزیر جمهوررئیس ته د رحیم ګردېزي د ځڼغوزیو د پروسس فابریکې د مبارکۍ پرمهال وویل، دا ستاسو په نوښت او هڅونه جوړه شوه چې د ځڼغوزیو تولید او عاید به ورسره زیات او د ارزښت زنځیرپیاوړی شي. هغه زیاته کړه، رحیم ګردېزي شرکت د پولادو په برخه کې ښه نوم لري او هیله ده چې د ځڼغوزیو په برخه کې هم ښه وځلېږي.ډاکټر انورالحق احدي څرګنده کړه، دغه ډول کرنیزې صنایع د هیواد په صنعتي کېدو کې خپل ارزښت لري. افغانستان د ځڼغوزیو تولیدونکی او صادرونکی هیواد دی او د ځڼغوزیو په ګډون د بېلابېلو ځنګلونو احیا سره به ګڼو خلکو ته کاري زمینې برابرې او ملي عواید لوړ شي.

د سوداګرۍ او پانګونې خونې د مدیره پلاوي لومړي مرستیال محمدیونس مومندجمهوررئیس څخه په مننې وویل، غواړو ستاسو په پاملرنه د افغانستان ټول کرنیز پیداوار د ځڼغوزیو غوندې د تولید، پروسس او بازارموندنې له پلوه وده وکړي. کوم پانګوال چې پانګونه او نوښتونه کوي د هڅونې په موخه دې ورته مډال ورکړل شي چې د کاروبار له لارې عواید لوړ او هیواد په پښو ودرېږي.

ورپسې د رحیم ګردېزي د ځڼغوزیو د پروسس فابریکې رئیس محبوب الله ګردېزي وویل، په پکتیا کې د دغې لویې او معیاري فابریکې په جوړولو او پرانیستلو چې ټولو ته د ښه راتلونکي هیله ورکوي خوښ دی او جمهوررئیس ته یې د هغه د پرانیستې مبارکي وویله.

ولسمشرغني  د رحیم ګردېزي ګروپ د ځڼغوزیو فابریکه رسماً پرانیسته
ولسمشرغني د رحیم ګردېزي ګروپ د ځڼغوزیو فابریکه رسماً پرانیسته

جمهوررئیس غني په ټینګار سره وویل، زموږ پانګوال د هیواد د اقتصاد د ملاتیر دي اود بازار منطق درک کوي، له ټولو نړیوالو مناسباتو څخه به دوی ته د لازمو اسانتیاوو برابرولو لپاره استفاده وشي. هغه زیاته کړه، پانګوالو ته د لازمو اسانتیاوو برابرولوکې ځنډ او خنډونه د منلو وړ نه دي.هغه وویل چې باید لا نور پانګوال هم تشویق شي تر څو هېواد مو اقتصاد برخه کې نوره هم ود وکړي.

عبدالله او غني د ناټو له سرمنشي سره خبرې کړي دي

د غني اوعبدالله ترمنځ د وزیرانو پر سریو ځل بیا جنجالونه رامنځته شوي دي درې میشتې کيږي چې ګډ دولت هوکړه لیک لاسلیک شوۍ دۍ خو لا هم کابینه نده بشپړه شوې او ناندرۍ پکې رامنځته شوي دي ولسمشر غني د عبدالله عبدالله له طرف نه معریفي شوي وزیران نه مني او ورنه ېې غوشتي د دبازې وزیرانو پر ځاۍ نوي وزیران رامعریفي کړي،

دا په داسې حال کې چې پارلمان وکيلان په خپلو دوبنیو رخصتیو باندې وځي، ډاکتر عبدالله د خپل نوماند وزیرانو نوملړ له ارګ سره شریک کړی چې تېره ورځ د ولسمشر ویاند صدیق صدیقي وویل چې مغریفي شوي وزیران مونږ ته د منلو وړ ندي په ورته وخت کې ګڼ شمېر هېوادوال اوسني امنیتي وضعیت ته په کتو پر دوړاړو مشرانو نیوکه کوي چې دوی د هېواد لپاره هېڅ فکر نه لري او خپلې شخصي ګټې پالي.بازې هېوادوال پر جمهور ریس غني باندې نیوکې کوي چې دوستم ته د ډاکتر عبدالله په غوښتنه د مارشالۍ رتبې ورکړه مناسبه او د کابینې نوماند وزیران یې نا مناسب بلل هسې خلکو ته دوکه ورکول دي،

دیادولوده چې څه موده مخکې په جوزجان کې دوستم ته د یو لړ ځانګړو مراسمو په ترڅ کې د مارشالۍ افتخاري رتبه ورکړه. دغې رتبې په کور د ننه توند غبرګونونهراپارولي .که څه هم ولسمشر غني او د نوموړي مرستالانو په دغې مراسمو کې برخه نه لرله او ولس ته یې دا ښودل چې ګواکې دا کار د عبدالله دی، خو په ولسي کچه له جمهور ریس غني څخه هم ګیلې زیاتې وې چې ولې یې له عبدالله سره د نوموړي مارشالي هم ومنله او دا یوه تاریخي تېر وتنه ده ،

ولسمشرۍ ماڼړۍ څخه خپره شوې خبرپاڼه وایي چې د سياسي توافق له مخې د عبدالله عبدالله ټيم ته په کابينه کې برخه ورکوي، خو نوموړی به له ژمنې سره سم مسلکي او وړ کسان باید رامعریفي کړي،

اوس یو ځل بیا د کابينې پر سر د جمهور ریس غني او د ملي مصالحې عالي شورا رئيس ډاکتر عبدالله ترمنځ د جنجال راپورونه ورکړل شوي دي، خو بلخوا بیا د ښاغلي غني وياند صديق صديقي یوه خبري کنفرانس ته وویل چې د ولسمشر غني ټول ټينګار پر دې دی چې دا ځل په مسلکي او سياسي وزن برابره کابينه رامنځته کړي او د عبدالله عبدالله له لوري معرفي شوي کانديدان د وزارت کولو تاونايي نه لري،

د راپورونو له مخې له ډاکتر عبدالله څخه غوښتنه شوې چې هر څومره ژر کېږي پر ځای يې نوي او وړ کسان را معرفي کړي، خو د وزارتونو پر سر د عبدالله په ټيم کې جنجالونو دغه پروسه نوره ټکنۍ کړې ده.بلخوا پع سوشل ميډيا کې هم په دې اړه غبرګونونه راپارولي او وايي چې څومره ژر کيږي باید کابینه جوړه شي او سیاسي اختلاف له منځه لاړ شي ترڅو دغه خلک سولې لپاره کار پیل کړي او هېواد ته سوله راولي،

د بازې سرچينیو له مخې شاید یو ځل بیا قومي مشران هر یو عببدالرب رسول صباف او حامد کرزۍ دې شخړې هواره لپاره میدان ته راووزي دويي به یو ځل بیا هڅې وکړي ترڅو دواړه مشران په یو مېز کېنوي او کابینې پر سر راپارېددلي جنجالونو ته د حل لاره اوګوري،

ډاکټرعبدالله په خپله ډله کې پروزارتونو نه جوړیږي

ډاکټرعبدالله په خپله ډله کې پروزارتونو نه جوړیږي سرچینې وایي، چې د مصالحې عالي شورا د مشرډاکټر عبدالله عبدالله په مشرۍ د ثبات او همپالنې ټاکنیز ټیم مشران په کابینه کې دخپلې ونډې پر تقسیم نه جوړيږي،

یوې ورځپاڼړې د خپلو سرچینو په حواله ویلي، چې د کورنیو چارو وزارت وعده ډاکټر عبدالله د کریم خلیلي د حزب ته ورکړې وه.خواوس دغه وزارت ته د اندرابي چې د دغه وزارت سرپرست وزیردساو دهمده په معرفۍ توافق شوې، خو بازې سرچینې وايي خلیلي ترینه بدل کې دوه نور وزارتونه غواړي.همدارازویل شوي، چې جنرال دوستم سره ډاکټر عبدالله د درېیو وزارتونو ژمنه کړې خو اوس دوه وزارته غواړي ورکړي، چې د هغه له مخالفت سره هم لاس او ګریوان دۍ،

د ثبات او همپالنې د ټیم له خوا د دوه ښځینه وزیرانو پر معرفۍ هم یو بل لامل دس چې د کابینې ټاکل ځنډېدلي دي بازې سرچینۍ ویلي ، چې عبدالله د محقق له ګوند څخه د معصومه خاورې په نوم یوه نوماند وزیره په ګوته کړې، خو د بلې نوماند وزیرې په اړه لاهم خبرې روانې دي ولسمشر غني وعده کړې وه، چې کابینه به څلور وزیرانې ښڅینه نوماندانې ولري،

هغه څو ورځې مخکې په یوه تلویزوني مناظره کې له ښاغلي عبدالله وغوښتل، چې په معرفي کوونکو نوماند وزیرانو کې دې دوه ښځینه هم په نظر کې ولري.د دغو ناندریو د دوام خبر په داسې وخت ورکړل شوی، چې دوه اونۍ وروسته به ولسي جرګه د موسمي رخصتۍ پلان لري.

بلحوا ولسي جرګې له دولت نه غوښتي، چې نوماند وزیران زر د باور رایې ترلاسه کولو لپاره ور معرفي کړي.د جمهور ریس غني او ډاکټر عبدالله د سیاسي تافق لیک له مخې، د کابینې پنځوس سلنه کسان به ښاغلی غني او پنځوس سلنه نور ډاکټر عبدالله معرفي کوي.

اوس باید ډاکټر عبدالله چې څومره ژر کولۍ شي خپلمنځي اختلافات ختم کړي او ژر تر ژره کابیني ته خپل نوماند وزیران ور وپېژني ځکه اوس وخت د دس چې باید یو ملي اجماع رامنځته شي او د سولې لپاره کاروشي که مونږ اوګورو ولسمشر غني خپلې وروستۍ مرکه کې ویلي دي چې ځما بیوه دنده دا ده چې څنګه ملي اجماع رانځته کړم او د سولې لپاره څنګه کوشش وکړم چې ژر تر ژره د سولې لپاره پلان عملي شي،

د یادونې وړ ده چې د ولسمشر غني لخوا تر دې دمه پورې یو څو وزیران کابینې ته معریفي شوي دي،او لاهم دغه لړۍ روانه ده د ماليې وزارت لپاره ېې ارغندیوال صیب معریفي کړی د ښځو چارو لپاره ېې حسینه ساپۍ د روغتیا لپاره ېې ډاکټرجواد عثماني د افغانستان بانک لپاره اجمل احمدي د ښار جوړونې لپاره ېې محمود کرزۍ او داسې نور هم له ولسمشر لخوا مغریفي شوي دي او ولسي جرګې ته معریفي شوي خو اوس صرف د ډاکټرعبدالله له طرفه پاتې دي،

د جمهورریس غني په مشرۍ د کابینې غونډه تر سره شوه

د ولسمشر په مشرۍ په ولسمشرۍ ماڼۍ کې د کابينې غونډه تر سره شوه، دغه غونډه کې د وزیرانو ترڅنګ د ولایاتو والیانو هم ګډون وکړ یاده غونډه د ویډیو کانفرانس له لارې تر سره شوه او د ولسمشرلخوا اړوندو ادارو ا خلکو ته سپارښتنې هم وشوې،

د ولسمشرۍ ماڼړۍ وايي اول جمهوررئیس غني، د امنیتي او دفاعي ځواکونو او ملکي وګړو پر وړاندې د طالبانو له لوري وروستي حملې او د تاوتریخوالي دوام سخت وغانده او هغه یې سولې ته د ژمنتیا روحیې خلاف وباله او همدارنګه د هیواد په وروستیو پزمختګونو رڼا واچوله.جمهوررئیس د بهرنیو اسعارو پر ځای د افغانیوعامولو په برخه کې د ننګرهار والي فعالیتونو ستاینه وکړه والیان یې وظيفې ورکړې چې پخپلو اړوندو ولایتونو کې دې کار ته پلانونه جوړ کړي،ولسمشر غني د پروژو په تطبیق کې د لا زیات تحرک او خلکو ته د خدمت کولو بهیر چټکتیا، ولسوالیو او کلیو ته د لومړیتوب ورکولو په اړه خبرې وکړې، وزارتونه او دولتي ادارې یې موظف کړې ترڅو د انکشافي پروژو د بودجې په لګښت کې خپله وړتیا مشخصه کړي او راپور یې د کابینې غونډې ته د وړاندې کولو په موخه مالیې وزارت ته واستوي

ورپسې، د جمهوري ریاست لومړي مرستیال د کابینې غړو ته په اجنډا کې د یادو شویو موضوعاتو د معرفي کولو ترڅنګ، د هیواد پر امنیتي او دفاعي ځواکونو د دښمن له لوري بریدونه وغندل او د هیواد د دفاع په لاره کې یې د دفاعي او امنیتي ځواکونو مېړانه وستایله.

راپورونو له مخې په همدې ترتیب د جمهوررئیس دویم مرستیال د سوشل ميډیا په قانون کې د احتمالي تعدیلاتو وړاندیز په اړه چې د رسنیو ټولنې د اندېښنې لامل شوی و، معلومات وړاندې کړل. کابینې پرېکړه وکړه چې په پارلماني چارو کې د دولت وزارت دې یاده وړاندیز شوې طرحه بېرته له پارلمان څخه وګرځوي ترڅو د جمهوررئیس د دویم مرستیال تر نظر لاندې د هیواد د رسنیو ټولنې سره په مشوره لا زیات دقت پرې وشي.

د صحت وزارت نوماند او سرپرست په څلورو برخو؛ تشخیص او وقایه، جدي مراقبت، د وضعیت تحلیل او راتلونکي ګامونه کې په هیواد کې د کرونا وضعیت څرنګوالي لنډ راپور او همداراز د ولایتونو اړتیا وړ اکسیجن سروې او د اکسیجن د پېرلو لپاره د مارکېټ ارزونه غونډې ته وړاندې کړه.

کابینې کرونا ویروس سره د مبارزې په برخه کې د روغتیایي کارکوونکو، روغتیایي پرسونل او د عامې روغتیا وزارت رهبرۍ د ستاینې ترڅنګ، هغه وزارت موظف کړ چې د اخته شویو، ښو شویو او د کرونا ویروس له امله د مړو شویو کسانو رسمي او غیر رسمي ارقام او د دې ویروس د اغېز څرنګوالي پر اساس اړوندو بین المللي بنسټونو سره ګډ علمي تحلیل او د هیوادوالو د مقاومت او دفاعي سیستم کچه د راتلونکې اونۍ تر شنبې ورځې د حکومت رهبرۍ غونډې ته وړاندې کړي او پایله یې د کابینې غونډې سره شریکه کړي

دولت باید دغه اقدامات او سپارښتنې صرف د غونډو پورې محدودې نکړي باید عملي اقدامات وکړي ترڅو عام وګړو ته په سمه توګه خدمات وړاندې کړي او ولس د دغو شته بد بختیو نه وژغوري ځکه افغانستان د ډېر پخوا راهيسې د بد بختیو او جنګونو سره مخ دۍ باید نور حکومت او سیاسیون جدي اقدامات وکړي،

جمهور ریس غني د کرونالپاره ۷ ماديي حکم امضاء دی چې پکې کرونا ویروس سره د مبارزې منابعو د مدیریت او مصرف د څرنګوالي اړوندشکایتونه او راپورونه ارزوي.د دې وړاندې د کرونا ویروس په اوازې چې ولایاتو کې دغه پیسو نه فساد شوۍ دۍ،

پرون د غرمې نه وروسته د افغانستان ولسمشر محمد اشرف غني د روغتیا، ښار جوړولو او ځمکو او ښځو چارو وزارتونو او د افغانستان بانک عمومي ریاست نوماند سرپرستان د معریفي غونډه ترسره شوه.او په دغه غونډه کې ېې د یادو وزارتونو وزیران معریفي کړل.

یاده غونډه کې د ښار جوړولو او ځمکو وزارت نوماند او سرپرست وزیر د حکومت د رهبرۍ له باور څخه د مننې ترڅنګ ښار جوړولو او د ځمکو مدیریت ته د پاملرنې په برخه کې خپل اهداف او لومړیتوبونه جمهوررئیس سره شریک کړل.

ارګ یوه خبرپاڼه کې زیاتوي؛ وروسته د عامې روغتیا نوماند او سرپرست وزیر ډاکتر محمد جواد عثماني خبرې وکړې او د جمهوررئیس له باور څخه د مننې ترڅنګ یې وویل: «ژمنه کوم چې خپلو خلکو ته به خدمت کوم. هغه کرونا ویروس سره د مبارزې په برخه کې د خپلو لومړیتوبونو، په روغتونونو کې اصلاحاتو، د روغتیایي خدمتونو د وړاندې کولو ښه والي او د خلکو اړتیاوو ته د رسېدو په برخو کې هم خبرې وکړې.»

حسینه ساپۍ: د ښځو چارو وزارت نوماندې او سرپرستې وزیرې حسینه ساپۍ خبرې وکړې او د جمهوررئیس او د هیواد د لومړۍ مېرمنې باور څخه په مننې یې وویل، د ښځو حقونو د ښه والي لپاره به کار وکړم.

د افغانستان بانک عمومي ریاست نوماند او د دې بنسټ سرپرست اجمل احمدي په صنعت او سوداګرۍ وزارت کې د خپلو پخوانیو کړنو په اړه خبرې وکړې وې ویل، هڅه یې کړې چې د جمهوررئیس د لارښوونو پر اساس افغانستان له وارداتي هیواد څخه په صادراتي بدل کړي، ترڅو ښې سوداګریزې اسانتیاوې برابرې شي. وموړي زیاته کړه، کابینه د ټول هیواد هېنداره ده او وزارتونه او نورې ادارې له ټول افغانستان سره تعلق لري.

ولسمشر غني د هغوی د خبرو تر اورېدو وروسته وویل: «د دولت دنده د هیلو رامنځته کول دي او موږ د هیلو ټیم یوو او په سختو شرایطو کې زموږ مسوولیت زیاتېږي چې هیله رامنځته کړو.»هغه زیاته کړه، خپل ملت ته باید د خدمت کولو غښتلې، ملي او اسلامي اراده ولرو. ملت له موږ تمه لري داسې میراث پرېږدو چې د سولې او هوساینې لپاره د هیواد لیدلوری روښانه وي.

جمهوررئیس وویل:

«ژمن او مصمم ټیم رامنځته شوی او د یوه واحد ټیم په توګه د افغانستان د حکومت رهبري به ستاسو په خدمت کې وي او تاسو په دولت تکیې ته د یوه اساسي بنسټ په توګه وګورئ.»

ښاغلي غني د ښارګوټو د تنظیم په برخه کې د ښارجوړولو او ځمکو وزارت نوماند وزیر څخه وغوښتل چې دغه سکتور باید لا زیات حرکت وکړي. هغه زیاته کړه، خلکو ته دې سټنډرډ ښارګوټي، ارزان بیه او د باور وړ کورونه جوړ شي او د افغانستان د لویو ښارونو رنګ ته بدلون ورکړئ.

د یادونې وړ ده چې ولسمشر د کابینې غړو ګمارنو ته دوام ورکړۍ دۍ او ښايي دغه تر خلاثیدو پورې لا هم دوام وکړي که دا هم باید یاده کړو چې د ډاکټر عبدالله لجوا لا هم کابینې ته د خپل ټیم غړي ندي معریفي کړی خو بیا د دغې ټیم مهم کسان وايي چې ډېر ژز به کابینې ته خپل غړي معریفي کړي.

امرالله صالح او د سولې پروسې کې خنډ

پرون دوشنبه د کابینې غونډه وشوه.په دغې غونډې کې په تدريجي ډول د کرنټين کمولو طرحه، چې د عامې روغتيا وزارت د روغتيايي خدمتونو وړاندې کولومرستیال وړاندې کړه، او دغه طرحه د کابينې لخواتصويب هم شوه.

د ولسمشرۍ مانړۍ لخوا په خپره شوې خبرپاڼه کې راغلي چې کابينې د روغتیا وزارت ته وظیفه ورکړه چې له اړوندو بنسټونو سره په همکارۍ، ياده طرحه په دريو ورځو کې د عنوان، د بيا کتنې مراحلو او د مراحلو په محتوياتو کې د وضاحت او د کابينې د نورو غړو اصلاحي نظرياتو ته په پام تصحيح او همدا راز د عمل او عامه پوهاوي پلانونه ترتيب او د کورونا ويروس د خپرېدو مخنيوي اضطراري کمېټې د فوق العاده غونډې تر تاييد وروسته راتلونکې غونډې ته وړاندې کړي.

یاده غونډه چې د ولسمشر غني په مشرۍ جوړه شوې وه، پکې د کورونا ويروس د مخنيوي په چارو بحث وشو او د ستونزو او د مشکلاتو د ژر حلولو په اړه اړوندو ادارو ته وظیفې ورکړۍ شوې

د کابینې غونډه په انلاین بڼه وشوه او وزیرانو ترڅنګ د بازې ولایتونو والیان هم شریک ول هغوي ته هم په اړوندو چارو کې لارښوونې وشوې دا هم باید یاده کړو چې په دغه غونډه کې د وزیرانو ترځنګ نور دولتي لوړ پوري چارواکې هم موجود د دغو چارواکو نظریات هم واوریدل شول.

د یادونې وړ ده چې افغانستان د پلازمېنې کابل په شمول ولایاتوکې د دوو میاشتو راهیسې کرنطین وو او عام وګړو نشو کولۍ چې بغیر له ضرورته بیرن په بازارکې وګرزي د ګرزنبندیز تر څنګ دولتي ادارات هم ټول رخصت ول او دولتې مامورین ټول په کورونو کې کرنطین شوي وو.

اوسمهال د دغې نوې طرحې له مخې به دولتي ادارات شفټوار کارونو ته ادامه ورکوي او کزنطین په تدریجي ډول باید ختم شي.دغه طرخه دې لپاره جوړه او تصویب شوه چې عام وګړونشوکولۍ چې خپله د ورځې مزدوري وکړي او د هیواد اقتصاد مخ په خرابیدو وو نو اوس به د دې طرحې له مخې په تدریجي ډول خلاص ضي او د هیواد اقتصاد مخ په خه کیدو شي.

دا هم باید یاده کړو چې افغانستان کې په کرونا ویروس اخته کسانو شمیر له ۱۵ زرو اووښتۍ او په تیرو ۲۴ ساعتو کې هم ګڼ شمیر هیوادوال په دغه ناروغۍ اخته شوي دي او دغه لړۍ ال هم دوام لري مونږ ټولو هیوادوالو ته پکار دي چې کرونا جدي ونیسو او د داکټرانو په توسعو باندې عمل وکړو.