ولسي جرګه:د عامه شتمنیو د چوراجازه هیڅ چا ته نه ورکوو

ولسي جرګه:د عامه شتمنیو د چوراجازه هیڅ چا ته نه ورکوو له هغه وروسته چې د بودیجې د رد له امله ولسمشر اشرف غني په ولسي جرګه نیوکې وکړې او د بودیجې چمتو کول يې د حکومت صلاحیت وباله د ولسي جرګې مشررحماني يې په ځواب کې ویلي، چې  حکومت ته د عامه شتمنیو د اختلاس اجازه نه ورکوو.

ولسمشر غني څو ورځې مښکې د پارلمان لخوا د ۱۴۰۰م مالي کال د بودیجې د رد کېدو په غبرګون کې ویلي وو، چې د بودیجې چمتو کول د اجرائیه قوې صلاحیت دی او حکومت «سلیقوې پروژې» په بودیجه کې ځایولای نشي.د غني له قوله، د ولسي جرګې دنده داده چې بودیجه په بشپړ ډول رد او یا هم په بشپړ ډول ومني.د ولسي جرګې غړو په ناسته کې د اشرف غني څرګندونو ته توند غبرګون ښودلی

دوی ولسمشر غني تورن کړی چې تیاره ذهنه» او له قوانینو ناخبره دی؛ خو ددوی له قوله، ولسي جرګه به اجازه ورنکړي چې یو څوک له اساسي قانون څخه خپل شخصي تعبیر وکړي او د عامه شتمنۍ اختلاس کړي.د ولسي جرګې د مشر «میر رحمان رحماني» په خبره، د اساسي قانون په اساس د بودیجي چمتو کول د حکومت دنده ده؛  خو د تصویب او تعدیل واک یې له ولسي جرګې سره دی.رحماني ددې تر څنګ ټینکار کړی، چې بودیجه باید په متوازن ډول چمتو شي او د کم معاش لرونکو مامورینو ته لوړ معاشونه وټاکل شي.

د غني او پارلمان تر منځ جنجال وروسته له هغه دی، چې کابو یوه اوونۍ وړاندې ولسي جرګې د حکومت له لوري ور وړاندې شوې بودیجه غیرمتوازنه وبلله او رد یې کړه.د ولسي جرګې مالي او بودیجوي کمېسیون وویل ،چې پارلمان ته وړاندې شوې بودیجه اوولس جدي مشکلات لري، چې له امله یې پارلمان نشي کولای یاده بودیجه قبوله کړي.

ولسي جرګه:د عامه شتمنیو د چوراجازه هیڅ چا ته نه ورکوو
ولسي جرګه:د عامه شتمنیو د چوراجازه هیڅ چا ته نه ورکوو

د بودیجې کمېسیون په وینا د ۱۱۳۱ ولایتي پروژو لیري کول، ۹۱ او ۹۲ کوډونو ته د میلیارډونو افغانیو ځانګړي کول او له بودیجی څخه یوه برخه د ولسمشرۍ ماڼۍ د عملیاتي واحد په واک کې ورکول د بودیجې له ستونزو څخه دي.دوی وای چې هیڅ کله به دا اجازه ورنکړي چې چارواکی دا ډول کړنې تر سره کړي.

په شکایاتو کمیسیون کې اختلاف وروستۍ پرېکړه ځنډولې وه


د ټاکنیزو شکایتونو کمېسیون وایي ټولې چارې یې بشپړې شوي او یوازې د کمېشنرانو لاسلیک پاتې دی. د شکایتونو کمېسیون وايي، چې دوی تر اوسه د ۳ سوه زره جنجالي رایو په اړه تصمیم نه وو نیولی

دوی ټینګار کوي، چې تر ډیره دغه کارونه مخکې تللي او یوازې د کمېشنرانو لاسلیک ته پاتې وو. مسولین وايي، د کمېشنرانو ترمنځ د نظر اختلاف د دې لامل شوی وو، چې دغه پرېکړه ونشي.

 د یادونی وړ ده چی یو شمیر نوماندانو لخوا یاد کمیسون ته شکایتونه کړی وو او کمیسون یی د یو مشخص ټيم په حمایه کولو تورن کړی وو.

 د شکایتونو کمېسیون ته دوه ورځې قانوني موده پاتې وه چې خپل ټول کارونه ختم کړي د شکایتونو کمېسیون مسولین وايي، دوی هڅه کوي، چې خپل ټول کارونه ختم او نتایج له خلکو سره شریک کړي.

دیاد کمیسون کمیشنر قاسم الیاسی خبر یالانو ته وویل، که دغو رایو ۳۵ سلنه معیارونه نه وي پوره کړي نو د ۱۳۷زره رایو ټول اړوند محلونه به باطل اعلانيږي

د آفغانستان ولسمشری له ټاکنو څه باندی څلور میاشتی،د لومړنی مهالویش له مخی یی باید پایلی د لړم میاشتی په ۱۶ اعلان شوی وی. بلخوا نن پانجشنبه د شکایاتو کمیسون په یوه خبري غونډه کی وویل چی دوی خپله فیصله نهای کړی ده او کمیسون ته یی استولی ده تر چو نهای فیصله وکړی