د IPL غوره ویکټ اخیستونکي پلیران

د IPL غوره ویکټ اخیستونکي پلیران د هند ای پي ایل سیالۍ چې د سپټمبر پر ۱۹مه تاریخ پیل شوي دي تر اوسه یې ۲۸ سیالۍ ترسره شوي دي چې هرې لوبډلې پکې ۷ لوبې تر سره کړي دي.او لا هم دغه لوبې روانې دي.

د نورو کلونو په څېر روان کال هم د لوبغاړو پرفامنس ته په کتو سره غوره توپ وهوونکو او ویکټ اخیستونکو ته درجه بندي په نظر کې نیول شوې ده.سږکال د ۲۰۲۰م کال ای پي ایل سیالیو په څلورو غوره ویکټ اخیستونکو لوبغاړو کې تر اوسه یو افغان لوبغاړی راشد خان شامل دی چې په دغې نوملړ کې ورځ تر بلې مخکې تګ کوي.د لوبغاړو لوبو ته په کتو سره هره ورځ دا نوملړ تغیرات کوي یو شمېر لوبغاړي پکې پرمختګ کوي، خو یو شمېر یې بیا د خرابو لوبو کولو له امله شاته پاتې وي.

یاد لیګ د ۲۸مې لوبې پورې تر دې دمه لومړنی توپ اچوونکی د سویلي افریقا چټک بالر کاګیسو رباډا دی چې د ډهلي لوبډلې لپاره یې په خپلو ۷ لوبو کې ۱۷ لوبغاړي سوځولي دي.په دوهم ځای کې بیا د هندۍ لوبډلې لوبغاړی او په ای پي ایل لیګ کې د ممبیي لوبډلې چټک توپ اچوونکی جسپریټ بومرا قرار لري نوموړي په خپلو ۷ سیالیو کې یوولس ویکټې اخیستي.

د روان کال ای پی ایل سیالیو دریم مخکښ توپ اچوونکی بیا د نیوزیلینډ لوبغاړی ټرین بولټ دی چې په ۷ سیالیو کې ټوټل ۱۱ لوبغاړي د ممبیي لپاره سوځولي دي.همداراز بیا د ای پي ایل سیالیو څلورم مخکښ توپ اچوونکی افغان بالر راشد خان دی چې په ۷ سیالیو کې ۱۰ لوبغاړي د سنرایزرز لوبډلې لپاره اوټ کړي دي.

د ای پی ایل لیګ په دوام په ۲۹مه لوبه کې بیا د سنرایزرز حیدر اباد او چینای سوپر کینګز لوبډلو ترمنځ سیالي ترسرهشوه .که چېرې راشد خان په دغې لوبه کې دوه ویکټې واخلی نو په دې سره به د غوره ویکټ اخیستونکو لوبغاړو په لېست کې دوهم ځای خپل کړي.او ښع بالر سلکټ شوی دی.

که چېرې افغان لوبغاړی راشد خان یوه ویکټ هم واخلي بیا نو ایکانومۍ ته په کتو سره دوهم یاهم دریم ځای خپلولی شي.اي پي ایل لوبه ښه په زور او شور سره لا هم روان دی ډیرثی انټرنیشنل پلیرانو پکې ښه پرفامنس شو کړی او لا هم دويي هڅه کوي چې ښه پرفامنس پکې شو کړي. تر څو دويي راروان اي پي ایل کې په ښه قیمت واخیستل شي.

ګواسکر:IPL کې اوس هرټیم د راشد خان ارمان کوي

ګواسکر:IPL کې اوس هرټیم د راشد خان ارمان کوي د هندۍ ټیم پخوانی کپتان سنیل ګواسکر د هند په غوره لیګ ای پي ایل لیګ کې د افعان مشهوره ورو توپ اچوونکي راشد خان ستایلی. ده چې ګواکې د لیګ هرټیم ته د راشد خان درلودلو ارمان ورزي.

سنیل ګواسکر یو مشهور لوبغاړی دی. وایي، راشد داسې یو بالر دی چې د ای پي ایل لیګ ټولټیمونه یې د لرلو ارمان لري.سنیل ګواسکر چې د راشد خان ټولې لوبې څارلي دي د یوې پوښتنې په شکل یې ویلی دي که چېرې تاسې د ټولو لوبډلو له لوبډلمشرانو پوښتنه وکړئ چې غوره ګڼۍ کوم توپ اچوونکی دې په لوبډله کې درسره وي،نو باوري یم چې هر یو به د راشد خان سخت ارمان وکړي.

د هغه په وینا راشد روان کال د اماراتو په ویشتنځایونو هم خپلې جادوګرې توپ اچونې ته دوام ورکړی دی چې له امله یې هره لوبډله د هغه لرلو ارمان کوي .سنیل ګواسکر دا څرګندونې وروسته له هغې وکړې چې افغان توپ اچوونکي راشد خان په تېرو پنځو لوبو کې د سنرایزرز لوبډلې لپاره نهه لړبغاړي وسوځول.راشد خان نه یوازې داچې په دغو پنځو لوبو کې مهمې ویکټې اخیستې، بلکې هغه غوره او تر ټولو ډیر اقتصادې بالېنګ هم روان کړی.

روان کال هم د ای پی ایل سیالیو پر مهال د افعان لوبغاړي راشد خان په اړه د کرکت نړۍ ډیری مبصرین څرګندونې کوي، دوي د سنرایزرز لوبډلې لپاره د راشد خان شتون تر ټولو ارزښتناکه بللی دی.راشد خان د سنرایزرز لوبډلې لپاره د یو سوپر سټار په توګه لوبیږي چې په ښو لوبو کولو سره یې د کرکټ مینه والو زړونه ګټلي دي.

سنرایزرز حیدراباد لوبډله هم د راشد خان په ستاینو نه مړیږي دوی تل د افعان بالر ستاینه په ټولنیزو رسنیو د ټویټر او فسبوک له لاري کوي.او راشد خان په نړی کې تر ټولو ښه بالر دی.او د نړی ګډ ګډ کې ېې مینه وال کوجود دي نوموړی تل د خپلو مینه واله څخه ستایل شوی.

ګواسکر:IPL کې اوس هرټیم د راشد خان ارمان کوي
ګواسکر:IPL کې اوس هرټیم د راشد خان ارمان کوي

د سنرایزرز حیدر اباد لوبډله وایي، دوی بختور دي چې راشد خان له ځانه سره لري او پر مټ یې ښې لوبې نندارې ته وړاندې کړي دي.راشد د ښه اخلاقو خاوند دی او د نړی په یو شمېر لیګونو کې بلوبیږي نوموړی د اي پي ایل څخه مخکې په د ویسټينډیز یو لیګ کې ولوبېد او هلته ېې هم ښه پرفامنس شوکړ.

IPLد کورونا ويروس په ويره کې دى

د هند کرېکټ بورډ په خپل یو تازه بیان کې د کرونا له وېرې خپلې سوداګریزې (IPL) د ۱۶ ورځو لپاره وځنډولې. ټاکل شوې وه د روانې مارچ میاشتې په ۲۹ مه نېټه آی پي ایل  لوبې پیل شي خو د نړیوالې وبا (کرونا) ناروغۍ په دې .وروستیو کې خپله وژونکې لمن پراخه کړې ده او اوس تر لویدیځو هېوادونو پورې هم ورسېد

هند له دې وړاندې د خپل هېواد پر اتباعو باندې نورو ملکونو ته او پر بهرنیو باندې هند ته پر ورتګ بندیز لګولی ؤ، څو وکولی شي دغه پر نفوسه هېواد ته په نسبي توګه د کرونا ویروس د ورتګ مخنیوی وکړي.
کرونا ویروس د چین له ووهان ښار څخه سرچینه واخیسته او په ډېره کمه موده کې یې په نړیواله کچه د هر هېواد دروازه ور وټکوله او زرګونه کسان یې تلف کړل.

وروسته له هغه چې د هند جکومت دغه هېواد ته په تګ را تګ بندیز ولګاوه، په IPL کې لوبېدونکي نړیوال لوبغاړي اندېښمن وو چې څنګه به د هند په سوداګریزو لوبو کې د ګډون لپاره وېزې ترلاسه کوي، تر دې چې د هند بورډ دغه انتظار د آی پي ایل پر ځنډولو باندې پای ته ورساوه. ویل کېږي د سریلانکا د کورني کرېکټ یو لوبغاړی هم په کرونا ناروغۍ اخته شوی دی.
د کرونا ویروس د خپرېدو له وېرې ګڼ شمېر هېوادونو ښوونځیو ته تګ، په لویو غونډو کې برخه اخیستل او ځینې مذهبي او کلتوري جشنونه لغوه کړي دي، تر څو وکولی شي د د دغې وبا ناروغۍ د خپرېدو مخه ونیسي.

افغانستان هم سږ کال د نورز جشن نه نمانځي او همداراز د بزګز د ورځې په پلمه د بزګریزو توکو نندارتون هم نه جوړوي. یاد شوی نندارتون به هر کال د حمل (وري) میاشتې په دویمه نېټه نمانځل کېده چې سږ کال د کرونا ویروس له وېرې نه نمانځل کېږي. افغانستان یو فقیر هېواد دی چې تر اوسه د کرونا ویروس د درملنې لپاره کوم ځانګړی روغتون هم نه لري

.
هېره دې نه وي چې محمد نبي عیسی خېل، مجیب ځدران او راشد وار له مخې په هند کې تم شوي دي. دوی د ایرلنډ پر وړاندې له شل اوریزې لوبلړۍ وروسته له نورو لوبغاړو سره کابل ته را ستانه نه شول او هملته هند کې پاتې شول. لا هم څرګنده نه ده چې دوی به د IPL لوبو د ځنډېدو له امله کابل ته را ستانه شي او کنه؛ د هند سوداګریزې لوبې د نړۍ په کچه خورا زیات لیدونکي لري چې هر کال د نړۍ د تکړه لوبغاړو په ګډون ترسره کېږي او د هند کرېکټ بورډ، تاجران او رسنۍ ورباندې خورا زیاته ګټه ترلاسه کوي.

IPLد کورونا ويروس په ويره کې دى

د کرونا ويروس په ويره کې دى او لا هم په دغه ليګ کې لوبېدونکو نړيوالو لوبغاړو ته د وېزو بندوبست نه دى شوى، تر څو هند ته راشي. د هند کرکټ بورډ يا BCCI مسوولينو ټول نړيوال لوبغاړي په تمه کړي دي، خو لا هم هېڅ معلومات نشته چې په دغه ليګ کې لوبېدونکو نړيوالو لوبغاړو ته به وېزې څه وخت برابرې کړي.

د کورونا ويروس چې د چين له ووهان ښار څخه خپور شوى دى، د نړۍ تر ډېرو هېوادونو ته رسېدلى دى او تر ١٢٠ زره ډېر کسان په دغه ويروس باندې اخته شوي دي او د روغتيا نړيوال سازمان کورونا ويروس يوه نړيواله وبا اعلان کړې ده. همدا راز په هند کې هم په کورونا ويروس ٦٠ کسان اخته دي او له دې امله د هند حکومت هم د وېزو په ورکړه کې بندېز لګولى دى.

د هند کرکټ بورډ وايي، چې دوى به ژر له حکومت سره يوه ناسته وکړي او د اى پي ايل په اړه به ورسره يوې پرېکړې ته ورسېږي.

همدا راز د هند کرکټ بورډ دوه ورځې وروسته د مارچ په ١٤مه نېټه يوه ناسته کوي او په هغې کې به د اى پي ايل په اړه خبرې کوي چې څه وکړي.

تر دې مخکې د هند کرکټ بورډ مشر سارو ګنګولي ويلي و، چې اى پي ايل به په هر حال کې کېږي او د کورونا ويروس ويره نشته دى، خو اوس ويره دا دى چې هسې نه د کرکټ له لارې د کورونا ويروس خپور شي.

ځکه په هند کې خلک د کرکټ سره ډېره زياته مينه لري او هر ډول لوبې چې ترسره کېږي، لوبغالي پکې له خلکو ډک وي، همدا لامل دى چې اوس داسې اوازې هم روانې دي چې ښايي اى پي ايل ترسره نه شي.

خو د هند کرکټ بورډ ځينو سرچينو نړيوالو رسنيو ته ويلي دي، چې ښايي دوى له خلکو هيله وکړي چې د لوبو پر مهال لوبغالو ته نه راځي او لوبې دې په خپلو کورونو کې په ټلويزيونونو وګوري.

د هند تجارتي ليګ يا اى پي ايل د روانې مياشتې په ٢٩مه نېټه په هند کې پيلېږي.