بغلان ولایت کې ولسي خبرې اترې وشوې
![بغلان ولایت کې ولسي](https://afghannow.net/wp-content/uploads/2022/10/3-2.jpg)
د بغلان د اطلاعاتو او کلتور ریاست د دې ولایت د خلکو د ستونزو د حل او د هېواد په بیارغونه کې د قومي مخورو او دیني عالمانو د رول په اړه ولسي خبرې اترې پیل کړې دي.
د بغلان د اطلاعاتو ریس
د بغلان د اطلاعاتو او کلتور رییس وايي، اسلامي امارت د ښځو د شرعي حقونو ملاتړ کوي. مولوي مصطفی اسدالله هاشم وايي: «دا خوځښتونه او غږونه چې پورته کوي، چا ورته ورکړي؟ اسلامي چې ښځو ته کوم حق ورکړ، موږ چمتو یوو چې د هغوی حق ورکړو.
په همدې حال د دغه ولایت یو شمېر دیني عالمان او قومي مخور وایي، حکومت باید د خلکو ستونزو ته رسېدنه وکړي. یو دیني عالم عبدالرحیم اخندزاده وايي: «د خلکو نظرونه واورئ او خپل نظرونه بیان کړئ او فکر پرې وکړئ چې کوم یو غوره دي.
نور یی ولوله | د لوګر سیلاب ځپلو لا هم ستونزو سره مخ دي
نور یی ولوله | بامیان او هرات ولایتونو کې د نجونو محصلینو لاریونونه پیل کړي
د غونډې ګډونوال
پهدې تړاو جوړه شوې غونډه کې یو شمېر ګډونوالو د بغلان له اوسېدونکو وغوښتل، د هېواد په بیارغونه کې خپل رول ادا کړي. یو بل دیني عالم مولوي لعل محمد وايي: «هر یو دې خپل تر وسې مرسته وکړي او هر کس دې تر خپلې وسې په خپل هېواد کې خدمت وکړي
د مرکزي بغلان د ځوانانو استازی مفتي عبدالملک وايي: «اراده وکړئ چې موږ خپله موخه پېژنو او په خپل عمر کې خپله موخه پېژنو او هغې ته ځان رسوو. د بغلان ولایت اوسېدونکي د ولسي خبرو اترو ترسره کول د هېواد بیارغونې، ملي یووالي او د خلکو نظرونو اورېدلو برخه کې ګټور بولي