اړوند خبرونه:
ډاکټر عبدالله عبدالله: پر ایران د اسرائیلو بریدونه نامشروع دي
د ایران د پارلمان رئیس: پر اسراییل برید ‘غاښ ماتوونکی ځواب’ دی
امریکا د اسرائیل پر وړاندې د ایران ګواښونه جدي بللي
افغانستان لپاره د امریکا پخواني ځانګړي استازي زلمي خلېلزاد پر اېکس لیکلي، چې ایران د امریکا برید په غبرګون کې په قطر کې د امریکا پر پوځي اډه برید سمبولیک و او چا ته پکې زیان نه دی اوښتی.
نوموړي زیاته کړې، توغندي هدف ته له رسېدو وړاندې له منځه تللي.
نوموړي زیاته کړې چې ایران لا هم خپله پاملرنه په سیمه کې د جګړې دوام ته ورکړې ده او تمرکز یې د امریکا پر وړاندې د غبرګون پر سنجول شویو حرکتونو دی.
خلیلزاد داسې مهال دا غبرګون ښیي چې دوشنبه د شپې ایران په قطر کې د امریکا لویه اډه په نښه او توغندیز بریدونه یې پرې ورکړل.
ایران ادعا کوي چې یاده اډه یې په بشپړ ډول له منځه وړې ده خو قطر وايي د ایراني توغنديو مخه يې نيولې ده.
د قطر دفاع وزارت په یوه خبرپاڼه کې ویلي، پر العدید پوځي اډه يې د ایران توغول شويو توغندیو مخه نیولې او چاته پکې زیان نه دی اوښتی.
په خبرپاڼه کې راغلي چې د قطر هوايي حریم او ځمکه خوندي دي او هوايي ځواک يې له ګواښونو سره د مبارزې لپاره چمتو دی.
