د ملګرو ملتونو د ماشومانو صندوق
د ملګرو ملتونو له ماشومانو د ملاتړ صندوق وايي، بریټانیا له افغانستان سره د ماشومانو او ښځو د ملاتړ لپاره ۲۴ میلیونه پونډه مرسته کوي. د بريټانيا په دې مرستو سره به په افغانستان کې يو ميليون او شپږ سوه زره ماشومانو ته د خوراکي توکو، د څښاک اوبه او د پاملرنې نورې اسانتياوې برابرې شي.
په افغانستان کې د ملګروملتونو سازمان له ماشومانو د ملاتړ صندوق استازی ټینګار کوي چې دا پیسې به په افغانستان کې د زیانمنونکو هلکانو، ښځو او نجونو د اړتیاوو پر برابرولو ولګول شي. یاد صندوق ویلي: «دا بودیجه همداراز یونیسف ته دا وړتیا ورکوي چې د څه د پاسه اوه سوه زره ماشومانو د تغذیې وضعیت ښه کړي، د څه باندې ۳۵۰ زره لپاره روغتیايي پوهاوی او همداراز د رواني روغتیا او ناچاودو توکو د خطر په ګډون د خوندیتوب مهمو خدماتو ته لاسرسی ورته برابره کړي.
نور یی ولوله | د افغانستان درې نیم مېلیارډ ډالرو کنګل شویو شتمنیو لپاره د یوه صندوق جوړول
نور یی ولوله | د افغانستان کنګل شویو پیسو په اړه د امریکا اعلان
ماشومان د پیسو ګټلو لپاره درانه کارونه کوي
دا په داسې حال کې ده چې په کابل ښار کې یو شمېر ماشومان د ډوډۍ پیدا کولو لپاره درانه کارونه کوي. یوولس کلن مرتضی چې د کابل ښار په یوې برخه کې د بوټانو په رنګولو بوخت دی وايي، د خپلې اته کسیزې کورنۍ لپاره له دې لارې یوه نمړۍ ډوډۍ پيدا کوي او له دې امله له زده کړو بې برخې پاتې شوی دی. نوموړي طلوعنیوز ته وايي: «پلار مې کار نه کوي، ملا یې درد کوي، که زه کار و نهکړم په کور کې د کار کولو نور څوک نهشته
یو بل ماشوم عنایت وايي: «زموږ په کور کې دوه کسان کار کوي، نور څوک نهشته چې کار وکړي له بلې خوا د ښځو د حقونو فعالینې وایي چې باید نړیوالې مرستې د ښځو د ځان بسیاینې په برخه کې ولګول شي. د ښځو د حقونو فعاله طاهره ناصري وايي: «دا مرستې څه ډول کېږي او څه په افغانستان کې خلکو ته رسول کېږي، ایا د بریټانیا حکومت د دې لپاره کوم ځانګړی پلاوی افغانستان ته استوي، څو دا بهیر وڅاري.
