بلخ ولایت کې د نجونو لپاره د وړیا روزنیز مرکز جوړېدل

ځړول شوی:جون 9, 2022 لخوا ځړول شوی:مسعود تبصرې:0

د شاوخوا پنځو ښځینه زده کونکو لپاره ځانګړی روزنیز مرکز

په بلخ ولایت کې یوه مرستندویه بنسټ د کابو ۵۰۰ نجونو زده‌کوونکو لپاره یو ځانګړی روزنیز مرکز جوړ کړی دی. د انګلیسي ژبې، کمپیوټر، ریاضیاتو او فارسي ادبیاتو تدریس هغه مضمونونه دي چې په‌دې مرکز کې په وړیا توګه زده‌کوونکې تدریسېږي. په‌دې مرکز کې د نجونو لپاره د کانکور چمتوالي ټولګي هم په پام کې نیول شوي.

د اکټیډ دفتر د کټوري څانګې مسوول عبدالسمیع اریا وايي: «په‌دې مرکز کې انګلیسي، ریاضي، دري ادبیات او کمپیوټري برنامې تدریسېږي چې تر دې مهاله پنځه سوه زده‌کوونکي تر پوښښ لاندې نیسي.» د دې روزنیز مرکز پرانیستل د نجونو زده‌کوونکو له پراخ هرکلی سره مخ شوی دی.

زده‌کوونکې شکیبا وايي: «له هغو کورنیو چې نه غواړي خپل اولادونه درسونو ته پرېږدي، غوښتنه کوو چې خپلو اولادونو ته اجازه ورکړي، څو یو ځای ته ورسېږي او د نورو ښځو لپاره الګو شي.» یوه بله زده‌کوونکې ظریفه وايي: «موږ غواړو دا ډول نور کورسونه هم جوړ شي، څو نجونې درسونه ووايي.»

 نور یی ولوله | کابل کې افغان انجنیرانو په لومړي ځل د یوې الوتکې “سي چک” بشپړ کړ

 نور یی ولوله | شهیدي: راتلونکې لوبه کې د لوبغاړو د بدلون په اړه فکر کوو

له بلې‌خوا، د بلخ د پوهنې مسوولان د دې روزنیز مرکز له پرانیستو ملاتړ کړی او له اوسني وضعیته د خلاصون یوازینۍ لار د هېواد د ځوان نسل د روزنې لپاره زمینه برابرول ګڼي.

هرڅوک باید هڅه وکړي چې خلکو او ملت ته خوښي راولي.

د بلخ ولایت د ښاري پوهنې امر محمد نعیم بلخي وايي: «هر څوک دې هڅه وکړي چې خلکو او ملت ته خوښي په برخه کړي. دا ملت د درناوي وړ دی او باید درناوی او همکاري یې وکړو.» په‌دې لړ کې د هېواد په شمال کې د یوه مرستندویه بنسټ مسوولان وايي، دوی په بېلابېلو برخو کې د نجونو او ښځو د ځان بسیاینې لپاره فعالیت کوي. اوس د هېواد د شمال په ۲۴ ولسوالیو کې څه د پاسه پنځه زره ښځې او نجونې د دې پروګرام په چوکاټ کې زده‌کړه کوي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.