طالبانو د افغانستان لپاره نوی سفیر ټاکلی او طالبانو ورته د اړیکو په برخه کې خوشبین دي
په افغانستان کې د طالبانو حکومت وايي، چین په کابل کې خپل نوی سفیر ګومارلی دی. د طالبانو له ارګ نه په خپرو شویو تصویرونو کې لېدل کېږي چې د چین نوی سفیر جاو شینګ خپل باور لیک د طالبانو رئیس الوزرا ته سپاري.
نور ولولئ: چین غواړي په افغانستان کې له طالبانو حکومت سره اړیکې پراخې کړي
وروسته له ډېرده مودې، دا لومړی ځل دی چې د طالبانو رئیس الوزرا ملا محمد حسن اخوند د رسمي کار انځورونه خپرېږي. نوموړی کابل ته له ستنېدو مخکې څو میاشتې ناروغ و او کندهار ته د “استراحت” لپاره تللی و.
د یاد سفیر تود هر کلی شوی دی
طالبانو د یاد سفیر تود هر کلی کړی دی او د هغې د هر کلي لپاره یې تشریفاتي مراسم نیولي وو.
د چین نوي سفیر په ارګ کې له رسمي مراسمو وروسته د طالبانو رئیس الوزرا ته باورلیک سپارلی
د طالبانو حکومت مرستیال ویاند بلال کریمي پر ټوېټر پاڼه د چین د سفیر له خولې لیکلي چې د چین دغه دیپلومات د خپل هېواد “د مشرتابه نېکې هیلې او سلامونه دافغانستان اسلامي امارت (د طالبانو حکومت) رئیس الوزرا ته وړاندې کړل.”
ښاغلی کریمي زیاتوي، د طالبانو لوموړي وزیر هیله ښودلې چې “د چین نوی سفیر به د افغانستان او چین ترمنځ ديپلوماتیکې اړیکې لوړې کچې ته پورته کړي” او دا یې “د نوي څپرکی پیلامه” بللې ده.
نور ولولئ: د چین استازی: نور هېوادونه دې هم افغانستان سره تعامل پیل کړي
د طالبانو په خبرپاڼه کې د چین د نوي سفیر له خولې دا هم راغلي، چې “چین د افغانستان په کورنیو چارو کې د لاسوهنې پالیسي نه لري” او د افغانستان پرېکړو ته درناوی لري.
چین ولې له طالبانو سره نږدې اړیکې پالي
چین هڅه کوي چې په افغانستان کې د معادنو سرچینو ته د لاس رسي په خاطر له طالبانو سره نږدې اړیکې پالي.
چین یو له هغو هېوادونو دی چې په افغانستان کې د طالبانو له حکومت سره نږدي اړیکي پالي او سفارت یې هم په کابل پرانیستی دی.
تېره مې میاشت کې، د کورونا وبا له پیل وروسته په لومړي ځل د چین اورمچي ښار ته له کابله د اریانا افغان هوايي شرکت الوتنې هم پیل شوې.
چین چې په افغانستان کې د امریکايي ځواکونو د پوځي اډو مخالف و، په تېرو دوو کلونو کې د سیمې د نورو هېوادونو په څېر د بشري حقونو او ښځو په اړه د طالبانو پر ځپونکو تګلارو نېوکې نه کوي او د نورو هېوادونو په چارو کې د “نه لاسوهنې” پر سیاست ټینګار کوي.
