د جاپان ۱۰ میلیونه ډالر مرسته د بدخشان، کندهار او هلمند کرونده ګرو ته ورکول کېږي
![afghan (81)](https://afghannow.net/wp-content/uploads/2024/07/Afghan-81-1-780x470.jpg)
طالبانو ویلي چې د جاپان ۱۰ میلیونه ډالره مرسته به د کندهار، بدخشان او هلمند کرونده ګرو ته ورکړل شي
جاپان دغه مرسته له هغو بزګرانو سره کوي چې د کوکنارو کرکیلې ته د پای ټکی ږدي او نور دغه شومه پدیده په ځمکه کې نه کري.
خو وخت نا وخت له دغه دریو ولایتونو د کوکنارو د کرکیلې راپورونه ورکول کېږي او د سیمې خلک وايي، لا هم بزګران کوکنار کري، ځکه دوی له نورو لارې ځانګړي عواید نه لري، نو مجبور دي چې د کوکنارو کښت وکړي.
د طالبانو تر واک لاندې اقتصاد وزارت
د طالبانو د اقتصاد وزیر قاري دین محمد حنیف د افغانستان لپاره د جاپان سفیر تاکایوشي کورومیا او مل پلاوي سره لیدنه کې په د دوه اړخیزو اقتصادي همکاریو د ښه والي او د بشري مرستو د دوام او پراختیا په اړه خبرې کړي.
نور ولولئ: بدخشان کې د کوکنارو پر سر جنجال؛ طالبان وايي، ستونزه حل شوه
نور ولولئ: په سویلې ولایتونو کې کروندګرو بېرته د کوکنارو کرلو ته مخه کړه
نور ولولئ: په ننګرهار او کندهار کې د کوکنارو بديل کښتونه حاصلاتو ته رسيدلي
د طالبانو د اعلامیې له مخې، په دې لیدنه کې په افغانستان کې د جاپان سفير، د نشه يي توکو له کښت سره د مبارزې او د کوکنارو د کرکيلې د بديل معیشت پروژو د پلي کېدو په موخه د جاپان هېواد له خوا د لسو مليونو ډالرو مالي مرستې په اړه چې په پام کي ده د بدخشان، هلمند او کندهار ولایتونو کی له بزګرانو سره د مرستې، د نشه يي توکو د کارونې د مخنيوي، د معتادینو د درملنې او د زیانمنو وګړو او زیانمنو شویو سیمو د بیارغونې پروګرامونو له لاری ولګول شي د اقتصاد وزیر سره پرې خبرې کړي.
![afghan (82)](https://afghannow.net/wp-content/uploads/2024/07/Afghan-82-1-300x170.jpg)
د جاپان مرسته او د طالبانو مننه
د طالبانو وزیر افغانستان سره د جاپان هېواد د ۱۰ میلیونه ډالرو مرستې څخه مننه کړې، چې د بدیل معیشت د پروګرامونو په پلي کولو، د روغتیايي خدمتونو په وړاندې کولو او په نشه يي توکو د روږدو کسانو د درملني لپاره څانګړي شوي.
قاري دین محمد حنیف د دغو پروژو پلی کېدل په بېلا بېلو ولایتونو کې د کاري فرصتونو د رامنځته کولو او د کورنیو د اقتصادي ملاتړ لپاره اغیزمني بللي .
د جاپان سفیر له افغانانو سره د خپل هېواد له خوا د نشه یي توکو له کښت سره د مبارزې او بشري مرستو د دوام ژمنه کړې.
له ځینو ولایتونو بیا راپورونه دا هم وايي، هغه بهرنۍ مرستې چې د کوکنارو د کرکیلې د مخنیوي لپاره کېږي، طالبان یې په ویشلو کې شفافیت نه کوي.
طالبانو تر اوسه په دې اړه څه نه دي ویلي.