په افغانستان کې سخته سړه هوا پیل شوه
![3 3](https://afghannow.net/wp-content/uploads/2023/01/3-3.jpg)
په تېرو څلورو ورځو کې د هېواد په بېلابېلو ولايتونو کې د سختې سړې هوا له امله لږ تر لږه ١٦ کسان مړه شوي دي
له طبیعي پېښو سره د مبارزې وزارت د معلوماتو له مخې، دغه مرګ ژوبله په بادغیس، نیمروز، فاریاب او غزني ولایتونو کې شوې ده. تر ۳۰۰۰ زیات څاروي هم د سړې هوا له امله مړه شوي دي
نور یی ولوله | افغاني سیاحتي ځایونه چې تاسو باید په 2023 کې لیدنه وکړئ
نور یی ولوله | د 2023 غوره راتلونکی هندي ویب سیریز
د طبیعي پېښو سره د مبارزې په چارو کې د دولت د وزارت د خطر د کمولو رییس ملا جان صیب وویل:«په هېواد کې د سړې هوا له امله خلک له ډېرو ستونزو سره مخ دي
د ترانسپورت او ملکي هوايي چلند وزارت د هوا پېژندنې اداره وايي، سږ کال د تودوخې درجه د تېر کال په پرتله ۱۲ درجې ټیټه ده
چارواکي وايي، د پروان ولایت د سالنګ لویه لاره، غور او پکتیا د هېواد تر ټولو سړې سیمې دي
“د تېرې اونۍ سختې سړې هوا ډېرې سیمې په ځانګړې توګه لوېدیځ، شمال لوېدیځ، شمالي او شمال ختیځې سیمې او همدارنګه د هېواد مرکزي سیمې اغېزمنې کړې دي. د ترانسپورت او هوايي چلند وزارت د هوا پېژندنې رئیس محمد نسیم مرادي وویل، د هوا د بیا کتنې له مخې به د تودوخې درجه به په روانه اونۍ او راتلونکې اوونۍ کې راښکته شي
د بادغیس یو شمېر اوسېدونکي وايي، سړې هوا د دوی ژوند له ستونزو سره مخ کړی دی. دوی له مرستندویه ادارو وغوښتل، چې له دوی سره لازمې مرستې وکړي
د بادغيس يوه اوسېدونکي محمد نعيم وويل: د سړې هوا له امله ډېر څاروي له منځه تللي او يو شمېر خلک سخت ناروغه شوي دي
د فارياب يوه اوسېدونکي فدا محمد وويل: دې سړې هوا ټول بې وزله خلک اغېزمن کړي، په ښار کې هېڅوک نشته، ټول دوکانونه تړل شوي او د سونګ توکي نشته
دا په داسې حال کې ده چې په تېرو شپږو ورځو کې د تودوخې بې ساري کمښت لسګونه کسان وژلي دي