ولسمشرغني:حکومت کې به بنیادي بدلونونه رامنځته شي

ولسمشرغني له کابينې سره په اقتصادي ودې خبرې کړي دي پرون د کابینې غونډه د ولسمشر غني په مشرۍ جوړه شوې وه ، د کرونا وايروس، امنيتي پېښو او نورو موضوعاتو ترڅنګ پکې پر اقتصادي ودې هم خبرې وشوې.

اول جمهوررئیس په ملک کې د ترهګریزو پېښو د شهیدانو روح ته د دعا ترڅنګ، د عامې روغتیا وزارت چارواکو سره د کرونا پېښو د غیر رسمي شمېرو په تړاو د خپلې غونډې په اړه د کابینې غړو ته معلومات وړاندې کړل او وۍ ویل ، د مطالعې او څېړنې لپاره په کرونا ویروس د اخته کسانو د غیر رسمي شمېرو دقیق او مشخص کېدل ډېر وخت ته اړتیا لري، ترڅو دغه شمېرو په اړه خلکو ته معلومات وړاندې شي

د دې ترڅنګ ریس جمهور غني دمالیې وزارت سرپرست څخه د هیواد په بندرونو او ګمرکونو کې د امنیتي کامرو د نصب لپاره د اقداماتو او نوښتونو ستاینه وکړه او دغه نوښت یې فساد سره د مبارزې په برخه کې ارزښتناک وباله ولسمشر وویل چې دغه رقم کړنې باید ټول همدې ترتیب، ولسمشر د پاسپورټونو د وېش په موخه د افغان پُسټ اداره کې د شته ظرفیتونو په اړه معلومات وړاندې کړل او اړوندو ادارو ته یې دنده وسپارله ترڅو په دې برخه کې ستونزې حل کړي، همداراز والیانو پخپلو ولایتونو کې د پاسپورټونو د وېش بهیر د چټکتیا لپاره خپل مشخص وړاندیزونه اړوندو ادارو ته وړاندې کړل.

په دوام د اداري اصلاحاتو او ملکي خدمتونو خپلواک کمیسیون ته دنده وسپارل شوه، ترڅو د تشکیلاتي تورم او د موازي ادارو د موجودیت مخنیوي لپاره د دولتي ادارو تشکیل وارزوي او راپور یې د سلاکارانو او بالمقطع کارکوونکو او د هغوی موثریت په یادولو سره ترتیب او د حکومت رهبرۍ غونډې ته وړاندې کړي.

کابینې تر هر اړخیزو بحثونو وروسته د سیمه ییزو ارګانونو ادارې ته دنده وسپارله ترڅو په یوه اونۍ کې غیر رسمي شمېرې او د کرونا له امله د ولایتونو د وضعیت څرنګوالي راپور راټول او عامې روغتیا وزارت سره شریک کړي.

همداراز عامې روغتیا وزارت موظف شو ترڅو د حکومت د رهبرۍ غونډې د لارښوونو پر اساس له ولایتونوڅخه د مړو شویو او ښو شویو کسانو را رسېدلي شمېر ته په پام په کرونا ویروس د اخته کسانو غیر رسمي شمېر په دقیق او واضح ډول ترتیب او د حکومت رهبرۍ غونډې ته تر وړاندې کولو وروسته یې د کابینې راتلونکې غونډې ته وړاندې کړي.کابینې کرونا سره د مبارزې د عامه پوهاوي په برخه کې د جمهوري ریاست د عامه او ستراتيژيکو اړیکو ادارې تېر اغېزناک فعالیتونه وستایل، مننه یې ترې وکړه او هدایت یې ورکړ چې د تېرو فعالیتونو په دوام دې یو ځل بیا کرونا سره مبارزې د عامه پوهاوي د برخې مسوولیت واخلي، اړونده ادارو ته یې په دې برخه کې د همکارۍ سپارښتنه وکړه.

همدارنګه ولسمشر غني د هرات، خوست او جلال اباد ښارونو د چوکاټي پلانونو د بشپړولو او د مزار شریف او کندهار ښارونو د مقدماتي پلانونو د نهایي کولو په موخه غونډې ته معلومات ورکړل؛ د ښار جوړولو او ځمکو وزارت یې موظف کړ ترڅو د دې چوکاټونو د معیارونو پر اساس د هیواد د نورو ښارونو د پلان جوړولو لپاره اقدام وکړي.»

په دوام، د کندهار والي د ټولو والیانو په استازیتوب د ویډیو کنفرانس له لارې د ولایتونو په کچه د حکومتي مسوولینو د بیا، بیا او لنډمهالي تغییر او تبدیل مخنیوي؛ د ښارونو په کچه د انکشافي پروژو د پرمخ وړلو په موخه له مالیې وزارت څخه ښارواليو ته د ښاري خدمتونو د راټول شوي ټکس د انتقال او پر وخت د پروژو د قسطونو پیسو د نه ورکړې له امله د پروژو د چارو د ځنډ په اړه خبرې وکړې، په هره برخه کې یې خپل وړاندیزونه غونډې ته وړاندې کړل چې کابینې په دې برخه کې اړوندو بنسټونو ته مشخصې دندې وسپارلې.

اوس وخت د دې رارسدلۍ دی چې باید ټول د کابینې وزیران د هېواد د عامو وګړو ته د خدمت وړااندې کولو ترڅنګ د ولسمشر هدایاتو ته غوږ کيږدي او باید د ولس خدمت ته کار ووایي ځکه د افغانستان خلک د ډېر وخت راهيسې په بدبختیو باندې اخته دی نو اوس باید حکومت عامو وګړو ته باید خدمت وکړي او د یو ارام ژوند فضا ورته وړامدې کړي،

ډاکټرعبدالله به ډېر ژرد عمران خان په بلنه اسلام اباد ته سفر وکړي

عبدالله عبدالله غواړي عطا محمد نور سره پخلا شي د مصالحې عالي شورا ریس ډاکټر عبدالله عبدالله د خپل پخواني متحد عطا محمد نور د بیا پخلاینې کوششونه پیل کړي دي.هغه غواړي چې ژرتر ژره عطا محمد نور سره پخلا شي

عبدالله عبدالله تېره شپه له عطا محمد نور سره بیا لیدلي او د سولې په روانو هڅو ورسره غږیدلی.عطا محمد نور پر خپل ټویټر لیکلي، چې دغه لیدنه کې یونس قانوني او عبدالحفیظ منصور هم حاضر ول .نور د لیدنې نور جزیات نه دي رسنیز کړي. عبدالله عبدالله څه موده مخکې د عطا محمد نور د مور فاتحې ته هم ورغلی و او تر هغه مخکې یې د مور د مړینې له کبله د فاتحې پيغام کې نور ته د ورور خطاب کړی و.

استاذ عطا، چې اوس د جمیعت ګوند اجرایه ریس دی او پخوا د بلخ ځواکمن والي و، د ۲۰۰۹ او ۲۰۱۴ ولسمشریزو ټاکنو کې یې عبدالله نه پراخ ملاتړ کړی و.وروسته د دوی ترمنځ سیاسي ناندرۍ راغلې او نور پر عبدالله خورا توندې نیوکې وکړې.او دا ویلي وو چې غاښونه به ېې مات کړم د عبدالله عبدالله بیا په دغه څرکندونو دعبدالله پلویانو بیا غبرګونونه راپارولي وو او ویلي وو چې دا رقم څرګندونې د ملک د بحرانه سره مخ کړي،

خو اوس عبدالله یو ځل د نور له سختو نیوکو وروسته خبریالانو ته وویل، چې ده د هغه هیڅ خبره نه ده اوریدلې.اوس وخت د دې دۍ چې باید ټول جهتونه سره په یو چوکاټ کې راغونډ شي او د افغانستان د بقا لپاره کار وکړي که مونږ اوګورو زمونږ ګاونډي هېواد پاکستان کې چې کله د ملک په کچه خبره وږي نو ټول سیاسي ګوندونه راغونډيږي او شته ستونزو ته د حل لارې ګوري،

عبدالله عبدالله غواړي عطا محمد نور سره پخلا شي
عبدالله عبدالله غواړي عطا محمد نور سره پخلا شي

د افغانستان اکثره سیاسیون هېواد کې د یووالي لپاره خبرې نکوي اوس وخت ددې رارسېدلۍ دۍ چې باید د سولې لپاره ټول سیاسیون خپل منځي اختلافات ختم کړي او د هېواد لپاره هرې قربانی ته ځان چمتو کړي ځکه افغانستان د ډېرو بد بختیو سره مخ وو او جنګونه و پکې باید اوس صرف او صرف د پایداره سولې لپاره کار وشي او افغانستان کې امنیت تامین ټینګ شي تر څو عام وګړي د امن په فضا کې ژوند وکړي،

ګلبدین حکمتیار:دسولې لپاره دې یو طرحه جوړه شي

ګلبدین حکمتیاردسولې لپاره دې یو طرحه جوړه شي، د حزب اسلامي مشر ګلبدین حکمتیار او دافغانستان ددولت د مرکچي پلاوي تر مابین د ۱۳۹۵ کال د تلې میاشتې په اوله نېټه د سولې هوکړه لیک دستخط شو

د دغه ګوند مشر مشرحکمتیار پلازمینه کابل کې خبریالانو ته وویل، چې حکومت له دغه ګوند سره د سولې پر شوې هوکړه عمل نه دی کړی او د دغه ګوند زرګونه کسان لا هم بندیان دي.دده په وینا، له حزب اسلامي سره د دولت د سولې هوکړې په نه عملي کېدو  ولسي جرګه، امنیت شورا او بهرنۍ هېوادونه خبر دي، خو هیچا یې هم د عملي کېدو لپاره ګام نه دی اخیستی.نوموړي زیاته کړه تر هغه چې حکومت له موږ سره د هوکړې هر بند نه وي پلی کړی، موږ د حزب په توګه د دغه حکومت تر مدیریت لاندې کار نه کوو. تر اوسه د دغې هوکړې منځ پانګه نه ده عملي شوې.

ښاغلي حکمتیار وویل ، چې د طالبانو مشران او د داعش مشران خوشي شول، خو د حزب اسلامي بندیان تر اوسه په زندانونو کې پراته دي.هغه د یادې هوکړې د نه عملي کېدو په اړه له جزییاتو ورکولو پرته وویل:«شاید ددغې هوکړې د نه عملي کېدو لامل دا وي چې د اقتدار په کرسۍ ناست کسان داسې فکر کوي چې که دغه هوکړه منل شوې وای نو دوی ته به ګواښونه رامنځته شوي وای او د ټاکنو پایلې به هم داسې نه وې.»

نوموړۍ وايي د سولې بین الافغاني خبرې دې پرته له شرطه پيل شي، د سولې لپاره دې یو اتفاقي طرحه جوړه شي او د تصمیم لپاره باید یوه مقتدره ټیم را منځ ته شي.هغه وویل دغه ټیم باید د یوه فرد، د یوه ګوند، د یوه قوم په انحصار کې نه وي، اوس مهال د افغانستان ۹۹ سلنه خلک سوله غواړي، یواځې هغه کسان سوله نه غواړي چې خپل اقتدار او قدرت په خطر کې ګڼي

هغه له حکومت څخه وغوښتل چې داسې شرایط وضع نه کړي چې د سولې بهیر له خنډونو سره مخ شي. ده په خلکو غږ وکړ چې سره یوځای شي ترڅو د اوسني وضعیت څخه وژغورل شي.حکمتیار، په نننۍ ناسته کې دا هم وویل چې هېواد کې جوماتونه هم نه دي خوندي او حکومت یې د امنیت په ټینګښت کې پاتې راغلی.

هغه زیاته کړه، د امریکا او طالبانو ترمنځ له هوکړې وروسته پرځای ددې چې د تاوتریخوالې کچه راټیټه شي، هدفي وژنې، ترور او تاوتریخوالی لازیات شوي دي.د امریکا او طالبان ترمنځ هوکړه تېرکال د کب میاشتې په لسمه په قطر کې لاسلیک شوه.حکمتیار وایي:« د فحشا ځایونه او عاملین یې خوندي دي، خو د کابل ښار په مرکز ګې د ارګ شاوخوا علما، او نور مشران ترور کیږي.

هغه وویل چې دولت باید د بهرنیانو له وتلو وروسته وضعیت ته تیارۍ ونیسي، ترڅو پخوانۍ کارونه بیا تکرار نه شي.د ده په وینا، ددغه حالت د چمتووالي لپاره باید یو درېیمګړی مستقل محور را منځ ته شي، داسې محور چې  د شخصیتونو او ګوندونو پر بنسټ نه، بلکې د خلکو د ارمانونو او اهدافو پر بنیاد جوړ شوی وي.او داسې بو نظام رامنځته شي چې ټول اړخنه پکې شامل وي،

کندهار ولايتي ادارې په کرونا باندې مصرف شوې بودېجې په اړه معلومات وړاندې کړل

کندهار ولايتي ادارې په کرونا باندې مصرف شوې بودېجې په اړه معلومات وړاندې کړل وروسته له هغه چې د کندهار ولایتي ادارې ته د کرونا لپاره د ورکول شوې بوديجې په اړه د فساد تورن شوې و د عامې روغتيا نوماند وزيرکندهار ته سفر درلود

دغه وزير کندهار کې د ولسي جرګې له وکیلانو سره ژمنه وکړه چې دغلته به د فساد په اړه لګېدلي تورونه په پوره دقت څېړي او وضاحت به يې له دوی سره شريکوي.اوس تازه د کندهار ولايتي ادارې د لګول شوې بوديجې په اړه وضاحت پر ليکه کړی دی. «د کرونا د مخنیوي په موخه کندهار ته منظور سوې (١٠،٠٠٠٠،٠٠٠) سل میلیونه افغانۍ تر دې مهاله د تدارکاتو د قانون له مخي په مصرف رسیږي، چي له جملې یې د (٥٢،٥١٢،٧٠١) دو پنځوس نیم میلیونه افغانیو په ارزښت (٢٢) لوی او کوچني قراردادونه منظور سوي دي.»

د کندهار ولایتي اداره وايي، د کرونا د مخنیوي لپاره په ولایتي کچه ټولو ټاکل سویو کمیټو د عینومېني ۳۵۰ بستریز روغتون او عامي روغتیا ریاست د مسؤلینو له لوري د سویو پیشنهادنو له مخي قراردادونه منظور کړي، تر څو د پیشنهادونو له مخي اړتیاو ته رسیده ګي سوې وي.

همدارازراز راپور کې ذکر شوي دي:د ولایت مقام د تدارکاتو کمیټې تر دې مهاله د ٥٢ نیم میلیونه افغانیو په ارزښت ٢٢ لوی او کوچني قراردادونه منظور کړي، چي تر اوسه د یادو ٥٢ دو پنځوس نیم میلیونه افغانیو څخه قراردادي شرکتونو ته (١٨٥٦٣٥٨) اتلس نیم میلیونه افغانۍ د مستوفیت له طریقه ورکول سوي او پاته (٣٣،٩٤٩،١٢٠) درو دیرش اشاریه نهه میلیونه افغانۍ په کندهار مستوفیت کي موجودي دي او قراردادي شرکتونو ته یې د تسلیمي پروسه جریان لري او همدارنګه د کرونا د مخنیوي په موخه روغتیایي پرسونل ته د حمل او ثور میاشتو لپاره (٩٦٠٤٩٧٦) نهه نیم میلیونه افغانۍ معاشات هم اجراء سوی دی

ولايتي اداره وايي، تر اوسه پوري د منظور سویو ١٠٠ میلیونو افغانیو څخه قراردادي شرکتونو او روغتیایي پرسونل ته د معاشاتو لپاره د مستوفیت له لوري (٢٨٠١٥٨٤٩) اته ویشت میلیونه افغانۍ ورکول سوي او پاته (٧١٠٨٣٤٤٣) یو اویا میلیونه افغانۍ په کندهار مستوفیت ریاست کي شتون لري.

د عینومېني ۳۵۰ بستریز ه شفاخانه او د صحت عامې ریاست د ژړۍ، دامان او بولدک ولسوالیو د کنټرول مرکزونو لپاره د (۵۰۰۰۰) لیټره ډیزلو قرارداد د (۱۹۵۰۰۰۰) افغانیو په ارزښت روح الله محیبي لوجستیکي کمپنۍ سره سوی دی. د عامي روغتیا ریاست او عینو مېني۳۵۰ بستریز روغتون لپاره د (۱۶) قلمه دفتري تجهیزاتو د خریدارۍ لپاره (۸) لوجستیکي شرکتونو ته د قیمت اخیستلو اسناد تسلیم سوي، ولي له جملي یې یوازي (۳) شرکتونو په داوطلبي کي ګډون وکړ، چي په نتیجه کي روح الله محیبي لوجستیکي شرکت د (۲۴۲۷۲۶۰) دوه میلیونه څلور سوه زره افغانیو په ارزښت قرارداد ترلاسه کړ.

د ا هم باید یاده کړو چې افغانستان یو غریب او بې وسه هېواد دۍ باید د فساد مخنیوۍ وشي ا افغانستان نور د دې بې و طلۍ نه وباسي او هېواد سره خیانت او فساد ونکړي ځکه افغانستان بودیجه میمې نه زیاته په بهرني مرستو او د نړیوالې ټولنې په مرستې روانه ده نو باید چې کوم کومک ورسره کيږي په سمه توګه مصرف شي ترڅو دغه راغلې پیسې په ځاۍ مصرف شي او افغانستان د تعمیر او ترقۍ لپاره هم ؛ټه ور ثابت شي،

افغانستان مرکزي اسیا ته دوه نیم زره لارۍ واستولې

د کندهار د کډوالو او بېرته راستنېدونکو چارو ولایتي رياست وايي،چې پلان لرو چې د مهاجرینو لپاره د کندهارپنجوايي ولسوالۍ کي ١٠٠ اړمنو کورنیو لپاره کورونه جوړکړي دوي وايي دغه کورونه به اوس لپاره د ۱۰۰ کورنویو لپاره جوړيږي

کډوالو او بېرته راستنېدونکو چارو ریاست او ډبلیو ایچ او مؤسسې په همکارۍ د بو ان ایچ سي آر مرستندويه ادارې په بودیجه په پنجوایي ولسوالي کي ١٠٠ بېرته راستنېدونکو، داخلي بې ځایه سویو او بې وزله فامیلونو لپاره کورونه جوړېږي او د ښار په مختلفو ناحیو کي ٤٩١ اړمنو کورنیو لپاره د سولري برېښنا دوې پروژې عملي کېږيپه همدې مقصد د کډوالو او بیرته راستنیدونکو چارو، ولایت مقام سټکوريَ خدماتو ریاستونو او د بو ان ایچ سي آر همکاري موسسې د مسولینو ترمنځ ولایت مقام کي د همږغۍ غونډه جوړه سوه او د پروژو د څرنګوالي په اړه بحث وشو او دويي د دغې پروژې په څرنګوالي باندی او پلانونو باندې هم خبرې اترې وشوې،

همدا راز د سولري بریښنا پروژه د کندهار ښار په (٧، ٨، ٩، ١٢) ښارې ناحیو کي د دریو میاشتو په اوږدو کي عملي کیږي، چي په تطبیق سره به یې په شرایطو برابر ٤٩١ بیرته راستنیدونکې، داخلي بې ځایه سوې او ځایي اړمني کورنیو ته د سولري برېښنا اسانتیا برابره شي، اوس وخت کې باید دولت دغو خلکو سره د الله د رضا لپاره مرسته وکړي ترڅو دويي هر فامیل خپل کور ولري اوو په ارامه فضا کې پکې ژوند وکړي،

د کندهارپنجوایې ولسوالي کي به په شرایطو برابر ١٠٠ بېرته راستنیدونکو او داخلي بې ځایه شویو فامیلونو لپاره د دوو خونو، یوه دهلېز او دوو تشنابونو په درلودلو کورونه جوړ شي، دغه کورونه کې به هواداره کوټې یا خونې وي ځکه د کندهار ډېره یخه نده او خلک غواړي چې دغو ځایونو کې ازاده او هوادار کورونه ولري،

د ولایت مقام مرستیال حاجي اغالالي دستګیري د داخلي بې ځایه سویو او راستنېدونکو کورنیو د لاسنیوي لپاره یاد پروګرام ګټور وباله او له مسؤلینو یې غوښتنه وکړه، چي په پوره شفافیت او روڼتیا دغه پروګرام تطبیق کړي.ښاغلي دستګیري د ځمکو د ملکیتونو قانوني چارې بشپړول، د مستحقو کورنیو په نښه کول، په اساسي ډول د کورنو جوړول، د کورنو لپاره ښه ډیزاین، اړتیا او شرایطو ته پام د پروګرام په ښه تطبیق کي ګټور وبلل او مسؤلینو ته یې سپارښته وکړه، چي دې برخو ته پاملرنه وکړي.

پاسینۍ دواړه پروژې د سیمه ییزو شوراګانو سره په همږغۍ عملي کیږي، تر څو د مستحقو کسانو د تثبیت پروسه په پوره روڼتیا سره ترسره شي، د کندهار خلک د دولت نه غواړي چې چې که دغه پروژې ژر تر ژره عملي یا پلي نشي نو دغه راستدونکې خلک به په خرابو کورونو کې ژوند کوي او یا به هم په خېمو کې زوند کولو ته اړ شي،

اوس وخت د دې رارسېدلۍ دۍ چې دولت باید ژر تر ژره دغه کورونه جوړول پیل کړي او بودیجه ورته ځانګړي کړي ترڅو دغه ځايي خلک ژر ت ر ژره خپل کورونه ولري او ارامه فضا کې ژوند وکړي، دا هم باید یاده کړو چې د دې وړاندې هم دولت مهاجرینو او بې ځایه شویو ته کورونه جوړ کړي دي،

افغانستان،پاکستان اوچين د کرکټ دوستانه میچ کوي

د پاکستان ميډیا په تازه راپورونو کې ويلي دي، چې د پاکستان، چين او افغانستان ترمابین د اړيکو ښه کولو لپاره د درې واړه هېوادونو کم عمره لوبډلې به په راتلونکې مياشت کې میچ ترسره کړي.ویل کيږي چې دغه درې هېوادونه غواړي چې د کرکټ له لارې خپلې اړیکې تازه ا دوستانه کړي،

د دغه هېواد ورځپاڼې ايکسپرېس نيوز د راپور په وينا، چې پاکستان، چين او افغانستان د ښو اړيکو لپاره د کرکټ لاره پېدا کړې ده او د درې واړه هېوادونو کم عمره لوبډلې به په راتلونکې مياشت کې دوستانه سيالۍ ترسره کړي.او په سیالیو کې به درې ټیمونه ونډه واخلي ترڅو د دويي په مابین کې تعلقات نور هم پیاوړې شي او یو بل سره نوور هم رانږدې شي که مونږ اوکورو د پاکستان او افغانستان تعلقات له ډېر وخت راهیسې ترنګلې شوي دي

یاد راپور کې زياته شوې ده، چې د پاکستان ١٩ کلنو کم عمره لوبډله راروانه مياشت کې د چين هېواد په دوستانه سفر باندې ځي. د پاکستان ياده لوبډله د اکتوبر په ١٦مه نېټه د چين بيجينګ ښار ته روانېږي. د چين په بيجينګ ښار کې به د پاکستان ١٩ کلنو کم عمره لوبډله د چين د ١٩ کلنو کم عمره لوبډلې سره ١٥ اوريزه لوبه ترسره کړي.

همدارنګه په دغه راپور کې زياته شوې ده، چې د چين پر وړاندې به په دويمه لوبه کې بيا د افغانستان او پاکستان ګډه يا شريکه لوبډله لوبېږي.د یادونې وړ ده چې په اجتماعي شبکو کې د افغانستان او پاکستان تر مابین لوبې ته عامو خلکو لېوالتیا ښودلې ده او ویلي ېې دي چې باید ژر تر ژره د ې دغه لوبې تاریخ اعلان شي او بیا ځلې دې دغسې لوبې ترسره شي،

دوى همدا راز زياته کړې ده، چې په دغه سفر کې د پاکستانۍ لوبډلې لپاره ځينې پروګرامونه هم په نظر کې نيول شوي دي او همدا راز د اکتوبر په ٢٤مه نېټه به يې لوبډله هېواد ته بېرته راستنه شي.

ای سي بي با ملي کر کټ بورډ اداره تر دې مهاله پورې د يادو لوبو يا چين ته د کم عمره لوبډلې د تګ په تړاو څه نه دي ويلي. همدا راز د پاکستان ايکسپرېس ورځپاڼې هم دا يادونه نه ده کړې، چې د پاکستان او افغانستان مشترکه لوبډلې افغان لوبغالي به له افغانستان نه ورځي او که په پاکستان کې مېشت افغان کډوال به له دوى سره ځي او هلته به د چينايي ١٩ کلنې کم عمره لوبډلې په وړاندې مشترکه لوبډله جوړوي.

اوس ووخت د دې رارسېدلۍ دۍ چې باید درېواړه هېوادونه په یو مېز سره کیني او خپل سیاسي تعلقلات هم دغسې د کرکټ اونورو لوبو په ترسره کولو سره جوړ کړي ترڅو دغه ګاونډي هېوادونه په سیمه کې په امن او رور ولۍ سره ژوند وکړي او افغانان هم خپل هېواد کې د امن په فضا کې سره ژوند وکړي،

د کرونا روغتونونود مدیریت چارې به غیر دولتي ادارو ته ورکړل شو

د روغتيا نوماندوزير ډاکټرجواد عثماني کندهارنه وروسته هلمند ته سقر وکړاوهلته ېې د روغتیا او د کرونا ویروس د وروستي حالاتو ارزونه وکړه،نوموړۍ دهلمند ولایت وروستیو لګښتونو په اړه معلومات راغونډ کړل

د روغتیا وزیر ته د هلمند والي ورسره ددې ولايت د روغتيايي وضعيت پراختيا او ښه والي په باب هر اړخيزې غوښتنې برسېره کړي د روغتيا سرپرست وزير محمد جواد عثماني نن جمعه هلمند ولايت ته سفر وکړ، چې له راتګ سره سم يې له هلمند والي تورنجنرال محمد ياسين، د ولايتي شورا رئيس او غړو، قومي مشرانو، ځوانانو او مدني بنسټونو سره وکتل.

نوموړي سره چې د ولسي جرګې غړيو محمد کريم اتل او عبدالقادر قلاتوال هم په دغه سفر کې شریک وو هلمند والي د عامې روغتيا وزير او ورسره د ولسي جرګې پلاوي ته د ښه راغلاست ويلو ترڅنګ مننه وکړه، چې د ولايتونو ته د سفرونو په لړ کې يې هلمند ته هم سفر وکړ.

د دغه ولايت رسنيز دفتر مسولین وايي ښاغلي ياسين د کرونا وايروس سره د مبارزې په برخه کې پدې ولايت کې د ترسره شويو فعاليتونو معلومات شريک کړل او د عامې روغتيا له وزير يې وغوښتل، چې د برک موسسې سره د ۲۰ بستره قرارداد ددې ولايت وضعيت ته په کتو سل بستره ته لوړ کړي، د کرونا ناروغانو د تشخيص څانګه فعاله، د کرونا سل بستريز روغتون د ودانۍ جوړولو بهير لا ګړندی کړي او په ولسواليو کې د کويډ۱۹ ناروغانو لپاره اړوند روغتونو ته لازمې اسانتياوې چمتو کړي.

د یادولایت والي د کرونا اړوند ۵۰ ميليونه افغانيو بوديجې څخه د مصرف شويو پيسو په اړه د معلوماتو ورکولو ترڅنګ يو ځل بيا ولسونو او مرکزي دولت ته د بشپړه وضاحت او حساب ورکولو ډاډ ورکړ .هغوئ دغه راز د روغتيا په سکتور کې د پرتو ستونزو او اړتياو د اکمالولو ټينګار وکړ.او وۍ ویل چې باید هلمند نور اکمالات هم باید ورکړل شي،

دد ې نه وروسته د روغتیا وزیر جواد عثماني وویل د روغتيا سکتور کې د متوازنو خدماتو وړاندې کولو ډاډ څرګند کړ او زياته يې کړه، چې د روغتيا وضعيت د ارزولو په پار يې هلمند ولايت ته سفر کړی، ترڅومشکلاتوله نېږدې واوري او د حل لپاره يې اقدامات ترسره کړي.»

د دغه وزارت وزير په هلمند کې د کرونا ناروغۍ د تشخيص ماشين (پي سي آر) د فعاليت ډاډ څرګند کړ او هم يې څرګنده کړه، چې درې نيم ټنه روغتيايي تجهيزات او درمل هلمند ته ځانګړي شوي او ډېر ژر به دغه ولايت ته انتقال شي.نوموړي د کرونا سره مبارزه په اړه چې مونږ غواړو چې څومره ژر کيږي باید دغه ناروغۍ سره مبارزه وکړو او د هغې نه بعد د صحت نورو برخو ته پام وکړو، ځکه د انسان لپاره تر ټولو نه زیات مهم جز خپل صحت دۍ ،

افغان دولت لویه جرګه رابلي

ولسمشرغني وايي امنیتي مسولین دې د دښمن د حملو پر وړاندې د خپلو خلکو ساتنه وکړي د سرقوماندانۍ غونډه چې د ریس جمهور غني په مشرۍ جوړه شوې وه او پر امنيتي موضوعاتو بحث وکړپه دغه غونډه کې اول له اړوندو مسولینو څخه راپورونه واورېدل شول،

د راپورونو وړاندې کولو وروسته ولسمشر غني يو شمېر سپارښتنې هم وکړې.ياده غونډه په ارګ کې د ویډیو کنفرانس له لارې ترسره شوه، په پیل کې د امنیتي او دفاعي ارګانونو مسوولینو د هیواد په کچه د امنیتي وضعیت او د بریدونو د زیاتوالي په اړه خپل راپور وړاندې کړ،دغه مجلس ته د افغانستان لوی درستیز سترجنذال بسم الله وزیري د افغان ملي اردو د تحرکاتو او احضاراتو د کچې، فعالیتونو، د د ښمن د بریدونو د دفع او شنډولو او دغه راز دښمن ته د اوښتو تلفاتو په اړه هراړخیز معلومات وړاندې کړل،

د دې ترڅنګ د افغانستان د ملي امنیت لوی ریاست سرپرست احمدضیا سراج وینا وکړه، د ملي امنیت منسوبینو یوه تروریستي ډله چې کابل کې یې پر یوه روغتون او جومات د خونړيو بریدونو پلان درلود، نیولې او دا مهال ترې پوښتنې روانې دي،د ملي امنیت ریس نه وروسته د جمهور ریاست لومړي معاون امرالله صالح د امنیتي او دفاعي ځواکونو د شهیدانو کورنیو ته د پر وخت رسېدګۍ ټینګار وکړ وې ویل، دا کار باید د امنیتي ارګانونو د پلان عمده برخه واوسي.نوموړي وکړ، جرمونو سره د مبارزې په اړه ملي پولیس باید د هیواد په ښارونو او بېلابېلو سیمو کې خپل فعالیتونه زیات کړي، ترڅو د جرمونو کچه راټیټه او خلک د ملي پولیسو له کړنو راضي شي.

د صالح نه بعد استاد محمدسرور دانش چې د دوهم مرستیال دۍ وویل،د تېرو دوو میاشتوراهيسې تاوتریخوالی زیات شوی چې دغه کار د خلکو پر روحیه بد اثر کوي ، په داسې حال کې چې ټولو له تاوتریخوالي څخه د پاک او سوله ییز افغانستان هیله لرله هغه له افغان امنیتي او دفاعي ځواکونو غوښتنه وکړه چې د دښمن د بریدونو او پلانونو د شنډولو پر مهال د ځان او خلکو خوندیتوب ته جدي اقدامات وکړي.

‎جمهوررئیس غني د یادو راپورونو له اورېدو وورسته له ټولو امنیتي او دفاعي ځواکونو مننه وکړه چې د دښمن د بریدونو پر وړاندې د خپلو خلکو ساتنه کوي، هغه د امنیتي او دفاعي ځواکونو ټولو شهیدانو ته د فردوس جنت د دعا پرمهال اړوندو ارګانونو ته لارښوونه وکړه چې د دغو ځواکونو د شهیدانو کورنیو او ټپیانو ته دې پر وخت رسېدګي وشي.

‎جمهوررئیس غني په ټینګار وویل: « د افغانستان حکومت، امنیت ته د یوې جدې موضوع په توګه ارزښت ورکوي او د ولایتونو او ولسوالیو په کچه دا ډېره مهمه ده چې د مسوولو اشخاصو د ګمارنې پر مهال د هغوی وړتیا او مسلکیتوب ته زیاته پاملرنه وشي.»

‎د افغانستان د اسلامي جمهوریت جمهوررئیس اړوندو ارګانونو ته لارښوونه وکړه چې د علماو، قضایي څارنوالانو او متنفذینو د امنیت د تامین په اړه دې لازیاتې هڅې وکړي، د دښمن له لوري د ترور او قتلونو مخنیوی دې وکړي.د غونډې په پای کې د هیواد جمهوررئیس وویل، امنیتي مسایل د افغان حکومت له لومړیتوبونو څخه دي او د دولت د رهبرۍ تمرکز د خلکو پر امنیت دی،

دولت او امنیتي مسولین باید امنیت تامین ته کار وکړي او طالبان باید نور ترهګریز بریدونه ونه کړي ترڅو افغانان نور په برامه فضا کې ژوند وکړي مه مونږ اوګورو په افغانستان کې د څو لسیزو راهيسې د جنګ په حالت کې دۍ نور افغانان د دې جګړو نه تنګ دي د هر یو افغان ارزوع دا ده چې په هېواد کې ېې امنیت وي،

حميد حسن اسیا جام لپاره ټرېننګ پیل کړ

د ملي کړکټ لوبډلې تېز بالر حميد حسن د اسیا جام او نورو سیالیو لپاره تمرینات پیل کړل هغه یو کال په کور کې وو او هيڅ یو نړیوال کړکټ کې ېې برخه نده اخیستې، نوموړي په کابل کې د روزونکو د څار لاندې روزنه اخلي،

هغه د یو شخصي رسنۍ سره په مرکه کې وویل چې په ځان ېې ډېر کار کړۍ دۍ او ۷۰ ٪ فټ دۍ او په راتلونکو دوه هفتو کې به تر ٩٠ سلنه پورې فټ شي.نوموړۍ وايي چې بالنګ يې هم شروع کړې ده او د خپل تکړښت لپاره يې هم هڅې پيل کړي دي او تمرينات کوي.حميد حسن راتلونکي اسيا جام او نړيوال شل اوريز جام کې د ګډون لپاره هيله من دى. هغه وايي چې په لوبډله او اداره باندې بوج نه جوړېږم او نه خپل ځان ته دوکه ورکولى شم، خو کله چې په ځان اعتمادي او باوري شوم، چې څلور اورونه ترسره کولاى شم او لوبه کولاى شم، نو بيا به ادارې ته ووايم چې له ما څخه ټرايل واخلئ.

د افغان کرکټ ټيم د فيټنس ټرېنر عبدالمنان مسعود وايي، چې حميد حسن دې ته چمتو دى چې په راتلونکو سياليو کې ګډون وکړي. هغه وايي چې هيله من دى چې حميد حسن به راتلونکو سياليو ته چمتو شي.د يادولو وړ ده چې حميد حسن د ټپونو له امله ونه شول کولاى چې د نورو لوبغاړو په څېر په ملي لوبډله کې په پرلپسې ډول ولوبېږي، هغه د افغانستان يو له چټکو توپ اچونکو څخه دى چې افغانستان ته يې ډېرې برياوې راوړي دي.

ډېر وخت بعد نوموړى د ٢٠١٩ نړيوال شل اوريز جام کې د افغانستان لپاره ولوبېده، خو وې نه شول کولاى چې ټولې لوبې ترسره کړي او وروستۍ لوبه يې د پاکستان پر وړاندې ترسره کړه، چې هلته هم په نيمه کې له لوبې څخه بهر شو.حميد حسن د دغه لوبې څخه وروسته له نړيوالو يو ورځنيو لوبو څخه استعفا ورکړه او وې ويل چې يوازې په نړيوالو شل اوريزو لوبو کې به لوبېږي.

او د ورلډ کپ جام وروسته افغانستان له بنګله دېش، زمبابوې، ويسټ انډيز او ايرلېنډ سره سيالۍ ترسره کړې، خو حميد حسن پکې ګډون نه درلود.٣٣ کلن حميد حسن د افغانستان لپاره په ٣٨ يو ورځنيو او ٢٢ شل اوريزو لوبو کې ګډون کړى دى، چې په يو ورځنيو لوبو کې يې ٥٩ او په شل اوريزو لوبو ک يې ٣٢ ويکټې ترلاسه کړې دي.

حميد حسن نړيواله يو ورځنۍ وروستۍ لوبه په ٢٠١٩ کال کې د پاکستان پر وړاندې ترسره کړې وه، خو نړيواله شل اوريزه وروستۍ لوبه يې بيا په ٢٠١٦ کال کې د ويسټ انډيز پر وړاندې ترسره کړې وه.

د حمید حسن په څېر باید کرکټ بورډ هغه کمسان ملي أوبډلې ته راولي ترڅو چې نړیوال جامونو کې او اسیا کپ کې ښه وځليږي د حميد حسن یو داسې بالر دۍ چې تل ېې افغانستان ته ښه پرفامنس ښودلۍ دۍ باید ټولو نړیوالو لوبو کې ولوبول شي، نوموړي ته باید سم ټرېننک ورکړۍ شي ترڅونور هم سم پرفامنس وښايي،

دافغانستان اوآذربایجان د بهرنیو چارو وزیران دلاجوردوپرلارې خبرې شوي

د افغانستان د بهرنیو چارو وزارت نوماند وزیر محمد حنیف اتمر د آذربایجان د بهرنیو چارو وزیر المار محمد یاروف سره ټیلیفون له لارې خبرې اترې وشوې،او په دغه تلیفونې تماس کې د دواړو هېوادو په منځ کې د دوه طرفه اړیکو او نورو موضوعاتو خبرې اترې وشوې،

دغه وزارت وایي چې دا خبرې وړمه ورځ شوي په دې ټیلیفوني خبرو کې دواړو لوریو په یو لړ مهمو موضوعاتو له هغې جملې، د افغانستان، ترکمنستان او آذربایجان تر منځ د درې اړخیزه جلسه جوړول، د لاجوردو لارې د هوکړه لیک په چوکاټ کې د دوه اړخیزو او څو اړخیزو کومکونو د پراختیا پر څرنګوالي، همداراز د دواړو هېوادونو تر منځ د سیاسي او اقتصادي اړیکو د لا ډیرې پیاوړتیا پر مسئلو، بحث وشو او دواړو لوریو خپل نظرونه سره شریک کړل.

دخارجې وزارت ویلي؛ د آذربایجان د بهرنیو چارو وزیر له افغانستان سره د کوییډ ۱۹ ناروغۍ د مبارزې په لار کې د هغه هېواد د روغتیایي مرستو په اړه ویلي چې د آذربایجان له لوري پر روغتیایي توکو بار یوه الوتکه کې افغانستان ته روغتیايي مرستې وړل کیږي.ازربایجان یو له هغو هېوادو څخه دۍ چې د افغانستان سره ېې د کرونا ویروس سره د مبارزې په برخه کې مرسته وکړه د دې وړاندې امریکا او عربي اماراتو د افغانستان سره په دې برخه کې مرسته کړې وه

بلخوا د ا‌زربایجان سره لاجوردو لار یوه مهمه اقتصادي، ټرانزیتي او تاریخي لار ده چې په دې وروستیو کې یې د بیا راژوندي کولو لپاره ګړنډي ګامونه پورته شوي دي.د دې وړاندې هم افغان حکومت د لاجوردو پر لاره خبرې اترې شوي دي او د غه لارې د څرنګوالي او اینده پلانونو په اړه هم خبرې اترې شوې دي

اوس وخت د دې رارسدلۍ دۍ چې باید دواړه ملکوونه ښه اړیکې وساتي ترڅو په سیمه کې د امنیت ترڅنګ تجارت ته هم کاروشي ځکه که تجارت د هر هېواد د اقتصاد لپاره ښه زریعه وي د عووایدو لوړولو لپاره که افغانستان غواړي چې عوایړ ېې نور هم لوړ شي نو باید د سیمې هې،ادنو سره ښه اړیکو ترڅنګ ښه تجارتي اړیکې هم وپالي،

دافغانستان اوآذربایجان د بهرنیو چارو وزیران دلاجوردوپرلارې خبرې شوي
دافغانستان اوآذربایجان د بهرنیو چارو وزیران دلاجوردوپرلارې خبرې شوي

د افغانستان عواید د کرونا ویروس له امله اوس راټیټ شوي دي او که دغه لړۍ دوام وکړي نو د هېواد عواید به نور هم راټيټ شي اوس وخت درارسېدلۍ چې څومره ژر تر ژره اقتصادي سرګرمیانې پیل شي او مملکت عواید ته ګټه ورسيږي،