ولسمشرغني: دشپږ نیموبجو د جلسو فرهنګ به  ټولو ادارو کې الزامي شي

ولسمشرغني:د شپږ نیموبجو د جلسو فرهنګ به ټولو ادارو کې الزامي شي.د افغانستان د اسلامي جمهوریت جمهوررئیس محمد اشرف غني پرون سهار د جمهوري ریاست د لومړي مرستیال امرالله صالح دفتر کې د شپږنیمو بجو ځانګړې غونډه کې ګډون وکړ.

په سر کې د جمهوري ریاست لومړي مرستیال امرالله صالح جمهوررئیس ته د ښه راغلاست پرمهال وویل، ستاسو راتګ د کابل ښار د امنیتي ځواکونو او مسوولینو د انګېزې او هڅونې لامل کېږي. همدارنګه یې د شپږنیمو بجو د غونډو د شېوې په اړه هم معلومات ورکړل.ورپسې د کابل امنیتي مسوولینو، کابل ښاروالۍ، لویې څارنوالۍ، کورنیو چارو وزارت، ترافیکو ریاست او د کابل امنیتي تړون مسوولینو او استازو چې د شپږ نیمو بجو غونډو غړي دي له جمهوررئیس سره د خپلو کړنو او لاسته راوړنو ترڅنګ په اړوندو برخو کې خپل پلانونه وړاندې کړل.

ولسمشرغني د دغو معلوماتو او راپورونو له اورېدو وروسته د قانون ماتونکو پر وړاندې د شپږنیمو بجو غونډو لاسته راوړنې او شېوه وستایله او د هغو پر دوام یې ټینګار وکړ. د شپږ نیمو غونډې به نه یوازې ونه ځنډېږي، بلکې ډېر ژر به د ځانګړې امریې له لارې د شپږ نیمو بجو د غونډو فرهنګ د ټولو ولایتونو امنیتي تړونونو او ورپسې ټولو ادارو کې الزامي شي.

د افغانستان جمهوررئیس د کابل ښار امنیت کې د ټولو د هلو ځلو او پرمختګ قدرداني وکړه او وې ویل، پلازمېنه باید خوندي ځای وي. کابل ښاریان باید د دښمنانو پر وړاندې چې د جمهوریت د ټولو ارزښتونو او ازادیو پر وړاندې جنګېږي بسیج او د امنیت او نظم په تامین کې د وطندارۍ حق ادا کړي. هغه زیاته کړه، د کابل شپږ نیمو بجو غونډو څخه مننه چې دا چوکاټ او ډیسپلین یې ایجاد کړی دی.

د هیواد جمهوررئیس همداراز لویې څارنوالۍ ته لارښوونه وکړه چې دوسیې دې پر وخت تعقیب او تر دوران لاندې دوسیو د ارزونې او پرمختګ سنجولو لپاره باید واضح روش رامنځته شي. هغه زیاته کړه، د عدالت تامین زموږ اساسي کار او په دې برخه کې شجاعت او قاطعیت ته اړتیا ده.

ښاغلي ولسمشر د خپلو خبرو په پای کې د شپږ نیمو بجو غونډو د غړو د لاسته راوړنو ستاینه وکړه او وې ویل، ستاسو په وړاندیزونو او غوښتنو دقیق غور کېږي. هغه زیاته کړه، په ډېرو مواردو کې د جمهوري ریاست لومړی معاونیت صلاحیت لري چې ستاسو ستونزې حل کړي.هېره دې نه وي چې د شپږنیمو بجو غونډه هره ورځ د امرالله صالح په مشری تر سره کیږي او امنیتي مسولینو ته پکې مختلف لار ښوونې کیږي

صالح:کابل کې به د پولیسو شمېر دوه برابره شي.

صالح:کابل کې به د پولیسو شمېر دوه برابره شي.د افغان حکومت دولسمشری ماڼړی لومړی مرستیال «امرالله صالح» وایي، په ښار  کې د پولیسو شمېر کم دی او د امنیتي ناستو د طرحې په اساس به دوه برابره ته وسیږي.

امرالله صالح چې د پلازمېنې کابل امنیتي چارې هم په غاړه لري د شپږ نیمو بجو د امنیتي ناستو په راپور کې ویلي، چې ولسمشر به د یادو ناستو د طرحې او وړاندیز په اساس په کابل کې د پولیسو شمېر دوه چنده کړي.د صالح په خبره، د کابل نفوس ته په کتو که چېرې کابل د ثبات په حالت کې هم وای، د پولیسو شمېر باید دومره کم نه وای.مقایسوي ارزونې ښيي

پلازمېنه کابل حتا د ثبات او ارامۍ په حالت کې هم د نړۍ په ځانګړې توګه د دریمې نړۍ هیوادونو په سطحه، د نفوسو په تناسب کم شمیر پولیس لري.د نوموړي له قوله، د پولیسو په شمېر کې زیاتوالی په دقت سره راځي او هغه کسان چې اړینې وړتیاوې نه لري، د پولیسو لیکو ته به جذب نشي.

صالح:کابل کې به د پولیسو شمېر دوه برابره شي.
صالح:کابل کې به د پولیسو شمېر دوه برابره شي.

د کابل پولیسو د دوه برابره کولو پرېکړه داسې مهال ده، چې په دې وروستیو کې هدفي وژنو زور اخیستی او په تېره یوه میاشت کې لسګونه دولتي منسوبین ددي ډول بریدونو ښکار ګرځېدلي.لنډ ثال ېې په دې نږدې وختونو کې د مدني فعالانو او د رسنیو استارزو د وژل هم دی.

په دې وروستیو کې پر حکومت نیوکې زیاتې شوې او چارواکي تورن شوي، چې نشي کولای د دولتي کارمندانو امنیت خوندي کړي.په دې اړه څو ورځې وړاندې ولسي جرګې هم نیوکې کړی دوی ویلي چې د امنیتي سکتور مسولین د امنیت په تامین کې ناکام دي باید ځانګړې پاملرنه دې سکتور ته وشي او مسلکي خلکو ته دغه سکتور ورکړل شي

د پاکستان سفارت د وېزو د ویش په برخه کې د امرالله صالح طرحه نه مني

 د پاکستان سفارت د وېزو د ویش په برخه کې د امرالله صالح طرحه نه کابل کې د پاکستان سفارت د اشرف غني د لومړي مرستیال «امرالله صالح» هغه طرحه نه مني ، چې پاسپورټونه به د کابل په مشخصو ځایونو کې راټولېږي او تر هغه وروسته به سفارت ته د وېزې لپاره سپارل کیږي.

ښاغلی صالح چې د اشرف غني د معاونیت تر څنګ یې د کابل د امنیت مسئولیت هم په غاړه اخیستی؛ وړمه ورځ پرېکړه کړې وه، چې له دې وروسته به د کابل ښار په شپاړلسو مختلفو محلونو کې پاسپورټونه ټولېږي او تر هغه وروسته به د ویزو د اجراء لپاره د پاکستان سفارت ته لېږل کېږي.د صالح د طرحې په بنسټ، ددې کار مسئولیت د کورنیو چارو وزارت پخواني ارشد سلاکار «خوشال سادات» ته سپارل شوی وو.

د پاکستان سفارت دغه طرحه رد کړې، «پروپاګند» يې بللی او ټینګار یې کړی، چې یوازې له خپل لوري ټاکل شوي محل څخه ورته رسېدلو پاسپورټونو ته ویزې اجراء کوي.د سفارت له لوري د خپرې شوې خبرپاڼې په بنسټ، پاکستان په دې وروستیو کې د ویزو د اجراء په برخه کې ډېرې اسانتیاوې رامنځته کړې چې افغانان ترې برخمن کېدای شي.

سفارت ددې تر څنګ ټینګار کړی، چې د سفارت تر محل د باندې د ګڼې ګوڼې کمولو او نظم په برخه کې د حکومت له ادارو سره ګډ کار کوي.یاده دې وي، چې په کابل کې د پاکستان سفارت یو له تر ټولو مزدحمو سفارتونو څخه دی، چې هره میاشت لسګونه زره مراجعین لري.

  1. د پاکستان سفارت د وېزو د ویش په برخه کې د امرالله صالح طرحه نه مني

پاکستان سفارت ته ورتلونکي کسان زیاتره وخت شکایت لري، چې د ویزو د توزیع په برخه کې نظم نشته او کمېشنکاران د ویزو د اجراء په بدل کې رشوت اخلي.او آول هغه خلک مخکې کیږي کوم چې پیسې ورکوي او غریب او بېچاره خلک شاته پاتې کیږي په دې کې بیا ځینې خلک د ویزو پرته بیرته سفارت نه رازي او ځینې بیا ورته شپې سبا کوي خو بیا هم ویزې نشي اخیستی.

امرالله صالح:امنیتي ناسته کې مودکابل امنیت لپاره مو نوې فیصلې وکړې

امرالله صالح:امنیتي ناسته کې مودکابل امنیت لپاره مو نوې فیصلې وکړې د ولسمشر لومړي مرستیال امرالله صالح کابل کې د مجرمینو پر وړاندې د مبارزې د مسؤولیت د دریمې ورځې په درشل کې د کابل له امنیتي چارواکو سره په ناسته کې نوې پرېکړې وکړې

نوموړي خپل فیسبوک پاڼه باندېلیکلي ټولو بې سنده موټرونو ته د محصول او مالیې مرحلې بشپړولو او سندونو تر لاسه کولو لپاره دوه میاشتې وخت ورکول کیږي،خو په دې موده کې چې بې اسناده موټر ونیول شو، د باریکاب میدان ته به لیږدول کیږي یا د ښار او ولسوالۍ ګزمو کې د پولیسو له خوا په مستقیم ډول کارول کیږي.همدا راز پرېکړه وشوه چې سوالګر به د سړکونو په منځ کې د ودریدو یا کېناستو اجازه ونه لري. لوړې ودانۍ چې د جوړیدو لاندې دي او د جوړېدو امر یې نه دی تر لاسه کړی غورځول کیږي به او یادوونه یې وکړه چې پرون هم دوه نمونې خرابې شوي.

ښاغلي صالح د کابل ښاروالۍ ته امر وکړ چې د ټولو لوړو ودانیو لیست ترتیب کړي چې په غیر قانوني ډول او پرته له اجازې جوړې شوې دي. او سرغړونکو سره به قانوني معامله کیږي.د ولسمشر لومړی مرستیال امرالله صالح وایي، چې دا راز په لیدنه کې پرېکړه وشوه، چې ټول دوکانونه چې د سړک غاړې یا پیاده رونه یې تړلي دي، خبر ورکول کیږي پیاده روونه دې خلاص کړي.

نوموړی زیاتوي چې د جرم ګراف به هر سهار په شپږو بجو بیا ارزول کیږي. د کوچنيو او لوی مجرمینو لیست به د ناحیې- په ناحیې حوزې- په حوزې او کلي په کلي د حوزو امرینو ته په واک کې ورکوي.صالح وایي، یو شمیر چارواکي چې د جنایتکارانو سره په لاس لرلو تورن وو، د عامه معلوماتو پر اساس نیول شوي او عدالت ته راوړل شوي دي.

دا په داسې حال کې ده چې په کابل کې په وروستیو اوونیو کې د جنایي او امنیتي پېښو په زیاتېدو سره د ولسمشر لومړي مرستیال امرالله صالح اعلان وکړ چې د موقت وخت لپاره د کابل د امنیتي مسایلو ارزونې مسؤولیت خپله په غاړه اخلي او ډاډ یې ورکړ چې په کابل ښار کې به امنیت او نظم راوړي. او د ټولو هېوادوالو ژوند به خوندي پاتې شي.اوسمهال کابل کې لا هم بې امني ده او هره ورځ لسګونه کسان پکې مړه کیږي که چېرې دولت ناکام شي نو خلک به کابل پرېږدي او نورو هېوادونو ته به کډه شي.

د کابل امنیت خرابېدو وروسته د کابل د امنیت مسؤلیت امرالله صالح په غاړه اخلي

د کابل امنیت خرابیدو وروسته د کابل د امنیت مسؤلیت امرالله صالح په غاړه اخلي د کابل ښار کې تر بل هر وخت ډیر اوس مهال جنايي جرمونه غلاوي او نور جنایتونه مخ په زیاتېدو دي. او حکومت په دې کوشش کې دی چې د کابل امنیت بیرته د پخوا په شان کړي

دځينې سرچینیو له مخې افغان ولسمشر خپل اول معاون ته دنده سپارلې ترڅو د کابل د پیښو ارزونه وکړي او دا مسؤلیت د لږ وخت لپاره پر خپله ذمه واخليپه ورته وخت کې د دې دندې سپارلو وروسته امرالله صالح هم پر خپله فېسبوک پاڼه لیکلي چې د کابل او خلکو د امنیت د تامین لپاره په خپل قاموس کې د جنایت کارانو لپاره د ترحم او مصلحت توری نلرم او په هيڅ چا به رحم ونکړم.

ښاغلي صالح له خلکو غوښتي چې بغیر له ویرې له هرې  لارې چې کیدلای سي باید خپلو امنیتي ځواکونو ته خبر ورکړي ترڅو بې له ځنډه مجرمین ونیول سيښاغلي صالح په پوځي برخه کې پوره کاپي تجربه لري هغه کلونه د افغانستان د ملي امنیت عمومي رییس او د لنډې مودې لپاره د افغانستان د کورنیو چارو وزیر پاتي سوی هغه خلکو ته ډاډ ورکړی چې د کابل امنیت به سمیږي او کابل خپل پخواني حالاتو ته رازي.

د هېواد د کورنیو چارو وزارت د مالوماتو په اساس په تیرو څو ورځو کې پولیسو د کابل ګوټ ګوټ کې د امنیت ساتلو په موخه هڅې زیاتې کړي او پر مهال لسګونه  اوباشان اومجرمین نیول سوي او د قانون منګلو ته سپارل سويد کابل امنیت تر بل هر وخت اوس د خلکو لپاره د اندېښنې وړ دی او دولت دا ګام پر داسې مهال اخلي چې تیره ورځ هم ولسمشرۍ ماڼې غوښتنه کړې وه چې د کابل امنیت لپاره باید له ټکنالوژۍ کار واخیستل شي او امنیت باید ټینګ شي. ترڅو جان او مال هم په امن کې وساتل شي.

په کابل کې لاسي ګاډۍ والو، او یو شمېر نورو کسانو د پایو مټریک پروسه هم  پیل شوه چې د مسؤلینو په خبره د امنیت د ښه والي لپاره يې یو ګام پورته کړ.اوس باید کابل کې امنیتي جوزې هم خپل اقدامات وکړي ترڅو د کابل امن نور هم ټینګ شي. او د خلکو جان او مال پکې خوندي وي. او کابل ښاریان په ازاده فصا کې تګ راتګ وکړي.

د امرالله صالح په موټریز کاروان باندې بريد دپلازمینې ښار د څلورمې امنیتي حوزې اړوند «تایمني» چوک کې د کابل حکومت د مشر د لومړي مرستیال «امرالله صالح» پر موټریز کاروان باندې حمله شوې.

امنیتي مسولینولاهم پوره معلومات ندي شریک کړي ؛ خو دا تاییدوي چې په تایمني څلور لاې کې نن سهار اووه نیمي بجې شاوخوا  حمله شوې بلخوا د غیر رسمي معلوماتو له مهې په دغې برید کې ۱۰کسان عام وګړي وژل شوي.او د صالح بارډيګارډان تپیان شوي دي. دښاغلي صالح د دفتر هم په همدې تړاو وایي، چې په چاودنه کې د صالح درې تنه ساتونکي ټپیان شوي؛ خو نوموړي ته کوم زیان نه دی شوۍ او صرف لاس ېې لګ خوګ شوی وو.

دعامي روغتیا وزارت هم بیا وایي، چې د  پېښې له ځایه مړي او اووه ټپیان روغتونونو ته لېږدول شوي.طالبانو په یاد برید کې لاس لرل رد کړي.طالب ویاند «ذبیح الله مجاهد» په یوه لنډ ټویټ کې لیکلي «د کابل چاودنه د اسلامي امارت په مجاهدینو پورې اړه نه لري.

دا حمله داسې مهال کېږي، چې وړمه ورځ امرالله صالح له طلوع نیوز سره په مرکه کې د کابل د امنیت په تړاو ډاډ څرګند کړ او ژورنالست ته یې وویل، که کارونه یې نه درلودای چمتو وو په بایسکل همدلته راشي.او ګشت او ګرز وکړي. اوس په دې اړه کومې بلې دلې هم څه ندي ویلي او د دې پېښې بریرګر نا معلوم دي نو اوس باید دې پېښې لپاره یو کمیسون جوړ شي او څېړنه وشي چې دا برید چاکړۍ.

په سوشل ميډيا کې هم په دې اړه خلک مختلف راېې لري او وايي چې دا برید باید وڅېړل شي او پا اینده کې د بلند پایه چارواکو امنیت باید په سمه توګه ونیول شي.ځکه په یو بلند پایه چارواکي باندې حمله کېدل دا د امنیتي مسولینو د ضعف علامت دي یاید داسې ونشي او دوښمن ته دا اجازه ورنکړي چې دا ډول بریدونه وکړي. که داسې ونشي نو دا به په اینده کې دنورو چارواکو لپاره هم ګواښ وي.

د امرالله صالح په موټریز کاروان باندې بريد
د امرالله صالح په موټریز کاروان باندې بريد

د یادونې وړ دی چې په امرالله صالح باندې دادویم برید دی چې کيږي یو برید ورباندې د دې نه پخوا هم د انتخاباتو په وخت کې شوی وو. دا هم باید یاده کړو چې په ښاغلي صالح باندې حملې نه وروسته د مختلف اعلۍ چارواکي د د پوښتنې ته ورغلي وو. په دې چارواکو کې تر ټولو لومړۍ د مصالحې عالي شورا مشر ډاکټر صیب عبدالله عبدالله ورغی او د نوموړي سره ېې غم شریکې وکړه.. د دې نه پرته حمدالله محب استاد سرور دانش داکټر فضلي او حنیف اتمر شامل وو.

د کابل امنیت خرابېدو وروسته د کابل د امنیت مسؤلیت امرالله صالح په غاړه اخلي

امرالله صالح: له طالب سره ګډ کار نه کوم د افغانستان دجمهورریس غني لومړی مرستیال «امرالله صالح» وایي، له امریکا سره یې ښه دوستي درلوده او اوس ېې هم لري خو له طالبانو سره ګډ کار کول ورته سخت دی.

ښاغلي صالح دغه خبرې له طلوع نیوز سره په خپله تازه مرکه کې وکړې نوموړي اعتراف کړی، چې دامریکایانو ویاړلی دوست پاتې شوی او اوس هم دی؛ خو په خبره یې، دی په فکري او نظري لحاظ هیڅ دې ته چمتو نه دی، چې له طالبانو سره سوله او یو وخت له هغوی سره ګډ کار وکړي.د صالح په خبره، نوموړی د اشرف غني د لومړي مرستیال په حیث نه غواړي د سولې د خبرو کې ځنډ رامنځته کوي.

دنوموړي په خبره په انفرادي او نظري لحاظ هیڅ دې ته چمتو نه دی، چې له طالب سره سوله وشي او یوه ورځ تر یوه چت لاندې ګډ کار ورسره وکړي.صالح ددې نه علاوه د طالب بندیانو خلاصون دده لپاره یو «د خوښۍ نه وړ» ګام وباله او په خبره یې، یاده پروسه یې ځکه شپږ میاشتې وځنډوله تر څو نړۍ ته وښيي، چې حکومت د خپل دويي خپله کوي.

ښاغلي صالح ددې تر څنګ په افغانستان کې د امریکایي ځواکونو په اوږدمهاله شتون خبره وکړه او په خبره یې،  د امریکا ستراتیژيکې او جیو ستراتيژيکې ګټې یاد هیواد ته له افغانستانه د وتلو اجازه نه ورکوي او په افغانستان کې به ډېر وخت مېشت وي .قطر ته د سولې د مذاکراتي پلاوي د تګ د ځنډ په اړه هغه وویل ،چې د شپږ تنه طالب بندیانو په اړه له «غربي دوستانو» سره موافقې ته د رسېدو بحثونه،  دوحې ته د طالب پلاوي نه رسېدل او د پروټوکول یو شمېر مسایل د کابل د مذاکراتي ټیم دسفر لاملونه وبلل

د دولت د دویمه شمېره لوړپوړي چارواکي پورته څرګندونې داسې مهال دي، چې تمه ده په نږدې ورځو کې د د حکړمت مذاکراتي پلاوی دوحې ته ولاړ شي او هلته د طالبانو له مذاکراتي ټیم سره مخامخ خبر پیل کړي.دشنونکو په باور، د مذاکراتو د پیلېدو په درشل کې پاروونکې څرګندوې کول د سولې په پروسه منفي اغېز  کوي او یاده پروسه له ناکامه شي.

امرالله صالح: له طالب سره ګډ کار کولوته چمتونه یم
امرالله صالح: له طالب سره ګډ کار کولوته چمتونه یم

اوس وخت کې باید ټول سیاسیون سره کیني او او د سولېمزاکراتي ټيم ته داسې سپارښتنه وکړي چې د ټول افغانستان په اتفاق او استاریتوبب هغويي مزاکراتو کې مخکې لاړ شي او افغانستان لپاره یو باعرته سوله خوښه کړي. ځکه افغانستان کې اوسمهال جنګ او بد بختي ده.او خلک نور د جنګ نه نا خوښ دي، او باعزته سوله غواړي.

عبدالله عبدالله: دحکومت مزاکراتي ټيم دتقویت لپاره باید کار وشي

افغانستان کې د ډیر وخت راهیسې سیاسي ناندرۍ شروع وې. عبدالله عبدالله چې د اشرف غني سیاسی حریف وو د انتخاباتو پایله نه منله او دغه انتخابات یی د درغلیو ډک انتخابات ګڼړلي وو.عبدالله عبدالله د ولسمشر سره یو ځاۍ په جلا ډول سوګند پورته کړ.او ځان یی د همه شموله حکومت ولسمشر اعلان کړ.خو بیا هم دوي یو بل سره د سیاسي تفاهم له لارې د دغو ناندریو او لانجو حل ته ورسید.

دوه ورځې وړاندې ولسمشرغني او عبدالله عبدالله یو لړ مراسمو کې یو سیاسي تفاهمنامه لاسلیک کړه د دغې تفاهم لیک له مخې به عبدالله عبدالله ته ۵۰٪ حکومت ته ځاۍ ورکړي. او دوستم ته یی د مارشالۍ رتبه هم ورکړې د دې نه علاوه دوي ته بازۍ ولایتونه هم په نظر کې نیول شوي.

په دغه لړ کې د ولسمشر لومړي مرستيال امرالله صالح پر خپلې فېسبوک پاڼې ليکلي دي چې د ولسمشر محمد اشرف غني د پرېکړې چې د دولت جوړونکي ټيم وراېخوا  يې د حکومت په کابينه کې  نور ټيمونه هم شريک کړل ملاتړ کوم. نوموړي ليکلي دي چې په ورته وخت کې د جوړجاړي د عالي شورا د مشر په توګه د عبدالله عبدالله ځای پر ځای کېدل غوره ټاکنه بولم او هيله لرم چې د سولې په برخه کې به اغېزمنه  تمامه شي.

صالح ليکلي چې د ولسمشر غني د کلک دريځ څخه چې په اساسي قانون د معاملې مخه يې ونېوله، بايد مننه او ستانيه وشي. نوموړي په اخير کې ليکلي دي چې د ګډد دښمن پر وړاندې يو ګډ يووالي ته اړتيا ده

د یادونې وړ ده چې له دې وړاندې هم بهرنیو سازمانونواوهیوادونو په دوي باندې فشار راوړۍ وو چې دواړه مشران دې په یو میز کېني او یو همه شموله حکومت دې جوړکړي.همدغسې وشول چې دوه ورځې وړاندې دولت نیم په نیمه وویشل شو. ۵۰٪ حکومت عبدالله عبدالله ته ورکړ.

دا هم باید یاده کړو چې بهرنۍ ټولنې دوي ته مبارکۍ تر څنګ هر کلۍ کړۍ دۍ په دغو هیوادونو کې پاکستان هند. ترکي. امریکا . او داسې نور ملکونه شامل دي. ددې تر څنګ دوي ته ناټو سرمنشي او نورو مختلفو اړوندو خلکو مبارکې او هر کلۍ یی کړۍ دۍ.

مونږ ټولو ته پکار دي چې اوس د اتحاد او اتفاق خبره وکړو او بې څایه ناندرۍ پریګدو تر څو یو په ځان بسیا هیواد ولرو افغانانو ډېر جنګونه او جدلونه تیر کړي دي نو باید یو پر مختللي هیواد په لور روان شو.تر څو افغانان وکولۍ شي چې یو ازاد افغانستان کې ژوند تیر کړي.