جو بایډن د متحده ایالاتو د جمهور ریس په توګه لوړه وکړه

جو بایډن د متحده ایالاتو د جمهور ریس په توګه لوړه وکړه جو بایډن د چهارشنبې په ورځ د جنوري میاشتې په ۲۰تاریخ وايټ هاوس کې د امریکا متحده ایالتونو د ۴۶م ولسمشر په توګه لوړه وکړه.نوموړی ۴۶م منتخب ولسمشر شو.

دغه په مراسمو کې د پخواني جمهور ریسانو اوباما، بوش او بل کلنټن په شمول د کانګرس غړو او ګڼو نورو دولتي اعلی چارواکو ګډون کړی و.په یادو مراسمو کې پخواني ولسمشر ډونالډ ټرمپ د تمې خلاف ګډون ونکړ، هغه د امریکا په ۱۵۰ کلن تاریخ کې لومړی ولسمشر شو چې د لوړې په مراسمو کې یې ګډون ونه کړ.ښاغلی جوبایډن ترڅنګ کماله هاریس هم د مرستیالې ولسمشرې په توګه لوړه وکړه، هغه لومړنۍ اسیایي-افریقایي نژاده ده چې د امریکا په تاریخ کې مرستیاله ولسمسره منتخب کیږي.

د ښاغلي بایډن د لوړې له مراسمو وروسته د امریکا ولس ته په خطاب کې وویل، دا د امریکا ورځ ده، د دیموکراسۍ او جمهوریت ورځ ده، نن موږ د یوه کاندید بریا نه لمانځو بلکې یو هدف لمانځو، د دیموکراسۍ هدف.هغه زیاته کړه، «د توکمیز تبعیض پای ته رسولو خوب نور نشي ځنډیدلی، نن ورځ زما روح د ملي یووالي او توکمیز یووالي هدف سره تړلی دی، پوهیږم زموږ د ویشلو قوتونه ژور او یو واقعیت دی خو دا نوې خبره نه ده، مبارزه تلپاتې وي خو د بریا تضمین حتمي نه دیباید تل مبارزه وشي.

بایډن دویناپرمهال په دې زور وکړ چې د اختلافي ستونزو یوازینۍ حل لاره د خبرو لاره ده، ددې لپاره په اتحاد کېدل تر ټولو اړین دي.د جنوري میاشتې په ۶مه نېټه د امریکا پر کانګرس ماڼۍ د ټرمپ پلویانو یرغل کړی و چې له کبله یې د جو بايډن د لوړې مراسم محدود کړل شوي وو، دغه راز د سپينې ماڼۍ شاوخوا ۲۵ زره پوځیان او ملي ګارد د خطر مخنیوي لپاره نیول شوي.

جو بایډن د متحده ایالاتو د جمهور ریس په توګه لوړه وکړه
جو بایډن د متحده ایالاتو د جمهور ریس په توګه لوړه وکړه

د یادولو وړ ده چې ډونالډ ټرمپ د چهارشنبې په ورځ له خپلې میرمنې سره سپينه ماڼۍ پریښوده او فلوریډا ایالت ته ولاړ، هغه په خپله وروستۍ ورځ ۷۳ کسانو ته عفوه اعلان کړه.نوموړی ویلي چې واک پریږدي خو د قضېې چلولو لپاره له کورټ ته زي اږ د جعلي رایو پوښتنه به ضرور کوي.

د افغانستان په اړه دنوي ولسمشربايډن ممکنه تګلاره به څه وي؟

د افغانستان په اړه دنوي ولسمشربايډن ممکنه تګلاره به څه وي؟ټاکل شوې، چې ۷۸ کاله عمرذلرونکی جو بايډن د امريکا د ۴۶م ولسمشر په توګه لوړه وکړي او په اولو ورځو کې د افغانستان په شمول د يو شمېر مهمو موضوعاتو په اړه خپل پلاونونه اعلان کړي.

ښاغلی بايډن، چې د پخواني ولسمشر بارک اوباما د واکمنۍ پر مهال له ۲۰۰۹ تر ۲۰۱۲ پورې مرستيال ولسمشر وو د افغانستان جګړې مخالفت يې کاو او دلته يې د ځواکونو د زياتېدو په اړه نظر هم همداسې د کمېدو ډېر وو. اوس، چې بایډن په رسمي ډول د امريکا ولسمشر ټاکل شوی او نن يې د لوړې مراسم دي، د نورو قضيو سربېره د افغانستان موضوع د هغه لپاره مهم لومړيتوب دی، چې بايد په اړه يې خپله تګلاره روښانه کړي.

د دوه لسیزو راپدیخوابوش، بارک اوباما او ډونلډ ټرمپ وروسته جو بايډن څلورم ولسمشر دی، چې د افغانستان جګړه په ميراث ور پاتې کيږي.که څه هم جو بايډن د امريکا له تلونکي ولسمشر ډونلډ ټرمپ سره د کورني سياست سربېره په يو شمېر مهمو موضوعاتو سخت اختلافات لري، خو له افغانستانه د خپلو پوځيانو د ويستلو په اړه يې تر اوسه له هغه سره مخالفت نه دی کړی.

ښاغلی ټرمپ د اقليم بدلون په اړه د پاريس له تړونه وتلی، همداراز له ایران سره له شوي اټومي تړونه هم په يو اړخيزه توګه وتلی، د خپلې واکمنۍ په لومړيو ورځو کې يې د يو شمېر مسلمانو هېوادونو پر اتباعو سفري بنديزونه لګولي، خو ويل کيږي، چې جو بايډن به د واک له تر لاسه کولو سمدستي وروسته په دې اړه خپله پرېکړه اعلان کړي او د ټرمپ د دريځ پر خلاف تګلاره به خپله کړي.

بلخواد افغانستان سولې او د امريکايي پوځيانو وتلو په اړه يې تر اوسه د ټرمپ د دريځ مخالفت نه دی کړی او لامل يې هم شايد دا وي، چې جو بايډن په خپله د افغانستان د جګړې مخالف دی.ډېر خلک وايي چې هغه غواړي چې روانه جګړه نوره پای ته ورسیږي او دا سیمه یوذپر امنه سیمې باندې بدله شي.

جو بايډن چې د بارک اوباما د واکمنۍ پر وخت د هغه مرستيال و، په خپلوڅرګندونو کې يې افغانستان ته د اضافي پوځيانو د لېږلو مخالفت کاو او يو ځل يې ويلي و، چې د افغانستان د ښځو د حقونو لپاره دی خپل زوی «عسکر» نه شي قربانولی.هغه ویليوو باید نور جګړه ختمه شي او یوه نوې فضاء رامنځته شي.

د افغانستان په اړه دنوي ولسمشربايډن ممکنه تګلاره به څه وي؟
د افغانستان په اړه دنوي ولسمشربايډن ممکنه تګلاره به څه وي؟

داسې ویل کیږي، چې امريکا لپاره خپلې ګټې مهمې دي او ښايي دافغان حکومت د چارواکو ته اهميت ور نه کړي او د پوځيانو ویستلو او د افغانستان راتلونکي په اړه د دوحې تړون ته ژمن پاتې شي او عملي يې کړي.ځکه د دوحې د تړون په اساس به ټول خارجي امریکايي عسکر به افغانستان ترک کوي.او طالبان او امریکا به سولې ته سره رسیږي.

ولسمشر غني د امریکا د فوځ لوي دریستیز سره وکتل

ولسمشر غني د امریکا د فوځ لوي دریستیز سره وکتل دامریکا د پوځ لوی درستیز مارک میلي د ولسمشر غني سره لیدلي او د افغانستان د سولې او نورو موضوعاتو په اړه یې ورسره خبرې کړې دي.ویل کیږي په غه لیدنه کې نور اعلی چارواکي هم موجود وو.

د ولسمشری ماڼړی څخه په همدې تړاو خپره شوې خبرپاڼه کې راغلي دي، چې په دې لیدنه کې د ملي امنیت شورا سلاکار حمدالله محب،د اشرف غني لومړي مرستیال امرالله صالح، د کابل د پوځ لوی درستیز یاسین ضیا، او د غوڅ ملاتړ د ماموریت عمومي قوماندان سکاټ مېلر هم ګډون درلود او په مهال یې د سولې پروسې، د جګړې د شدت په کموالي، اوربند او نورو موضوعاتو په اړه خبرې شوې دي.د ارګ د خبرپاڼې په اساس، دواړو لوریو په افغانستان کې د جګړې د شدت د زیاتوالي له امله اندېښنه څرګنده کړې

او مارک میلي د افغان حکومت له عسکرو د خپل ملاتړ د دوام ژمنه کړې.د امریکا د لوی درستیز او اشرف غني تر منځ لیدنه داسې مهال ده، چې د طالبانو-امریکا تر منځ د شوي تړون په اساس له هیواده د بهرنیو ځواکونو د وتلو لړۍ روانه ده او تر څنګ يې د بین الافغاني مذاکراتو ټیمونه په دوحه کې خبرو ته ناست دي

په دې کتنه کې د سولې پروسې، د تاوتریخوالي د کموالي پر عاجلې اړتیا او د اوربند ټينګښت په اړه بحث او خبرې وشوې.امریکا پلان لري، د نوي کال د لومړي میاشتې تر نیمایي پورې په افغانستان کې د خپلو عسکرو شمېر ۲۵۰۰ ته راټيټ کړي.

د طالبانو او امریکا تر منځ د شوي توافق په اساس ټول بهرني ځواکونه باید د څوارلس میاشتو دننه د راتلونکي کال تر می میاشتې پورې له افغانستانه ووځي.هېره دې نه وي چې دطالبانو او افغان حکومت مزاکراتي ټیمونه د ٢٠.ورځو په رخصتی راغلي دی د حکومت ټیم کابل ته رارسېدلی دی او سلا مشورو باندې بوخت دي.

دسولې مزاکراتو کې پرمختګ او دبهرنیو هېوادونو هر کلی

دسولې خبرو پرمختګ او بهرنیو هېوادونو هر کلی د افغان سولې د مذاکراتي پرمختګ برخه کې د امریکا په ګډون ډیرو هېوادونو هرکلی کړی او زیاته کړې يې ده چې باید په افغانستان کې یوه دایمي اوربند باندې خبرې وشي تر څو په هېواد کې دایمي سوله راشي.

پاکستان ،امریکا او یو شمېر نورو مملکتونو د سولې د خبرو د کړنلارې پرسر توافق، ته رسیدل یو هم ګام بللی او د خپلو همکاریو ډاډ يې ورکړیتراوسه پوري د افغان سولې لپاره عملي او د جګړې کمیدلو پر لور هیڅ یو داسې اغېزمن ګام نه دی اخیستل سوی چې  عام افغانان يې په عملي ډول حیس کړي او ورته ګټور تمام سي، دوی ټول داسې فکر کوي چې د سولې روان مذاکرات چې نژدې کلونه يې ونیول یوه نمایشي پروژه ده، په قطرکې څو ځله د سولې خبرو د پرمختګ ا وپيل خبرې سوې خو په افغانستان کې د جګړې اور ګرم ساتل شوی چې ملکي وګړي یې زیات نقصان کې اچولي دي.

د افغانستان پلازمینې کابل کې د مقناطسي ماینونو چاودونو سلسله او په یو شمېر سهیلي ولایتونو کې د درنو جګړو دوام د ولس غوښتنې او هیلې پیکه کړې او هره ورځ د یوه بد خبر انتظار باسيکه چیري امریکا د سولې تر تړون وړاندې ووزي نو لیري نه ده چې  جګړه به تر دې هم شدیده او ډیره نقصاني وي.

د امریکا د پوځ لوی درستیز مارک میلې ټینګار کړی چې امریکايي سرتیري به له افغانستانه وژي او یوازي ۲۵۰۰ سرتیري به په یو شمېر اډو کې  پاتي کیږي د امریکایانو داسې وتل یو شمېر غبرګونونه هم له ځان سره لري.او عام افغانان په دې وېره کې دي چې داسې نه چې یو ځل بیا افغانستان د پخوا په څېر د خانه جنګی ښکار نشي.

دسولې مزاکراتو کې پرمختګ او دبهرنیو هېوادونو هر کلی
دسولې مزاکراتو کې پرمختګ او دبهرنیو هېوادونو هر کلی

بلخوا بیا د امریکا په کور دننه کې یو شمېر سیاسي او پوځي مشران وايي چې له افغانستان غیري مسؤلانه وتل به ښې پایلي ونلري او دا چاره کولای شي چې د امریکا امنیت ته ګواښ پیښ کړي.دويي وايي افغان فوځیان لا هم پوره ندي ټرین او نشي کولی چې ددافغانانو امنیت وساتي.

دقطر امریکا ټیم څنګه د ایراني ساینس پوه د وژلوپه بریدپوه شو؟

د قطر امریکا ټیم څنګه د ایراني ساینس پوه د وژلو په اړه وپوهېدل ایران کې د لوړ اټومي ساینس پوه ، محسن فخري وژنه دغه هیواد ته سخت زیان ورساو.خو دغه هیواد د ترهګری برید پیښو افشا کولو لپاره خپلې ټولې سرچینی او مهمات وکارولې.

په پیل کې دغه هیواد اسراییل د دې برید باندې تورناوو. د وژل شوي ایراني ساینس پوه په قضیه کې ، چې تهران ته یې لویه ضربه ورسوله ، حقیقت دا وو چې قطر د فخري د الوتکې د ایستلو له پروګرام څخه خبر و او د دې عملیاتو لپاره یې د پینټاګون سره همغږی وه. قطر چې د اوږدې مودې لپاره د ایران متحد پا تې دی او د خپلو افراطي سازمانونو تمویل کوي ، د تهران د شک شبکې رادار وروستی وی.

بلخوا په متحده ایالاتو کې د رژیم بدلون د دې لامل شو چې قطر خپل وفادارۍ په سمدستي توګه بدل کړي ترڅو ځان لپاره د نوي ټاکل شوي دیموکرات حکومت په نظر کې د خوښې وړ دریځ واچوي ، د ټرمپ اداره په دې اړه دومره بیاجدي نه وه.خکه د ټرمپ په اړه سیاست پوهانو ویلي وو چې ټرمپ په سیاست کې ځينې نږتیر وتنې کولې.

جالبه داده چې دوه اوونۍ دمخه ، د قطري لوی درستیز ، غنم بن شاهین الغنیم ، د عملیاتو دمخه په پینټاګون کې و ترڅو د متحده ایالاتو سره همغږي یقیني کړي او د عملیاتو لپاره لوژیستیکي ملاتړ تایر کړي. د پلان له مخې قطر خپل مخ پوښلی ،او ځان ېې د دې نه ویستلی.

ایران کې د دیپلوماتیک همکار په توګه لوبې کوي پداسې حال کې چې په شا یې تیروي او په خلیج کې د امریکا د ګټو پروړاندې کوم عکس العمل نه څرګندوي. امریکا یوه اونۍ وړاندې بي ٥٢قطر ته د الایډ په اډه کې ولیږله وروسته له هغه چې لوی درستیز د پینټاګون څخه د تضمین خواهش وکړ. د یادونې وړ ده چې ایران کې دغه ساینس پوه باندې حملې له امله احتجاجونه هم پیل شوي.

حکومت:د سولې خبرو کې پر مختګ ندی شوی

حکومت:د سولې خبرو کې پر مختګ ندی شوی حکومت د امریکا د بهرنیو چارو وزیر مایک پمپیو د خبرو په دوحه کې د افغان سولې خبرو کې پرمختګ شوی، ویلي، چې د سولې خبرو کې هیڅ پرمختګ نشته.او هيڅ ډول تګ لاره لا هم نده معلومه.

د دغه هیواد خارجه وزیر مایک پمپیو دوې ورځې وړاندې په دوحه کې له طالبانو او افغان مذاکراتي ټیم سره سره تر کتنې وروسته وویل، چې د سولې خبرو کې د پام وړ پرمختګ شوی دی.پمپیو زیاته کړه، چې دواړه لوري یې د سولې په برخه کې لا زیات پرمختګ ته هڅولي او د سفر اصلي موخه یې هم همدا وه.بل پلو افغان مذاکراتي پلاوی هم ویلي و چې پمپیو ته یې د طالبانو له تاوتریخوالي شکایت کړی، خو طالبان ویلي وو چې له پمپیو سره په کتنه کې یې د دوحې د هوکړې پر عملي کېدو او له تور لېسته د طالب مشرانو پر ایستلو او د ژمنو پر عملي کېدو بحث او خبرې کړې دي.او لا هم روانې دي.

په دې اړه د ولسمشر ویاند صدیق صدیقي په کابل کې یوې خبري ناستې ته وویل، چې د افغان سولې خبرو کې هیڅ پرمختګ نه دی شوی.ښاغلي صدیقي زیاته کړه، په دوحه کې د بین الافغاني خبرو بندښت لا هم پر خپل ځای دی او په دې برخه کې هیڅ پرمختګ نه دی شوی او د طالبانو غوښتنې د اساسي قانون خلاف دي او دا ملت ته د منلو وړ ندي.

هغه دژنیو کنفرانس ته په اشارې وویل، چې یاده ناسته کې نړیوالې ټولنې په یوه خوله د طالبانو لخوا تاتریخوالی محکوم کړ او هېواد کې یې د جګړې پر پایته رسولو ټینګار کړی دی.صدیقي څرګنده کړې، افغان دولت تل د سولې لپاره چمتو دی، خو طالبانو د جګړې په دوام سره وښوده چې د افغانانو او نړیوالې ټولنې غوښتنې ورته هیڅ ارزښت نه لري.هغه وايي اوس باید دا فرصت نه ګټه پورته شي.

 صدیقي وايي طالبان باید هوښیار شي او د سولې له رامنځته شوي فرصته ګټه پورته کړي.د افغان سولې خبرو په اړه د امریکا او افغان حکومت برعکس څرګندونې ښيي چې ټوله لوبه د بهرنیو په لاس کې ده او هر څه د خارجیانو په فشار او غوښتنو مخته ځي.

کله چې لوبه د بهرنیانو د فشار او غوښتنو پر اساس مخته ولاړه شي، افغاني لوري هم هیڅ مثبت ګام نه اخلي، چې دا چاره ستونزې لا ډېرولی شي او ښايي ژر مطلوبه نتیجه په لاس رانه شي.ځکه خبرې ورځ تر بلې مشکلاتو سره مخ کیږي.

ډونلډټرمپ دلومړي ځل لپاره بايډن ته د واک لېږد سره رضایت ښودلی

ډونلډټرمپ دلومړي ځل لپاره بايډن ته د واک لېږد سره رضایت ښودلی دامريکا ولسمشر ډونلډ ټرمپ د لومړي ځل لپاره منلې، چې جوبايډن ته دواک د لېږد بهیر پي شي.هغه ویلي د امریکاخلکو لپاره دې ته اړ شوی چې واک بایډن ته وسپاري.

ښاغلي ټرمپ په خپلو ورڅرګندونو کې ويلي، د امريکا د لوړو ګټو لپاره د واک له لېږد سره توافق کوي او سربېره پر دې به هم په ولسمشريزو ټاکنو کې د درغليو پر خلاف خپله مبارزه روانه ساتي.د امريکا د عامه خدمتونو ادارې «جنرل سرويس ايډمنسټريش ويلي، ټرمپ په ولسمشريزو ټاکنو کې د جوبايډن بريا منلې ده.د عامه خدمتونو اداره د امريکا د استخباراتو له فدرالي ادارو سره همکاري کوي او په عين وخت کې د ولسمشرۍ د واک د لېږد مسؤوليت يې هم پر غاړه وي.تر دې وړاندې په مشيګن ايالت کې جوبايډن په رسمي ډول ګټونکی اعلان شوی و، چې د ټرمپ لپاره ستر ګزار بلل کيږي.

د عامه خدمتونو د ادارې مشرې ايملي مرفي ويلي، د جوبايډن ادارې ته يې خبر ورکړی، چې د واک د لېږد بهیر پيلېدونکی دی.مېرمن مرفي وايي، د نوي ولسمشر لپاره به د لومړي ځل لپاره ۶۳ لکه ډالره هم ورکول شي.د امريکا ولسمشر ډونلډ ټرمپ ويلي د حق جګړې ته د دوام ورکولو سربېره مې د خپل هېواد ګټو په نظر کې نيولو له مخې ايملي او د هغې ټيم ته امر کړی، چې د ابتدايي پروټوکول لپاره بشپړ تياری وکړي او ما خپل ټيم ته هم ورته لارښوونه کړې ده.

اغلې مرفي ويلي، چې د واک د انتقال په اړه له هېڅ ډول فشار سره نه ده مخ او جوبايډن ته يې هم په خپل ليک کې ويلي، چې د واک د لېږد ځنډولو په اړه ورته هېڅ ډول فشار نه دی متوجه.مېرمن مرفي زياته کړې: «خو دا يادونه بايد وکړم،چې ما ته انلاين، په ټيليفون، بريښنالیک، زما د کورنۍ غړو او حتا پالونکو حيواناتو له لارې ګواښونه شوي، چې زه بايد له وخت مخکې دا ګام پورته کړم،

خو د زرګونو ګواښونو سربېره به هم زه د قانون حاکميت ته درناوی ولرم.د عامه خدمتونو د ادارې مشره د جمهوري پلوو او ديموکراټاو دواړو ګوندونو له لوري د واک د لېږد پروسه کې د ځنډ له امله له نيوکو سره مخ ده.

ډونلډټرمپ دلومړي ځل لپاره بايډن ته د واک لېږد سره رضایت ښودلی
ډونلډټرمپ دلومړي ځل لپاره بايډن ته د واک لېږد سره رضایت ښودلی

د يادونې وړ ده، چې ډونلډ ټرمپ خپل سيال جوبايډن په درغلۍ تورن کړی و او د ولسمشريزو ټاکنو د پایلې نه منلو ګواښ يې کړی و.بلخوا هغه يو ځل بيا ويلي، چې د هېواد د لوړو ګټو لپاره په ټاکنو کې خپله ماتې مني، خو بیا به هم د ټاکنيزو درغليو د څېړنو لپاره خپلې مبارزې ته دوام ورکوي.او خپل حق به۔اوغواړي.

مایک پمپیو قطر کې مرکه چي ټيمونو سره خبرې کوي

مایک پمپیو قطر کې مرکه چي ټيمونو سره خبرې کوي راپورونه وايي چې د امریکا د بهرنیو چارو وزیر مایک پمپیو به نن قطر کې له مذاکراتي پلاوو، سره وګوري او پر مهمو مسایلو ورسره ږغیږي.سرچینی زیانوي دا به د پمپیو همم ملاقات وي چې له دويي سره ېې کوي.

د پمپیو سفر پرداسې حال ترسره کیږي چې په دوحه کې د طالبانو او افغان دولت پلاوو یو له بل سره تراوسه مخامخ خبرې نه دي پيل کړې او نه هم کوم پرمختګ تر سترګو سویامریکا د نوی کال تر جنورۍ ښايي کوښښ وکړي چې  د سولې خبرې په یوه نه په یوه توګه بریالۍ کړي او د امریکايي ځواکونو د ټول شموله وتلو لپاره زمینه برابره کړي تراوسه پوري د بین لافغاني خبرو د پیل لپاره کوم بریالی اقدام نه دی ترسره شوی. خو امریکا غواړي یو نه یو نتیجې ت ورسیږي.

ښاعلی پمپیو به د مذاکراتي پلاوي ټیمونو غړو سره وګوري او په جلا جلا ډول سره به دا لیدنې ترسره سي د مالوماتو  له مخې ټاکل سوې چې نوموړی  به د قطر د بهرنیو چارو له وزیر سره هم وګوري.ویل کیږي چې د دوحې خبرو کې یوازي دومره پرمختګ راغلی چې دواړه مذاکراتي ټیمونه پر ځینو مسایلو توافق ته رسیدلي او کیدلای شي چې په نژدې راتلوونکي کې د سولې بین لافغاني خبرې پیل شياو یو نتیجې ته هم سره ورسږي.

هېره ې نه وي چې دغه هیوادغواړي تر راتلوونکي جنورۍ میاشتي د ټرمپ په مشرۍ حکومت خپلې هغه ژمنې چې ټول امریکايي ځواکونه به له افغانستانه باسي عملي کړي ټرمپ د امریکا تر ټاکنو وړاندې ویلي وو، چې د ۲۰۲۱ کال جنورۍ پوري به خپل ټول سرتیري له افغانستانه باسي او دا د امریکا خلکو ته بیا هم یو لاسته راوړنه وښايياو خپل حکومت کارونه بریالی ثابت کړي .

دا هم باید یاده کړو چې ټرمپ د امریکا په ټاکنو کې ماتې خوړلې او د ۲۰۲۱ کال پوري به خپله واکمني جوبایډن ته سپاري په کور دننه دا پریکړه د یو شمېر لوړ پوړو امریکايي چارواکو له لوري له غبرګون سره مخ سوه هغوی له ټرمپ څخه وغوښتل چې له افغانستانه د ټولو امریکايي ځواکونو وتل ښه پریکړه نه ده او  دا کیدلای شي د ټولي نړۍ لپاره یو لوی ګواښ واوسي او سیمه یو وار بیا په جنګ بدلیدلی شي.

د پاکستان لومړی وزیر عمران خان سبا کابل ته راځي

د پاکستان لومړی وزیر عمران خان سبا کابل ته راځي د نوامبر ۱۳مه یوشمېر پاکستاني رسنیو رپوټ ورکړی چې ښاغلی خان د ولسمشر غني په بلنه کابل ته راځي.دعمران خان د سفر له امله سبا یوازې په کابل کې رسمي رخصت هم اعلان شو.

د عمران خان د سفر د اجنډا په اړه هم تراوسه په رسمي توګه څه نه دي ویل شوي خو خبریال طاهر خان وویل چې ښايي په دې سفر کې د دریو بنسټېزو مسلو په اړه له افغان چارواکو سره بحث وشي. سوله، دوه اړخیزې اړیکې او د دواړو هېوادونو ترمنځ سوداګري به د بحث وړ ټکي وي.طاهر خان په خپلو خبرو کې دویچه ویله ته وویل: «لومړی خو د سولې مسله ده، د پاکستان او افغانستان بدقسمتي داده چې تراوسه یې د سولې په اړه جدي او مستقیمې خبرې نه دي کړي، داسې احتمال شته چې دا ځل به په دې مسله مخامخ خبرې وشي.

د چارو دغه پاکستانی کتونکی پردې اند دی چې افغانستان کې جګړه روانه ده او د سولې بین الافغاني خبرو کې پرمختګ هم نه کیږي نو په دغه سفر کې به پاکستان خپل دریځ واضح کړي.هاخوا د افغانستان د بهرنیو چارو وزارت هم منلې چې عمران خان کابل ته راځي. د دغه وزارت ویاند ګران هېواد رسنیو ته ویلي: «عمران خان به له ولسمشر غني او د ملي مصالحې عالي شورا د مشر عبدالله عبدالله په ګډون له جګپوړو افغان چارواکو سره د سولې خبرو ترڅنګ د دواړو هېوادونو تر منځ د سیاسي، امنیتي، اقتصادي او سوداګریزو همکاریو پر پراختیا خبرې وکړي.

د ښاغلي خان په سفر کې یو مهم بحث دا هم دی چې له افغانستانه د بهرنیو ځواکونو تر وتلو وروسته به د کابل – اسلام اباد اړیکې څه ډول وي؟ ده زیاته کړه: «په دې اړه کار شوی چې کله خارجیان له افغانستانه ووځي، د افغانستان او پاکستان اړیکي به څه رنګ وي؟ په دې کار روان دی، دواړو لورو په دې اړه نظرونه سره تبادله کړي او وړاندیزونه هم شوي.

د پاکستان لومړی وزیر عمران خان سبا کابل ته راځي
د پاکستان لومړی وزیر عمران خان سبا کابل ته راځي

دا په داسې حال کې د ه چې په دې اړه نور جزیات نشته چې د افغانستان او پاکستان ترمنځ د بهرنیو ځواکونو تر وتلو وروسته د اړیکو په تړاؤ کوم نظرونه تبادله شوي او پر کومو وړاندیزونو کار روان دی؟ هاخوا یوشمېر افغان کارپوهان پردې باور دي چې کابل ته د عمران خان سفر به هم لکه د نورو هغو یواځې تشریفاتي او تکراري سفر وي.او یوازې عکسونو اخیستو پورې به محدود وي دويي وايي چې دا سفر به هیڅ ډول ګټه ونلري.

د امریکا ولسمشرۍ ټاکنې اوافغانستان

ډونلډ ټرمپ ته په افغانستان کې د پوځيانو د شمېر په هکله سم معلومات ندي ورکړبږل شوي د امريکا متحده ایالاتو ولسمشر ډونالډ ټرمپ چې په سپينه ماڼۍ کې خپلې وروستۍ ورځې شپې تېروي د امریکا د موجود سياست او تګلارو خلاف ډېر د عجلې ډک اقدامونه وکړل، د هغه له دې کړنو سره د امریکا د حکومت دننه ګڼ شمېر چارواکي خوښ نه وو.

تازه سرچینی او معاومات ښيي چې د امريکا د ننه د مخالفو چارواکو غبرګون یوازې د مخالفت تر ښوودلو پورې محدود نه و، بلکې په عملي ډګر کې يې هم د ټرامپ په وړاندې ځينې داسې کارونه کړي چې ډونالډ ټرمپ ورڅخه هېڅ خبر نه و.د امريکا د تاريخي سياست سره د ځينو ولسمشرانو ټکر او د هغه څخه د مخ اړول ډېر کله د هغوی د شکست سبب شوي دي، ټرامپ هم یو له همداسې ولسمشرانو څخه دی چې د امريکا د مسلسل سیاست خلاف يې قدمونه پیل کړل د شام لپاره د امريکا ځانګړی استازی جیم جفري وايي چې دوی به ډونالډ ټرمپ ته په سوريه کې د امريکايي عسکرو د شمېر په هکله غلط معلومات ورکول او دروغ به یې ورته ويل،

جفري وايي چې پوځي چارواکو د سوریې څخه د ځواکونو د را ايستلو پلان نه درلود نو له همدې کبله به يې ټرمپ ته د‌خپلو ځواکونو‌ د شمېر په هکله دقیق معلومات نه ورکول.امريکايي پوځي چارواکي وايي چې په سوریه کې یې د امريکايي ځواکونو د شمېر په هکله ډونالډ ټرمپ ته دروغ ويل، همدا چاره په افغانستان کې د امريکايي ځواکونو په هکله څوک رد کولی شي؟ددې پوښتنې ځواب هم مجهول دی، همدا اوس ګڼ شمېر لوړ پوړی پوځي چارواکي وايي چې د افغانستان څخه ‌د پوځيانو وتل خطرناک دي، د امريکا يو لوړ پوړی پوځي چارواکی چې د ډونالډ ټرمپ لخوا اوس برطرف شوی د

په ښکاره په واشنګټن کې وويل چې امريکا د افغانستان د منتخب حکومت په وړاندې د طالبانو سره لاس يو کړی دی.په دې کې هېڅ شک نشته چې د افغانستان په تړاو دې هم پوځي چارواکو ډونالډ ټرمپ ته دروغ ويلي وي، ځکه ډېری چارواکي دې ته په تمه دي چې د ډونالډ ټرمپ سره خدای پاماني وشي او جوبایډن د سپینې ماڼۍ چارې په لاس کې واخلي.

ډونلډ ټرمپ ته په افغانستان کې د پوځيانو د شمېر په هکله سم معلومات ندي ورکړل شوي
ډونلډ ټرمپ ته په افغانستان کې د پوځيانو د شمېر په هکله سم معلومات ندي ورکړل شوي

افغان سیاسیون هم تراوسه په ډاډ سره وايي چې امريکا په ټوله مانا د افغانستان څخه تلونکې نه ده، ځکه ددوی سره امنیتي تړون او ګډه اعلامیه لري، په واشنګټن کې پوځي چارواکي هم د افغان حکومت د دريځ ملاتړ کوي او پدې ټينګار کوي چې یوه کچه امريکايي پوځيان بايد خامخا په افغانستان کې موجود وي ترڅو په حساسو وختونو کې د افغان حکومت کلک ملاتړ وکړي.او هیواد مو پر مخ په سمه توګه بوزي.تر څو نا امني بیا زور ونکړي.