ولسمشرغني: دشپږ نیموبجو د جلسو فرهنګ به  ټولو ادارو کې الزامي شي

ولسمشرغني:د شپږ نیموبجو د جلسو فرهنګ به ټولو ادارو کې الزامي شي.د افغانستان د اسلامي جمهوریت جمهوررئیس محمد اشرف غني پرون سهار د جمهوري ریاست د لومړي مرستیال امرالله صالح دفتر کې د شپږنیمو بجو ځانګړې غونډه کې ګډون وکړ.

په سر کې د جمهوري ریاست لومړي مرستیال امرالله صالح جمهوررئیس ته د ښه راغلاست پرمهال وویل، ستاسو راتګ د کابل ښار د امنیتي ځواکونو او مسوولینو د انګېزې او هڅونې لامل کېږي. همدارنګه یې د شپږنیمو بجو د غونډو د شېوې په اړه هم معلومات ورکړل.ورپسې د کابل امنیتي مسوولینو، کابل ښاروالۍ، لویې څارنوالۍ، کورنیو چارو وزارت، ترافیکو ریاست او د کابل امنیتي تړون مسوولینو او استازو چې د شپږ نیمو بجو غونډو غړي دي له جمهوررئیس سره د خپلو کړنو او لاسته راوړنو ترڅنګ په اړوندو برخو کې خپل پلانونه وړاندې کړل.

ولسمشرغني د دغو معلوماتو او راپورونو له اورېدو وروسته د قانون ماتونکو پر وړاندې د شپږنیمو بجو غونډو لاسته راوړنې او شېوه وستایله او د هغو پر دوام یې ټینګار وکړ. د شپږ نیمو غونډې به نه یوازې ونه ځنډېږي، بلکې ډېر ژر به د ځانګړې امریې له لارې د شپږ نیمو بجو د غونډو فرهنګ د ټولو ولایتونو امنیتي تړونونو او ورپسې ټولو ادارو کې الزامي شي.

د افغانستان جمهوررئیس د کابل ښار امنیت کې د ټولو د هلو ځلو او پرمختګ قدرداني وکړه او وې ویل، پلازمېنه باید خوندي ځای وي. کابل ښاریان باید د دښمنانو پر وړاندې چې د جمهوریت د ټولو ارزښتونو او ازادیو پر وړاندې جنګېږي بسیج او د امنیت او نظم په تامین کې د وطندارۍ حق ادا کړي. هغه زیاته کړه، د کابل شپږ نیمو بجو غونډو څخه مننه چې دا چوکاټ او ډیسپلین یې ایجاد کړی دی.

د هیواد جمهوررئیس همداراز لویې څارنوالۍ ته لارښوونه وکړه چې دوسیې دې پر وخت تعقیب او تر دوران لاندې دوسیو د ارزونې او پرمختګ سنجولو لپاره باید واضح روش رامنځته شي. هغه زیاته کړه، د عدالت تامین زموږ اساسي کار او په دې برخه کې شجاعت او قاطعیت ته اړتیا ده.

ښاغلي ولسمشر د خپلو خبرو په پای کې د شپږ نیمو بجو غونډو د غړو د لاسته راوړنو ستاینه وکړه او وې ویل، ستاسو په وړاندیزونو او غوښتنو دقیق غور کېږي. هغه زیاته کړه، په ډېرو مواردو کې د جمهوري ریاست لومړی معاونیت صلاحیت لري چې ستاسو ستونزې حل کړي.هېره دې نه وي چې د شپږنیمو بجو غونډه هره ورځ د امرالله صالح په مشری تر سره کیږي او امنیتي مسولینو ته پکې مختلف لار ښوونې کیږي

ولسمشر غني په یو ورځني سفر هرات ته ورسېد

ولسمشر غني هرات ته یو ورځني سفر ورسېد دافغانستان د اسلامي جمهوریت جمهوررئيس محمداشرف غني د لوړپوړي دولتي پلاوي په مشرۍ د هرات ولایت د عمومي وضعیت د ارزونې په موخه نن سهار هرات ته ورسېد. نوموړی به هلته په هرات کې د دغه ولیت عموي امنیت هم اوګوري. او د دغه ځای چارواکو سره له اوګوري.

د هرات په نړیوال هوايي ډګر کې د هرات ولایت مسوولینو، مشرانو او متنفذینو جمهوررئيس غني او ورسره پلاوي ته ښه راغلاست ووایه.جمهوررئيس غني به په دغه سفر کې د دې ولایت ملکي او نظامي مسوولینو، علمای کرامو، ښځو، ځوانانو، ولایتي شورا غړو، متنفذینو، مدني فعالانو او تاجرانو سره جلا جلا لیدنې ولري.له نوموړي سره په دې سفر کې د هغه لومړی مرستیال امرالله صالح هم ملتیا کوي.

ولسمشر غني هرات ته له رسېدو سره سم دیاد ولایت د هوایي ډګر چې د «خواجه عبدالله انصاري هوايي ډګر» په نوم نومول شوی وو؛ پرانستنه وکړه.نوموړی به یوې عمومي غونډې ته وینا هم وکړي او د دغه ځای خلکو ستونزې به هم واوري.هرات ولایت که څه هم د نورو ولایتونو په پرتله پرمختللی ولایت خو بیا هم په هیواد کې د وروستیو حالاتو په کتو یو عمومي امنیت وضغیت وڅېړل شي او وروسته ورته بیا پلانونه هم جوړ شي.

ولسمشر غني په یو ورځني سفر هرات ته ورسېد
ولسمشر غني په یو ورځني سفر هرات ته ورسېد

هېره دې نه وي چې ولسمشر غني د عمومي وضعیت ارزونې په موخه ولایتونو ته سفرونه پیل کړي دي. هغه د دې نه وړاندې کندهار او ځیني نور ولایاتو ته هم سفرونه کړي دي او هلته د نظامي او ملکي مسولینو سره لیدل کتل شوي دي.نوموړي خپل سفرونه په داسې حال کې پیل کړي چې د هېواد عمومي امنیت وضعیت د باور وړ ندی او هره ورځ پکې هدفي وژنې او نور جنایتي جرمونه تر سره کیږي.

که مونږ اوګورو د ولاایاتو تر څنګ پلازمېنه کابل کې هم هره ورځ په لسګونو کسانو ته مرګ ژوبله اوړي او د عاموخلکو ژوند ترینه متاثره کیږي.بلخوا ډېری هام وګړي او مدني فعالان دې ته مجبور شوي چې افغانستان پرېږدي او نورو هېوادونو ته کډه وکړي. په همدې لړ ډيوه نیازی عصمت قانع او داسې نور فعالان هم مجبور شو چې افغانستان پرېږدي او بهر ته ولاړ شي.

روان کال به ٥ میلیونه الکترونیکي تزکیرې ووېشل شي

روان کال به ٥ میلیونه الکترونیکي پېژندپاڼې ووېشل شي داحصایې او معلوماتو ملي اداره وايي، د روان کال تر پایه به څه باندې پنځه میلیونه وګړو ته برېښنایي پېژندپاڼې ووېشل شي.او حلکو ته به لارښوونه وشي چې ټول وګړي دې دا تزکیري واخلي.

د احصایه ادارې مشر جاوید رسولي وایي، چې دوی دمګړی د برېښنایي پېژندپاڼو د وېش ۷۰ مرکزونه لري چې له دې ډلې شپږ یې په ایران کې دي.دده په خبره، دوی هڅه کوي چې چارې یې چټکې او شفافې کړي او په دې توګه د روان لمریز کال تر پایه څه باندې پنځو میلیونه وګړو ته برېښنایي پېژندپاڼې ووېشي.نوموړي همدا راز ویلي چې له دې وروسته د پخوانیو پېژندپاڼو د تایید خدمات هم له منځه وړي،

ځکه په خبره یې، کومې پېژندپاڼې چې ددغه ادارې له لوري صادرې شوې د باور وړ دي او ادارات یې باید قبول کړي.خو په دې اړه خلک شکایت کوي چې د برېښنايي پېژندپاڼو پروسه ځنډنۍ ده او تر دریو میاشتو پورې خلک تذکرې نه شي اخیستلای.برېښنايي تذکرې د ملي هویت سند د نړۍوال اعتبار، جرمونو مخنیوي، ټاکنو شفافیت او ګڼو نورو برخو کې ډېرې ګټې لري.

او په کومک به یې هېواد حداقل یو څه له نړۍوالو معیارونو سره برابر شي.دې نه مښکې په برېښنايي تذکرو کې د مور د نوم ذکر کول پر سر ناندرۍ وې چې د عامو خلکو ګڼ غبرګونونه یې راپارولي وو او داسې انګېرل کېدله چې پښتانه د مور د نوم له ذکر کولو سره حساسیت لري او په دې سره به له برېښنايي تذکرو ډډه وکړي.

روان کال به ٥ میلیونه الکترونیکي تزکیرې ووېشل شي
روان کال به ٥ میلیونه الکترونیکي تزکیرې ووېشل شي

نو په اقلیت به حساب شي، خو له نېکه مرغه وروسته بېرته دغه چاره اختیاري شوه او یوازې په ډېټابېس کې د مور نوم ذکر کول اړین شول.هېره دې نه وي چې د برېښنای تزکرو د ورکړی لړی د ډېر وخت راهیسې شروع شوي دي.عام وګړي په خپلو منتقو کې ورزي او اخلي ېې. په کابل کې هم دا لړی شروع ده او ډېرو اعلی چارواکو هم واخیستې.

صالح:کابل کې به د پولیسو شمېر دوه برابره شي.

صالح:کابل کې به د پولیسو شمېر دوه برابره شي.د افغان حکومت دولسمشری ماڼړی لومړی مرستیال «امرالله صالح» وایي، په ښار  کې د پولیسو شمېر کم دی او د امنیتي ناستو د طرحې په اساس به دوه برابره ته وسیږي.

امرالله صالح چې د پلازمېنې کابل امنیتي چارې هم په غاړه لري د شپږ نیمو بجو د امنیتي ناستو په راپور کې ویلي، چې ولسمشر به د یادو ناستو د طرحې او وړاندیز په اساس په کابل کې د پولیسو شمېر دوه چنده کړي.د صالح په خبره، د کابل نفوس ته په کتو که چېرې کابل د ثبات په حالت کې هم وای، د پولیسو شمېر باید دومره کم نه وای.مقایسوي ارزونې ښيي

پلازمېنه کابل حتا د ثبات او ارامۍ په حالت کې هم د نړۍ په ځانګړې توګه د دریمې نړۍ هیوادونو په سطحه، د نفوسو په تناسب کم شمیر پولیس لري.د نوموړي له قوله، د پولیسو په شمېر کې زیاتوالی په دقت سره راځي او هغه کسان چې اړینې وړتیاوې نه لري، د پولیسو لیکو ته به جذب نشي.

صالح:کابل کې به د پولیسو شمېر دوه برابره شي.
صالح:کابل کې به د پولیسو شمېر دوه برابره شي.

د کابل پولیسو د دوه برابره کولو پرېکړه داسې مهال ده، چې په دې وروستیو کې هدفي وژنو زور اخیستی او په تېره یوه میاشت کې لسګونه دولتي منسوبین ددي ډول بریدونو ښکار ګرځېدلي.لنډ ثال ېې په دې نږدې وختونو کې د مدني فعالانو او د رسنیو استارزو د وژل هم دی.

په دې وروستیو کې پر حکومت نیوکې زیاتې شوې او چارواکي تورن شوي، چې نشي کولای د دولتي کارمندانو امنیت خوندي کړي.په دې اړه څو ورځې وړاندې ولسي جرګې هم نیوکې کړی دوی ویلي چې د امنیتي سکتور مسولین د امنیت په تامین کې ناکام دي باید ځانګړې پاملرنه دې سکتور ته وشي او مسلکي خلکو ته دغه سکتور ورکړل شي

وزیردفاع: د کندهار امنیتبه ډېر ژر ډاډمن شي

وزیردفاع: د کندهار امنیتبه ډېر ژر ډاډمن شي د افغانستان دفاع وزیر او غوڅ ملاتړ ماموریت عمومي  قوماندان سکاټ میلر کندهار ولایت ته سفر کړی او هلته د حالاتو ته په کتو سره د کندهار د امنیت کیدلو ډاډ ورکړی او ویلي يې دي چې وسلوال ځپلي دي.

لکه څنګه چې تاسو ټولو ته معلومات شته چې د کندهار ولایت ارغنداب  او ژړۍ ولسوالیو کې د طالبانو او افغان ځواکونو ترمنځ نښتې روانې دي چې پر مهال يې د کندهار اوسیدونکي اندېښمن کړي چې  ښايي کندهار هم د هلمند  په څېر سي پر همدې مهال د افغانستان د دفاع وزارت سرپرست او د بهرنیو ځواکونو عمومي قوماندان سکاټ میلر کندهار ته ولاړل او د دې ولایت له محلي چارواکو سره يې وکتل خو

د هېواد د دفاع سرپرست وزیر اسدالله خالد ډاډ ورکړی او ویلي يې دي چې ټول به ژر په دې ولایت کې د امنیتي حالت د ښه کیدلو شاهدان و اوسو  په دې ولایت کې مېشتو افغان ځواکونو د دفاع سرپرست وزیر او په افغانستان کې د ناټو عمومي قوماندان ته ډاډ ورکړ چې طالبانو ته‌یې درنه مرګ‌ژوبله اړولې او ژر به د دې ولایت له نا امنه سویو سیمو طالبان وباسي.

تر دې دمه لاهم په یادو ولسوالیو کې نا امني روانه ده او په ځینو سیمو کې يې نښتې رامنځ ته کیږي د کندهار اوسیدونکي د وروستیو نا امنیو رامنځ ته کیدلو له امله اندېښمن دي او ویلي يې دي چې باید د کندهار د امنیت لپاره کوښښ شي او ټوله مافیا باید خکومت له منځه یوسي تر څو د کندهار کې امن خراب نه کړي او امن پکې راشي. ځکه زیات خلک د مافیا شتون اندېښمن کړي دي.

  1. وزیردفاع: د کندهارامنیت به ډېر ژرډاډمن شي

طالبانو له هلمند وروسته د کندهار او ارزکان پر یو شمېر ولسوالیو بریدونه وکړل او د دې ولسوالیو ډیری سیمې ونیولې له دې نا امنیو سره تر خوا د سیمې هېوادونه په دې کوښښ کوي چې  د طالبانو او دولت ترمنځ ژر د سولې خبرې پیل سي ترڅو جګړې ته د پاي ټکی کښېښودل سي، خو لا مالومه نه ده چې افغانستان کې به روانه جکړه څه وخت پای مومي

پایتخت کابل کې د مجرمینولوی انځورونه را ځړول  کیږی

پایتخت کابل کې د مجرمینولوی انځورونه را ځړول کیږی د ولسمشر لومړي مرستیال امرالله صالح ته د کابل امنیت چارې وسپارلې هره ورځ په نوي بڼه امرونه صادروي ترڅو کابل کې امنیت کابو او خلک ډاډمن کړي

په همدې لړ کې اوس د یو نوي امر له مخې به د هغه مجرمینو انځورونه کابل کې راوځړول شي کوم چې په کابل کې په غټو جرمونو ککړ وي. د امرالله صالح په مشري د کابل ښار د امنیت اونظم په برخه کې څلومه ناسته کې زیاتي پر یکړې وسوې چې مهمه يې د مشهوره او فراري مجرمینو د لویو عکسونو لګول وو.ښاغلي صالح وویل چې په لارو او کوڅو کې دي  د تښتیدلو مجرمینو لوی عکسونه ولګول سي ترڅو خلک يې په اړه دوی  ته مالومات ورکړي تراوسه پوري په دې هکله جدي ګامونه اخیستل شوي

، په وروستي ګام کې د کابل ښاروالۍ ته امر سوی چې د فراري مجرمینو لوی عکسونه دي د کابل ښار په ګوټ ګوټ کې ولګول سيښاغلي صالح دا هم ویلي چې  د کابل ښار ترڅنګ به د دې ولایت د ولسوالیو د امنیت د تامین لپاره هم کار وسيڅو ورځې مخکې صالح د کابل د امنیت د تامین لپاره مسؤلیت واخیست او په ډیره ګړندۍ توګه یې دې برخه کې ګامونه واخستل هغه وویل چې په خپل قاموس کې د مجرمینو لپاره د رحم په نوم څه نلري

د کابل ښار په وروستیو مودو کې خورا له ننګونو سره مخ وو، او د دې ښار اوسدیونکو له خورا لوړو اندېښنو سره ژوند کاوه  تراوسه پوري ښايي د کابل امنیت کې بدلون نه وي  راغلي خو امنیتي مسؤلین یوازي د دې لپاره کار کوي چې خپل د ښار امینت تامین کړي

پایتخت کابل کې د مجرمینولوی انځورونه را ځړول کیږی
پایتخت کابل کې د مجرمینولوی انځورونه را ځړول کیږی

صالح له خلکو غوښتې چې د شکمنو کړنو په هکله دي خپلو  امنیتي ځواکونو ته خبر ورکړي هغه موده وړاندې خپل  وټساپ دوې شمېر اعلان کړې او له خلکو يې وغوښتل  چې د مجرمینو عسکونه او مالومات ورته ولیږي ترڅود دويي په وړاندې سمدستي اقدامات وکړي او د دږيي عکسونه د کابل په سرکونو کې راځوړند شي. چې دويي بیا د جرمونو کوشش ونه کړي.

امرالله صالح:امنیتي ناسته کې مودکابل امنیت لپاره مو نوې فیصلې وکړې

امرالله صالح:امنیتي ناسته کې مودکابل امنیت لپاره مو نوې فیصلې وکړې د ولسمشر لومړي مرستیال امرالله صالح کابل کې د مجرمینو پر وړاندې د مبارزې د مسؤولیت د دریمې ورځې په درشل کې د کابل له امنیتي چارواکو سره په ناسته کې نوې پرېکړې وکړې

نوموړي خپل فیسبوک پاڼه باندېلیکلي ټولو بې سنده موټرونو ته د محصول او مالیې مرحلې بشپړولو او سندونو تر لاسه کولو لپاره دوه میاشتې وخت ورکول کیږي،خو په دې موده کې چې بې اسناده موټر ونیول شو، د باریکاب میدان ته به لیږدول کیږي یا د ښار او ولسوالۍ ګزمو کې د پولیسو له خوا په مستقیم ډول کارول کیږي.همدا راز پرېکړه وشوه چې سوالګر به د سړکونو په منځ کې د ودریدو یا کېناستو اجازه ونه لري. لوړې ودانۍ چې د جوړیدو لاندې دي او د جوړېدو امر یې نه دی تر لاسه کړی غورځول کیږي به او یادوونه یې وکړه چې پرون هم دوه نمونې خرابې شوي.

ښاغلي صالح د کابل ښاروالۍ ته امر وکړ چې د ټولو لوړو ودانیو لیست ترتیب کړي چې په غیر قانوني ډول او پرته له اجازې جوړې شوې دي. او سرغړونکو سره به قانوني معامله کیږي.د ولسمشر لومړی مرستیال امرالله صالح وایي، چې دا راز په لیدنه کې پرېکړه وشوه، چې ټول دوکانونه چې د سړک غاړې یا پیاده رونه یې تړلي دي، خبر ورکول کیږي پیاده روونه دې خلاص کړي.

نوموړی زیاتوي چې د جرم ګراف به هر سهار په شپږو بجو بیا ارزول کیږي. د کوچنيو او لوی مجرمینو لیست به د ناحیې- په ناحیې حوزې- په حوزې او کلي په کلي د حوزو امرینو ته په واک کې ورکوي.صالح وایي، یو شمیر چارواکي چې د جنایتکارانو سره په لاس لرلو تورن وو، د عامه معلوماتو پر اساس نیول شوي او عدالت ته راوړل شوي دي.

دا په داسې حال کې ده چې په کابل کې په وروستیو اوونیو کې د جنایي او امنیتي پېښو په زیاتېدو سره د ولسمشر لومړي مرستیال امرالله صالح اعلان وکړ چې د موقت وخت لپاره د کابل د امنیتي مسایلو ارزونې مسؤولیت خپله په غاړه اخلي او ډاډ یې ورکړ چې په کابل ښار کې به امنیت او نظم راوړي. او د ټولو هېوادوالو ژوند به خوندي پاتې شي.اوسمهال کابل کې لا هم بې امني ده او هره ورځ لسګونه کسان پکې مړه کیږي که چېرې دولت ناکام شي نو خلک به کابل پرېږدي او نورو هېوادونو ته به کډه شي.

افغانستان کې هدفي وژنې اوج ته رسېدلی

افغانستان کې هدفي وژنې اوج ته رسېدلی د لوګر ولایت په مرکز پل علم ښار کې دټارګټ کلنګ زیاتېدنې ولسي وګړي مشکلاتو سره مخ کړي، دوی وایي د لوګر ولایت مقام، او امنیه قومندانۍ ته په څو کیلو مټرۍ کې نږدې، خلک ټارګټ کيږي،

تر ډېره د امنیتي ادارو پورې اړوند کسان دي.د پل علم ښار ښار اوسېدونکي په دې ښار کې د هدفي او وسله والو وژنو د زیاتېدنې لامل د امنیتي ادارو تر منځ نه همغږي او د کشفي ارګانونو کمزوري ښیي.خو د لوګر ولایتي مسؤولین بیا وایي چې پل علم ښار کوچنی والی بولي، دوی د خلکو اندېښنې هم پر ځای ګڼي، خو وایي د مخنیوي په پار یې امنیتي ارګانونه جدي دي.او ډېر ژر به په دې اړه جدي اقدامات وکړي تر څو د امنیت ټينګ شي. او خلک امن کې وي.

د لوګر ولایت امنیتي چارواکي بیا دا کار د کشفي او استخباراتي ادارو بولي، چې پر وینا ی بایدو خپلو کې همغږي اوسي، په ګډه سره تصفیوي پلا ترتیب کړي او په ښار کې چېک پواینټونه زیات کړي.د لوګر امنیتي ارګانونو د شمېرو له مخې تېره اوونۍ پل علم ښار کې امنیتي ادارو پورې اړوند درې کسان ترور شوي دي.او لا هم دغه د خلکو ترور روان دی.

دا په داسې حال کې ده چې د کابل وروسته، په ننګرهار، هرات، لوګر او زیات شمېر ولایتونو کې د هدفي او وسله والو وژنو، غلاوو او جنایي پېښو ګراف لوړ شوی دی.په کابل ښار کې په رڼا ورځ غله له موټرو خلک ښکته کوي، پیسې او مبایلونه یې اخلي او یا یې د قیمتي توکو لپاره وژني.او نورې غلاوې هم ترینه کيږي.او هره ورځ نور هم زیاتیږي.

افغانستان کې هدفي وژنې اوج ته رسېدلی
افغانستان کې هدفي وژنې اوج ته رسېدلی

کابل ښاریان وایي، له کوره په ډاډه زړه نه شي را وتلی او هره شېبه ورسره د غلو او وسله والو وېره وي چې ترور یې نه کړي.د افغانستان د کورنیو چارو وزارت سرپرست په تازه وختونو کې پولیسو ته امر کړی چې د غلو او مجرمانو په لیدو سره درېغ ونه کوي او مستقیماً یې وولي.

د امرالله صالح په موټریز کاروان باندې بريد دپلازمینې ښار د څلورمې امنیتي حوزې اړوند «تایمني» چوک کې د کابل حکومت د مشر د لومړي مرستیال «امرالله صالح» پر موټریز کاروان باندې حمله شوې.

امنیتي مسولینولاهم پوره معلومات ندي شریک کړي ؛ خو دا تاییدوي چې په تایمني څلور لاې کې نن سهار اووه نیمي بجې شاوخوا  حمله شوې بلخوا د غیر رسمي معلوماتو له مهې په دغې برید کې ۱۰کسان عام وګړي وژل شوي.او د صالح بارډيګارډان تپیان شوي دي. دښاغلي صالح د دفتر هم په همدې تړاو وایي، چې په چاودنه کې د صالح درې تنه ساتونکي ټپیان شوي؛ خو نوموړي ته کوم زیان نه دی شوۍ او صرف لاس ېې لګ خوګ شوی وو.

دعامي روغتیا وزارت هم بیا وایي، چې د  پېښې له ځایه مړي او اووه ټپیان روغتونونو ته لېږدول شوي.طالبانو په یاد برید کې لاس لرل رد کړي.طالب ویاند «ذبیح الله مجاهد» په یوه لنډ ټویټ کې لیکلي «د کابل چاودنه د اسلامي امارت په مجاهدینو پورې اړه نه لري.

دا حمله داسې مهال کېږي، چې وړمه ورځ امرالله صالح له طلوع نیوز سره په مرکه کې د کابل د امنیت په تړاو ډاډ څرګند کړ او ژورنالست ته یې وویل، که کارونه یې نه درلودای چمتو وو په بایسکل همدلته راشي.او ګشت او ګرز وکړي. اوس په دې اړه کومې بلې دلې هم څه ندي ویلي او د دې پېښې بریرګر نا معلوم دي نو اوس باید دې پېښې لپاره یو کمیسون جوړ شي او څېړنه وشي چې دا برید چاکړۍ.

په سوشل ميډيا کې هم په دې اړه خلک مختلف راېې لري او وايي چې دا برید باید وڅېړل شي او پا اینده کې د بلند پایه چارواکو امنیت باید په سمه توګه ونیول شي.ځکه په یو بلند پایه چارواکي باندې حمله کېدل دا د امنیتي مسولینو د ضعف علامت دي یاید داسې ونشي او دوښمن ته دا اجازه ورنکړي چې دا ډول بریدونه وکړي. که داسې ونشي نو دا به په اینده کې دنورو چارواکو لپاره هم ګواښ وي.

د امرالله صالح په موټریز کاروان باندې بريد
د امرالله صالح په موټریز کاروان باندې بريد

د یادونې وړ دی چې په امرالله صالح باندې دادویم برید دی چې کيږي یو برید ورباندې د دې نه پخوا هم د انتخاباتو په وخت کې شوی وو. دا هم باید یاده کړو چې په ښاغلي صالح باندې حملې نه وروسته د مختلف اعلۍ چارواکي د د پوښتنې ته ورغلي وو. په دې چارواکو کې تر ټولو لومړۍ د مصالحې عالي شورا مشر ډاکټر صیب عبدالله عبدالله ورغی او د نوموړي سره ېې غم شریکې وکړه.. د دې نه پرته حمدالله محب استاد سرور دانش داکټر فضلي او حنیف اتمر شامل وو.

ولسمشرغني غزني ته سفروکړ

ریس جمهور غني پرون غزني ولايت ته سفر وکړ،او د غرني ولایت د عمومي وضعیت او د امنیت ارزونه هم وکړه، نوموړي د دغه ولایت مشرانو سپینګيرو او ولایتي مسولینو سره وليدل، او دويي سره ېې نوې ژمنې هم وکړې

ښاغلي غني له ځايي خلکو سره هر اړخيزېوعدې هم وکړې د دغه ولایت والي وحیدالله کلیمزي ولسمشر غني او ورسره پلاوي ته د ښه راغلاست پرمهال خپله وینا کې ویل ، د زړه له کومې مننه چې تل مو په سختو شرایطو کې د غزني د ولسونو پوښتنه کړې او د دوی سره مو همکاري مو کړې . نوموړي زیاته کړه، کويډ۱۹ سره د مبارزې په موخه غزني ولایت ته له شپېته میلیونه ځانګړ شویو افغانیو څخه یې اتلس میلیونه په شفاف ډول مصرف شوي .کلیمزي وویل، د شته مشکلاتو د حل او انکشافي پروژو د تطبیق لپاره د ولسونو، امنیتي او دفاعي ځواکونو او ټولو ګډه همکاري لارمي ده او د ولسونو په همکارۍ د کرنې د ودې او نورو برخو کې انکشافي پروژې د پلي کېدو په حال کې دي

دويي زیاته کړه، د غزني قومونه د خپل نظام او امنیتي او دفاعي ځواکونو ملاتړ کوي او د دښمن له لوري د دوه کاله وړاندې وحشت به بیا تداسې ونشي .په همدې لړ کې لومړي مرستیال امرالله صالح له یادو ویناوالو څخه په مننې وویل، د دغې فضا چې خپلې نیوکې او نظریات مو په ازادانه توګه د ملت زعیم سره شریک کړل قدر او باید په لوړ مورال سره د وطن دامنیت ساتنه وکړي

تنوموړي زیاته کړه موږ له ۲۶ ټولنیزو بنسټونو سره د متقابل درناوي فضا او قانون په چوکاټ کې کار کوو.د جمهوررئیس لومړي مرستیال د غونډې له ګډونوالو وغوښتل چې د خپلو امنیتي او دفاعي ځواکونو چې د بشري ټولنې او ارزښتونو لپاره جنګېږي قدرداني وکړي.هغه زیاته کړه، موږ باید خلک بسیج او په بېلابېلو برخو کې شته ستونزې او بې عدالتۍ ختمې کړو. موږ د واحد ټیم او ستاسو د خدمتګارانو په توګه تاسو ته غوږ ګدو.

نوموړي زیاته کړه، خلک د جمهوریت غوښتونکي او ملاتړي دي، ځکه له ملي بحث پرته ملت منځته نشي راتلای او ملت ازاد بحث ته اړتیا لري.جمهوررئیس غني وویل، د امنیتي او دفاعي ځواکونو هر فرد رضاکار دی او د دوی د مبارزو، اتلولیو، زړورتیا او سرښندنو قدرداني وکړئ، ملاتړ یې وکړئ او په محبت ورسره چلند وکړئ، ځکه د دوی قربانۍپه تاریخ کې بېسارې دي او موږ ټول ورباندې ویاړو.د هیواد جمهوررئیس د علماوو متفقې فتوا څخه په مننې وویل، د دوی د فتوا پر اساس مو دوه کاله وړاندې اوربند وکړ او نړۍ ته مو ثابته کړه چې د سولې امکان شتون لري،

خلکو ډوډۍ غوښته او د دې لپاره مو د لومړي ځل لپاره وچه ډوډۍ ووېشله.جمهوررئیس غني وویل، موږ د اسلامي اصولو او اساسي قانون په چوکاټ کې د افغان ښځې درناوی او حقوق غواړو، د هیواد د نورو ښځو په څېر به د غزني ښځې هم د خپلو وړتیاوو په اساس حکومتولۍ ته جذب شي.

په پاۍ کې ولسمشر غني وويل ، د غزني ښار د انکشافي پلان د برابرولو ترڅنګ د اوبو لګولو سیستم هم احیا کېږي، سره له دې چې د کرونا بدو اقتصادي اغېزو زموږ امکانات محدود کړي، مګر امکاناتو ته په کتو به د غزني د خلکو غوښتنو او وړاندیزونو ته رسیدګي وشي،

د یادونې وړ ده چې ولسمشر ولایاتو ته سفرونه پيل کړي دي او لا ېې هم کوي ددې نه وړاندې هم ولسمشر لوګر ته سفر کړۍ وو او دا لړۍ به دوام لري ولسمشر غني به د دې نه بعد هم نورو ولایاتو ته سفر وکړي او ددغو ولایاتو عمومي وضعیت با وارزوي نوموړي د انتخاباتو نه وړاندې دا ژمنه کړې وه چې هر یو ولایت ته به سفر وکړي او دويي سره کړې ژمنې به و ارزوي او عملي به ېې کړي،