اى پي ايل: دکلکتې ټیم د چيناى ټیم څخه د ۱۰ رنزونو په توپیر لوبه څنګه وګټله

اى پي ايل: دکلکتې ټیم د چيناى څخه لوبه وګټله د کلکته نايټ رايډرز ټبم د ټاکل شوي ١٦٨ منډو هدف څخه په بريالي توګه دفاع وکړه او د چيناى لوبډلې نه يې د ١٠ منډو په توپير لوبه وګټله.

د اى پي ايل ٢١مه لوبه د کلکته نايټ رايډرز او چيناى سوپر کنګز لوبډلو ترمنځ د ابوظهبي په شېخ زېد کرکټ لوبغالي کې ترسره شوه.د لوبې په پيل کې پچه کلکته نايټ رايډرز لوبډلې وګټله او لومړى يې توپوهنه غوره کړه.د کلکته نايټ رايډرز لوبډلې په ټاکلو ٢٠ اورونو کې د ټولو لوبغاړو په سوځېدو ١٦٧ منډې وکړې، چې راهول ټريپاټي د ٣ شپږيزو او ٨ څلوريزو په مټ په ٥١ توپونو ٨١ منډې ترلاسه کړې، خو له هغه پرته بل کوم توپوهونکى په توپوهنه کې ښه پرفامنس ونه کړ.

د سوپر کنګز لخوا ډواين براوو ښه توپ اچونه ترسره کړه او ٣ لوبغاړي يې وسوځول، همدا راز سام کران، شردل ټاکر او کرن شرما ٢-٢ ويکټې ترلاسه کړې.د ١٦٨ منډو هدف په تعقيب کې د چيناى سوپر کنګز لوبډلې ښه پيل وکړ، شين واټسن او فاف ډوپليسي ٣٠ منډې ملګرتيا وکړه، خو ډوپليسي په ١٧ منډو وسوځېده، چې له هغه وروسته امباتي رايډو له واټسن سره منډې ٩٩ ته ورسولې او د ٣٠ منډو جوړولو وروسته اوټ شو.

شين واټسن بيا تر ټولو زياتې ٥٠ منډې ترلاسه کړې، خو بل کوم توپوهونکى ونه توانېده چې ښه توپوهنه ترسره کړي او د کلکتې له لوري ورکړل شوى هدف پوره کړي.چيناى سوپر کنګز په ټاکلو ٢٠ اورونو کې د ٥ لوبغاړو په سوځېدو ١٥٧ منډې وکړې او د ١٠ منډو په توپير يې له کلکته نايټ رايډرز څخه ماتې وخوړه.د کلکته نايټ رايډرز له لوري شيوام ماوي، ورون چکرورتي، کمليش ناګارکوټي، سنيل ناراين او انډري رسل ١-١ ويکټ واخيستې.

د لوبې د غوره لوبغاړي جايزه راهول ټريپاټي ته ورکړل شوه، چې ٨١ منډې يې د کلکتې په ګټه ترلاسه کړې وې.دا د کلکته نايټ رايډرز لوبډلې پنځمه لوبه وه چې دريمه بريا يې خپله کړه او ٦ نومرې يې ترلاسه کړې چې له دې سره په جدول کې دريم مقام ته لاړه، همدا راز د چيناى سوپر کنګز لوبډلې بيا شپږمه لوبه وه چې څلورمه بريا يې خپله کړه او پنځم مقام کې قرار لري.

داکتوبر په ٨مه نېټه به د اى پي ايل په ٢٢مه لوبه کې د سنرايزرز حېدراباد او کنګز اليون پنجاب لوبډلې مېدان ته کوزې شوې. دا لوبه چې د دوبۍ کرکټ لوبغالي کې ترسره کېږي، د افغانستان په وخت ٦:٣٠ بجې به پيل شوه.د يادولو وړ ده چې له سنرايزرز حېدراباد لوبډلې سره راشد خان او محمد نبي لوبېږي او همدا راز د کنګز اليون پنجاب لوبډلې سره مجيب الرحمان هم دی.خو تراوسه پورې په کومه لوبه کې نه دى لوبېدلى.

اى پي ايل:پنجاب له کلکتې او چيناى له بېنګلور سره لوبې لري

اى پي ايل:پنجاب له کلکتې او چيناى له بېنګلور سره لوبې لري د اى پي ايل کې نن دوه لوبې ترسره کېږي، چې په لومړۍ لوبه کې به کنګز اليون پنجاب د کلکته نايټ رايډرز او په دويمه لوبه کې به چيناى سوپر کنګز د رايل چېلنجرز بېنګلور لوبډلو سره لوبې ولري.

د IPL په ٢٤مه لوبه کې د کنګز اليون پنجاب او کلکته نايټ رايډرز لوبډلې د ابوظهبي په شېخ زېد کرکټ لوبغالي کې د افغانستان په وخت ٢:٣٠ بجې لوبه پيلوي.د کنګز اليون پنجاب لوبډلې تراوسه پورې تر ټولو زياتې ماتې خوړلې دي او تر ټولو وروسته پاتې لوبډله ده، پنجاب ٦ لوبې ترسره کړي او پنځه ماتې يې خوړلي دي، چې يوازې دوه نومرې لري.همدا راز کلکته نايټ رايډرز بيا پنځه لوبې ترسره کړې دي او ٣ برياوې يې خپلې کړې دي چې ٦ نومرې لري او په جدول کې ٦م مقام کې ده.

ځیني لوبو ته په کتلو سره کلکته نايټ رايډرز لوبډله په ښه فارم کې ده، خو د پنجاب لوبډلې بخت بيا ورسره ياري نه کوي. نن دا هم ډېر چانس شته چې پنجاب کريس ګيل ته په لوبه کې چانس ورکړي.کنګز اليون پنجاب: کى ايل راهول (لوبډلمشر)، کريس ګيل\ګلين ميکسويل، ماينک اګروال، پراب سمرن سينګ (ويکټ ساتونکى)، نيکولاس پوران، منديپ سينګ، مجيب الرحمان، روي بشنويي، محمد شامي، شيلډون کوټريل او ارشديپ سينګ.

کلکته نايټ رايډرز: راهول ټريپاټي، شوبمن ګيل، نيتيش رانا، ايون مورګن، انډري رسل، دينيش کارتيک (لوبډلمشر او ويکټ ساتونکى)، سنيل ناراين، پاټ کومنز، کمليش ناګارکوټي، شيوام ماوي، ورون چکرورتي.د اى پي ايل ٢٥مه لوبه د چيناى سوپر کنګز او رايل چېلنجرز بېنګلور لوبډلو ترمنځ د دوبۍ په نړيوال کرکټ لوبغالي کې د افغانستان په وخت ٦:٣٠ بجې پيلېږي.

رايل چېلنجرز بېنګلور تراوسه پورې پنځه لوبې ترسره کړې دي چې ٣ برياوې يې خپلې کړي او د ٦ نومرو سره پنځم مقام کې قرار لري، همدا راز چيناى سوپر کنګز بيا ٦ لوبې ترسره کړې دي چې ٤ ماتې يې خوړلي او په شپږم مقام کې ده.که وروستيو لوبو ته وګورو، نو د چيناى لوبډلې هم يو څه ځان ښکاره کړى دى، خو د رايل چېلنجرز بېنګلور لوبډله بيا ښه روانه ده او ښايي نن هم چيناى له ماتې سره مخ کړي.

چيناى سوپر کنګز: شين واټسن، فاف ډوپليسي، امباتي رايډو، کيدار جادو، مهيندرا سينګ دهوني (لوبډلمشر او ويکټ ساتونکى)، رويندرا جډيجا، ډواين براو، سام کران، شردل ټاکر، ديپک چاهار او کرن شرماپيوش چاوله.همدارنګه دغه پلیرانو کې ځینې پلیران بیا ډېر ښه پرفامنس شو کړ.

اى پي ايل:پنجاب له کلکتې او چيناى له بېنګلور سره لوبې لري
اى پي ايل:پنجاب له کلکتې او چيناى له بېنګلور سره لوبې لري

رايل چېلنجرز بېنګلور: ديودت پاډيکال، ارون فنچ، ويراټ کوهلي (لوبډلمشر)، اې بي ډيويليرز (ويکټ ساتونکى)، معين علي، واشينګټن سندر، شيوام ډوبى، کريس موريس، نوديپ سېني، محمد سراج او يوژيندرا چاهل.اي پي ایل لا هم روانه ده او څو ورځو کې به پای ته ورسیږي.

اى پي ايل: ممبۍ ټیم نه بېنګلورپه سوپر اور کې لوبه وګټله

اى پي ايل: ممبۍ په بېنګلورپه سوپر اور کې لوبه وګټله د اى پي ايل لوبه ډېره ښه او په زړه پورې وکړه، چې دواړو ټيمونو ٢٠١ منډې وکړې او لوبه سوپر اور راونډ ته اووته چې په سوپر اور کې د رايل چېلنجرز بېنګلور ټيم د ممبۍ انډينز ټیم ته ماتې ورکړه او لوبه ېې وګټله.

د اى پي ايل ١٠مه لوبه په دوبۍ کې د رايل چېلنجرز بېنګلور او ممبۍ انډينز لوبډلو ترمنځ وشوه. په اول کې د لوبې پچه ممبۍ انډينز په خپل نوم کړه او لومړى يې د رايل چېلنجرز بېنګلور لوبډلې ته د توپوهنې بلنه ورکړه.د بېنګلور له لوري ديودت پاډيکال او ارون فنچ توپوهنې ته راووتل او دواړو د ٨١ منډو په زړه پورې ملګرتيا ترسره کړه، چې ارون فنچ د ٥٢ منډو ترلاسه کولو وروسته وسوځېده، همدا راز ويراټ کوهلي توپوهنې ته راغى خو په ١١ توپونو يې يوازې ٣ منډې وکړې او له مېدانه بهر شو.له هغه وروسته اې بي ډيويليرز توپوهنې ته راغى او له پاډيکال سره په ګډه يې د بېنګلور منډې ١٥٤ ته ورسولې، چې پاډيکال د ٥٤ منډو ترلاسه کولو وروسته اووټ شو.

ډيويليرز او شيوام ډوبى په وروستيو اورونو کې چټکه توپوهنه پیل کړه ، چې ډيويليرز په ٢٤ توپونو ٥٥ ناسوځېدلې منډې وکړې او ډوبى په ١٠ توپونو ٢٧ ناسوځېدلې منډې وکړې.رايل چېلنجرز بېنګلور په ټاکلو ٢٠ اورونو کې د ٣ لوبغاړو په سوځېدو ٢٠١ منډې وکړې او د ممبۍ انډينز لوبډلې ته يې د ٢٠٢٠ منډو ستر هدف وټاکه.د ممبۍ انډينز له لوري ټرينټ بولټ ٢ او راهول چاهار ١ ويکټ واخیسته

د ٢٠٢ منډو د هدف په تعقيب د ممبۍ انډينز لوبډلې پيل ډېر سوړ و، لومړى لوبغاړى روهيت شرما و چې د ٨ منډو ترلاسه کولو وروسته وسوځېده، ورپسې سوريا کمار يادو هم په صفر له مېدانه بهر شو او کوانټين ډي کوک بيا يوازې ١٤ منډې وکړې او وسوځېده. هارديک پانډيا هم کوم کمال ښکاره نه کړ او ١٥ منډو ترلاسه کولو وروسته له مېدانه بهر شو.ممبۍ انډينز په ١١.٢ اورونو کې د ٧٨ منډو په جوړولو سره ٤ مهم توپوهونکي اووټ شول.

کشن په ٥٨ توپونو ٩٩ منډې وکړې، چې ٩ شپږيزې يې هم وهلې وې، همدا راز کيرون پولارډ په ٢٤ توپونو ٦٠ منډې وکړې، چې ٥ شپږيزې يې هم ووهلې.ممبۍ انډينز په ټاکلو ٢٠ اورونو کې د ٥ لوبغاړو په سوځېدو ٢٠١ منډې وکړې او د دواړو لوبډلو ترمنځ لوبه مساوي شوه، چې له هغه وروسته سوپر اور ته لوبه لاړه.د رايل چېلنجرز بېنګلور له لوري ايسورو ادانا ٢، واشينګټن سندر، يوژيندرا چاهل او اډم زمپا ١-١ ويکټ واخيستې.

بلخوا بیا په سوپر اور کې د بېنګلور له لوري سنديپ سېني توپ اچونې ته راغى او د ممبۍ له لوري کيرون پولارډ او هارديک پانډيا بیټنګ ته راووتل، پولارډ په لومړي توپ ١ منډه ترلاسه کړه، پانډيا په دويم توپ ١ منډه واخيسته، دريم توپ مس شو، په څلورم توپ پولارډ څلوريزه ووهله او په پنځم توپ پولارډ کېچ شو او له مېدانه بهر شو، شپږم ليګ باى توپ ترسره شو او ممبۍ په اور کې ٧ منډې ترلاسه کړې او بېنګلور ته يې د ٨ منډو ټارګټ کېښود.

په اول بال ډيويليرز ١ منډه وکړه، په دويم توپ کوهلي ١ منډه وکړه ، دريم توپ مس شو، په څلورم توپ ډيويليرز څلوريزه ووهله، په پنځم توپ ډيويليرز ١ منډه وکړه او په شپږم توپ کوهلي څلوريزه ووهله، چې په دې سره يې په سوپر اول لوبه په خپل نوم کړه.