د افغانستان، اذربايجان او ترکمنستان ترمنځ ناسته؛ د لاجوردو پر دهلېز غونډه وشوه

د افغانستان، اذربايجان او ترکمنستان ترمنځ د لاجوردو پر دهلېز غونډه وشوه د ولسمشر غني په نوښت د افغانستان، اذربايجان او ترکمنستان ترمنځ درې اړخيزه ناسته د ويډيويي کنفرانس له لارې ترسره شوه،په دې ناسته نور مهم سیاسي موضوغات هم بحث شو،

یاد یډیو کنفرانس کې ولسمشر غني د اذربایجان مشر الهام علي اوف او د ترکمنستان جمهوررئیس قربانقلي بردي محمدوف ته د ښه راغلاست پرمهال له افغانستان سره د اذربایجان او ترکمنستان د هر اړخیزو همکاریو او لاجورد دهلېز د ملاتړ له امله مننه وکړه .

د ولسمشر ماڼۍ په راپور کې راغلي ولسمشر غني د ترکمنستان ولسمشر قربانقلي بردي محمدوف څخه د اقینې او تورغنډۍ بندرونو د اوسپنې پټلۍ غځولو له امله مننه وکړه او وې ویل له دې لارې موږ اذربایجان سره یو ځاۍ کېدلۍ شو. همدارازیې اندخوی او تورغونډۍ بندرونو کې د کرونا ټیسټ لابراتورونو د ایجاد له امله د ترکمنستان د جمهوررئیس قدرداني وکړه.»ولسمشر همدارازد اذربایجان جمهوررئیس الهام علي اوف څخه کرونا ویروس سره د مبارزې په برخه کې د لا زیاتې همغږۍ په موخه د عدم انسلاک غورځنګ غړو هیوادونو د اړیکو انلاین ګروپ ویډیو کنفرانس جوړولو له امله مننه وکړه.

راپور کېذکر شوي د هیواد ولسمشر د درې واړو هیوادونو د ګډې کاري کمېټې جوړولو په اړه د جمهوررئیس الهام علي اوف وړاندیز ته په اشارې وویل، د درې واړو هیوادونو د ټرانسپورټ او اړوندو وزیرانو په کچه دغه ګډه کمېټه به د سیمه ییز اتصال، اوسپنې پټلۍ، نوري فایبر او ټرانسپورټ د پراختیا لپاره کار کوي او خپل ربع وار راپورونه به په لوړه کچه د ستونزو د حل او احتمالي بیروکراسۍ د مخنیوی په موخه د درې واړو هیوادونو جمهوررئیسانو سره شریکوي.»ښاغلي غني وویل افغانستان د سوداګرۍ او پانګونې په برخه کې د اذربایجان او ترکمنستان دولتونو او خصوصي سکتور سره ګډ کار ته چمتو دی. هغه زیاته کړه، د دواړو هیوادونو تاجران او پانګوال دې د مرمرو، کرنې او نورو برخو کې پانګونه وکړي، ځکه موږ پلان لرو چې یو اعشاریه څلور میلیون هکتاره ځمکه اباده او د کرنې وړ وګرځوو.

د اذربایجان مشر ښاغلي علي اوف وویل:قربانقلي بردي محمدوف وویل: موږ یونوی میکانیزم ایجاد کړی چې له مخې به یې هم ځواب ویونکي واوسو او هم به خپلواوګاونډیو هیوادونو کې د موټرو د تګ راتګ لپاره د کرونا د خپرېدو د مخنیوی خوندي چاپېریال ولرو. هغه زیاته کړه، د توکو او وسایلو د ښه لېږد په موخه به یې هیواد په اقینه او تورغونډۍ بندرونو کې د وچو بندرونو د معیاري کېدو د ملاتړ ترڅنګ فعاله ونډه واخلي.»

د ترکمنستان جمهوررئیس قربانقلي بردي محمدوف کنفرانس ته وویل: موږ یونوی میکانیزم جوړکړی چې له مخې به یې هم ځواب ویونکي واوسو او هم به خپلواوګاونډیو هیوادونو کې د موټرو د تګ راتګ لپاره د کرونا د خپرېدو د مخنیوی خوندي چاپېریال پیدا کړو نوموړي زیاته کړه، د توکو او وسایلو د ښه لېږد په موخه به یې هیواد په اقینه او تورغونډۍ بندرونو کې د وچو بندرونو د معیاري کېدو د ملاتړ ترڅنګ فعاله ونډه واخلي.

اوس وخت د دې رارسېدلۍ دۍ چې باید درېواړه هېوادونه سره سیاسي تعلقات قایم وساتي او درې اړخيزه اړېکو باندې هم ټينګار وکړي ترڅو افغانستان او نور ملکونه ښه اقتطادي پيکيجونه ولري او د هېواد د اقتطادي ودې کې سرعت راشي او افغانستان یو په ځان بسیا هېواد وګرزي،

ترکمنستان هم د کروناویروس له ویرې افغانستان سره سرحد وتړه

هرات کې چارواکي وايي چې ترکمنستان د کروناویروس د خپرېدو له ویرې سه شنبه (فبروري۲۵) سهار له افغانستان سره خپل سرحد تړلی دی.

د هرات ولایت د بهرنیو اړیکو مسول امین الله ازاداني رسنیو ته وویل چې ترکمنستان د هرات ولایت د تور غونډۍ بندر تړلی دی او د دواړو هېوادونو ترمنځ یې تګ راتګ بند کړی دی.

ښاغلي ازاداني وویل چې د ترکمنستان له چارواکو سره یې خبرې پیل کړي دي چې دا سرحد بېرته پرانیستل شي اوتګ راتګ هم عادي شي. تر دې دمه ترکمنستان په دې اړه رسمي څه نه دي ویلي.

ترکمنستان هغه مهال دا اقدام وکړ چې په هرات کې د کروناویروس یوه مثبته پېښه ثبت شوه. د افغانستان د روغتیا وزارت سلاکار او ویاند وحیدالله مایار امریکا غږ ته وویل چې په هرات کې د کرونا اوه نورې مشکوکې پېښې هم ثبت شوي دي. په هرات کې بېړنی روغتیايي حالت اعلان شوی دی.

هرات له ایران سره سرحد لري، افغانستان د یکشنبې په ورځ دا سرحد وتړه خو د سه شنبې په ورځ یې بېرته پرانیست. په ایران کې د کروناویروس له کبله یو شمېر کسان مړه شوي او لسګونه نور په دغه ویروس اخته شوي دي.

سلګونه زره افغان کډوال په ایران کې ژوند کوي چې افغانستان ته هم عادي تګ راتګ لري. د هرات د روغتیا رئیس عبدالحکیم تمنا له ایران څخه افغانستان ته د را ستېدونکو کډوالو په اړه اندېښنه وښوده. نوموړي امریکا غږ ته وویل له ایران څخه د را ستنېدونکو کډوالو د معایناتو لپاره کافي امکانات نه لري.

افغان حکومت وايي چې له ایران سره یې پر سرحد سیار طبي ټیمونه ګمارلي چې له ایران څخه افغانستان را روان خلک معاینه کړي او له معایناتو وروسته ورته د داخلېدو او نه داخلېدو اجازه ورکوي.