زلمی خلیلزاد: تاوتریخوالي باید کم شي او د سولې لپاره شته موقع نه دې دواړه لورې ګټه پورته کړي

زلمی خلیلزاد: تاوتریخوالی باید کم شي او د سولې لپاره شته موقع نه دې دواړه لورې ګټه پورته کړيهغه وویل چې د مذاکراتو کړکۍ هر وخت نه وي خلاصې ځکه نو باید افغانستان کې د سولې لپاره باید کار وسي ښاغلي خلیلزاد ویلي چې افغانستان کې د تاوتریخوالی اوسنۍ زیاته کچه د منلو وړ نه ده او باید راکمه شي.

ښاغلي خلیلزاد پرخپل ټویټر پاڼه لیکلي د سیاسي جوړجاړي لپاره به کړکۍ د تل لپاره پرانیستې نه وي باید له له موقع څخه استفاده وسي خلیلزاد ویلي:سرټمبګي او د دښمنۍ پرېښودل، له هېوادوالو سره د تعامل، او د سیاسي همکارۍ سیالۍ پر یوې قاعدې د توافق ردول د روانې جګړې سټې جوړوي.هغه زیاتوي که چېرې دا موقع هم لاړه نو دا به د افغانانو سره سخت زیاتی وي.

نور خبرونه: د افغان عسکرو او نظامي سکتور سره د امریکا ملاتړ دوام کوي

خلیلزاد وروسته له هغه دا څرګندونې وکړې چې د افغانستان په یو شمېر ولایتونو درنې جګړې ترسره سوې او تراوسه لاهم په یو شمېر ولایتونو کې جګړې روانې ديد دې جګړو په هکله یو شمېر غبرګونونه هم را وپارول طالبان وايي چې حق لري  د خپل اهدافو لاس ته راوړلو لپاره له هرې ممکنه لارې کار واخلي خو افغان حکومت بیا دا بریدونه اوجګړې وحشت بللی د امریکا په ګډون نورو هېوادونو د وروستیو جګړو د کمولو غوښټنه کړې

سولې ته د رسیدلو لپاره باید بین لافغاني مذاکرات پیل شي خو تراوسه د طالبانو او دولت مرکه چي پلاوی رسمي ناسته نه ده سره کړې او د تماس ډلې يې په دې نه دي توانیدلې چې پر اختلافي مسایلو باندې یوې  هوکړې ته ورسیږي دويي لا هم په بازې سختو مواردو باندې مشکلات لري او لا هم پرمختګ ته اړتیا ځینې سیاسي شنونکي په دې اړه وايي چې باید دويي اوله هغه موضوعات رامنځته کړي کوم چې د حل وړ وي او اسانه وي.

  1. زلمی خلیلزاد: تاوتریخوالي باید کم شي او د سولې لپاره شته موقع نه دې دواړه لورې ګټه پورته کړي

په سوشل ميډیا کې د سولې په اړه مختلف نظرونه لري ځینې وايي چې باید ژر تر ژره اوربند وشي ترڅو په ارامه فضا کې خبرې وشي او سولې ته لاره اسانه شي او افغانان نور د شته بدببختییو نه خلاص شي او په ارامه فضا کې ژوند وکړي.که مونږ اوګورو افغانستان کې د څو کلونو راهیسې جګړه روانه ده او هره ورځ پکې سلګونه کسان مړه کيږي په دې وروستیو کې د نورو ولایتونو په شمول کابل کې هدفي وژنې هم شروع دي ددويي مالونه هم خوندي ندي او په ږیره کې ژوند کوي.

د سولې مذاکراتو ولې ځنډ سره مخ شوي

د ښځو ولایتي شبکه وايي، د سولې لپاره باید یوه ملي اجماع رامنځته شي او طالبان هم باید ډاډ ورکړي چې د پردې تر شا هېڅ هېواد ته د سولې پروسې د رهبري کولو او پر مخ وړلو اجازه نه ورکوي. د سولې په چارو کې د دولت وزارت وايي، د سولې پنځلس کسیزه مرکچي پلاوی ټاکل شوی، چې درې یې ښځینه دي، خو د ښځو ولایتي شبکه نیوکه کوي، چې د ښځو ونډه باید پراخه او څرګنده وي.

دغه شبکه د طالب بندیانو خلاصون ملاتړي دي، خو ټینګار کوي، چې جګړې ته د نه ستنېدو په ضمانت باید لومړی هغه بندیان ازاد شي، چې جرمونه یې سپک دي. د سولې بین الافغاني خبرو ته د حکومت مرکچي پلاوي له اعلان وروسته، د ښځو ولایتي شبکه نیوکه کوي چې دغه پلاوي کې د ښځو ونډه کمرنګه او نمایشي ده.

د سولې په چارو کې د دولت وزارت په وینا په دغه پنځلس کسیزه پلاوي کې درې ښځې دي، خو د ښځو دغه فعالانې وايي، د ښځو لاسته راوړنو د خوندیتوب لپاره باید د دوی ونډه پراخه او څرګنده وي.

دغه شبکه روان سیاسي کړکېچ ته په اندېښنې سره وايي، باید ولسمشر محمد اشرف غني او پخوانی اجراییه مشر عبدالله عبدالله خپلمنځي ستونزې حل او ټول سیاسي اړخونه باید د سولې لپاره یوه ملي اجماع رامنځته کړي. دوی پر طالبانو هم شک لري، چې ښايي دغه ډله د پردې تر شا کوم هېواد ته د سولې پروسې د رهبري کولو او پرمخ بیولو اجازه ورکړي. که څه هم حکومت ظاهرآ د طالب زندانیانو خلاصون د دوی د نوملړ ارزونې له امله ځڼډولی، دغه شبکه وايي، د طالب بندیانو خلاصون ملاتړي دي، خو وايي، جګړې ته د نه ستنېدو په ضمانت باید لومړی هغه بندیان ازاد شي چې جرمونه یې سپک دي.

د ښځو دغه ولایتي شبکه له حکومت او طالبانو دواړو خواوو د تاوتریخوالي ژر کمېدو غوښتنه کوي او وايي، دواړه خواوې باید بین الافغاني خبرو کې پر یوه هر اړخیزه اوربند سلا وکړي.

هیلري کلنټن :افغان مېرمنې باید سولې خبرو کې سهم واخلي

دا غونډه پ په ملګرو ملتونو کې د برتانیا او افغانستان د استازولیو له لوري جوړه شوې وه. په دې غونډه کې د افغانستان د ښځینه فعالانو په ګډون د بېلابېلو هېوادونو استازو ګډون درلود.

مېرمن کلېنټن وویل، د سولې په بهیر کې د ښځو نه ګډون “نه یوازې له اخلاقي پلوه سم نه دی، بلکې خطرناک هم دی. د ټولو هېوادونو لپاره چې استازي یې دلته راغلي خطرناک دی. دا اجازه باید ورنه کړو چې له مېرمنو سره امرانه چلن وکړي، افغان مېرمنو اوس دومره پرمختګ کړی، د خبرو پرهغه مېز چې د دوی د حقونو په اړه پکې پرېکړه کېږي ونه ایستل شي.”

په ملګرو ملتونو کې د افغانستان سفیرې عادله راز هم دې ناسته کې ګډون درلود او ویل یې په ټولنه کې د افغان مېرمنو حقونه او د دوی دریځ د سیاسي کړکېچ قرباني شوی.

مېرمن راز زیاته کړه: “افغان مېرمنې تېر ته په کتو پوه دي او نه غواړي خپل راتلونکی په خطر کې واچوي. په دې حساس پړاو کې زه د خپل هېواد او افغان مېرمنو په اړه د نړيوالو ملاتړو همکارۍ ته اړتیا لرم.”

په ورته وخت کې، مېرمن کلېنټن هم وویل، که افغان مېرمنې څنډې ته شي، د سولې تل پاتې بهیر به روښانه نه وي. د ښځو له ګډون پرته هېڅ یوه سوله به تلپاتې نه وي.

همدارنګه هغې یادونه وکړه چې د طالبانو د واکمنۍ پرمهال نه یوازې افغان ښځې له ښوونځیو محرومې وې، بلکې له کوره بهر دندو ته هم نه پرېښودل کېدې، خو اوس” له درې نیم میلیون څخه زیاتې نجونې په زدکړو بوختې دي او سل زره د افغانستان په پوهنتونو کې په تحصیل لګیا دي. افغان مېرمنې په دولت کې په مهمو پوسټونو کار کوي، دوی د پارلمان غړې دي، وزیره او قاضۍ هم دوی کې شته.”

د امریکا د بهرنو چارو پخوانۍ وزیرې همدارنګه وویل، له افغانستانه د امریکايي ځواکونو وتل باید مشروط ځکه وي چې طالبان باید په خپلو ژمنو عمل وکړي او دوی باید هغه پام وړ بدلونونه چې اوس په افغانستان کې ترسترګو کېږي په رسمیت وپېژني، د افغانستان اساسي قانون منلو ته دې چمتو اوسي او له تاوتریخوالي دې لاس واخلي.

په ملګرو ملتونو کې د برتانیا سفیر کارن پیرس هم په دې غونډه کې وویل، د سولې په خبرو کې د ښځو ونډه د افغانستان امنیت او ثبات لپاره مهمه ده.

د افغانستان لومړۍ مېرمنې رولاغني هم له کابله د یوه ویډیوي پیغام له لارې په دې ناسته کې ګډون درلود وویل، افغانستان یوه ازاده ټولنه ده چېرې چې خلک خپل بشپړ حقونه لري او خپل مسوولیتونه پېژني.

هغې زیاته کړه، د سولې په بهیر کې به داسې پرېکړه نه کېږي چې د افغان مېرمنو او افغانانو له بپړ ملاتړه به بې برخې وي.

هیلري کلېنټن د ملګرو ملتونو د سازمان په غونډه کې ټینګار وکړ: ”هره پېښه چې کېږي، پوهېږئ تاسو په ټوله نړۍ کې ملګري او ملاتړي لرئ، تاسو سره به خبرې وکړو او په ستونزمن حالت کې له تاسو سره یو. موږ به ستاسو قربانۍ هېرې نه کړو، چوپ به پاتې نه شو او دا لاره به په ګډه ووهو.”

دا چې د سولې په لړ کې امریکا له طالبانو سره د سولې هوکړه وکړه ډېری فعالانو د طالبانو د بېرته ستنېدو او د ښځو د حقونو محدودېدو ته اندېښمن دي؛ ځکه طالبان د خپلې واکمنۍ پر مهال د ښځو پر وړاندې سخت قوانین درلودل او ددې له لوري د ښځو د حقونو سرغړونې په تړاو ډېری راپورونه خپاره شوي دي.

ډېلي بېسټ:خليلزادغواړي طالبانو ته کابل وسپاري

دسولې لپاره د امریکا د بهرنیو چارو وزارت ځانګړی استازی زلمی خلیلزاد چې تازه کابل ته راغلی وايي، د سولې تاریخي فرصت باید له لاسه ورنه کړل شي.

هغه پرون سهار پر خپل ټویټر لیکلي: “موږ ټول باید کار وکړو څو د سولې پر وړاندې هغه خنډونه لرې کړو چې د بین الافغاني خبرو لپاره مو کار ټکنی کوي، زه پر ټولو افغانانو غږ کوم چې هېواد ته لومړیتوب ورکړي او دا تاریخي فرصت له لاسه ورنه کړي.”

د امریکا ځانګړی استازی همدا شان ویلي ، امریکا ژمنه ده څو د بندیانو تبادلې ته زمینه برابره کړي او موږ له دواړو خواو ملاتړ کوو ترڅو د پام وړ شمېر بندیان خوشې کړي.

خو د افغانستان ولسمشرۍ ماڼۍ وايي، د جګړې پای، د تاوتریخوالي د ختمېدو او د بین الافغاني خبرو د پیل لپاره له هر اړخیزو هڅو چې د افغانانو د غوښتنې مطابق وي دریغ نه کوي.

افغان حکومت وايي، دایمي اوربند او د افغان وژنې لړۍ درول هغه ټکي دي چې د تلپاتې سولې لپاره لاره پرانېزي.

د ولسمشر ویاند مرستیال لطیف محمود د پنجشنبې په ورځ له رسنیو سره خبرو کې وویل: “زموږ اصلي هدف دا دی چې جګړې او د تاوتریخوالي کچې ته د پای ټکی کېږدو او دا غوښتنه د افغانانو هم ده، د جګړې د پای لپاره، د تاوتریخوالي د ختمېدو او د بین الافغاني خبرو د پیل لپاره هر اړخیزې هڅې زموږ لخوا روانې دي او موږ د اساسي قانون او د ملي ګټو په رڼا کې دغه بهیر ته ورځوو. “

ښاغلی محمود وايي، د طالب زندانیانو د خوشې کېدو په اړه سلا مشورې او پرېکړې به د سولې په بین الافغاني خبرو کې وشي.

دغه راز ښاغلي خلیل زاد تېره ورځ د ملي یوالي حکومت له اجراییه رئیس سره کتلي دي.

اجرائیه ریاست وايي، د لیدنې په پیل کې اجرائیه رئیس او د ثبات او همپالنې ټیم مشرتابه د امریکا متحده ایالاتو او طالبانو ترمنځ د سولې د هوکړې په برخه کې د زلمي خلیلزاد له هڅو مننه او قدردانی وکړ او د سولې د هوکړې د عملي کولو پر لارو چارو، بین الافغاني مذاکراتو، د دواړو خواو ترمنځ د اعتماد فضا رامنځته کولو، د دایمي سولې لپاره پر هڅو او د ولسمشریزو ټاکنو پایلو څخه په رامنځته شوي بحران بحث او خبرې وشوې.

اخوا وال سټرېټ ژورنال په خپل یوه راپور کې د افغان دولت د ځینو سرچینو له خولې لیکلي چې ټاکل شوې وه زلمی خلیلزاد د چهارشنبې په ورځ ولسمشر غني سره وویني، خو ولسمشر ورسره له لیدنې انکار کړی دی، خو د وال سټریټ ژورنال دغه راپور ولسمشرۍ ماڼۍ رد کړی دی.

د ولسمشر ویاند صدیق صدیقي له رسنیو سره په خبرو کې وویل خپور شوی راپور ناسم دی.

په ورته وخت کې د نړېوالو چارو پوهان د زلمي خلیلزاد وروستي ټویټ ته په اشاره سره وايي، په هېواد کې خپل منځي اختلاف باید یو خواته شي او د سولې لپاره واحد نظر رامنځته شي.

د نړیوالو چارو پوه داود مایار وویل: “زما په فکر چې دا نه یوازې افغانستان ته بلکې امریکا ته هم یو لوی فرصت دی نه یوازې افغانان باید له دې رامنځته شوي فرصت څخه په پوره وړتیا ګټه پورته کړي بلکې امریکا هم باید په افغانستان د سولې راوستلو لپاره په دې برخه کې ژمن پاتې شي.”

دا په داسې حال کې ده چې د روانۍ اونۍ د شنبې په ورځ د امریکا او طالبانو ترمنځ د سولې هوکړه لاسلیک شوه او دغه شان ټاکل شوې چې د روانې میلادي میاشتې په لسمه د حکومت او طالبانو ترمنځ د سولې خبرې پیل شي.

خو دا چې دا خبرې به په خپل وخت پیل شي کنه لا معلومه نه ده.

امریکا به بندیانو تبادلې ته زمینه برابره کړي خلیلزاد

د سولې لپاره د امریکا ځانګړي استازي زلمي خلیلزاد ویلي، امریکا د بندیانو د تبادلې اسانچارې ته ژمنه ده. زلمی خلیلزاد وايي، موږ به د دواړو غاړو ملاتړ وکړو چې پام وړ شمېر بندیان خوشي کړي.

هغه خپله ټوېټر پاڼه لیکلي چې افغانستان کې د تاوتریخوالي ډېرېدل د سولې هوکړې ته ګواښ دی او باید ژر تر ژره کم شي.

ښاغلي خلیلزاد، دا څرګندونې کابل کې له ځینو پخوانیو او اوسنیو افغان چارواکو سره تر خبرو وروسته پر ټوېټر لیکلې، چې وايي: “د افغانانو ترمنځ د مذکراتو پر لور د هر ډول خنډ او د دې بهیر د ورو کولو په لار کې به د ستونزو لیرې کولو په تړاو ګام واخلو.”

نوموړی دا هم وايي، چې له ملا برادر او د هغه له ډلې سره یې د ولسمشر ټرمپ تر ټیلیفوني خبرو وروسته تېره شپه د راتلونکو ګامونو په اړه خبرې وکړي.

دی وايي، موږ ټول سلا یو چې د امریکا او طالبانو د هوکړې هدف په افغانستان کې د بشپړې سولې لپاره د لارې هوارول دي.

د امریکا دفاع وزیر ویلي، طالبان پر افغان ځواکونو د بریدونو په کولو، له امریکا سره شوي تړون ته بشپړ درناوی نه کوي. مارک اېسپر د کانګرس غړو ته ویلي، طالبانو پر امریکايي او اېتلافي ځواکونو بریدونه درولي، خو د تاوتریخوالي کمونه یې پرځای نه ده ساتلې، چې ورسره یې تړون په بشپړه توګه نه دی پلی کړی.

ښاغلي اېسپر دا خبرې پر داسې مهال کړې، چې له طالبانو سره د سولې تړون تر لاسلیک کېدو ایله څو ورځې وروسته امریکايي پوځ پرون وویل، چې په هلمند کې یې د افغان ځواکونو د دفاع لپاره پر طالب جنګیالیو هوايي بریدونه کړي دي.

محب: افغان سرتیري د سولې اتلان دي

د امنیت شورا سلاکار حمدالله محب وايي، افغان سرتېري چې نن د جګړې اتلان دي سبا همدارنګه د سولې اتلان هم وي.

ښاغلي محب د کب نهمې د افغان سرتیري د ورځې په مناسبت پیغام کې ویلي چې د افغان سرتېرو د قربانیو له برکته وسله وال طالبان د جګړې پر ځای سولې ته حاضر شوي دي.

محب ویلي: “زموږ سرتیري چې نن د جګړې اتلان دي،د سولې په ټینګښت سره به سبا د سولې اتلان هم وي.”

هغه زیاته کړې چې افغان سرتیري له ترهګرۍ سره د مبارزې په لومړي صف کې ولاړ دي او همدارنګه ۹۴سلنه خپلواک پوځي عملیات تر سره کوي.

محب زیاتوي چې تېر میلادي کال افغان سرتیرو له وسله والو مخالفینو څخه اته ولسوالۍ ونیولې او ګڼ شمېر وسله وال افغان پوځ ته تسلیم شوي دي.

محب پر داسې مهال دا څرګندونې کوي چې نن د کب ۹مه د افغان سرتېرو ورځ ده.

دا ورځ پر داسې مهال لمانځل کیږي چې په افغانستان کې د امریکا او طالبانو ترمنځ د یوې هوکړې په اساس د تاوتریخوالي کمولو د اونۍ یوازې یوه ورځ پاتې ده.تېره شنبه د یوې اونۍ لپاره په افغانستان کې د تاوتریخوالي کمولو اونۍ پيل شوه.

ولسمشرغني:دلوګرامنیتي مسولینو ته ویلي د لوګرلپاره دې امنیتي پلان جوړکړي

د هېواد ولسمشر اشرف غني ويلي “دا چې طالبانو د تاؤ تریخوالي په پام وړ کموالي موافقه وکړه دا هم اور بند او پايدارې سولې ته د رسېدو دپاره مهم ګام دی”.

په افغانستان کې د سولې د خبرو د موافقنامې په موخه د تاؤ تريخوالي کمولو اوونۍ نن د خالي، شنبې د ورځې څخه پېل شوه.

“اشرف غني ويليد طالبانو لخوا د تاؤ تريخوالي د کمولو په اوونۍ کې بايد په احتیاط پاتې شو او ځواکونه په جدي توګه د وضعيت څارنه کوي”.

نوموړي ويلي په دغه لړ کې امنیتي او دفاعي ځواکونو ته لارښوونه شوې ده.

غني زياته کړې “د ميونخ د غونډې نه بيرته په راتګ يې د امنيتي او دفاعي ځواکونو د مشرانو د مشرانو د جرګې غړو او نورو سره وليده او د سولې په اړه مې ورسره خبرې وکړې”.

د نوموړي سره پرون د جمعې په ورځ د افغانستان د سولې د خبرو دپاره د امريکا ځانګړي استازي زلمي خليلزاد هم ليدلي دي.

ارګ ویلي، “په دغه کتنه کې دواړو لوریو د تاوتریخوالي د پام وړ کموالي پر جزئیاتو او د تاوتریخوالي کموالي اونۍ د مدیریت په اړه بحث او خبرې وکړې. “

بل لور ته طالبانو هم د تاؤ تریخوالي د کمولو د اوونۍ په اړه ويلي چې په دې اووه ورځو کې به د دوی جنګيالي دفاع ته اماده وي او مخالفه ساحو ته به نه ځي.

طالب وياند ذبيح الله ويلي چې د اووه ورځو وروسته په اتمه ورځ چې موافقت نامه لاسليک کيږي د هغې وروسته به بيا نوې لارښوونه کيږي.

ملګرو ملتونو او پاکستان هم د تاؤ تریخوالي د اوونۍ هرکلی کړی دی.