د نړیوال کرکټ مجلې د روانې، يعنې ٢٠٢٠مې لسيزې لپاره غوره لوبغاړي خوښ کړي ، چې په اینده١٠ کلونو کې به دا پلیران په نړيواله کچه لاسته راوړنې لري،په دغه لست کې ۴ افغان لوبغاړي هم شامل دي،

د افغانستان او ایرلنډ لوبډلو ترمنځ د شل اوریزو سیالیو په درېیمه او وروستۍ لوبه کې نن ایرلنډ په سوپر اوور کې افغانستان ته ماتې ورکړه. افغانستان وار د مخه د دې سیالیو لومړۍ دوه لوبې ګټلې وې او په دې توګه یې د درې لوبو دا سیالي هم ورسره ګټلې وه

د سه شنبې پر ورځ د لوبې پچه ایرلنډ وګټله او لومړی یې خپله د منډو جوړولو پرېکړه وکړه. د ایرلنډ د پاڼۍ پيل ښه نه و او په لومړي اوور کې یې د پاول سټرلنګ مهمه وېکټه بایلوده. په ۱۲ منډو ایرلنډ خپل دویمه وېکټه هم له لاسه ورکړه او توپوهونکي یې تر فشار لاندې راغلل.

خو د اوبراین او ډیلېني ترمنځ د ۶۲ منډو ملګرتیا د ایرلنډ پاڼۍ بېرته سمبال کړه. په پایل کې ایرلنډ په خپل شل اورونو کې په ۸ وېکټو ۱۴۲ منډې جوړې کړې. د ایرلنډ لپاره دېلېني تر ټولو ډېرې ۳۷ او ټېکټور ۳۱ منډې جوړې کړې.

د افغانستان لخوا نوین الحق او قیس احمد ښه وځلېدل او دواړو درې/درې وېکټې واخیستې. د افغانستان لپاره رحمان الله ګربز او عثمان غني، چې د حضرت الله ځاځي پر ځای لوبډله کې اخیستل شوی و، پاڼۍ پیل کړه.

ګربز د معمول په څېر یو ځل بیا چټکه لوبه وکړه او له پیله یې د ایرلنډ توپ اچوونکي وټکول. نوموړي له عثمان غني سره په اووم اوور کې خپله د پنځوس منډو ملګرتیا بشپړه کړه.

رحمان الله بلاخره په نهم اوور کې خپله وېکټه بایلوده او په ۲۹ توپونو یې ۴۲ منډې وکړې. په هماغه اوور کې عثمان غني هم په ۲۴ توپونو د ۱۸ منډو له جوړولو وروسته وسوځېد.

ورپسې کریم جنت په ۱۷، محمد نبي په ۴ او نجیب ځدراڼ هم په صفر وسوځېد او افغانستان پرله پسې څو وېکټې په اسانۍ له لاسه ورکړې

دخو اصغرا افغان د افغانستان پاڼۍ تر یوه بریده سمبال کړه او په وروستي اوور کې راشد خان د یوې شپږیزې او یوې څلوریزې په مټ له ایرلنډ سره منډې برابرې کړې، او په دې توګه لوبه سوپر اوور ته ولاړه.

په سوپر اوور کې رحمان الله ګربز او محمد نبي د افغانستان لپاره منډو جوړولو ته را ووتل، خو یو هم ونه توانېد چې کومه شپږیزه یا څلوریزه ووهي او یوازې ۸ منډې یې وکړای شوې. په ځواب کې ایرلنډ پاول سټرلنګ او کېون اوبراین توپوهنې ته را ولېږل. راشد خان د پاول سټرلنګ وېکټه واخیسته، خو کېون اوبراین په وروستي توپ شپږیزه ووهله او ایرلنډ لوبه وګټله

پی سي ایل کې لوبغاړي څومره پیسی اخلي

د پی سي بي ۲۰۲۰م کال پنځم پړاو تجارتي سیالۍ یا پاکستان سوپر لیګ په هیواد کې دننه ترسره کوي. دې سیالیو کې شپږ لوبډلې ګډون کوي چې پکې د پاکستان کورنيو لوبغاړو سره سره ۳۶ بهرني لوبغاړي هم سیالیو ته ورغلي دي.

د پاکستان کرېکټ بور‌‌‌‌‌‌ډ سوداګریزو سیالیو لپاره لوبغاړو ته شپږ کټګورۍ یا ډلې جوړی کړې دي.

د دې سیالیو تر ټولو ګران بیه کټګورۍ (پلاټينم) ده چې پکې د شپږ لوبډلو ګډونوالو لوبغاړو ته شاوخوا درې کروړه او څلور میلیونه پاکستانۍ کلدارې ورکول کیږي.

همداسی دویمه کټکورۍ (‌‌‌‌‌‌ډائمند) نومېږي چې پکې شامل شویو لوبغاړو ته یو کروړ او شپږ میلیونو پوری پاکستانۍ کلدارې ورکول کیږي.

د دې سیالیو دریمه کټګوري(ګولډ) یا سرو زرو نومي کټګوري ده چې پکې اخیستل شويو پاکستانیو او بهرنيو لوبغاړو ته له شپږ میلیونو تر نهه میلیونو پاکستانۍ کلدارې ورکولو پرېکړه شوی ده.

د پاکستان سوپر لیګ پنځم پړاو سیالیو څلورمه کټګوري (سلور) ده چې لوبغاړو ته یې شاوخوا دونه نیم ملیونه کلدارو نه تر پنځه نیم میلیونه پاکستاني روپۍ ورکول کیږي.

پي اېس اېل پنځمه کټګوري(ایمرجنګ) یا د ځوانو لوبغاړو کټګوري ده چې لوبغاړو ته یې له یو میلیون نه تر یو نیم میلیون پورې پاکستانۍ کلدارې ورکول کېږي.

د دې سیالیو وروستۍ او شپږمه کټګوري بیا (سپلیمنټري) نومول شوې. دغه کټګورۍ کې هرې لوبډلې ته د دوه لوبغاړو اخیستلو ویل شوي او باید ورته یو کروړ او نهه میلیونه پاکستاني کلدارې ورکړي.

د کرکټ نوۍ انداز به څنګه وي ؟

د سریلانکا او ویسټ انډیز ترمنځ د یو ورځنیو سیالیو په دریمه لوبه کې کوربه لوبډلې سریلانکا د شپږو منډو په توپیر سره د ویسټ انډیز لوبډلې ته ماته ورکړه او د یو ورځنیو سیالیو سیریز یې درې پر صفر په خپله ګټه پای ته ورسوه.

دا لوبه تېره شپه د مارچ پر لومړۍ نېټه ترسره شوه چې پکې پچه د سریلانکا لوبډلې وګټله او لومړی یې د توپ وهنې پرېکړه وکړه، دوی په ټاکل شویو پنځوسو اورونو کې ویسټ انډیز ته د ۳۰۸ منډو هدف وټاکه.

د سریلانکا لپاره په توپ وهنه کې کوسال مېنډېس نیمه سلیزه ووهله هغه ۵۵ منډې وکړې، ورسره ډي سیلوا هم تر ټولو ډیرې ۵۱ منډې جوړې کړې چې د هدف په ټاکلو کې ښه رول ولوبوه.

د ویسټ انډیز لپاره په توپ اچونه کې الزاري جوسیپ څلور لوبغاړي وسوځول، ترڅنګ یې جیسن هولډر دوه او کیرون پورلارډ او کټرول یو- یو لوبغاړی له مخې پورته کړ، خو هدف یې له لوړیدو را ونه ګرځوه.

ویسټ انډیزۍ لوبډلې له پوره پوره هڅو سره د ۳۰۸ منډو هدف په ځواب کې د نهه لوبغاړو په سوځېدو سره په پنځوسو اورونو کې ۳۰۱ منډې جوړې کړې چې هدف یې په وروستیو کې پوره نه کړ.

د ویسټ انډیز لپاره په توپ وهنه کې شی هوپ تر ټولو ډیرې ۷۲ منډې وکړې، امبریس ۶۰ ، نیکولاس پورن ۵۰ او کیرون پولارډ ۴۹ منډې وکړې، خو د نورو لوبغاړو د پرله پسې سوځېدو له امله یې سیالي بایلوده.

د سریلانکا لپاره په توپ اچونه کې انجیلا میتویس تر ټولو ډیر څلور لوبغاړي وسوځول، ورسره ډي سېلوا او اودانا هم یو- یو لوبغاړی له مخې پورته کړ او پاتې درې نور لوبغاړي په وروستیو کې رن اوټ شو.

دا سیالي سریلانکا د شپږو منډو په توپیر وګټله چې په دې سره یې د یو ورځنیو سیالیو په دریو مسلسلو لوبو کې ویسټ انډیز مات کړ.

د دې سیالۍ غوره لوبغاړی انجیلا میتویس اعلان شو هغه نن څلور ویسټ انډیزي لوبعاړي وسوځول او لوبه یې په مکمل ډول د سریلانکا په ګټه پای ته ورسوله.

مېلمه ویسټ انډیزۍ لوبډله به د یو ورځنیو سیالیو د پای ته رسېدو سره سم څو ورځې وروسته د شل اوریزو سیالیو لوبلړۍ هم د همدې مارچ میاشتې پر شپږمه نېټه پیل کړي.

ویسټ انډیز په داسې حال کې له سریلانکا پرله پسې ماتې وخوړې چې له دې وړاندې د ۲۰۱۹ کال په پای کې افغانستان هم د شل اوریزو سیالیو په سیریز کې ماتې ورکړې وه.

د ویسټ انډیز لوبډلې لوبډلمشر وایي، چې دوی به له سریلانکا د یو ورځنیو سیالیو غچ په شل اوریزو سیالیو کې واخلي څو سریلانکا هم کلین سویپ کړي .

افغان لوبغاړو دسکي سیالیو لپاره پاکستان ته سفرکړئ

لوبو کې د ګډون لپاره پاکستان ته تللي دي. د افغانستان د سکي فدراسیون شپږ غړي د

لوبغاړو کې دوې ښځې او څلور نارینه شامل دي چې سر له نن یکشنبه (د سلواغې ۱۳مه) به د پاکستان سوات ښار کې د یولسو ورځو لپاره سیالي وکړي.

د سکي فدراسیون سکرټر جنرال ګل حسین بای زاده رسنیوته وویل چې یادو سیالیو کې د ۱۵ هېوادونو لوبغاړي لوبې کوي.

هغه زیاته کړه: “دغو لوبو کې زموږ لوبغاړي کوښښ کوي چې اولمپیکي لوبو کې د ګډون لپاره مناسبې نمرې ترلاسه کړي.”

د سکي لوبې قانون د نورو لوبو خلاف د نمرو را کمول دي. د سکي نړیوال سازمان هر لوبغاړي ته په پیل کې ۹۹۹ نمرې ورکوي او د دغې لوبې د قانون په اساس لوبغاړي باید په خپلو فعالیتونو سره دغه نمرې لږ تر لږه تر ۳۰۰ پورې راټیټې کړي تر څو په اولمپیکي لوبو کې د سیالۍ چانس پیدا کړي.

د افغانستان د سکي فدراسیون وايي افغان لوبغاړو کې تر ټولو ټیټه نمره ۴۵۰ ده او پاکستان کې د لوبو وروسته ښايي یو یا څو لوبغاړي لازمې نمرې ترلاسه کړي.

سکي په افغانستان کې نوی ورزش دی چې د دغه فدراسیون په وینا شااوخوا ۱۵۰ لوبغاړي په مسلکي ډول دغه لوبه کوي.

په پام کې ده چې په ۲۰۲۲ زېږدیز کال کې د چین بیجینګ ښار د ژمنیو اولمپیکي لوبو کوربه شي.