رولاغني:رد شوي وزیران به په خپل ځای پاتې وي

رولاغني:رد شوي وزیران به په خپل ځای پاتې وي دجمهور ریس غني مېرمنې رولا غني په یوه تازه مرکه کې د افغانستان د پارلمان په اړه څرګندونې کړې دي، رولا غني ويلې دي چې ولسي جرګه نور په یوه بازار او مارکېټ بدله شوې دی که د دوي خوښه وي او که نه رد شوي وزیران به خپل کار تخ ادامه ورکړي.

ولسي جرګه چې د افغانستان د خلکو اراده تمثيل کوي، کېدی شي داسې وکيلان پکې زيات وي چې نيمګړتياوې لري خو په ټوله کې ددې جرګې وکيلان نه ټول په فساد ککړو دي او نه به هم دا وکيلان د تل لپاره په دې جرګه کې پاتې کیږي. پارلمان يوازې په نن حالت کې د تللو وړ نه ده، دا داسې يو بنسټ دی چې هم به ځينې وخت ښه او ځينې وخت ناوړه وکیلان پکې دننه شي خو په ټوله کې د افغانستان د خلکو د استازو د تمثیل بنسټ او ځای دی او دا ډول په سپکه ورته کتل د افغانستان ولس ته په سپکه سترګه کتل دي او دا کار هېوادته زیان رسوي.

دهېواد لومړی مېرمنې اغلې رولا غني دا تور ولګاوه چې ولسي جرګه د خرڅولو او اخيستلو په يوه بازار بدله شوې ده، دا تور بېرته پخپله حکومت ته ورګرځي حکومت دا شپږ اوه کاله دا کار ونکړ چې د ټاکنو يو شفاف سيستم رامنځته کړي، د ولسمشر غني د عبدالله عبدالله سره په دې شپږ کاله تیر شول چې کوم کس د ټاکنو په کميسيون کې وي کوم نه وي خو دومره يې ونه کړل چې په سيستم کار وکړي، نن د پاکستان غوندې هېواد چې موږ یې د دال خورو هېواد بولو په ۲۴ ساعتونو کې د ټاکنو پايلې اعلانوي خو موژ بيا هم ورته په میاشتو او کلونو په تمه یو.

که جمهور ریس غني د ټاکنو يو سم سيستم جوړ کړی وی نن به ولسي جرګې ته ځينو افغان ضد کړيو لاره نه موندله، خو ولسمشر غني او رولا صېب ته هغه وخت قانون ور په ياد شي کله چې د طالبانو سره مذاکرات کوي بيا نو تش په خوله د هغه قانون دفاع کوي چې دوی پکې دا شپږ کاله خېژي او تر پښو يې باندې کړی دی.

رولاغني:رد شوي وزیران به په خپل ځای پاتې وي
رولاغني:رد شوي وزیران به په خپل ځای پاتې وي

رولا غني دا هم۔ویلي چې کوم وزيران چې ولسي جرګې رد کړي دي هغوی به خپل کار کوي او د ولسي جرګې د موافقت يا مخالفت پروا نکوي، زوروره اوس نېږدې ده چې ټول پارلمان لغوه کړي او څه ډول يې چې زړه وي په افغانستان کې خپل خر وچلوي.خو دا هيڅ څوک نه مني او دا به صرف د وینا پورې محدود پاتې شي.

دریل پټلی پرانست غونډه کې د ولسمشر غني د وینا څو مهم ټکي

دریل پټلی پرانست غونډه کې د ولسمشر غني د وینا څو مهم ټکي د افغانستان او ایران جمهوررئیسانو د خواف ـ هرات ریل پټلۍ پرانیسته د افغانستان ولسمشر محمد اشرف غني پرون له غرمې مخکې د خواف ـ هرات ریل پټلۍ د پرانیستې مراسمو کې چې د ویډیو کنفرانس له لارې جوړ شوي وو، وینا وکړه

دغه افتتاحیه مراسمو کې چې د هیواد پر جمهورئیس سربېره د ایران اسلامي جمهوريت جمهوررئیس ډاکتر حسن روحاني او له کابل، تهران او د خواف او روزنک سرحدي سیمو څخه د دواړو هیوادونو یو شمېر لوړپوړي چارواکي هم وصل وو، جمهوررئیس خپله پرانېستونکې وینا کې وویل: خوښ یم نن د خواف ـ هرات ریل پټلۍ د حیاتي پروژې د ګټې اخیستنې شاهدان یوو چې د سیمه ییز اتصال او اقتصادي هوساینې ته د رسېدو لپاره د دواړو هیوادونو د نه ستړي کېدونکو هلو ځلو پایله ده.

ولسمشر دېته په اشارې چې د کرونا ویروس د محدودیتونو له امله مو ونشوکولی د دې حیاتي پروژې د پرانېستو په مراسمو کې په حضوري ډول ګډون وکړو وویل، د دې مهمې پروژې بشپړېدل د دواړو هیوادونو ټینګه اراده او د طراحانو، کارګرو، انجینرانو او د دې پروژې د نورو مسوولینو د شپې او ورځې زحمتونو پایله ده.ښاغلي غني زیاته کړه: د دې حیاتي پروژې پرانېسته د دواړو هیوادونو د اقتصادي احیا، پراختیا او تحرک په برخه کې د یو مهم ګام په توګه په نېک پال نیسو او هرکلی یې کوو.

د خواف ـ هرات رېل پټلۍ د کتارونو له حرکت وروسته چې د افغانستان او ایران د جمهوررئیسانو په لارښوونه وشو، جمهوررئیس غني پخپله وینا کې د دواړو هیوادونو دولتونو او خلکو ته د مبارکۍ ترڅنګ وویل، ریل پټلۍ په اسیا وچه کې د لېږد او ترانسپورټ تر ټولو اغېزناکه، ګټوره او ارزانه طریقه ده.

د افغانستان جمهوررئیس دېته په اشارې چې د اسیا په زړه کې د افغانستان ځانګړي موقعیت ته په کتو تل په دې برخه کې نړۍ د پرمختګونو او پراختیا په لیدلوریو او طرحو کې ورته پاملرنه کړې وویل، په ۱۸۷۵ زیږدیز کال کې فرنانند دویس سپ چې سویس کانال یې طرحه او عملي کړ، له برلین تر ممبي پورې د ریل پټلۍ پروژه د افغانستان له لارې طرحه کړه، خو هغه مهال د افغانستان واکمن چې ریل پټلۍ یو استعماري لیدلوری باله، له هغه سره مخالفت وکړ.

ښاغلي ولسمشر وویل، په ۱۳۵۸ لمریز کال کې د افغانستان او ایران ترمنځ د خواف ـ هرات ریل پټلۍ تفاهم لیک لاسلیک شو او د جوړولو عملي کار یې په ۱۳۸۶ کال کې پیل شو او نن د خوښۍ ځای دی چې د دواړو هیوادونو د جمهوررئیسانو او لوړپوړو چارواکو له لوري دغه مهمه او حیاتي پروژه ګټې اخیستنې ته سپارل کېږي.

ولسمشر غني د خپلو خبرو په اخې کې، هراتي هیوادوالو ته د مبارکۍ ترڅنګ وویل، د هرات او افغانستان د مقام بېرته ژوندي کولو لپاره په تېرو شپږو کلونو کې د سیمه ییزو همکاریو د لویو طرحو اساس ایښودل شوی او له یو بل پسې د تحقق په حال کې دي.د یادولو وړ ده چې ایران به اوس د افغانستان سره تجارت نور هم زیات شي او لېږد رالېږد به اسانه شي.

رولاغني: نه پوهېګو قطرکېڅه معامله روانه ده

رولاغني: نه پوهېګو قطر کېڅه معامله روانه ده د افغان ولسمشر میرمن اغلې رولا غني لومړۍ میرمنې د افغان سولې په هکله تازه څرګندونې کې ویلي په دوحه روان حالت د سولې خبرو پوري یوه معامله روانه ده او نه پوهېګو چې څه پایلې به ولري.

قطر کې دخپلمنځي خبرو د پیل لپاره کوششونه روان دي خو تراوسه طالبان او دولت پر اختلافي مسایلو باندې موافق سوي نه دي اولاهم د سولې خبرې نه دي پیل سوې طالبانو ویلي د جګړو ترڅنګ به خپلو فشارونو ته دوام ورکړيرولا غني د اتلانتیک شورا سره په خبرو مجازي خبرو کې ویلي دي چې په قطر کې د طالبانو او حکومت ترمنځ د خبرو ته یوې میاشتې په تیریدو سره بیا هم د افغانستان دولت نه پوهیږي چې طالبان په ریښتیا سره د څيشې طلب کوي.

اړوند خبرونه: د مذهب او دین په نوم جګړې باید دوام ونکړي

لومړی مېرمن رولا غني هم له طالبانو وغوښتل چې له امریکا سره د هوکړې پر ځای دي اسلام او قران بنسټ وګرځوي او بیا دي خبرې وکړيلومړي میرمن دا څرګندونې په داسې حال کې کوي چې تیره شپه یو ځل بیا زلمي خلیلزاد او سکاټ میلر د طالبانو له سیاسي مرستیال ملا برادر سره کتلي وو او  د وړاندې سویو مالوماتو له مخې يې پر لوړ مهمو موضوعاتو بحثونه کړي وو.

ښاغلي زلمي خلیلزاد تیره ورځ په یوه ټویټ کې وروستی تاوتریخوالی د اندېښنې وړ بللی او له غوښتنه يې کړې وه چې باید جګړې ته د پای ټکی کښېښودل سي خو لاهم د افغانستان په یو زیات شمېر ولایتونو کې جګړه روانه ده طالبانو له خپلو پر جګړه کولو ټینګار کړی او ویلي دي چې له هره اړخه خپلو فشارونو ته دوام ورکوي خو بلخوا بیا عام وګړي او ولس وايي چې باید نو اوربند وشي او عام عوام وژنه بنده شي ترڅو افغانان نور د په ارامه فضا کې ژوند وکړي.

رولاغني: نه پوهېګو قطرکېڅه معامله روانه ده

د افغان مزاکراتي ټیم یو شمېر غړي دوه ورځې وړاندې بیرته کابل ته راغلل او پلمه يې وکړه چې کورنۍ ستونزې لري تراوسه پوري د افغاني پلاوي او طالب مرکه چي پلاوي ترمنځ د اختلافي مسایلو په هکله هوکړه نه ده شوې او لا هم نور بحثونه روان دي خو لا هم په ځینې اختلافي مسایلو باندې اختلاف په خپلو منځو کې لري او ګوشش کوي چې تر ټولو لمړی په هغه څه باندې بحث وشي کوم چې د حل وړ وي.

ولشمرغني ټول هېواد کې د جنرال رازق د شهادت دویم تلین لمانځلوحکم وکړ

ولسمشرغني: سولې ته ژمن یو او مزاکراتو ته مو ټول خنډونه له لارې لري کړي جمهور ریس غني وایي، دولت یې د طالبانو سره د سولې مخامخ مذاکراتو لپاره پوره چمتووالۍ لري او شته ټول خنډونه له لارې لرې کړي دي،

د هېواد جمهور ریس اشرف غني پرون پنجشنبه په یوه ویډیویي پیغام کې یو ځل بیا له طالبانو نه غوښتي چې تل پاتې اوربند وکړي او ژر تر ژره دې خپلمنځي مزاکرات تر سره کړي د ښاغلي غني په وینا افغان دولت یوازې د سولې لپاره ژمن نه دی او نه یې اراده پخه ده، بلکې د سولې  لاره کې یې زیات عملي اقدامات هم کړي دي چې د زرګونو طالب زندانیانو ازادول او د سولې مشورتي لویې جرګې رابلل یې ټولو ته په ډاګه دي،

نوموړي ووویل : د تل پاتې او با عزته سولې لپاره یې ټولې زمینې مساعدې کړي.موږ د سولې لپاره یوازې خپله اراده او ژمنتیا نه ده ښودلې، بلکې عملاً مو هڅې او کوټلي اقدامات کړي دي. د زرګونو طالب بندیانو خوشې کول او د سولې مشورتي لویې جرګې رابلل زموږ د هڅو ژوندي مثالونه دي،

جمهور ریس غني زیاته کړه چې د داسې سولې غوښتونکی یم چې د افغانستان ټول قومونه او ولسونه په کې د امنیت په فضا کې د یو او بل تر څنګ ارام سره ژوند وکړي غني په ډاډ سره وویل: “با عزته او تل پاتې سوله حتماً راتلونکې ده، ځکه چې په خپلو ټولو هڅو، کوښښونو او پوخ عزم سره مو مو د افغانستان د سولې بحث په ملي، سیمه اییز او نړیوال بحث بدل کړ او مږ او تاسو ټول به ډېر ژر د باعزته سولې شاهدان اووسۍ،

لکه څنګه چې ټولو ته معلومه ده چې د افغان حکومت او طالبانو تر منځ د افغان سولې پروسه، د بندیانو د خوشې کولو او تبادلې د درېدو له امله له ځنډ سره مخ ده څو ورځې وړاندې مشورتي لویې جرګې د ۴۰۰ طالب بندیانو خوشې کېدل تایید کړل، خو اوس ولسمشر غني وایي که د امریکا په فشار دغه زندانیان خوشې کړي، نو نړۍ ته به له دې زندانیانو ستر مشکلات جوړ شي او له افغانستان نه به نړۍ ته د نشه یي توکو قاچاق بیا زیات شي،

حکومت د غټو جرمونو پاتې٣٤٠ طالب بندیانو د خوشې کولو نه مخکې له طالبانو غواړي چې د دوی ٢٠٠ سرتېري چې ٢٤ کومانډویي سرتېري هم په کې شامل دې ورازاد کړي ، طالبان بیا وایي چې د افغان دولت پوره زر بندیان یې خوشې کړي او تر هغې به د حکومت له پلاوي سره د مذاکراتو مېز ته حاضر نه شي څو د دوی پاتې ټول زندانیان ازاد نشي،

دولت بیا د طالب بندیانو په خوشې کولو کې د یو شمېر بهرنیو هېوادونو غوښتنه کړېچې دغه بندیان دې نه خوشې کوي ، هغه هېوادونه چې د ٣٤٠ طالب بندیانو چې په کې د نشه یي توکو ستر قاچاقبران او د اعدام پر حکم محکوم شوي مجرمین شامل دي او یادو هېوادونو ته یې زیان رسېدلی یا یې د اتباعو په وژنو تورن دي،

اوس دواړو لورو ته پکار دا دي چې د سولې مزاکرات ژر تر ژره پیل کړي او پاتې شته خنډونه هم له منځه یوسي او افغانستان کې باعرته سولې لپاره یو ځاۍ کار وکړي ترڅو افغانستان کې پېړیو راهیسې پیل وۍ جنګ ختم شي او افغانان په ارامه فضا کې ژوند وکړي ځکه افغانان نور ددې پردیو راتپل شوي جنګ څخه نتګ دي او سوله غواړي،

د جمهورریس غني په مشرۍ د کابینې غونډه تر سره شوه

د ولسمشر په مشرۍ په ولسمشرۍ ماڼۍ کې د کابينې غونډه تر سره شوه، دغه غونډه کې د وزیرانو ترڅنګ د ولایاتو والیانو هم ګډون وکړ یاده غونډه د ویډیو کانفرانس له لارې تر سره شوه او د ولسمشرلخوا اړوندو ادارو ا خلکو ته سپارښتنې هم وشوې،

د ولسمشرۍ ماڼړۍ وايي اول جمهوررئیس غني، د امنیتي او دفاعي ځواکونو او ملکي وګړو پر وړاندې د طالبانو له لوري وروستي حملې او د تاوتریخوالي دوام سخت وغانده او هغه یې سولې ته د ژمنتیا روحیې خلاف وباله او همدارنګه د هیواد په وروستیو پزمختګونو رڼا واچوله.جمهوررئیس د بهرنیو اسعارو پر ځای د افغانیوعامولو په برخه کې د ننګرهار والي فعالیتونو ستاینه وکړه والیان یې وظيفې ورکړې چې پخپلو اړوندو ولایتونو کې دې کار ته پلانونه جوړ کړي،ولسمشر غني د پروژو په تطبیق کې د لا زیات تحرک او خلکو ته د خدمت کولو بهیر چټکتیا، ولسوالیو او کلیو ته د لومړیتوب ورکولو په اړه خبرې وکړې، وزارتونه او دولتي ادارې یې موظف کړې ترڅو د انکشافي پروژو د بودجې په لګښت کې خپله وړتیا مشخصه کړي او راپور یې د کابینې غونډې ته د وړاندې کولو په موخه مالیې وزارت ته واستوي

ورپسې، د جمهوري ریاست لومړي مرستیال د کابینې غړو ته په اجنډا کې د یادو شویو موضوعاتو د معرفي کولو ترڅنګ، د هیواد پر امنیتي او دفاعي ځواکونو د دښمن له لوري بریدونه وغندل او د هیواد د دفاع په لاره کې یې د دفاعي او امنیتي ځواکونو مېړانه وستایله.

راپورونو له مخې په همدې ترتیب د جمهوررئیس دویم مرستیال د سوشل ميډیا په قانون کې د احتمالي تعدیلاتو وړاندیز په اړه چې د رسنیو ټولنې د اندېښنې لامل شوی و، معلومات وړاندې کړل. کابینې پرېکړه وکړه چې په پارلماني چارو کې د دولت وزارت دې یاده وړاندیز شوې طرحه بېرته له پارلمان څخه وګرځوي ترڅو د جمهوررئیس د دویم مرستیال تر نظر لاندې د هیواد د رسنیو ټولنې سره په مشوره لا زیات دقت پرې وشي.

د صحت وزارت نوماند او سرپرست په څلورو برخو؛ تشخیص او وقایه، جدي مراقبت، د وضعیت تحلیل او راتلونکي ګامونه کې په هیواد کې د کرونا وضعیت څرنګوالي لنډ راپور او همداراز د ولایتونو اړتیا وړ اکسیجن سروې او د اکسیجن د پېرلو لپاره د مارکېټ ارزونه غونډې ته وړاندې کړه.

کابینې کرونا ویروس سره د مبارزې په برخه کې د روغتیایي کارکوونکو، روغتیایي پرسونل او د عامې روغتیا وزارت رهبرۍ د ستاینې ترڅنګ، هغه وزارت موظف کړ چې د اخته شویو، ښو شویو او د کرونا ویروس له امله د مړو شویو کسانو رسمي او غیر رسمي ارقام او د دې ویروس د اغېز څرنګوالي پر اساس اړوندو بین المللي بنسټونو سره ګډ علمي تحلیل او د هیوادوالو د مقاومت او دفاعي سیستم کچه د راتلونکې اونۍ تر شنبې ورځې د حکومت رهبرۍ غونډې ته وړاندې کړي او پایله یې د کابینې غونډې سره شریکه کړي

دولت باید دغه اقدامات او سپارښتنې صرف د غونډو پورې محدودې نکړي باید عملي اقدامات وکړي ترڅو عام وګړو ته په سمه توګه خدمات وړاندې کړي او ولس د دغو شته بد بختیو نه وژغوري ځکه افغانستان د ډېر پخوا راهيسې د بد بختیو او جنګونو سره مخ دۍ باید نور حکومت او سیاسیون جدي اقدامات وکړي،

د عبدالله او غني انتخاباتي ټيمونو ترمنځ  مذاکرات پیل شوي

  عبدالله عبدالله په لږ څه نه خوشحالېږي او غني ډېر څه نه ورکوي، نو د دواړو ترمنځ کيسه يو ځل بيا خرابه شوې ده او عبدالله عبدالله هم وايي چې نن د همه شمول حکومت د ولسمشر په توګه لوړه کوي.

پرون تر ناوخته پورې زلمي خليلزاد د دواړو ترمنځ ډېرې منډې ووهلې او عبدالله عبدالله يې دې ته رضا کړ چې د خپلې لوړې مراسمو تېر شي او له ولسمشر غني سره يو جوړجاړي ته ورسېږي.

د معلوماتو تر مخه، د شپې تر ناوخته پورې ولسمشر غني، عبدالله عبدالله او زلمي خليلزاد ناسته وکړه، تر څو عبدالله عبدالله ته په حکومت کې ونډه ورکړل شي او هغه له خپلو (نه منلو) تېر شي، خو ويل کېږي چې سره جوړجاړي ته ونه رسېدل.

د سرچينو په وېنا، ولسمشر غني دې ته تيار و چې عبدالله عبدالله ته په حکومت لږه برخه ورکړي، خو ويل کېږي چې عبدالله عبدالله تر ٤٠ فيصده کم باندې نه راځي کېده او خبره د دواړو ترمنځ جوړه نه شوه.

د ولسمشر غني سلاکار ډاکټر فضلي همدا راز بېګاه ناوخته په خپله فېسبوکپاڼه کې وليکل: ((موږ پوره هڅه وکړه چې د اساسي قانون سره سمه حل لاره پېدا شي او ستونزه حل شي، خو د مقابل لوري غوښتنو دا چاره ناممکنه کړه.))

د عبدالله عبدالله وياند نن سهار يو ځل بيا خبر ورکړى دى، چې د دوى د لوړې مراسمې به په ټاکلي وخت سره ترسره شي، ځکه چې دواړه لوري کوم توافق ته نه دي رسېدلي.

خو ملي ټلويزيون نن سهار په خپل يو خبر کې ويلي دي، چې د ولسمشر غني د لوړې مراسم ځنډېدلي دي او له غرمې وروسته به ترسره شي، ښايي تر غرمې پورې يو ځل بيا د دواړو لوريو ترمنځ خبرې وشي، چې عبدالله عبدالله له خپلې لوړې مراسمو تېر او څه برخه ورته ومنل شي، خو په رسمي ډول تر دې مهاله پورې هېڅ هم نه دي ويل شوي.

د عبدالله او غني انتخاباتي ټيمونو ترمنځ  مذاکرات پیل شوي

د عبدالله په مشرۍ د ثبات او همپالنې انتخاباتي ډلې د محمداشرف غني په رهبرۍ د دولت جوړوونکي له انتخاباتي ډلې سره د مذاکراتو د پیلېدو خبر وکړی دی.

د عبدالله عبدالله د انتخاباتي ډلې لومړي مرستیال عنایت‌الله بابر فرهمند ویلي، چې دواړو خواو دا مذاکرات د افغانستان د سولې لپاره د امریکا د ځانګړي استازي زلمي خلیلزاد په منځګړیتوب پیل کړي دي.

هغه په خپل ټویټر کې لیکلي: “د لوړې د مراسمو ځنډول او د والیانو د ګومارلو لړۍ ودرول ومنل شو. سوله د ثبات او همپالنې د انتخاباتي برنامې یو لومړیتوب وو / دی، خو د ملت د پاکو رایو څخه د دفاع لپاره د کرښې تر پایه ولاړ او ژمن یو“.

دواړو انتخاباتي ډلو د دغو مذاکراتو د جزئياتو په اړه تر اوسه له رسنیو سره معلومات نه دي شریک کړي.

ښاغلي خلیلزاد تېره ورځ وویل، چې د انتخاباتو د بهیر له پای ته رسېدو سره جمهور رئيس غني د دغو انتخاباتو ګټونکی اعلان شوی او نور مشران باید ډاډ ترلاسه کړي، چې نوی حکومت ټول‌شموله او د ټولو افغانانو د ارمانانو انعکاسوونکی دی.

د افغانستان جمهوري ریاست او دولت جوړوونکی انتخاباتي ټیم د دغو مذاکراتو د څرنګوالي په اړه تر اوسه ځواب ویلو ته حاضر شوي نه دي.