ولسمشرغني: دشپږ نیموبجو د جلسو فرهنګ به  ټولو ادارو کې الزامي شي

ولسمشرغني:د شپږ نیموبجو د جلسو فرهنګ به ټولو ادارو کې الزامي شي.د افغانستان د اسلامي جمهوریت جمهوررئیس محمد اشرف غني پرون سهار د جمهوري ریاست د لومړي مرستیال امرالله صالح دفتر کې د شپږنیمو بجو ځانګړې غونډه کې ګډون وکړ.

په سر کې د جمهوري ریاست لومړي مرستیال امرالله صالح جمهوررئیس ته د ښه راغلاست پرمهال وویل، ستاسو راتګ د کابل ښار د امنیتي ځواکونو او مسوولینو د انګېزې او هڅونې لامل کېږي. همدارنګه یې د شپږنیمو بجو د غونډو د شېوې په اړه هم معلومات ورکړل.ورپسې د کابل امنیتي مسوولینو، کابل ښاروالۍ، لویې څارنوالۍ، کورنیو چارو وزارت، ترافیکو ریاست او د کابل امنیتي تړون مسوولینو او استازو چې د شپږ نیمو بجو غونډو غړي دي له جمهوررئیس سره د خپلو کړنو او لاسته راوړنو ترڅنګ په اړوندو برخو کې خپل پلانونه وړاندې کړل.

ولسمشرغني د دغو معلوماتو او راپورونو له اورېدو وروسته د قانون ماتونکو پر وړاندې د شپږنیمو بجو غونډو لاسته راوړنې او شېوه وستایله او د هغو پر دوام یې ټینګار وکړ. د شپږ نیمو غونډې به نه یوازې ونه ځنډېږي، بلکې ډېر ژر به د ځانګړې امریې له لارې د شپږ نیمو بجو د غونډو فرهنګ د ټولو ولایتونو امنیتي تړونونو او ورپسې ټولو ادارو کې الزامي شي.

د افغانستان جمهوررئیس د کابل ښار امنیت کې د ټولو د هلو ځلو او پرمختګ قدرداني وکړه او وې ویل، پلازمېنه باید خوندي ځای وي. کابل ښاریان باید د دښمنانو پر وړاندې چې د جمهوریت د ټولو ارزښتونو او ازادیو پر وړاندې جنګېږي بسیج او د امنیت او نظم په تامین کې د وطندارۍ حق ادا کړي. هغه زیاته کړه، د کابل شپږ نیمو بجو غونډو څخه مننه چې دا چوکاټ او ډیسپلین یې ایجاد کړی دی.

د هیواد جمهوررئیس همداراز لویې څارنوالۍ ته لارښوونه وکړه چې دوسیې دې پر وخت تعقیب او تر دوران لاندې دوسیو د ارزونې او پرمختګ سنجولو لپاره باید واضح روش رامنځته شي. هغه زیاته کړه، د عدالت تامین زموږ اساسي کار او په دې برخه کې شجاعت او قاطعیت ته اړتیا ده.

ښاغلي ولسمشر د خپلو خبرو په پای کې د شپږ نیمو بجو غونډو د غړو د لاسته راوړنو ستاینه وکړه او وې ویل، ستاسو په وړاندیزونو او غوښتنو دقیق غور کېږي. هغه زیاته کړه، په ډېرو مواردو کې د جمهوري ریاست لومړی معاونیت صلاحیت لري چې ستاسو ستونزې حل کړي.هېره دې نه وي چې د شپږنیمو بجو غونډه هره ورځ د امرالله صالح په مشری تر سره کیږي او امنیتي مسولینو ته پکې مختلف لار ښوونې کیږي

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي دافغانستان د اسلامي جمهوریت جمهوررئیس محمد اشرف غني هرات ولایت ته د خپل سفر په دویمه ورځ له غرمې وړاندې د هرات له ولسوالانو او د سیمه ییزو ادارو رئیسانو سره لیدل کتل وشو.

دغه کتنه کې لومړی د هرات والي ښاغلي قتالي خبرې وکړې او هرات ولایت په ځانګړي ډول د هرات مصلی، جامع جومات او نورو تاریخي او فرهنګي سیمو بیارغاونې ته د جمهوررئیس له پاملرنې مننه وکړه او د هغه ولایت د عمومي وضعیت په اړه یې معلومات ورکړل.وروسته د هرات د ښارجوړولو او ځمکو رئیس محمد فریدون د ښاري انکشاف چوکاټ کې د ښاري مدیریت لیدلوري په اړه د خپلو اهدافو او برنامو د تطبیق معلومات ورکړل وې ویل، دغه کار به د هرات ښار د تحول او منظم کېدو سبب وګرزي.

وروسته د هرات څارنوالۍ رئیس عبدالحق احمدي خبرې وکړې او د یادې ادارې د فعالیتونو د معلوماتو ترڅنګ یې وویل، د قانونیت، عدالت او انساني کرامت رعایت اصل د هغوی لومړیتوب دی، پراخ اصلاحات او له فساد سره یې مبارزه پیل کړې ده.د هرات د ګذرې ولسوال شیر اقا سروري د هرات د نورو ولسوالانو په استازیتوب خبرې وکړې

هغه وویل د افغانستان اسلامي جمهوري نظام د ملاتړ ترڅنګ د ولسوالیو د امنیت تامین، د عام المنفعه پروژو د تطبیق، ملي دسترخوان برنامې او کارموندنې، د برېښنا تمدید، د څښاک اوبو، د روغتیایي خدمتونو ښه والي او په ولسوالیو کې پوهنې ته د لا زیاتې پاملرنې غوښتنه وکړه.

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي
ولسمشرغني:دوزارتونو ولایتونو او نوروادارو ترمنځ باید هماهنګي زیاته شي

وروسته ولسمشر غني وویل، د هرات والي عبدالوحید قتالي په هرات کې د جمهوررئیس ځانګړی استازی دی او د دې ولایت ټولې ادارې باید د هغه د اوامرو متابعت وکړي.جمهوررئیس د دې په بیانولو سره چې د نظام د راتلونکي په اړه اندېښنه ستاسو کار نه دی وویل، ستاسو کار خلکو ته د خدمتونو وړاندې کول دي، اساسي خبره په افغانستان پورې اړه لري، واحد، خپلواک او ولسواک هیواد چې د اساسي قانون پر اساس به پر مخ وړل کیږي

ولسمشر غني په یو ورځني سفر هرات ته ورسېد

ولسمشر غني هرات ته یو ورځني سفر ورسېد دافغانستان د اسلامي جمهوریت جمهوررئيس محمداشرف غني د لوړپوړي دولتي پلاوي په مشرۍ د هرات ولایت د عمومي وضعیت د ارزونې په موخه نن سهار هرات ته ورسېد. نوموړی به هلته په هرات کې د دغه ولیت عموي امنیت هم اوګوري. او د دغه ځای چارواکو سره له اوګوري.

د هرات په نړیوال هوايي ډګر کې د هرات ولایت مسوولینو، مشرانو او متنفذینو جمهوررئيس غني او ورسره پلاوي ته ښه راغلاست ووایه.جمهوررئيس غني به په دغه سفر کې د دې ولایت ملکي او نظامي مسوولینو، علمای کرامو، ښځو، ځوانانو، ولایتي شورا غړو، متنفذینو، مدني فعالانو او تاجرانو سره جلا جلا لیدنې ولري.له نوموړي سره په دې سفر کې د هغه لومړی مرستیال امرالله صالح هم ملتیا کوي.

ولسمشر غني هرات ته له رسېدو سره سم دیاد ولایت د هوایي ډګر چې د «خواجه عبدالله انصاري هوايي ډګر» په نوم نومول شوی وو؛ پرانستنه وکړه.نوموړی به یوې عمومي غونډې ته وینا هم وکړي او د دغه ځای خلکو ستونزې به هم واوري.هرات ولایت که څه هم د نورو ولایتونو په پرتله پرمختللی ولایت خو بیا هم په هیواد کې د وروستیو حالاتو په کتو یو عمومي امنیت وضغیت وڅېړل شي او وروسته ورته بیا پلانونه هم جوړ شي.

ولسمشر غني په یو ورځني سفر هرات ته ورسېد
ولسمشر غني په یو ورځني سفر هرات ته ورسېد

هېره دې نه وي چې ولسمشر غني د عمومي وضعیت ارزونې په موخه ولایتونو ته سفرونه پیل کړي دي. هغه د دې نه وړاندې کندهار او ځیني نور ولایاتو ته هم سفرونه کړي دي او هلته د نظامي او ملکي مسولینو سره لیدل کتل شوي دي.نوموړي خپل سفرونه په داسې حال کې پیل کړي چې د هېواد عمومي امنیت وضعیت د باور وړ ندی او هره ورځ پکې هدفي وژنې او نور جنایتي جرمونه تر سره کیږي.

که مونږ اوګورو د ولاایاتو تر څنګ پلازمېنه کابل کې هم هره ورځ په لسګونو کسانو ته مرګ ژوبله اوړي او د عاموخلکو ژوند ترینه متاثره کیږي.بلخوا ډېری هام وګړي او مدني فعالان دې ته مجبور شوي چې افغانستان پرېږدي او نورو هېوادونو ته کډه وکړي. په همدې لړ ډيوه نیازی عصمت قانع او داسې نور فعالان هم مجبور شو چې افغانستان پرېږدي او بهر ته ولاړ شي.

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې دافغانستان د اسلامي جمهوریت جمهوررئیس محمد اشرف غني د لومړۍ کرښې سرتېرو سره د ټلیفوني خبرو په لړ کې پرون سهار په تخار کې د جګړې لومړۍ کرښه کې له لومړي بریدمن ضابط جان سره خبرې وکړې.

د خبرو پرمهال د سرتېرو زړورتیا او اتلولي وستایله او د هغوی احوال یې واخیست.لومړي بریدمن ضابط جان د جمهوررئیس پاملرنې او احوال اخیستو څخه په مننې وویل، د وطن دفاع پر موږ فرض ده او په هر ډول شرایطو کې یې د وینې تر وروستي څاڅکي ساتنه کوو. هغه زیاته کړه، زموږ ترمنځ ښې همغږۍ د جګړې په لومړۍ کرښه کې موږ ډېر برلاسي کړي یوو.یاد ټلیفوني تما س کې دویمې څارنې مدینې له جمهوررئیس څخه مننه وکړه او وې ویل، ننګرهار ته ستاسو د وروستي سفر پر مهال د ۷ ښځینه پولیسو د ترفیعاتو، د ښځینه پولیسو لپاره د لارې کرایې او وړکتون پرانېستلو په اړه ستاسو لارښوونې عملي شوي.

هغېې زیاته کړه، ښځینه پولیسو د پولیسو ښارګوټي کې خپلې پیسې تحویل کړي، خو ځمکې ورته نه دي وېشل شوي.جمهوررئیس په ننګرهار ولایت کې د ښځینه پولیسو د زړورتیا او مېړانې ستاینه وکړه وې ویل، ټولو ښځینه پولیسو ته ځانګړې پاملرنه کېږي، ترفیعات مو اجرا شول او د پولیسو ښارګوټي د نومرو ستونزې ته د رسیدګي لپاره یې اړوندو مسوولینو ته لازمې لارښوونې وکړې.

د دې نه وروسته ولسمشرغني په شهید سردار محمد داوود خان روغتون کې د ملي پوځ د ټپي سرتېري صبغت الله د حال پوښتنه وکړه.صبغت الله د جمهوررئیس د احوال اخیستو مننه وکړه وې ویل، پښه مې ټپي، خو مورال مې لوړ دی او له رغېدو وروسته به د هیواد د دفاع سنګر ته ستون شم.

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې
ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې

ولسمشر غني د لومړۍ کرښې سرتېرو د اتلولیو ستاینه وکړه وې ویل، زه په ټولو قول اردوګانو کې مخامخ له بریدملانو، سرتېرو او افسرانو سره غږېدلی یم. ستاسو غوښتنو او وړاندیزونو ته رسیدګي کېږي او د جګړې په لومړۍ کرښه کې د ښې همغږۍ له امله به اړوند مسوولین تقدیر شي.ځکه دوی د وطن سرمایه ده او ستاینه ېې په مونږ حق ده.

ولسمشرغني ته د مالیې وزارت د اصلاحي برنامو راپور وړاندې شو

ولسمشرغني ته د مالیې وزارت د اصلاحي برنامو راپور وړاندې شو.دافغانستان اسلامي جمهوریت جمهوررئیس محمداشرف غني نن ماښام د مالیې وزارت رهبري سره په کتنه کې په دغه وزارت کې د اصلاحاتو او سیستمونو د منظمولو په اړه بحث او خبرې وکړې.

په دغه کتنه کې چې په ارګ کې وشوه، په پیل کې مالیې وزیر عبدالهادي ارغنديوال او د یاد وزارت ټولو مسوولینو په سیستمونو، تشکیلاتو، استخدام او بشري سرچینو کې د اصلاحاتو په اړه خپل راپور له جمهوررئیس سره شریک کړ.دوی وویل، زموږ عواید ۱۱،۵ میلیارده افغانۍ وو چې د تېر کال په پرتله سږ کال ۱۰،۵ سلنه لوړ شوي دي.همدارنګه سیستمونه کمپیوټري شوي، شفافیت منځته راغلی او هڅه کوو د هرې ورځې په تېرېدو سره عواید لوړ کړو.ولسمشر غني د دوی د راپور له اورېدو وروسته وویل، باید د خپلو عوایدو او لګښتونو په اړه وپوهېږو او د پیاوړتیا او کمزورۍ ټکي یې وپېژنو.

هغه زیاته کړه، باید د وارداتي توکو او داخلي تولیداتو په اندازې پوه شو او همداراز د مالیې وزارت سیستمونه توحید او مالکیت یې افغاني شي.جمهوررئیس غني دېته په اشارې چې افغانستان د دیجیټلي کېدو پر لور حرکت کوي وویل، مالیې وزارت ته د دغه سیستم تطبیقول زیات اړین دي. همدارنګه موږ د تفتیش په برخه کې متخصصینو ته اړتیا لرو، ترڅو د عوایدو د فرار مخنیوی وشي.د هیواد جمهوررئیس وویل، د مالیاتو د فرار یو لامل د سیستمونو پراګندګي ده باید سیستمونه اصلاح او منظم شي.

نوموړي وویل، د برنامو پر اقتصادي بعد باید بیاکتنه وشي او په مالیې او نورو ټولو وزارتونو کې دې افغانستان شموله برنامې په پام کې ونیول شي.ولسمشرغني په بنسټونو کې د اصلاحاتو په خاطر په جینوا کنفرانس کې د افغانستان اسلامي جمهوري دولت تعهداتو ته په اشارې وویل، باید په مالیې وزارت کې اصلاحي برنامې تطبیق او هره برخه یې مسلکي او تخصصي شي.

ولسمشرغني ته د مالیې وزارت د اصلاحي برنامو راپور وړاندې شو
ولسمشرغني ته د مالیې وزارت د اصلاحي برنامو راپور وړاندې شو

ښاغلي ولسمشر د خپلو خبرو په پای کې څرګنده کړه، موږ په راتلونکي کې د ډونرانو په نشتوالي کې پالیسیو ته اړتیا لرو او باید زموږ د پانګونې تمرکز پر کانونو، زېربناو او سیمه ییزه اقتصادي همکاریو اوسي.هغه وویل چې موږ باید یو داسې چوکاټ رامنځته کړو چې د فساد نه پکې خلاص شو.اوپه ځان بسیا شو.

نن ورځ افغانستان کې درې نوې پروژې پرانستل شوې

نن ورځ افغانستان کې درې نوې پروژې پرانستل شوې. دافغانستان او ترکمنستان جمهوررئیسانو د دواړو هیوادونو د هوساینې او اقتصادې ودې لپاره د درې ګډو پروژو پرانیسته مهمه وبلله. دغه پرانست غونډه د ویډیو کنفرانس له لارې وشوه.او سیاسي اعلی چارواکو تر څنګ پکې د کابینې غړو هم ګډون وکړ.

د افغانستان ولسمشر محمد اشرف غني او د ترکمنستان جمهوررئیس قربانقلي بردي محمدوف نن له غرمې مخکې د یو لړ مراسمو پر مهال د دواړو هیوادونو ترمنځ، درې مهمې اقتصادي او زېربنایي پروژې رسماً پرانیستې.دغه درې واړه پروژې چې په کې د اقینه ـ اندخوی اورګاډي پټلۍ، د کرکي ـ اندخوی ـ پلخمري 500 KV برېښنا لېږد لین پروژه او د امام نظر ـ اقینه ـ سرحد اباد ـ تورغونډۍ د نوري فایبر د وصل پروژې شاملي دي، د ویډیو کنفرانس له لارې په کابل او د ترکمنستان لباب ښار کې د دواړو هیوادونو د جمهوررئیسانو په فرمان رسماً افتتاح شوه.

د افغانستان او ترکمنستان جمهوررئیسانو په خپلو خبرو کې د یادو پروژو پر ارزښت خبرې وکړې او دغه پروژې یې د افغانستان او ترکمنستان ترمنځ د اړیکو د لازیاتې پراختیا او سیمه ییز اتصال لیدلوري د تحقق په برخه کې مهمې وبللې.هېره دې نه وي چې د اقینه ـ اندخوی اورګاډي پټلۍ په مجموعي توګه ۳۰ کلیومتره اوږده ده چې ۲۴ کیلومتره پټلۍ یې اصلي او ۶ کیلومتره یې د اندخوی په سټیشن کې فرعي کرښې دي او افغانستان له دې لارې له زیاتو هیوادونو سره وصلېږي او دا ګام د اسیا د څلور لارې په توګه د افغانستان د اقتصادي بدلون لپاره مهم دی.

دېته ورته د کرکي ـ اندخوی ـ پلخمري برېښنا لېږد پروژه کې له اقینې څخه تر شبرغان پورې د ۵۰۰ کیلو ولټ او له شبرغان څخه تر مزارشریف پورې ۲۲۰ کیلوولټ لېن غځولو کار بشپړول، شاملېږي.دواړو لوو دغه پروژه مهمه یاده کړه او د دواړو هېوادونو په فایده ېې هم وبلله.

نن ورځ افغانستان کې درې نوې پروژې پرانستل شوې
نن ورځ افغانستان کې درې نوې پروژې پرانستل شوې

همدارنګهد نوري فایبر پروژه چې د ساختماني کېبل کار یې په اقینې بندر کې بشپړ شوی، له مهمو پروژو څخه یوه ده چې د ترکمنستان هیواد له لارې د ۲۵۰۰ میګابایټ انټرنیټ په عرضه کولو سره به یې زموږ وطنوال په هرات او ګاونډیو ولایتونو کې له انټرنیټي خدمتونو برخمن شي.

کابینې د1400 مالي کال بودجې د دویمې مسودې طرحه تصویب کړه

کابینې د 1400 مالي کال بودیجې د دویمې مسودې طرحه تصویب کړه دافغانستان اسلامي جمهوریت د جمهوررئیس محمد اشرف غني په مشرۍ د کابینې غونډه، د کابینې د غړو او والیانو په ګډون د ویډیو کنفرانس له لارې په ارګ کې جوړه شوه.

د جلسې په پیل کې جمهوررئیس غني د عامه ساتنې ملي تصدۍ عمومي ریاست د ویاند ضیا ودان پر موټر تروریستي برید د غندلو پر مهال د شهیدانو کورنیو، د کورنیو چارو وزارت منسوبینو او د هیواد رسنیو ټولنې ته یو ځل بیا د خپلې خواخوږۍ او غمشریکۍ مراتب څرګند کړل.وروسته د هیواد جمهوررئیس د کابل پوهنتون او ۴۶ نورو پوهنتونونو له استاذانو او محصلینو سره د سولې اعمار د څرنګوالي په هکله چې د افغانستان د انکشاف او سولې ملي چوکاټ دویم سند (ANPDF II) له عمده موخو څخه ده د بحث او نظریاتو د تبادلې او سولې دویم پړاو مذاکراتو د ښه ترسره کېدو په موخه د ملي مذاکراتو پر ایجاد د تمرکز په اړه معلومات ورکړل.

دې نه بعد د کابینې له غړو اووالیانو وغوښتل شول چې د سولې بهیر په اړه د ملي افکارو د انسجام او بسیج او د ملي وجیبې او دسپلین په توګه په دقیق ډول د نظریاتو د توحید او تاریخي او نړیوال فکر د ایجاد لپاره هڅې وکړي.ولسمشر غني ننګرهار ولایت ته د خپل وروستي سفر په اړه د معلوماتو وړاندې کولو پر مهال، ټولې مربوطه ادارې له اړوندو ولایتي رئیسانو سره د همغږۍ د پیاوړتیا، پر ولسوالیو، کلیو او ښاروالیو د تمرکز، ولایتونو سره د غوره همغږۍ په موخه د واضح کړنلارې ترتیبولو او د مرکز او ولایتونو د اړیکو د اسانتیا پر څرنګوالي موظفې کړې.

مالیې وزیر د ۱۴۰۰ مالي کال بودجې دویمه مسوده غونډې ته وړاندې کړه وې ویل، د ۱۳۹۹ مالي کال په لړ کې د اختیاري مرستو تمویلوونکو ټول شرایط بشپړ شوي، په عادي بودجه کې ۱۲ سلنه سپما شوې او همدارنګه انکشافي بودجه د کرونا د ستونزو باوجود ۸۶ سلنه مصرف شوې ده.

کابینې د1400 مالي کال بودجې د دویمې مسودې طرحه تصویب کړه
کابینې د1400 مالي کال بودجې د دویمې مسودې طرحه تصویب کړه

همداراز د ماليې وزارت معین کابینې ته د ۱۴۰۰ مالي کال بودجې دویمې مسودې وړاندې کولو موخه د ځینو اړتیاو موندل په ګوته کړل چې مخکې یې وړاندوینه نه وه شوې. نوموړي زیاته کړه، د دغو اړتیاو په پام کې نیولو سره په بودجه کې زیاتوالی او کموالی راغلی چې له امله یې د ۱۴۰۰ مالي کال ملي بودجه کې هم زیاتوالی او تغییر راغلی او دا کار د کابینې بیاځلې منظوري ایجابوي.او باید د هيواد ټولې ادارې ورته درناوی وکړي.

ولسمشرغني:دانتخاباتو پرته هیچاته واک نه انتقالوم

ولسمشرغني:دانتخاباتو پرته هیڅ چاته واک نه انتقالوم اشرف غني وايي، له ټاکنو پرته واک هیچا ته نه پرېږدي، خو د ټاکنو له لارې حاضر دی ،چې له څوکۍ لاس په سر شي.اووا ک په قانوني ډول انتقال کړي. او خلک دې د موقت حکومت خوبونهنه ویني. او یوازې قانوني ډول دې مخې ته لاړ شي.

غني له سي ان ان سره په تازه مرکه کې یو وار بیا ټینګار کړی چې له ټاکنو پرته به واک بل چاته انتقال نه کړي او دا د دیموکراسۍ، چې د تېرو شلو کلونو عمده لاسته راوړنه ده، خلاف عمل دی.اشرف غني ویلي چې د واکمنۍ له پیل تر دې دمه یې څلویښت زره ملکي او نظامي افغانان وژل شوي چې ستر اکثریت یې سرتیري دي.نوموړي زیاته کړې چې دغه ټوله موده کې یوازې ۹۸ بهرني سرتیري وژل شوي

اوتیر ۲۰۲۰ کې دا شمیره بیخي صفر ته را ښکته شوې ده.هلته بیا طالبانو تازه ویلي چې د خبرو د اجنډا لومړۍ موضوع  به د واک لېږد او د نظام بڼه وي، کوم څه چې د خلکو له پراخو غبرګونونه سره مخ شوي دي.دلته د جګړې ډګر تود دی او مهمه دا ده چې دواړه لوري د اوربند پر سر یوې هوکړې ته ورسېږي، نه د څوکۍ د ترلاسه کولو لپاره.

طالبان هم د واک غم اخیستی او غني هم دواړه پښې یوه موزه کې ورکړې دي چې واک نه پرېږدم.د دې هر څه قیمت ولس پرې کوي او هره ورځ وژل کېږي، ځورول کېږي، عامه تاسیسات نړېږي او په یو ډول د ژوند له حقونو بې برخې کېږي.هره ورځ په کابل او ولایاتو کې خلک ټارګټ کیږي.

ولسمشرغني:دانتخاباتو پرته هیچاته واک نه انتقالوم
ولسمشرغني:دانتخاباتو پرته هیچاته واک نه انتقالوم

ډېر وخت راهیسې افغانانو د واک پر سر د جنجالونو له کبله قرباني ورکړې او دغه لړۍ تر اوسه ادامه لري.هر یو ریس جمهور چې راشي نوږای چې څومره ډېره کیږي باید پا چاهی وکړي دوی هر وخت ملي ګټې د خپو لندې کړي دي او هر وخت یې خپلو شخصي ګټو ته لومړیتوب ورکړی. او په همدې ډول ېې د ملت ارمانونه خاورو سره خاورې کړي دي.

ولسمشر غني: مونږ یو با ثباته نظام غواړو

ولسمشر غني: مونږ یو با ثباته نظام غواړو. داسې وخت کې چې په قطر کې د افغان سولې خبرې پیل شوي دي او د مؤقت حکومت خبره د رسنیو سرلیک ګرځېدلې ولسمشر غني وايي، د اوسني نظام د ثبات لپاره کوشش کوو.

ولسمشر غني چې ننګرهار ته د سفر په مهال یې یوې ناستې ته خبرې کولې وویل، چې جمهوریت یوه ګډه پانګه ده چې ګیلې او غوښتنې پکې مطرح کېدای شي او د همدې جمهوري نظام د ثبات لپاره باید کار وکړو. زما ټوله دنده دا ده چې د ولس په اراده دولت خپل ځایناستي ته واک په قانوني توګه انتقال کړو. دلته جمهوریت زموږ او ستاسې مشترکه پانګه ده، چې پر یو او بل نیوکې او ګیلې کولی شو. غواړو نظام ثبات ومومي.

ښاغلي غني وړاندې پر طالبانو غږ وکړ چې د ولس غېږې ته راشي او په خبره یې، که چېرې ولس هغوی ومني؛ دوی به هم غېږ ترې تاو کړي « طالبان دې د ولس غېږې ته راشي، که ولس لاس پرې کېښود، زر وارې رادې شي، له جګړې د وتلو لپاره موږ حاضر یو په خپله غېږ کې یې ونیسو، دوی دې هم واقعیت ومني، چې اوسنی افغانستان د ۱۹۰۰ پخوا افغانستان نه دی.»

ولسمشر غني ددې تر څنګ د ننګرهار لپاره د کار کولو ژمنه وکړه او د ښوونې وزیرې ته یې امر وکړ، چې ددې ولایت لپاره د ښوونکو څلو زره بستونه منظور کړي.د نوموړي له قوله، د ننګرهار د ښار لپاره یې هم طرحه جوړه کړې او که چېرې په ښه او منظمه توګه عملي شي ننګرهار به د سیمې له غوره ښارونو وشمېرل شي.

ولسمشر غني: مونږ یو با ثباته نظام غواړو
ولسمشر غني: مونږ یو با ثباته نظام غواړو

ورته مهال د نوموړي لومړي مرستیال ښاغلی صالح بیا د سولې روان بهیر ته په اشارې وویل، چې طالبان د قدرت او واک لپاره جنګېږي او د دین لپاره جګړه نه کوي.دده په خبره، هغوی له دیني نصوصو ځان باسي او د کابل د مذاکراتي ټيم له غړو سره په دیني برخه کې استدلال نشي کولای « طالبان هڅه کوي، چې له دیني مباحثو خپله پښه وباسي، موږ غواړو چې د شریعت په اساس مذاکره ورسره وکړو، خو دوی یې نه مني او نه غواړي چې مزاکرات وشي.

ولسمشرغني د رحیم ګردېزي ګروپ د ځڼغوزیو فابریکه رسماً پرانیسته

د افغانستان اسلامي جمهوریت جمهوررئیس محمداشرف غني د رحیم ګردېزي د ځڼغوزیو د پروسس فابریکې د پرانیستې په مناسبت جوړه شوې غونډه کې ګډون وکړ.په ارګ کې په دې مناسبت جوړې شوې غونډې ته چې د پکتیا مرکز ګردېز څخه د پکتیا، پکتیکا، خوست او لوګر واليان او یو شمېر نور مشران د ویډیو کنفرانس له لارې وصل وو،

د پانګونې د اسانتیا واحد رئیس عطاالله نصیب وویل، د جمهوررئیس غني په وینا زموږ پټې خزانې نورې ښکاره، مشروع، رڼې او د استفادې وړ دي او د ځڼغوزیو د قاچاق مخنیوي، تولید پروسس، بسته بندۍ او خرڅلاو کې پام وړ پرمختګ راغلی.هغه له رحیم ګردېزي ګروپ څخه د دغې مهمې پانګونې مننه وکړه او وې ویل، افغانستان د کال ۲۴ زره ټنه د ځڼغوزیو حاصلات لري چې د حکومت په پاملرنه هر کال لس، دولس سلنه زیات او زرګونه خلکو ته کاري زمینې برابرېږي. له نورو پانګوالو څخه هم د پانګونې هیله کوو او ډاډ ورکوو چې ټولې لازمې اسانتیاوې به ورته برابرې کړو.

د کرنې، اوبو لګولو او مالدارۍ وزیر جمهوررئیس ته د رحیم ګردېزي د ځڼغوزیو د پروسس فابریکې د مبارکۍ پرمهال وویل، دا ستاسو په نوښت او هڅونه جوړه شوه چې د ځڼغوزیو تولید او عاید به ورسره زیات او د ارزښت زنځیرپیاوړی شي. هغه زیاته کړه، رحیم ګردېزي شرکت د پولادو په برخه کې ښه نوم لري او هیله ده چې د ځڼغوزیو په برخه کې هم ښه وځلېږي.ډاکټر انورالحق احدي څرګنده کړه، دغه ډول کرنیزې صنایع د هیواد په صنعتي کېدو کې خپل ارزښت لري. افغانستان د ځڼغوزیو تولیدونکی او صادرونکی هیواد دی او د ځڼغوزیو په ګډون د بېلابېلو ځنګلونو احیا سره به ګڼو خلکو ته کاري زمینې برابرې او ملي عواید لوړ شي.

د سوداګرۍ او پانګونې خونې د مدیره پلاوي لومړي مرستیال محمدیونس مومندجمهوررئیس څخه په مننې وویل، غواړو ستاسو په پاملرنه د افغانستان ټول کرنیز پیداوار د ځڼغوزیو غوندې د تولید، پروسس او بازارموندنې له پلوه وده وکړي. کوم پانګوال چې پانګونه او نوښتونه کوي د هڅونې په موخه دې ورته مډال ورکړل شي چې د کاروبار له لارې عواید لوړ او هیواد په پښو ودرېږي.

ورپسې د رحیم ګردېزي د ځڼغوزیو د پروسس فابریکې رئیس محبوب الله ګردېزي وویل، په پکتیا کې د دغې لویې او معیاري فابریکې په جوړولو او پرانیستلو چې ټولو ته د ښه راتلونکي هیله ورکوي خوښ دی او جمهوررئیس ته یې د هغه د پرانیستې مبارکي وویله.

ولسمشرغني  د رحیم ګردېزي ګروپ د ځڼغوزیو فابریکه رسماً پرانیسته
ولسمشرغني د رحیم ګردېزي ګروپ د ځڼغوزیو فابریکه رسماً پرانیسته

جمهوررئیس غني په ټینګار سره وویل، زموږ پانګوال د هیواد د اقتصاد د ملاتیر دي اود بازار منطق درک کوي، له ټولو نړیوالو مناسباتو څخه به دوی ته د لازمو اسانتیاوو برابرولو لپاره استفاده وشي. هغه زیاته کړه، پانګوالو ته د لازمو اسانتیاوو برابرولوکې ځنډ او خنډونه د منلو وړ نه دي.هغه وویل چې باید لا نور پانګوال هم تشویق شي تر څو هېواد مو اقتصاد برخه کې نوره هم ود وکړي.