عمران خان د ننګرهار پېښې په اړه ټویټ کړی او خواشیني ېې ښودلې

عمران خان د ننګرهار پېښې په اړه ټویټ کړی او خواشیني ېې ښودلې د پاکستانوزيراعظم عمران خان تېره ورځ دجلال اباد ولايت ښار کې د پاکستان قونسلګرۍ سره د ویزو اخيستو پر مهال د ګڼې ګوڼې له امله د ۱۲ ښځو په مړينه خواشيني ښودلې

د هغه نه علاوه د پاکستان د بهرنيو چارو وزارت او په کابل کې د پاکستان سفارت هم په دې پېښه خواشينې ښودلې او د ويزو د ويش په اړه يې د سم مديريت غوښتنه کړې ده.د ننګرهار والي ضیاءالحق امرخيل او ګڼو نورو چارواکو هم په دې پېښه خواشيني ښودلې ده.د ننګرهار ولايت د رسنيو دفتر وايي، والي امرخېل په ننګرهار کې د پاکستان قونسل عابد الله خپل دفتر ته ورغوښتی و او د ویزو د ويش د سم مديريت په لارو چارو ويې ورسره خبرې کړي دي.

عمران خان د ننګرهار پېښې په اړه ټویټ کړی او خواشیني ېې ښودلې
عمران خان د ننګرهار پېښې په اړه ټویټ کړی او خواشیني ېې ښودلې

د سرچینیو په وینا د پاکستان قونسلګري هره ورځ زرو کسانو ته ويزې ورکوي، خو د ویزو غوښتونکي کسان زرګونه وي؛ ځکه د ننګرهار سربېره د لغمان، نورستان، کونړ او يو شمېر نورو ولايتونو خلک هم جلال اباد ته د ویزو اخيستو لپاره ورځي، چې مديريت کول يې مشکلاتو سره مخ دی او هره ورڅ پکې جنجال وي او حلک پکې ټپیان کیږي.

اړونده خبرونه: د افغان عسکرو او نظامي سکتور سره د امریکا ملاتړ دوام کوي

ځينې راپورونه وايي، ولايتي چارواکي، مافيايي کړۍ، کمېشنکاران او د قونسلګرۍ ځينې مسؤولين د ویزو په ورکړه کې خپلې مالي ګټي لري او کوم خلک، چې په دې فساد کې ښکېل دي، هره ورځ زرګونو ډالر له دې لارې ترلاسه کوي.او خلکو ته پیسو ویزې لګوي. دويي وايي چې باید اول هغه خلک ونیول شي کوم چې پیسې اخلي او د فساد زمینه برابروي.

د پېښې رامنځته کېدول لاملپه افغانستان او پاکستان کې د کرونا له امله د دواړو هېوادونو ترمنځ تګ راتګ او ويزې بندې وې، خو چې څو ورځې مخکې سفارت او قونسلګرۍ پرانيستل شوې، د ننګرهار ولايت چارواکو پرېکړه وکړه، چې د ځايي مدني ټولنو په همکارۍ به شېرزي لوبغالي کې خلکو ته د ويزو ټوکن ورکوي او ورپسې به په ټاکلي وخت ويزو ته راځي.

د بازې مشرانو پر وینا تېره ورځ د ټوکن اخيستو لپاره د ښځو او ماشومانو په شمول لسګونه زره خلک ورغلي وو، چې د سختې ګڼې ګوڼې له امله په کې ۱۲ کسان مړه او ۱۳ نور ټپيان شوي وو.د دې سربېره د ټولنيزو شبکو فعالانو هم په دې اړه ژوره خواشينې ښودلې او حکومت يې په بې کفايتۍ او فساد تورن کړی دی. دويي وايي که چېرې دا ډول واقعې بیا تکرار شي نو عام ولس به د حکومت پر وړاندې په لاریونونو سر شي.

ترکمنستان هم د کروناویروس له ویرې افغانستان سره سرحد وتړه

د هیواد عامې روغتیا وزارت وايي، د ناپاکې هوا او پاکۍ ته د نه پاملرنې له کبله پېدا کېدوونکې تنفسي او ځينې نورې مرضونه د تېرکال د همدغو شپو ورځو پرتله سږ نيم په نیمه کمې شوې دي..

یاد وزارت يې لاملونه د قرنطین شپو ورځو پر مهال روغتیايي لارو چارو ته د خلکو د پام رش  او د هوا پاکېدل ښيي. خو وايي، که خلک قرنطین بابېزه وګڼي نو په راروانو شاوخوا دوو اوونیو کې به کورونا وېروس په افغانستان کې ناورین رامنځ ته کړي. د نورو سرخوږیو تر څنګ دې وبا ځينې هغه افغانان له توپيري چلند سره مخ کړي چې په مازې دوړو او ګردونو هم زکام کېږي. وايي خلک کرکه ترې کوي او فکر کوي کورونا به  ترې انتقال شي.

د کابل په شمول مو د افغانستان په ځینو نورو ځایونو کې هغه کسان وموندل چې ډېر زکام کېږي، یا د نورو پرتله يې ډېر والګی نیسي. یو شمېر کسانو وویل چې له خاورو، دوړو او له ګاډو وتوونکي لوګي سره حساسیت لري او ځينې نور بیا د عطرو له تېز بوی سره هم اساسیت لري. .

نصرت وايي: ”چې ګرد وي، هوا وي، لوګی وي، یا څوک مې څنګ کې ټوخيږي چې یوازې ويې هم وینم بس زکام کېږم او له پزې مې اوبه بهېدل شروع کيږي منا: ”ګرد، خاورو او غبار سره زکام کېږم او چې بل څوک پر زکام اخته وي هم نو کرکه رازي.

دا ټول په دې خوښ دي چې اوږده موده شوه والګي نه دي وهلي خو د کورونا کوېد-۱۹ ناروغۍ له امله له توپيري چلند او کرکې سره مخ کېدو ګیله من کړي هم دي، ځکه چې یا به پرنجېدل ډېر او یا به يې پوزه بهېده. نصرت ځاځی طب وايي او تر قرنطين لږ مخکې یوه ورځ-چې زکام هم و- د استاد کتنځي ته ورغلی و:

”استاد مې وویل ولې خفه غوندې يې، ما ویل لږ زکام یم او ستونی مې خارښ کوي. راته ویې ویل چې دا خو د کورونا علامې دي، نور زما دفتر ته مه راځه. چې زه راپاڅېدم، زر زر يې دستکشې وایستل، نورې يې واچولې او لاسونه يې هم په سينېټایزر ومينځل. زه يې دې چلند خواشینی کړم”.

په هیواد کې د کورونا وبا د خپرېدو د مخنيوي په موخه وضع شوی قرنطین په ځينو سيمو کې هغسې پلی نشو چې په کار ده د حکومت او روغتیاپالانو له سپارښتنو سره سره یو شمېر خلکو مخ ماسک کارولو، په صابون د لاس مينځلو او خپل منځ کې واټن ساتلو ته چندان پام ونکړ او د کوچني اختر په رانږدې کېدو سره ښارونه، کوڅې او بازارونه دا دی بیا د خلکو د ګڼې ګوڼې شاهدان دي. د خلکو دې وضعیت حکومت او اړوند ادارې اندېښمنې کړې دي.

د چاپېریال ساتنې ملي اداره او د عامې روغتیا وزارت دواړه په دې نظر دي چې قرنطین د نورې نړۍ په څېر افغانانو ته هم ګټور درس ورکړ. په خبره يې، خلک يې وپوهول چې څنګه خپلې روغتیا ته پام ډېر کړي اوهوا او چاپېریال پاک وساتي.

دا هم باید یاده کړو چې کرونا د افغانستان په شمول ټوله نړۍ ال هم نیولې ده او د مثبتو پېښو په شمول مرګ ژوبله هم لري نو مونږ ټول افغانان باید  کرونا جدي ونیسو او خپل ژوند ډېر په احتیات سره تېر کړو تر څو د ډېر زیان نه مخنیوۍ وشي. او دغه ناروغي ژرتر ژره له منڅه الړه شي.

د روغتیا چارواکو ته مشوره

په تیرو ۲۴ ساعتو کې ټولو ټولو ولایتونو کې پیښی ثبت شوي.د کرونا ویروس یا کوایډ ۱۹ تنفسي ناروغۍ مثبتي پېښي د هیواد په ټولو ۳۴ ولایتونو کي ثبت سوي دي، چي نن یوه پېښه په پاتي نورستان ولایت کي هم ثبت سول. په افغانستان کي ددې ویروس ټولي مثبتي پېښي ۳۳۹۲ ته ورسېدې، چي له دې جملې یې ۱۰۴ تنه مړه شوي او ۴۶۰ تنه رغېدلي دي.

د ثبت شوي مثبتي پېښي ۱۶۷ دي، چي په کابل کي ۷۶، هرات ۳۲، کندهار ۱۴، بلخ ۴، پکتیا ۴، ننګرهار ۱۱، لورګ ۸، لغمان ۱، هلمند ۱، سمنګان ۱، بغلان ۴، فاریاب ۹، کنړ ۲ سرپل او نورستان کي ۱ مثبته پېښه ثبت شوې ده.

نن ددې نویو شمېرو ترڅنګ له ویروسه ۹ تنه مړه سوي او ۳۷ تنه روغ سوي دي. بلخوا د نړۍ په بله برخه اروپا کي د ویروس نوي مثبتي پېښي لږ سوي، خو په آسیا کي ډېر چټک خپریږي. له روسيې وروسته په تازه پېښو کي په هند او پاکستان کي د بل هر وخت په پرتله تر ټولو ډېري ورځنۍ پېښي ثبت شوي دي.

نن او تېره ورځ په هند کي تر ۶۰۰۰ پوري نوي مثبتي پېښي ثبت سوي او دا (۳۰۰۰ مثبتي پېښي) پدې هیواد کي ترټولو ډېري ورځنۍ پېښي دي.

د پاکستان روغتیايي چارواکي هم وايي چي تېره ورځ يې تر ۱۱ سوه پوري او نن یې تر ۵۰۰ پوري نوي مثبتي پېښي په ټول هیواد کي ثبت شوي دي. پاکستان کي په ویروس د اخته ۲۲ نیم زرو کسانو له جملې څخه ۵۲۶ تنه مړه سوي او هند کي بیا له ۵۲ زرو څخه تر ۱۸ سوه پوري مړه شوي دي.

د نورو هۍوادونو په شمول ترکیه کي نوي ۲۲۰۰ پېښي ټولي ۱۳۱ زره، ایران کي ټولي ۱۰۱ زره او نوي ۱۶۰۰، سعودیه عرب کي نوي ۱۶۰۰ او ټولي تر ۳۲ زره پوري او په یو بل آسیايي هیواد روسیه کي بیا تر ټولو ډېري ۱۶۵ زره پېښي چي نوي پېښي یې هره ورځ څه باندي ۱۱ زرو ته رسیږي، ثبتیږي.

متحده ایالاتو بیا نن هم (تراوسه) تر ۱۱ زرو پوري مثبتي پېښي لري او دا هیواد په نړۍ کي تر ټولو ځپل سوئ هیواد دئ، چي تراوسه یې په ویروس اخته ۷۴ زرو پوري مړي ورکړي دي.

بلخوا په اروپا کي کرار کرار کاروبارونه ته اجازه ورکول کیږي چي بیا پرانیستل سي او په ورزشي لوبو فوټبال کي یې ځینو کلبونو تمرینات پیل کړي او په راتلونکو لسو ورځو کي یې ځیني لیګونه بیاځلي پیلیږي.

کرونا ویروس: افغانستان کې د وېروس وروستۍ ثبت شوي پېښې څومره دي ؟

کرونا ناروغي د نړئ ګډ ګډ ته خپره شوې ده او عام وګړو ژوند یی متاثره کړئ. دغه ناروغي ورځ تر بله په زیاتېدو ده او هره ورځ په زرګومنو کسان په اخته کيږي په دغې ناروغئ باندې د ۲۰ اکو نه زیات کسان اخته شوي  او له دوه لکو نه زیات کسان له دې ناروغئ له امله مړه شوي دي دغې ناروغې له وجې د نړئ  نیم نه زیات هېوادونو کې لاک ډاون قرمطین شوي او عام وګړي نشي کولئ له خپلو کورونو نه  په ازاده توګه ووځي او په اسلامي هېوادنو کې علماو فتوا ورکړې چې عام وګړي دې له کورو نه وڅي او لمونڅ دې په کورونو کې کوي په همدې لړ کې د همدې ناروغئ له امله د کورنۍ غړي هم له یو بل څخه واټن مراعتوي، چې دغه نړیواله وبا یې ژوند ونه ګواښي. په هیواد کي د کرونا ویروس د مثبتو پېښو شمېر ۲۱۷۱ ته پورته سو، چي تازه پېښي یې تر بل هر وخت ډېري ۲۳۲ دي.

نوي مثبتي پېښي په کندهار کي ۴۵، بلخ ۴۱، هرات ۳۴، کابل ۲۰، غزني ۱۲، پکتیا ۱۰، لوګر ۱۰، سمنګان ۹، پنجشېر ۹، تخار ۸، کندز ۷، بغلان ۵، ننګرهار ۵، بادغیس ۴، وردګ ۴، لغمان ۳، پکتیکا ۲، پروان ۲، سرپل او فاریاب یوه یوه پېښه لري. کابل، هرات، کندهار او بلخ هغه لوی ښارونه دي، چي د قرنطین او ګرځبندیز سره سره په سلګونه او تر ټولو ډېري مثبتي پېښي لري.

همداراز بیا په هیواد کي له ویروسه د روغ سوو کسانو شمېر ۲۶۰ ته پورته سو او ځیني مړه سي ۶۴ تنه دي. په هیواد کي یوازنی ولایت نورستان دئ، چي د دوو منفي پېښو پرته د ویروس هیڅ مثبته پېښه نه لري. بلخوا په نړۍ کي په ویروس د اخته سوو کسانو شمېر ۳،۲ میلیونو ته ورسېدئ، چي له جملې یې ۲۲۸ زره تنه مړه سوي او تر یو میلیون پوري ځیني رغېدلي دي

دا شمېرې په امریکا کي د جانس هاکپنز پوهنتون څخه اخیستل سوي دي. په امریکا کي د کرونا ویروس مثبتي پېښي تر ۱ میلیون او ۴۰ زرو ډېري سوي. په نړۍ کي تر ټولو ډېر مړي هم امریکا لري،  چي شمېر یې تر ۶۰ زرو ډېر سو.

هسپانیا، فرانسه، جرمنی، برېتانیا او ایټالیا بیا د اروپا تر ټولو ځپل سوي هیوادونه دي، چي اوس مهال پکښي د ویروس پراختیا لږ کمه سوې او پدې هیوادونو کي بندیزونه هم پر کمېدو دي.

ترکیه، روسیه، ایران او چین بیا په آسیا کي تر ټولو ځپل سوي هیوادونه دي، چي چین کي ویروس پر ورکېدو دئ، ایران کي نوي پېښي کمي سوي، خو ترکیه او روسیه کي ویروس په چټکۍ خپریږي.

په ترکیه او روسیه کي مثبتي پېښي تر یو یو لک اوښتي، خو مړي یې نورو هیوادونو ته ډېر لږ دي. ایران کي ۹۴ زره ته پېښي رسېدلي او مړي یې بیا تر ترکیې او روسيې دوه برابره ډېر تر ۶ زره اوړي.

افغانستان کې دکورونا وېروس۴۰ تازه پېښې ثبت شوي

د افغانستان د عامې روغتیا وزیر فیروز الدین فیروز نن د پنجشنبې په ورځ (د اپرېل ۹) په یوه خبري غونډه کې وویل چې له دې وېروس څخه رغیدلي کسان شاوخوا ۳۲ کسان دي او د مړو شویو شمېر ۱۵ ته رسېدلی دی. ښاغلي فیروز زیاته کړه، چې په پلازمېنه کابل کې د دې وېروس د نمونې اخېستنې په پار به ۲۲نور مرکزونه پرانیزي او همدارنګه نوموړي وویل د کابل ګڼ میشتي ښار کې ممکن د کورونا ویروس لا خپور شي .

ده د پنجشنبې په ورځ اعلان وکړ چې د چمتوالي په موخه به د کابل په لویدیځ کې د دارالامان ماڼۍ او د کابل پوهنتون لیلیې هم د کورونا په ویروس د ککړو ناروغانو د درملنې په مرکزونو بدل کړي. دی وايي دا مرکزونه له هغې وروسته پرانیزو چې په پلازمینه کابل کې ۱۰ پېښې ثبت شوي دي.

نوموړي خبرداری ورکړ چې حالت بوږنوونکی دی او په دې وېروس د اخته کسانو شمېر او روغتیايي ستونزې به زیاتې شي او له خلکو یې وغوښتل چې لا پاملرنه زیاته کړي.

د نویو چمتوالي تر څنګ د کورونا خپریدو مخنیوي په موخه حکومت په پلازمینه کابل کې د سختو محدودیتونو اعلان هم کړی خو ښکاري چې لا هم هغسې چې حکومت يي تمه لري نه عملي کيږي.

همدارنګه د کندهار د روغتیا رییس اشرف نادري نن په یوه خبري غونډه کې وویل چې په دې ولایت کې په تېرو څلورویشتو ساعتونو کې د کورونا نهه مثبتې پېښې ثبت شوي دي چې په دې سره په دغه ولایت کې پر دې وېروس د اخته کسانو شمېر ۳۲ ته ورسېد .

له کابل ور هاخوا د هېواد په لویدیځ کې هرات د کورونا ویروس تر ټولو د ډېرو پېښو لرلو له کبله د کورونا ځپلو ولایتونو په سر کې دی.

افغانستان کې دکورونا وېروس۴۰ تازه پېښې ثبت شوي
لکه څنګه چې موږ او تاسو ته معلومه ده چې د کرړنا ناروغي ټوله دنیا نيولې ده او دا وبا په دنيا کې عام وګړي اندېښمن کړي دي د نورو هېوادونو په څېر افغانستان کې هم مخ په تېزېدو دۍ او د هرات ولایت په شمول نورو ولایتونو ته هم رسېدلۍ دۍ.

هلته نوي والي سید وحیدالله قتالي یو ځل بیا پر خلکو غږ کړی چې د دولت له خوا وضع شوي محدودیتونه جدي وګڼي، که نه د ده په وینا پېښې لا ډيریدای شي:

“په دې ولایت کې یوه خوړنیزه ډیپو جوړوو چې د ۷۰ زره کورنیو لپاره به بسنه وکړي. که تر راتلونکو درېیو میاشتو دا ګرځبندیز همداسې دوام ومومي کولی شو له دې ډیپو یې اړتیاوې پوره کړو.”

ښاغلي قتالي وویل هرات ته د دې ویروس د خپرېدو د مخنیوي په موخه زیاته اندازه امکانات ورکړل شوي او په خبره یې لا تر اوسه یې پنځوس سلنه نه دي لګول شوي. په ورته مهال د افغانستان مخابراتو او ټکنالوژۍ وزارت د کورونا وېروس د پېژندنې په موخه یو اپلیکشن جوړ کړی چې د انټرنیټ پرمټ کولی شي، د یو کس روغتیايي حالت معلوم کړي چې څه وضعیت کې دی

ترکمنستان هم د کروناویروس له ویرې افغانستان سره سرحد وتړه

د چين هېواد په شمول د اسیا یو شمېر هېوادونو کې د کرونا ناروغي مخ په زیاتېدو ده او خلک دغې ناروغي په تشویش کې کړي دي او ژوتد په مختلفو برخو یی منفي اغېز کړۍ دۍ. دغه ویروس چې زموږ دوه‌ ګاونډي هېوادونه يې شديد وځپل تمه وه چې زموږ هېواد هم د همداسې او يا هم له دې څخه په ډېر ناسم وضعيت ګرفتار شي، يو خو موږ د دې ګاونډیانو په نسبت طبي امکانات ډېر کم لرو، له بله اړخه د دې هېوادونو سره مو تګ راتګ ډېر دی او په دریم قدم کې بيا زموږ خلک داسې خلک نه دي چې خبرې ته غوږ کېږدي او د لازمو لارښوونو مطابق عمل وکړي

د چين سره که څه هم زموږ تګ راتګ شته دی خو دا دومره زيات نه دی لکه د ايران سره، د نوي کورونا ويروس له اړخه افغانستان ته د چین څخه ډېر لوی ګواښ ایران دی، په ايران کې خو یو په ميليونونو افغان کډوال پراته دي او له بله پلوه بيا ورسره د افغانستان سوداګريز تګ راتګ او راکړه ورکړه تر بل هر هېواد زیاته ده.

د ګاونډي هېواد ايران نه  افغانستان ته هره  ورځ کې لږ تر لږه ۵ زره افغانان راتلل، د ايران د حکومت د خبرو له مخې چې ويروس په ټول ايران کې په کافي ډول خپور شوی دی، نو د افغان کډوالو ورباندې اخته کېدل هم عادي خبره ده، افغان کډوال چې هېواد ته راغلل په هرات کې کوربند (کرنټین) نه شول او په ټول هېواد کې خواره شول.

ايران، ترکیه او نورو هغه هېوادونو کې چې د ايران سره يې راکړه ورکړه ډېره وه کورونا ويروس اوس په لسګونه زره خلک نيولي حال دا چې هغوی کافي امکانات لري او ډېر جدي تدابیر یې نيولي و، خو په افغانستان کې بيا د روغتيا وزارت د ارقامو په بنسټ دا شمېر يوازې ۳۴۹ دى.

په نورو هېوادونو کې که  د نوي کورونا ويروس د ټېسټ شمېرو ته وګورو نو پوه به شو چې په افغانستان کې ولې دغه شمېرې کمې دي، د مثال په ډول په ترکیه کې هره ورځ شل زره خلک ټېسټ کېږي چې کورونا ويروس لري او که نه، خو په افغانستان کې بيا په ورځ کې يوازې او يوازې دوه زره کسان چک کېږي، البته دا هم د روغتيا وزارت ارقام دي، چې د دوی د پايلو د اعلان سره سر نه خوري، يانې دوی وايي د ورځې دوه زره خلک ټېسټ کوي، حال دا چې کله پايلې اعلانوي نو فرض مثال وايي ۵۰ نور یې نيولي خو دا نه وايي چې موږ نن ۲ زره چک کړل او په دې کې پاتې نور ۱۹۵۰ منفي و

يانې که په افغانستان کې هره ورځ لس زره هم سم ټېسټ شي دا شمېرې به د ګاونډیو هېوادونو څو چنده زياتې وي، د دې ترڅنګ دوهم سبب د خلکو خپله بې پروايي ده، دلته خلک ډېره علاقه نه لري چې ډاکټر ته ولاړ شي او خپل ځان معاينه کړي، تر دې وروسته بيا په افغانستان کې يو بل سبب دا دی چې د خلکو د مرګ سبب نه درج کېږي، په نړۍ کې سيستم داسې دی چې د هر چا د مرګ سبب معلوم وي، هغه که د زړه حمله وي، د مغزو سکته وي او یا هم بل څه خو په افغانستان کې دغه چاره نشته او که يو کس د نوي کورونا ويروس له کبله مریض او وروسته مړ هم وي نو څوک نه پوهېږي او بلاخره په رسمي شمېرو کې دا نه درج کېږي چې دا کس د نوي کورونا ويروس له کبله مړ شوی دى

بشري حقونو کمېسیون لوګر کې د ماشومانو جنسي ځورونې پېښې شته

بشري حقونوکمېسیون په لوګر کې د ماشومانو د جنسي ځورونې په اړه له تحقیقاتو وروسته د یو راپور په نشرولو سره ویلي، چې د ښوونځیو یو شمېر مسولین او استادان او له ښوونځي څخه بهر ځینې کسان د ماشومانو په جنسي ځورونه کې ښکیل وو.

دغه کمېسیون د دغو تحقیقاتو نتیجه، چې په کې ۱۸ تنه شکمن کسان شامل دي د افغانستان لویې څارنوالۍ ته سپارلې او په دې برخه کې یې د هراړخیزو څیړنو غوښتنه کړې ده.

د کمېسیون د معلوماتو په اساس، په دغو ۱۸ تنو کې د ښوونځیو استادان، مسولین او له ښونځي څخه بهر یو شمیر کسان شامل دي.

یاد کمېسیون ویلي، هغه ماشومانو چې له جنسي ځورونې سره مخامخ شوي، له ښوونځیو څخه وتلي او د بېرته ورتګ هیڅ لیوالتیا نه‌لري.

دغه کمېسیون د لوګر په ښوونځیو کې د ماشومانو د جنسي ځورونې په تړاو د دغه ولایت د مدني فعالانو راپور هم تائید کړی دی او ویلي دي، چې په دې تړاو ټول اسناد یې په دقت څیړلي دي.

یاد کمېسیون اندېښنه ښودلې، چې اوس هم د لوګر په ورزشي کلپونو کې، د کار په ځایونو کې په ځانګړي ډول هغه ماشومان چې د خښتو په بټیو کې کار کوي او یا هم د کسب د زده‌ کولو لپاره شاګردي کوي، د جنسي ځورونې له ګواښ سره مخامخ دي.

دغه کمېسیون د افغانستان جمهوري ریاست څخه غوښتي دي، چې د زیانمنو ماشومانو د رواني او ټولنیز ملاتړ لپاره ځانګړي مرکزونه جوړ کړي او دغه راز د پوهنې وزارت ته یې سپارښتنه کړې، چې له ښوونځیو څخه نظارت زیات کړي.

د ګارډین ورځپاڼې شاوخوا درې میاشتې مخکې په لوګر ولایت کې د مدني فعالانو د موندونو په حواله د ماشومانو د جنسي ځورونې په اړه راپور خپور کړ.

د دغه راپور له خپریدو وروسته د افغانستان د ملي امنیت ریاست د لوګر دوه تنه مدني فعالان ونیول، خو له کورنیو او نړیوالو غبرګونونو وروسته یې د افغانستان د بشري حقونو خپلواک کمېسیون ته وسپارل.

د بشري حقونو د څار نړیوال سازمان هم د فبروري په ۱۳مه په خپل یو راپو رکې وویل، چې د جنوبي آسیا هیوادونو مشران پر ماشومانو د جنسي تیري له قُربانیانو او د هغوی کورنیو څخه د قانوني او رواني ملاتړ په برخه کې پاتې راغلي دي.

همداراز په دې راپور کې، په لوګر ولایت کې د ښوونځیو پر زده‌کوونکو د جنسي تیري مسلې ته په اشارې ویل شوي، وروسته له هغې چې د لوګر په ښوونځیو کې پر ماشومانو د پراخ جنسي تیري په اړه راپورونه نشر شول، په تړاو یې ناسم اقدامات ترسره شول.