د ولسمشرډونالډ ټرمپ کورنۍ

د امریکا اوسني ولسمشر ډونلډ ټرمپ په ۱۹۷۷ ز کال کې له ایوانا ماري زلنیچکوا سره واده وکړ. ایوانا ماري یو موډله وه، خو له ټرمپ سره تر واده وروسته د هغه په شرکت کې د طراحۍ او معمارۍ د مدیر مرستیاله وټاکل شوه، هغې د خپلې دغې دندې پر مهال کې د کومودور هوټل په بیارغونه کې مهم نقش ولوباوه. ټرمپ له هغې نه درې بچیان لري، چې یوه جینۍ د ایوانکا په نوم او دوه هلکان د جونیور ترمپ او اریک ټرمپ په نوم دي. ټرمپ له خپلې دغې مېرمنې نه په ۱۹۹۱ ز کال کې طلاق واخیسته.

د ټرمپ لومړۍ مېرمن ایوانا ماري

ټرمپ چې لومړۍ مېرمنې ته طلاق ورکړ، نو دوه کاله وروسته یې له فلمي لوبغاړې مارلا ماپلس سره واده وکړ. دا په داسې حال کې چې دوی دواړو تر واده مخکې د ټيفاني په نوم یو زوی هم درلوده. هغه په ۱۹۹۷ ز کال کې له مارلا ماپلس نه جدا شو او هغې ته یې د طلاق پر مهال دوه میلیونه ډالر ورکړل.

د ټرمپ دوهمه مېرمن مارلا ماپلس

ټرمپ په ۲۰۰۵ ز کال کې د درېیم ځل لپاره واده وکړ. د هغه درېیمه مېرمن میلانیا ناوس چې یوه موډله او ډیزاینره وه. د دوی دواړو یو زوی په ۲۰۰۶ ز کال کې وزېږېده، چې بارون ویلیام نومېږي او د ټرمپ پنځم او د نوې مېرمنې یې لومړنی زوی دی.

ولسمشر ټرمپ او مېرمن یې میلانیا ټرمپ

ټرمپ د ۷ لمسیانو نیکه دی. پنځه لمسیان یې د جونیور ټرمپ بچیان دي او دوه لمسیان یې هم د ایوانکا ټرمپ دي.

د ټرمپ مشر زوی جونیور ټرمپ د پنسلوانیا په پوهنتون کې د املاکو او مالیې په برخه کې زده کړې کړې دي او اوس د ټرمپ سلاکار دی.

د ټرمپ مشر زوی جونیور ټرمپ

د ټرمپ مشرې لور ایوانکا ټرمپ هم د خپل پلار او ورور په څېر د پنسلوانیا په وارتوني پوهنتون کې زده کړې کړې دي. هغه په ۱۷ کلنۍ کې د یوې مودې لپاره موډله هم وه، خو بیا یې موډلېنګ پرېښود. ایوانکا او خاوند یې اوس مهال د ولسمشر ټرمپ سلاکاران دي.

د ولسمشر ټرمپ مشره لور ایوانکا ټرمپ

د ټرمپ درېم بچی اریک ټرمپ د ورور او خور برعکس د جورج ټاون له پوهنتون نه فارغ شوی دی. هغه په ۲۰۱۲ ز کال کې له خپلې یوې پخوانۍ ملګرې لارا یونسکا سره واده وکړ.

اریک ټرمپ او د هغه مېرمن

د ټرمپ د دوهمې مېرمنې لور ټیفاني له خپلې مور سره لویه شوې ده. هغې هم د پنسلوانیا په پوهنتون کې زده کړې کړې دي او له موډلنېګ سره ډېره مینه لري.

بارون ټرمپ د ټرمپ کشر زوی دی، چې له وروستۍ مېرنې ملانیا ټرمپ نه زېږېدلی دی. هغه اوس هم په زده کړو بوخت دی.

ولسمشر ډونلډټرمپ: عربستان به هم له عربي اماراتو سره د اسرايلو په تړون کې یوشي

د متحدوایالاتو ولسمشر ډونالډ ټرمپ د دې امکان نه دی رد کړی چې ښايي له افغانستانه د ټولو امریکايي ځواکونو له وتلو وروسته د افغانستان اوسنی حکومت چې غرب یې ملاتړ کوي، طالبان ونیسي.

ډونالډ ټرمپ پرون د مارچ په شپږمه، په سپینه ماڼۍ کې خبرې غونډې ته دا خبره کړې ده.

هغه ویلي: “هېوادونه، په نهایت کې، باید د ځان غم وخوري، موږ هلته د نورو شلو کلونو لپاره نه شو پاتې کېدای، موږ هلته شل کاله تېر کړل او موږ د هغه هېواد ساتنه کوله، موږ نور شل کاله نه شو پاتې کېدای، بلاخره، هغوي باید ځان وساتي، پوهېږئ؟ دا کار باید ډېر پخوا شوی وای، سړی تر کله د بل چال لاس نیولی شي، موږ ته ښايي چې د خپل هېواد چارو ته پام را ورګرځوو.”

امریکا د خپل تاریخ د تر ټولو اوږدې جګړې د پای ته رسولو لپاره د فبرورۍ په ۲۹مه له طالبانو سره د سولې موافقه لاسلیک کړه.

متحد ایالات په افغانستان کې ۱۳ زره عسکر لري.

له طالباو سره د امریکا په موافقه کې منل شوې چې په ۱۳۵ ورځو کې به د خپلو عسکرو شمېر ۸۶۰۰ ته را کموي او بیا به دا بهیر درېږي، د افغانستان وضعیت به ارزول کېږي او که ثابته شوه چې طالبان پر خپلو ژمنو درېدلي، ټول امریکايي عسکر به له افغانستانه وځي.

د دې بهیر لپاره ۱۴ میاشتې وخت په پام کې نیول شوی دی.

طالبانو له امریکا سره د امنیت په برخه کې ځانګړې ژمنې کړې او تعهد یې کړی دی چې په بین الافغاني خبرو کې به ګډون کوي.

پرون په خبري غونډه کې پوښتنه وشوه چې ایا طالبان کولای شي چې په افغانستان کې موجود حکومت ته سقوط ورکړي؟

ډونالډ ټرمپ په ځواب کې وویل چې داسې باید ونه شي، خو داسې ښايي وشي.

د افغانستان حکومت تر اوسه د ډونالډ ټرمپ د دې وینا په اړه غبرګون نه دی څرګند کړی.

ډونالډ ټرمپ په داسې وخت کې دا بیان ورکړی چې پرون په کابل کې د افغانستان د وحدت اسلامي ګوند د پخواني مشرعبدالعلي مزاري د پنځه ویشتم تلین پر مراسمو په وسله واله حمله کې ۳۲ ملکي افغانان ووژل شول.

د عامې روغتیا وزارت وویل چې ۵۸ ملکي وګړي زخمیان شوي دي.

د امریکا او طالبانو د سولې تر موافقې وروسته، دا په کابل کې لومړه ستره او خونړۍ حمله وه.