د افغانستان لپاره د امریکا ځانګړی استازی ټوماس وېسټ وايي چې واشنګټن به د بشري حقونو موضوع له اسلامي امارت او له افغان وګړو سره د تعامل او خبرو اترو چورلیز وګرځوي.
ښاغلي وېسټ پرخپل ټوېټر لیکلي دي، چې افغان ښځې او نجونې د زده کړو، کار او تګ راتګ په څېر برخو کې له محدودیتونو سره مخ دي. د افغانستان لپاره د امریکا ځانګړي استازي ټوماس وېسټ لیکلي:«افغان ښځې او نجونې د زده کړو، کار، تګ او راتګ او سیاسي ژوند په برخو کې له نه دفاع کېدونکو محدودیتونو سره مخ دي. د بیان د ازادۍ، رسنیو او افغانانو لپاره فضا تنګه شوې ده. موږ باید په خپلو خبرو اترو کې د بشري حقونو موضوع له طالبانو او افغانانو سره د تعامل اصلي ټکی وګرځوو
د سیاسي چارو شنونکی
د سیاسي چارو شنونکی نجیب الله هم وايي:«زه په دې باور یم چې افغانستان او امریکا که چېرې پر هرې سیاسي مسلې بحث وکړي، بشري حقونه یوه هغه مسله ده چې د امریکا، نړۍ او افغانستان ترمنځ د نښلون ټکی دی. بل خوا، د افغان ښځو او بشري حقونو لپاره د امریکا ځانګړې استازې رینا امیري او د بښنې نړۍوال سازمان وایي، چې د افغانانو ملاتړ ته به دوام ورکړي
نور یی ولوله | د کابل اوسېدونکي د پاسپورټ د وېش د بیا پیل غوښتنه کوي
نور یی ولوله | هرات کې ښځو ته د کار زمینه برابره شوه
د افغان ښځو او نجونو لپاره د امریکا ځانګړې استازې رینا امیري څرګندوي:«موږ د بشري حقونو د هغو مدافعانو ترڅنګ درېږو، چې په دغه راز سختو شرایطو کې په زړورتیا سره له بشري حقونو دفاع کوي. د ښځو د حقونو فعاله منیژه صدیقي وايي:«دم ګړۍ د افغانستان نیم نفوس ښځې او نجونې دي په اوسنیو شرایطو کې په ۲۱ مې پېړۍ کې موږ د خپلو بنسټيزو او انساني حقونو غوښتونکي یوو
زده کوونکې ملیان
زده کوونکې ملیان هم څرګندوي:«په یولسم ټولګي کې یم غواړم چې بیا مو ښوونځي پيل شي هره ورځ خپل ټولګي ته ولاړه شم او درس ووایم. کابل په افغانستان کې د بشري حقونو نقض ردوي او وایي، چې له امریکا سره ښې اړیکې غواړي. ذبیح الله مجاهد وایي، چې امریکا دې د نړۍوالو معیارونو او ډپلوماټيکو اصولو پربنسټ له کابل سره تعامل وکړي. د اسلامي دامارت ویاند ذبیح الله مجاهد زیاتوي:«خپلې اړیکې باید هم د افغانستان له خلکو او هم د افغانستان له اسلامي امارت سره د نړۍوالو نورمونو او په نړۍ کې د ډیپلوماټيکو اړیکو پر بنسټ، ورغوي او پر هماغه اساس له یو بل سره اړیکې ولرو د بشري حقونو موضوعګانې او ځينې تعریفونه چې په بېلابېلو هېوادونو خپل تعریفونه لري
