نړۍ

پر کیېف د روسیې تندریز بریدونه

څېړونکي د شواهدو په معاینه بوخت دي او پر روسیه د ډرون بریدونه هم شوي دي

روسیې تور پورې کړی چې اوکرایین یې نن سې شنبه سهار وختي پر پلازمېنه د ډرون بریدونه کړي دي.

د روسیې دفاع وزارت پر خپل ټلېګرام لیکلي چې کیېف په دغه “ترهګریز برید” کې لږترلږه ۸ ډرونونه کارولي.

چارواکو ویلي چې دغو بریدونو کې څو ودانیو ته یوازې کوچني زیانونه اوښتي دي.‌

نور ولولئ: والستريت ژورنال؛ جنوبي کوريا د امریکا له لارې اوکراین ته مهمات استوي

پر مسکو د دغو ډرون بریدونو خبر داسې مهال ورکړ شوی، چې روسي ځواکونو بېګاه پر دریمه پرله پسې شپه هم د اوکرایین پر پلازمېنه بریدونه کړي.

دا روانه میاشت پر کیېف د چاودېدونکو ډرونونو او توغندیو ۱۷مه جوپه برید دی.

اوکراین د مسکو بریدونو ته ځواب وایې

د اوکرایین حکومت تر اوسه مسکو کې د دغو ډرون بریدونو په اړه تبصره نه ده کړې، خو دوشنبه یې د پوځي استخباراتو مشر ‘جنرال کیریلو بودانوف’ خبرداری ورکړی و چې پر کیېف به د روسیې توغندیزو بریدونو ته سخت ځواب وویل شي.‌

د مسکو ښاروال سرګیې سوبیانین ویلي، پر دغه ښار بریدونه جدي مرګژوبله نه لري او یوازې دوو کسانو سره لومړنۍ روغتیايي مرسته شوې.

هغه زیاته کړې چې د بېړنیو خدماتو مرستندویان “د پېښې ځای ته” رسېدلي.

دلته کلیک وکړئ: ستولتنبرګ وايي د اوکراین واقعي ځای په ناټو کې دی

د روسې دفاع وزارت ادعا کړې چې دفاعي سیستمونو یې ټول بریدګر ډرونونه په نښه او شنډ کړي دي.

د دغه وزارت اعلامیه کې راغلي “درې [ډرونونه] ترې د برېښنايي تجهیزاتو په وسیله شنډ شوي، کنټرول یې له لاسه ورکړی او له خپلو ټاکلو اهدافو راګرځول شوي دي. پاتې ۵ نور د مسکو ناحیې د “پانتسېر-اېس” هوايي دفاع سیستم په وسیله ویشتل شوي دي.”

لومړنیو رپوټونو کې پر مسکو دغه برید کې د ۳۰ ډرونونو د کارېدو خبر ورکړ شوی و.

اوس چارواکي وايي د ځینو ویشتل شویو ډرونونو پاتې شوني پر ودانیو راپرېوتي.

پر خواله رسنیو خپرو شویو تصویرونو کې ښکاري چې د څو ودانیو ښیې ماتې دي او لوګي ترې خېږي.‌

د مې لومړیو کې پر کرملېن ماڼۍ هم د ډرون برید د هڅې خبر ورکړ شوی و.

د پرله پسې بریدونو بریدونو دوام

کیېف کې چارواکي وايي د تېرې شپې بریدونو کې مرګژوبله اوښتې

پر کیېف د تېرې شپې بریدونو کې بیا په څو ودانیو کې د اور لګېدو خبر ورکړی شوی.

چارواکو ویلي دا اور د ویشتل شویو ډرونونو د راپرېوتلو له کبله لګېدلی.

نور ولولئ: روسیه: د اوکراین باخموت ښار مو نیولی؛ اوکراین وايي جګړه لا روانه ده

اوکراییني چارواکي وايي دفاعي سیستمونو یې تر ۲۰ ډېر ډرونونه نسکور کړي دي.

دغو بریدونو کې د لږترلږه یوه کس وژل کېدو او د دریو نورو ټپي کېدو پخلی شوی.

‌دوی ته د کیېف د سویلي هولوسیوڅکي ناحیې په یوې څو پوړیزه ودانۍ کې د اور لګېدو له کبله مرګژوبله اوښتې.

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button