کورونا وېروس: دپاکستان صدراعظم عمران خان له نړیوالې ټولنې د کومک غوښتنه کړې ده

ځړول شوی:اپریل 13, 2020 لخوا ځړول شوی:afghannow تبصرې:0

ګاونډي هېواد صدراعظم عمران خان پر نړیوالو مالیاتي ادارو، ملګرو ملتونو او نړیوالو مشرانو غږ کړی دی چې د کورونا وېروس له کبله د بې وزلو هېوادونو پورونه ور وبښي. نوموړي ویلي، نړیواله ټولنه باید مخ پر ودې او پوروړو هېوادونو سره د کورونا وېروس د مخنیوي لپاره په تګلارې جوړولو کې مرسته وکړي. په پاکستان کې په کورونا وېروس د اخته کسانو شمېر له پنځو زرو اوښتی دی، چې نږدې نیمایي برخه یې په پنجاب ایالت کې دي.

په دې هېواد کې تر دې دمه ۸۸ کسان د کورونا وېروس له کبله مړه شوي، او له زرو ډېر کسان بېرته رغېدلي دي. عمران خان دا غوښتنه په انګلیسي ژبه په هغه وینا کې وکړه چې نن یکشنبه ماښام د پاکستان پر ملي تلویزیون خپره شوه.

نوموړي وویل، د شتمنو هېوادونو برعکس بې وزله هېوادونه نه یوازې له کورونا وېروس سره مبارزه کوي، بلکې وګړو ته د ډوډۍ ورکولو غم هم ورسره دی. د هغه په وینا، د کورونا وېروس اغېز په شتمنو او بې وزله هېوادونو کې یو شان نه دی، ځکه د دوی په وسایلو او شتمنۍ کې د ځمکې او اسمان هومره توپیر دی.

د پاکستان لومړی وزیر وایي، د پاکستان په څېر مخ پر ودې هېوادونه وار د مخه تر فشار لاندې وو او روغتیایي خدمات یې دومره نه وو چې د کورونا وېروس بحران کنترول کړي.

د پاکسان په ګڼو سیمو کې دا مهال د کورونا وېروس له کبله د اپرېل میاشتې تر ۱۴مې نېتې پورې بشپړ او یا هم نیمه محدودیتونه او ګرځبندیز لګول شوي دي.

په بلوچستان او ګلګت بلتستان کې به دا محدودیتونه د اپرېل میاشتې تر ۲۱مې نېتې دوام کوي.

.  

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.