تاج ملوک عالم: هر وګړی بید خپلې مېرمن سره کومک شي د افغانستان ملي ټیم پخوانی ټرینر او د کرکټ بورډ اوسني تخنيکي سمشاور تاج ملک عالم د ډوډۍ پخولو ته هم مخه کړه او د تناره په سر يې تازه اخيستل شوي عکسونه خپاره کړي دي.نوموړی ویلس باید په تیاره ډوډی ونه خورو.

ښاغلی عالم چې په فیسبوک کې ډېر فعال دى او همدا راز ډېرى خلکو ته د هغوى په پوسټونو تبصرې هم کوي، تازه يې خپل نوي عکسونه خپاره کړي دي.په دې عکسونو کې ورکړل شوی ، چې تاج ملک عالم د تناره په سر ناست دى او ډوډۍ چمتو کوي. په يو عکس کې هغه په تناره کې ډوډۍ پورې کوي، په بل عکس کې بيا ډوډۍ راوباسي او په يو عکس کې يې پخه ډوډۍ له تناره راويستې او ورته ګوري.نوموړي له دې عکسونو سره ليکلي دي:کله کله کور مېرمنو سره هم مرسته پکار وي، هر وخت تيار خوري هم خوند نه کوي.

د نوموړي دې عکسونو ډېرې جالبې تبصرې هم شوې دي او دا عکسونه يې څه کم درې زره کسانو تراوسه پورې خوښ کړي هم دي.ځينو کسانو بيا په تناره کې هغه ډوډۍ هم ليدلې ده، چې څڅېدلې ده او خلکو ورته د همدغه ډوډۍ په اړه تبصرې کړې دي.ځينو ویلي چې باید د تاج ملوک څخه باید چل زده کړو او خپلو مېرمنو سره مرسته وکړو تر څو مو میرمنې هم راحته وي. او نور ژوند ته وخت ولري.

هېره دې نه وي چې تاج ملک عالم څو ورځې وړاندې د کوزې پښتونخوا مشهورې سندرغاړې ګل پاڼې ته هم يو کمنټ کړى و او هغه ته يې په کمنټ کې مشوره ورکړې وه، چې نور دې يو شريف سړى وګوري او واده دې ورسره وکړي.په دغه پوسټ باندې هم خلکو مختلف قسمه تبصرې کړې وې.

دښاغلي عالم د ګل پاڼې په عکسونه دغه تبصره په ټولنيزو رسنيو کې هم ډېره لاس په لاس شوې وه.او خلکو کوټ کړې وه ځينو بیا په فیسبوک کې هم دغه پوسټ نشر کړی وو او لیکلي ېې وو چې باید ګل پاڼړه د تاج ملوک په وینا عمل وکړي ځینو خلکو بیا ویلی وو چې باید شخصي ژوند کې څوک کار ونلري او خپل ژوند ته ېې پرېږدي.

صالح:کابل کې به د پولیسو شمېر دوه برابره شي.

صالح:کابل کې به د پولیسو شمېر دوه برابره شي.د افغان حکومت دولسمشری ماڼړی لومړی مرستیال «امرالله صالح» وایي، په ښار  کې د پولیسو شمېر کم دی او د امنیتي ناستو د طرحې په اساس به دوه برابره ته وسیږي.

امرالله صالح چې د پلازمېنې کابل امنیتي چارې هم په غاړه لري د شپږ نیمو بجو د امنیتي ناستو په راپور کې ویلي، چې ولسمشر به د یادو ناستو د طرحې او وړاندیز په اساس په کابل کې د پولیسو شمېر دوه چنده کړي.د صالح په خبره، د کابل نفوس ته په کتو که چېرې کابل د ثبات په حالت کې هم وای، د پولیسو شمېر باید دومره کم نه وای.مقایسوي ارزونې ښيي

پلازمېنه کابل حتا د ثبات او ارامۍ په حالت کې هم د نړۍ په ځانګړې توګه د دریمې نړۍ هیوادونو په سطحه، د نفوسو په تناسب کم شمیر پولیس لري.د نوموړي له قوله، د پولیسو په شمېر کې زیاتوالی په دقت سره راځي او هغه کسان چې اړینې وړتیاوې نه لري، د پولیسو لیکو ته به جذب نشي.

صالح:کابل کې به د پولیسو شمېر دوه برابره شي.
صالح:کابل کې به د پولیسو شمېر دوه برابره شي.

د کابل پولیسو د دوه برابره کولو پرېکړه داسې مهال ده، چې په دې وروستیو کې هدفي وژنو زور اخیستی او په تېره یوه میاشت کې لسګونه دولتي منسوبین ددي ډول بریدونو ښکار ګرځېدلي.لنډ ثال ېې په دې نږدې وختونو کې د مدني فعالانو او د رسنیو استارزو د وژل هم دی.

په دې وروستیو کې پر حکومت نیوکې زیاتې شوې او چارواکي تورن شوي، چې نشي کولای د دولتي کارمندانو امنیت خوندي کړي.په دې اړه څو ورځې وړاندې ولسي جرګې هم نیوکې کړی دوی ویلي چې د امنیتي سکتور مسولین د امنیت په تامین کې ناکام دي باید ځانګړې پاملرنه دې سکتور ته وشي او مسلکي خلکو ته دغه سکتور ورکړل شي

دوحه کې د افغانستان سفیر د ورپېښې ناروغی له کبله مړ شو

دوحه کې د افغانستان سفیر د ورپېښې ناروغی له کبله مړ شوه په قطر هېواد کې د افغانستان سفیر عبدالحکیم دلیلي د زړه د حملې له کبله مړ شوی دی.نوموړی د ډېر وخت راهیسې په دغه مرض اخته او پرون راهیسې قطر کې په یو روغتون کې بیستر وو.

د خارجه چارو وزارت یوې باوري سرچینې رسنیو ته ددې خبر د تایید ترڅنګ ویلي، چې پر دلیلي پرون غرمې راهیسې د زړه حمله راغلې د کومې له امله چې نوموړی په روغتون کې تر درملنې لاندې ؤ.د سرچینې په خبره د ډاکټرانو د هڅو سربیره نن د سه شنبې په سهار سفیر عبدالحکیم دلیلي د دوحې په یو روغتون کې ساه ورکړې ده.قطر لومړنی خلیجي هېواد دی چې په ۲۰۱۳م کال کې طالبانو د خپل سیاسي دفتر لپاره خوښ کړی.

د هغه تاریخ راهیسې تر نن پورې طالبانو سره د امریکايي او ګڼو نورو هېوادونو د دیپلوماتیکو ناستو کوربتوب په غاړه لري.ددې ترڅنګ د طالبانو او امریکا متحدو ایالتونو ترمنځ د سولې مذاکراتو ۱۸ پړاوونو کوربتوب سربیره اوس وخت کې د بین الافغاني مذاکراتو تسهیل کوونکي په توګه رول لوبوي.

ښاغلی عبدالحکیم دلیلي د ۲۰۱۹ کال له فبرورۍ میاشتې څخه په قطر هېواد کې د افغانستان د سفیر په توګه ګومارل شوی ؤ، چې له کابو دوه کاله دندې وروسته نن سهار په روغتون کې ومړ.نوموړی یو له تکړه ډېپلوماټانو څخه وو او هر وخت ېې هڅه کوله چې د وطن لپاره د خیر کار وکړي. او خپله وظیفه په سمه توګه سره ته ورسوي.

د نوموړی په مړینه ډېرو سیاسیونو او مشرانو د خواشینی پیغامونه نشر کړي دي.په همدې لړ کې د مصالحې شورا څخه خپره شوې خبر پاڼې کې هم نوموړي په مړینه غمشریکي ښکاره شوې او ویلی ېې دي چې ښالی دلیلي یو له ښه ډېپوماټانو څخه وو همداراز ارګ هم اعلامیه کې ویلي ښاغلی عبدالحکیم دلیلي د هیواد او ولس د رښتیني خواخوږي او خدمتګار په توګه په قطر هیواد کې د افغانستان اسلامي جمهوري دولت ډېر ښه استازیتوب وکړ.

دوحه کې د افغانستان سفیر د ورپېښې ناروغی له کبله مړ شو
دوحه کې د افغانستان سفیر د ورپېښې ناروغی له کبله مړ شو

قطر هیواد ته په وروستي رسمي سفر کې قطري مقاماتو، د افغانستان اسلامي جمهوریت مذاکره کوونکي پلاوي او په یاد هیواد کې مېشتو افغانانو بار بار د نوموړي د ښو کړنو او خدمتونو یادونه او ستاینه راته وکړه، د نوموړي مړینه د افغانستان لپاره لویه ضایعه ده.

د مصالحې شورا مشر عبدالله عبدالله ملي لوبغاړی راشد خان ستایلی

د مصالحې شورا مشر عبدالله عبدالله ملي لوبغاړی راشد خان ستایلی دافغانستان د ملي مصالحې عالي شورا مشر ډاکټر عبدالله عبدالله د افغان لوبډلې لوبغاړی راشد خان د (ICC) د لسیزې غوره لوبډله کې په راتلو ستایلی دی.

پرون (ICC) د لسیزې غوره لوبډلې اعلان کړې، چې راشد خان هم د شل اوریزو لوبو د لسیزې غوره لوبډله کې ځای موندلی دی.د ملي مصالحې عالي شورا مشر ډاکټر عبدالله عبدالله د خپلې رسمي فېسبوکپاڼې نه د راشد خان په اړه يو پوسټ کړی دی او د هغه عکس يې هم خپور کړی.نوموړي لیکلي:” د کرکټ ملي لوبغاړي راشد خان بریا دې ټولو ته مبارک بادوي.

د مصالحې شورا مشر عبدالله عبدالله ملي لوبغاړی راشد خان ستایلی
د مصالحې شورا مشر عبدالله عبدالله ملي لوبغاړی راشد خان ستایلی

دافغانستان ملي لوبډلې مشهور لوبغاړي ښاغلی راشد خان د خپلو اتلولیو په لړ کې د کرکټ نړیوالې شورا د شل اوریزو سیالیو د وروستۍ لسیزې د ځانګړې لوبۀلې په نوملړ کې ځای خپل کړی. د کرکټ ملي لوبډلې په ځانګړي راشد خان تل هېوادوالو ته خوښۍ او ویاړونه ډالۍ کړي دي. د سولې دا سفیران دې ژوندۍ او ګړندۍ وي.”

دډاکټر عبدالله عبدالله پرته هېوادوالو او د ملي لوبډلې لوبغاړو هم راشد خان ته د شل اوریزو لوبو د لسیزې په غوره لوبډله کې په راتګ مبارکۍ ورکړي دي.او نوموړی ېې هڅولی چې پا اینده کې همباید راشد همداسې د افغانستان د کرګټ نوم مشهور او بلند کړي.او د هیوادوالو زړونه خوشاله کړي.

د افغان لوبډلې پخواني کپتان او الراونډر لوبغاړي ګلبدین نایب هم د راشد خان په اړه یو ټویټ کړی دی او هغه ته يې مبارکي ورکړې ده. نوموړي راشد خان ته لیکلي دي چې ته د افغانستان رښتینی اتل یې، زه درباندې ویاړم.هغه ویلی دا یوه غټه د فخر خبره ده.چې ستاسو په شان روښانه او پرفامر پلیر لرو.

استاذسیاف:د سولې خبرو لپاره باید سیاسی اجماع رامنځته شي

استاذسیاف:د سولې خبرو لپاره باید سیاسی اجماع رامنځته شي پخواني جهادي مشر او د حراست او ثبات شورا ریس عبدالرب رسول سیاف وایي، د سولې فردي هڅې د مذاکراتي ټیم د کمزورۍ لامل ګرځېدلې او باید ودرول شي.هغه وای باید سولې لپاره سیاسی اجاع رامنځته شي.

ښاغلی استاذ عبدالرب رسول سیاف چې نن یې په کابل کې د پخلاینې عالي شورا دویمې ناستې ته خبرې کولې وویل، چې مذاکراتي ټیم د بشپړ ولس استازی دی او د ولس ښه استازیتوب یې کړی، چې اوس پر ولس حق لري قاطع ملاتړ یې وکړي او داسې هڅې ونشي چې د مذاکراتي ټيم د ضعف لامل وګرځي.نوموړي وړاندې زیاته کړه، هغه کسان چې د جوړجاړي لپاره فردي هڅې کوي، باید ودرول شي؛ځکه دده په خبره، مذاکراتي ټيم یو چینل دی او هر څوک چې کومه خبره لري،

کولای شي چې له مذاکراتي ټیم سره یې شریکه کړي او هغوی به بیا له مقابل خوا سره ورباندې وغږېږي.سیاف ددې تر څنګ طالبان تورن کړل چې د مذهب د موضوع په مطرح کولو سره یې د کابل د مذاکراتي ټيم د ویشلو هڅه کړې؛ خو په خبره یې،

دافغان سولې مذاکراتي ټيم خپل وحدت په ښه توګه وساته او د ولس ښه استازولي یې وکړه.د سیاف له قوله، د سولې لپاره اړینه ده چې دواړې غاړې اراده ولري او تر هغو پورې سوله شونې نه ده، تر څو د دواړو اړخونو اراده مشخصه شوې نه وي.

استاذ سیاف داسې مهال د سولې د فردي هڅو د درېدو غږ کوي، چې په کابل کې دننه یو شمېر جهتونه د سولې په پروسه کې ځان شریک نه ګڼي او هڅه کوي له طالبانو سره له خپل ادرسه خبرې وکړي.هغه ویلی باید اوس سولې ته اجماع رامنځته شي.اوپه یو اتفاق شو سره. تر څو مو هېواد مو دایمی سولې تا ورسیږي

ولسمشر  غني د اندونیزیا د محمدیه علماو سازمان مشر او مل پلاوي سره وکتل

د افغانستان اسلامي جمهوریت جمهوررئیس محمد اشرف غني بېګا ماښام د اندونیزیا د محمدیه علماو سازمان رئیس او د یاد هیواد د جمهورئیس پخواني مرستیال ډاکټر یوسف کلا او مل پلاوي، سره لیدل کتل وشو په دغه لیدنې کې د کابینې او د حکومت مزاکراتي ټیم غړي هم موجود وو.

دغه کتنه کې چې په ارګ کې وشوه ډاکټر یوسف کلا د اندونیزیا د جمهوررئیس سلامونه او نېکې هیلې جمهوررئیس غني او د افغانستان خلکو ته وړاندې کړې وې ویل، موږ په تېرو دوه ورځو کې د ارشاد، حج او اوقافو او د صنعت او سوداګرۍ وزارتونو رهبري پلاوي، د ملي امنیت سلاکار، د سولې مذاکره کوونکي پلاوي او د افغانستان علماو شورا یو شمېر غړو سره وکتل.هغه زیاته کړه، زموږ د سفر موخه داده چې اندونیزیا د ستر اسلامي هیواد په توګه د افغانستان په سولې پروسه کې څنکه مرسته او همکاري کولای شي.

ډښاغلي یوسف کلا په افغانستان کې د تاوتریخوالي پر زیاتوالي د انديښنې څرګندولو پر مهال له طالبانو وغوښتل چې تاوتریخوالي پایته ورسوي.یاد پلاوي څرګنده کړه، اندونیزیا د معتدل اسلامي هیواد په توګه د سولې په برخه کې ښې تجربې لري او چمتو ده چې یادې تجربې د افغانستان دولت سره شریکې کړي.

دويي په اندونیزیا کې د اسلامي نړۍ علماو په ګډون د یوه کنفرانس جوړېدو په خاطر چې د افغانستان د سولې په اړه بحث او خبرې وکړي،دويي چمتووالی هم وښوده ښاغلي یوسف وویل اندونیزیا د سولې مذاکراتو د یو پړاو کوربه توب ته تیار دي.بلخوا بیا ولسمشر غني ډاکټر یوسف کلا او مل پلاوي ته د ښه راغلاست پر مهال وویل، د ده سلامونه او نېکې هیلې هم د اندونیزیا جمهوررئیس او خلکو ته ورسوئ

ولسمشر زیاته کړه، اندونیزیا له یوې خوا په نړۍ کې پرنفوسه اسلامي هیواد دی او له بلې خوا د سولې په برخه کې ښې تجربې لري چې کولای شي د افغانستان د سولې په پروسه کې اغېزناکه همکاري وکړي.د هیواد جمهوررئیس وویل، ستاسې تجربې نه یواځې د افغانستان اسلامي جمهوري دولت ته ممدې واقع کېږي، بلکې د طالبانو ډلې ته هم موثرې دي، ترڅو د اعتدال لار غوره او له تاوتریخوالي لاس واخلي.اوسوله وکړي.

ښاغلي غني د خپلو خبرو اخیر کې د علماو کنفرانس د کوربه توب د چمتووالي مننه وکړه وې ویل، د اسلامي نړۍ ټول علما په افغانستان کې د روانې جګړې پر نامشروع بللو اجماع لري او دغه تاوتریخوالی چې له امله یې بې ګناه افغانانو ته زیان رسېږي، نور موږ ته د زغملو وړ نه دی ښاغلي غني ویل ټول اسلامي هېوادونهباید د افغان سولې ملاتړ وکړي.تر څو سولې لپاره منتقوي اجماع هم جوړه شي او دسولې خبرې کامیابه شي .

د جمهور ریس غني په مشرۍ د کرونا دویمې څپې سره د مبارزې غونډه جوړه شوه

د افغانستان اسلامي جمهوریت د جمهوررئیس محمد اشرف غني په مشرۍ د کرونا وبا دویمې څپې سره د مبارزې غونډه پرون سهار په ګلخانې ماڼۍ کې ترسره شوه.په دغه غونډه کې د روغتیا وزیر جواد عثماني او و طبی شورا مشره نسرین اوریاخېل هم موجوده وه.

دغونډې په پیل کې د عامې روغتیا وزیر احمد جواد عثماني د مرکز او ولایتونو په روغتونونو کې د اکسېجن عاجلې اړتیا ته په اشارې وویل، د اکسېجن د تولید ۸ دستګاوو له نصب سره به د کرونا ناروغانو د اکسېجن ستونزه حل شي.هغه د کابل دولتي روغتونونو رئیسانو سره د مرکز د ۱۷ او ۱۰ ولایتي روغتونونو او د ICU عاجلو پروژو خدمتي برخو د یو کال اړتیا وړ درملو او طبي تجهیزاتو فاینل شوی لېست، وړاندې کړ.احمد جواد عثماني وویل، پاکستان ته د تلونکو مساپرو د PCR ټېسټونو ستونزه د حل او اسانتیاوو په موخه د بهرنیو چارو وزارت له لارې له پاکستان سره شریکه شوې ده.

وروسته د افغانستان د طبي عالي شورا رئیسې ډاکټر نسرین اوریاخېل د افغان جاپان روغتون د وضعیت او د جمهوري ریاست عالي مقام ځانګړې دستیارې ډیوه صمد په ۳۴ ولایتونو کې د اکسیجن او د پرسونل د محافظتي وسایلو د وضعیت په اړه خپل راپورونه او معلومات شریک کړل.جمهوررئیس غني د هغوی د راپورونو تر اورېدو وروسته د عامې روغتیا وزارت ته دنده وسپارله چې په دوو اونیو کې د اکسېجن د اړتیا او امکاناتو په اړه واضح راپور چمتو او حکومت پر هغه اساس عاجل اقدامات وکړي.

جمهوررئیس غني وویل: عامې روغتیا وزارت دې د کویډ ۱۹ جوړېدونکو روغتونونو اړتیاوې مشخصې کړي چې پر وخت ورته رسیدګي وشي. همدارنګه دې د کرونا دویمې څپې سره د مبارزې پرمهال د ډاکترانو او روغتیایي کارکوونکو په معاشونو کې د ځنډ د مخنیوي لپاره واضح پلان ترتیب کړي.

د جمهور ریس غني په مشرۍ د کرونا دویمې څپې سره د مبارزې غونډه جوړه شوه
د جمهور ریس غني په مشرۍ د کرونا دویمې څپې سره د مبارزې غونډه جوړه شوه

د افغانستان ولسمشرغني د غونډې په پای کې وویل، عامې روغتیا وزارت باید د کرونا دویمې څپې سره مبارزې ته د ځانګړو شویو منابعو او اقداماتو راپور وخت پر وخت او وضاحت له خلکو سره شریک کړي او دوی خلکو ته ځواب ویونکي دي.

د هندي فلمونو هنرمنده راکول پریتسنګ په کورونا ویروس اخته شوې

د هندي فلمونو هنرمنده راکول پریت سنګ په کورونا ویروس اخته شوې د کويډ١٩ناروغی څخه په درې زياتو اغېزمنو ملکونو کې شامل د هند د يوې بلې هنرمندې راکول پريت سينګ د کورونا ويروس ټېسټ هم مثبت راغلى دى.او نوموړې په دغه ويروس مبتلا شوې.

د انډین ټايمز د راپور له مخې راکول پريت سينګ په انسټاګرام او ټويټر کې پوسټونه کړي دي او د کورونا ويروس ټېسټ د مثبت راتلو په اړه يې معلومات خپاره کړي دي.هغې ليکلي دي زه تاسې ټولو ته خبر درکوم چې زما د کورونا ټېسټ مثبت راغلى دى او ما ځان کرنټين کړى دى.اغلې سينګ همدا راز دا هم ليکلي دي، چې زه ښه يم او ارام کوم، تر څو بېرته ژر د فلم ثبت ته راستنه شم.هغه همدا راز له هغه خلکو څخه چې په دې نږدې ورځو کې يې له هغې سره ليدلي، هم غوښتنه کړې ده،

د هندي فلمونو هنرمنده راکول پریتسنګ په کورونا ویروس اخته شوې
د هندي فلمونو هنرمنده راکول پریتسنګ په کورونا ویروس اخته شوې

چې ژر تر ژره دې د کورونا ويروس ټېسټونه وکړي تر څو معلوم شي چې هغويي ته خو به کرونا ویروس نه وي ورغلی. هېره دې نه وي چې راکول پريت سينګ په دې وروستيو ورځو کې د (مى ډى) فلم لپاره ثبت پيل کړى و، چې ځينې عکسونه يې هم خپاره کړي و.

دا فلم چې لارښود يې مشهور هنرمند اجى دېوګن دى او په خپله پکې کردار هم ادا کوي، تر څنګ پکې اميتاب بچن هم کار کوي.د يادولو وړ ده چې د راکول پريت سينګ څخه شاوخوا يوه مياشت مخکې د هندي فلمونو دوه نور مشهور هنرمندان ورون دهون او نيتو کپور هم د کورونا ټېسټونه مثبت راغلي و،

هغوى د (جګ جګ جيو) فلم ثبت کاوه.او په کرونا اخته شوی وو د یادولو وړ ده چې کرونا ویروس دوهمه چپه پیل شوې او ټوله نړی کې هره ورځ په زرګونو کسان په دغه ویروس اخته کیږي. انګلستان کې یو نوی ډول کرونا خپره شوې چې ډېر ژر بل انسان ته انتقالیږي او انسانان ډېر زیانمنوي.

د مصالحې عالي شورا: جمهوریت باندې هیڅ ډول معامله نه کوو

د مصالحې عالي شورا: جمهوریت باندې هیڅ ډول معامله نه کوود پخلاینې عالي شورا دوهم مرستیال اسدالله سعادتي وایي، په هیواد کې د جمهوري نظام بقا او د رایو له لارې د ولسمشر ټاکل کېدل هغه څه دي، چې، معامله ورباندې کېدلای نشي کیدی هغه وايي جمهوریت موږ ته سره کرښه ده.

د ښاغلي سعادتي پر وینا د جمهوري نظام بقا او دا چې د نظام لومړی کس به د رایو له لارې ټاکل کېږي، هغه څه دي چې زموږ لپاره سره کرښه ده او هیڅ بدیل نه لري.نوموړي وړاندې زیاته کړې، چې طالبانو تر دې دمه د خپل خوښې وړ «اسلامي نظام» په اړه توضیحات نه دي ورکړي؛ خو له خبرو یې داسې ښکاري، چې له اسلامي نظام څخه یې مراد هماغه پخوانی اسلامي امارت دید سعادتي په خبره، «اوربند» او تر سولې وروسته د نظام بڼه هغه څه دي، چې ښايي په راتلونکو مذاکراتو کې سخت وي.

ځکه دده له قوله، اوربند د حکومت د مذاکراتي ټيم د اجنډا په لومړنیو موضوعاتو او د طالبانو د خوښې وړ موضوعاتو په وروستۍ برخه کې قرار لري.نوموړي ددې تر څنګ د دواړو مذاکراتي ټیمونو تر منځ د نظر ستر توپير ته په اشارې ویلي، چې ښايي له همدې امله په افغانستان کې د سولې تامین ستونزمن وي.

د مصالحې عالي شورا: جمهوریت باندې هیڅ ډول معامله نه کوو
د مصالحې عالي شورا: جمهوریت باندې هیڅ ډول معامله نه کوو

دهغه له قوله، سوله یوازې هغه وخت تامین کېږي، چې عدالت تامین شي او د ټولنې د ټولو وګړو حقونه ورکړل شي.سعادتي داسې مهال جمهوري نظام خپله کرښه بولي؛ چې د طالبانو او کابل مذاکراتي ټیم تر منځ لا تر دې دمه ددې موضوعاتو په اړه خبرې نه دي پیل شوې.

هېره دې نه وي یوه اوونۍ مښکې دواړو لورو د اجنډا د موضوعاتو لستونه تبادله کړل او د نوي کال د جنوري میاشتې پر پنځمه یې د مذاکراتو د بیا ځلې پيلېدو په اړه هوکړه وکړه. دويي توافق وکړ چې دواړه لورې به د سلا مشورو نه وروسته بیا ځلې سره یو ځای شي او مزاکرات به پیل کړي.

د (UN)ملګرو ملتونو او طالبانو د توافق پربنسټ سلګونه روغتیایي مرکزونه جوړېږي

د (UN)ملګرو ملتونو او طالبانو د توافق پربنسټ سلګونه روغتیایي مرکزونه جوړېږي طالبان وایي، د ملګرو ملتونو او دوی تر منځ د شوي توافق په پر بنسټ تر څلور زره ښوونځیو ها خوا د افغانستان په بېلابېلو برخو کې دوه سوه روغتیایي مرکزونه هم جوړیږي.

د دغه ډلې له رسمي ادرس څخه د ورځې خبره تر نامه لاندې خپره شوې تبصره کې راغلي، چې د اسلامي امارت او د (UN)ملګرو ملتونو د یونیسیف ادارې تر مابین د توافق په اساس د هیواد په بېلابېلو برخو کې څلور زره ښوونځي او د طالبانو او روغتیا نړیوالې ادارې د هوکړې په اساس دوه سوه روغتیایي مرکزونه جوړ او ودانېږي.په یاده تبصره کې طالبانو یو ځل بیا ځان د عصري زده کړو د پرمختګ په برخه کې ژمن بللی او هغه تورونه یې «افواهات» بللي چې ګواکي دوی د عصري زده کړو مخالف کوي

د دويپر وینا طالبان د دیني او عصري زده کړو پرمختیا او پراختیا ته لومړیتوب او تربل هرچا زیات ارزښت ورکوي ځينې خلکو چې نړیوال او عامه ذهنیت یې مختل کړی و او اسلامي امارت یې د عصري زده کړو د ودې او ترقۍ پر وړاندې خنډ او مانع بللی و خو د دويي سرچینی وايي چې دغه ډله د عصری علومو هیڅ کله مخالفت ندی کړی. او دويي به د بل هر څه نه زیات د ځوانان زدکړو ته توجوع وکړي.

ددوی دا ډول اقدامات دا پيغام لري چې که جنګ ودریږی.اسلامي امارت به خپل ځورېدلي ولس ته د بیارغونې، امن، ثبات او ټولنیزو هوساینې په برخه کې نور زېري هم واوروي او د مثبتو رجحاناتو شاهدان به ووسي.او دويي به بیا یو ځل بیا حکومت پر دې وطن وکړي او حاکمان به شي.

یاده دې وي، چې د طالبانو او ملګرو ملتونو تر منځ توافقات داسې مهال دي، چې د دوحې د تړون په بنسټ له هیواده د بهرنیو ځواکونو د وتلو لړۍ روانه ده او تر څنګ يې په دوحه کې د افغان سولې د خبرو بهیر پیل شوی.او اول پړاو ختم شوی دی کوشش کیږي چې د سلا او مشورو نه وروسته دوهم پړاو هم پیل شي.