انګلستان

ولسمشرغني ډاکتر زلمي رسول ته د غازي وزیرمحمداکبرخان دولتي مډال ورکړ د افغانستان د اسلامي جمهوریت جمهوررئیس محمد اشرف غني نن له غرمې وړاندې په انګلستان کې د افغانستان سفیر ډاکتر زلمي رسول ته د هغه د خدمتونو د تقدیرولو په موخه د غازي وزیر محمد اکبر خان دولتي مډال ډالی کړ.

ښاغلي زلمي رسول ته د مډال د ورکړې په اړه د ولسمشر غني په فرمان کې راغلي، نوموړي ته له هیواده بهر په ډيپلوماتیک ډګر کې د افغانستان د اغېزناک استازیتوب او په ورسپارل شویو دندو کې د رښتینولۍ او زړورتیا له امله چې غوره پایلې یې لرلې دي، د هغه د قدر وړ خدمتونو د تقدیرولو په موخه د غازي وزیر محمد اکبر خان دولتي مډال ورکول کېږي. ولسمشر غني په ګلخانې ماڼۍ کې په دې اړه جوړې شوې غونډه کې وينا وکړه. ښاغلي غني د ویاړ ځای دی چې نن د افغانستان یو رښتینی بچی ستایل کېږي.

ډاکتر زلمي رسول د ژوند په ټولو مراحلو کې له خپل پلار عبدالقیوم رسول سره چې د افغانستان د عامې روغتیا وزیر و، په افغانستان کې د مشروع نظام د بنسټیزه کېدو لپاره، نه ستړې کېدونکې هلې ځلې کړې دي.د هیواد جمهوررئیس وویل، له ځوانۍ د ډاکتر زلمي رسول هڅې او خدمتونه په افغانستان کې د ازادۍ او د سیاسي نهضت د ایجاد لپاره وې، ترڅو افغانستان د ډیموکراسۍ له لارې سیاسي ثبات ته ورسېږي.

ولسمشر غني وویل پر افغانستان د پخواني شوروي اتحاد له برید وروسته د افغانستان د ستونزې حل لپاره د لویې جرګې جوړول چې د بُن جرګې د جوړېدو لامل شوه او دغه هڅې په اساسي ډول د بُن کنفرانس لپاره اسانتیاوې برابرې کړې، په دې ټولو کې د ډاکتر زلمي رسول رول څرګند و.ښاغلي غني همداراز د ډاکتر زلمي رسول حوصلې، زغم او تفکر ته په اشارې وویل، نوموړي تل په ملي بحثونو کې رغنده رول لوبولی او له همدې امله د افغانستان حکومت د نوموړي هڅې ستایي.

انګلستان کې د افغانستان سفیر ښاغلی زلمي رسول د جمهوررئیس غني له باور او د غازي محمد اکبر خان دولتي مډال له ورکړې څخه په مننې وویل، له ځوانۍ مې د افغانستان لپاره هڅې او کار کړی او تر هغو چې ژوندی یم د افغانستان لپاره به خدمت کوم او دا خپله ملي وجیبه بولم.هېره دې نه وي چې زلمی رسول په تېرو ټاکنو کې ولسمشر غني ته د ولسمشری نوماندی نه تېر شوی هم وو.

اکسفورډ پوهنتون د کرونا ویروس لپاره به واکسین ډېر ژر تولید کړود انګلستان اکسفورډ یونیورسټي ویلي، چې د کروناناروغۍ لپاره ېې د واکسینو د جوړېدو کار په کامیابۍ سره اخيري پړاو ته داخل کړۍ ډېر ژر به بشپړشي،

د امریکا واشنګټن پوسټ ورځپاڼې په حواله، د دغه پوهنتون چارواکو ویلي، چې د دغه واکسین د تولیدېدو کار درېیم او اخيري پړاو ته ورسېد .د دغه يونیورسټۍ مسولینو دغه پړاو هیله بښونکی بللې او ویلي، چې ډېر زر به دنیا ته د کرونا پر ضد واکسین راوړي په دغه پړاو کې یاد شوی واکسین په آخر ځل ازمایل کیږي.په وروستي پړاو کې دا معلومیږي، چې دغه واکسین د انسان سلامتۍ ته نور نقصان خو به نه کوي،

یو څه وخت مخکې ډبلیو ایچ او د کرونا ویروس پر ضد د پینځلس ډوله واکسینو د زر بشپړیدو خبر ورکړی و.سرچینې ویلي و، چې تر ۱۲۰ پورې مختلف واکسینونه په نړیواله کچه تر کار لاندې دي.په نړۍ کې د کرونا ویروس ټولې پېښې تر نهه میلیونو نه اووښتي دي باید ژر تر ژره دې ورته واکسین او درمل جوړ شي ترڅو د دغې ناولې وبا نه ټوله نړۍ خلاصه شي،

امریکا المان، فرانسه، ایټالیا او هالینډ له هغو هېوادونو دي، چې ویل کیږي اکسفورډ پوهنتون نه یې د یاد شوي واکسین په زر بشپړولو او وروسته یې په خپراوي کې د ملاتړ ډاډ ورکړی.امریکا یو له هغه هېوادونه څخه دۍ چې د کرونا ویروس پکې ډېر خپريږي او خپاره شوي هم دي پکې اوسمهال پکې په لکاو شمېر کې کسان په دغه ناروغۍ اخته شوي دي، او لا هم پکې مثبتې پېښې منځ ته رازي،

ویل شوي، چې د دغه پوهنتون له لورې د جوړیدونکي واکسین کار نیږدې ۸۰ سلنه پای ته رسیدلی.د برتانیې یوه مشهور واکسین جوړونکي شرکت وار د مخه تیاری ښودلی، چې د اکسفورډ پوهنتون د دغه واکسین له بشپړیدو سره به زر دا واکسین دوه میلیارده کسانو ته اماده او ورسوي.وړاندوینه دا ده، چې یاد شوی واکسین به د تنفسي اسپرۍ په بڼه تر راتلونکي میلادي میاشتې چمتو شي.

د یادونې وړ ده چې کرونا وېروس لپاره د اکسفورډ پوهنټون نه علاوه هم هند او پاکستان په شمول بازې نورو اروپايي هېوادونو هم درمل جوړولو ادعا کړې وه او ویلي وو چې ډېر ژر به د کرونا د مخنيوي لپاره درمل جوړ کړي او بازار ته به ېې وړاندې کړي،

اوسمهال په نړۍ کې د کرونا ویروس مثبتې پېښې د لکاو په شمېر کې دي او لا هم خپريږي د بازې راپورونو له مخې افغانستان کې د ثبت شویو پېښو شمېر د ۲۸ زرو نه اووښتۍ او نور هم ورځ تر بله زیاتيږي باید نړیواله ټولنه سره په یو اتفاق شي او د کرونا وېروس مخنيوي لپاره جدي مبارزه وکړي،

د انګلستان کرکټ ملي لوبډلې نامتو لوبغاړى عادل رشيد په ټېکس کې د دوکې کولو له امله ٣٨ زره پاونډه جريمه شوى دى. د نړيوالو رسنيو د راپورونو په وېنا، پاکستاني الاصله انګلستاني لوبغاړي عادل رشيد له سل زره پاونډو څخه زيات ټېکس نه دى تحويل کړى، د انګلستان د ټېکس تحويلولو ادارې ويلي دي، چې نوموړي د ٢٠١٣ څخه تر ٢٠١٧ کال پورې پوره ټېکس نه دى جمع کړى

، نو اوس هغه ته ويل شوي دي چې سل زره پاونډه او همدا راز ٣٨ زره پاونډه جريمه دې ژر تر ژره تحويل کړي د جريمې او ټېکس نه جمع کولو له امله د عادل رشيد نوم د ټېکس غلا کوونکو په ليسټ کې شامل شوى دى….

د ټېکس ادارې وياند وايي، چې په دې ليسټ کې شاملو کسانو ته سزا نه ورکوي، خو د ټېکس نه جمع کولو له امله د دوى نومونه په دې ليسټ کې شاملېږي، تر څو وشرمېږي او خپل ټېکسونه جمع کړي.

هغه زياتوي، چې ډېرى کسان د ټېکس غلا ثابتېدو وروسته ژر خپل ټېکسونه جمع کوي او هغه خلک چې ټېکسونه نه جمع کوي، نو دوى يې د جمع کولو لپاره له بېلا بېلو لارو څخه کار اخلي.

خو بل لوري ته پاکستاني الاصله انګلستاني کرکټر عادل رشيد ځينو رسنيو ته ويلي دي، چې هر څه يې بېرته سم کړي دي او دا ټوله تېروتنه د هغه د اکاونټنټ وه چې داسې مشکل ورسره راپېښ شوى دى. هغه همدا راز زياته کړې ده، چې د ټېکس غلا کولو هېڅ اراده يې نه وه، هغه د انګلستان يو ښه اوسېدونکى او ذمه واره لوبغاړى دى او هېڅ کله هم داسې فکر نه شي کولاى چې ټېکس دې غلا کړي

د کرونا ویروس له د هرې شعبې سره تعلق لرونکي په ژوند باندې اثر کړۍ نو اس د انګلستان د ښکلا ملکې ویلي دا یوه طبیعي خبره وه چې د کورونا وېروس پرمهال د مرستیالې ډاکټرې په توګه خپلې دندې ته را وګرځي. د تنفسي ناروغیو متخصصه باشا موکرجي له هنده، چېرته چې یې د خیر ښېګڼې کارونه کول بېرته برتانیا ته ستنه شوې چې د دې هېواد له روغتیا ملي ادارې سره یو ځای شي.

باشا اوس ۲۴ کلنه ده او په بوستن پیلګریم روغتون کې خپله دنده راتلونکې اونۍ پیلوي.هغې بي بي سي راډیو ته ویلي تر دې لوړ ویاړ نشته چې هم د انګلستان د ښکلا ملکه وي او هم د روغتیا ملي ادارې په څېر له یوې ویاړلې ملي ادارې سره یو څه مرسته کوي.

نوموړې د خیر ښېګڼې کارونو په لړ کې د پاکستان په ګډون څو آسیايي هېوادونو لېدنې ته تللې وه.خو کله چې یې په بریتانیا کې د روغتیا په برخه کې د روان کړکیچ په اړه واورېدل نو پرېکړه یې وکړه چې دې برخه کې مرسته وکړي. اغلې موکرجي ویلي دا را ته مناسبه ښکاره نه شوه چې زه دې په امن ځای کې وم او زما همکاران دې په لومړۍ کرښه کې خپل ژوند له خطر سره مخامخ کوي.

د برتانیا د روغتیا ملي اداره په دغه هېواد کې د کووید-۱۹ ناروغۍ له پراخېدو سره د نورو کارکوونکو د جلب هڅه کوي او په دې وروستیو کې یې له تقاعد شویو ډاکټرانو او نرسانو غوښتي چې بېرته خپل کار ته ستانه شي.
باشا موکرجي‌وایي،‌ له هغه روغتیايي خطره هم خبره ده چې کار ته پر راګرځېدو دې ته متوجه دی، خو وايي په روغتون کې د کووید-۱۹ ويروس له امله له کار کولو اندېښنه نه لري.اغلې موکرجي ویلي تر ټولو لویه اندېښنه یې هغه ډېر فشار دی چې د برتانیا د روغتیا ملي ادارې پر کارکوونکو دی.

باشا موکرجي ته د طب په برخه کې له دوه سندونو تر لاسه کولو لږ وروسته د ۲۰۱۹ کال په اګست میاشت کې د انګلستان د ښکلا وټاکل شوه. هغې د تنفسي ناروغیو په وارډ کې له عملي روزنې سره هم مهال کله، کله په سیالیو او ماډلنګ کې برخه اخسته