ولسي جرګه:که نور بندیان خوشي شي جګړه به نوره هم زیاته شي

ولسي جرګه:که نور بندیان خوشي شي، جګړه به نوره هم زیاته شي وروسته له هغه چې په کابل کې د امریکا سفارت ویلي چې وسله وال طالبان په راتلونکو څو ورځو کې له دوی د خپلو بندیانو د خوشي کېدو غوښتنه کړې، پارلمان ویلي، چې د طالب بندیانو خوشي کولو سره به جنګ زیات شي.

د پارلمان وکیلانو په کابل کې د امریکا د سفارت د شارژدافیر پر وروستیو څرګندونو غبرګون ښودلی دی.د ولسي جرګې غړیو ویلي، افغان حکومت د بین الافغاني مذاکراتو تر پیل وړاندې د طالبانو پنځه زره بندیان خوشي کړي چې په هېواد کې یې پر روان وضعیت او د اوربند پر رامنځ ته کولو هېڅ راز اغېز مثبت نه دی کړی.دوی زیاتوي، له منطعي دلایلو پرته د طالبانو د زندانیانو خوشي کول نه یوازې دا چې سوله نه شي راوستلی بلکې د وضعیت د لا ترینګلتیا او کړکېچ لامل کېږي او تاتریخوالی نور هم زاتیدی شي.

د پارلمان غړو د شارژدافیر راس ویلسن وروستۍ څرګندونې د جدي اندېښنې وړ بللې دي او په خبره یې د ولسي جرګې غړي له اوربند او سولې پرته د نورو طالب بندیانو له خوشي کولو سره مخالفت کوي.په کابل کې د امریکا د سفارت شارژدافیر ویلي چې وسله وال طالبان په راتلونکو څو ورځو کې د خپلو اوو زرو بندیانو د خوشي کولو خبره کړې.

 ښاغلي ویلسن ټينګار کړی و چې دا د دوحې هوکړې برخه ده او هوکړه باید عملي کړل شي.افغان حکومت په دې اړه غبرګون نه دی ښودلی.ولسمشرغني دوه ورځې وړاندې په یوه غونډه کې د خبرو پر مهال وویل، چې افغان حکومت د طالبانو پنځه زره بندیان خوشي کړل او اوس د طالبانو وار دی چې سولې ته څومره ژمن دي.

ولسي جرګه:که نور بندیان خوشي شي جګړه به نوره هم زیاته شي
ولسي جرګه:که نور بندیان خوشي شي جګړه به نوره هم زیاته شي

ولسمشر غني ویلي و چې د یادو طالب بندیانو خوشي کول د سولې لپاره نیک ګام و او پرې پښيمانه نه دی.خو وسله والو طالبانو د خپلو پنځه زره طالب بندیانو د خوشي کېدو سره ـ سره جګړې ته دوام ورکړی او د خوشي شویو بندیانو تر نیمايي ډېر برخه بېرته جګړه پیل کړې.

ولسمشری ماڼړۍ: ټول طالب زندانیان مو ازاد کړي

ولسمشری ماڼړۍ: ټول طالب زندانیان مو ازاد کړي. طالبان وایي، مذاکراتي ټيم یې خبرو ته چمتو دی ؛ خو د بندیانو د خوشې کېدو پروسه نه ده تکمیل شوې، ارګ یادې څرګندونې ردوي او ادعاء کوي، چې د طالبانو له خوا د ورسپارل شوي لست سره سم یې ټول بندیان ېې ازاد کړي.

«ډاکټر محمد نعیم» چې د طالبانو د سیاسي دفتر ویاند دی وړمه ورځ پر خپل ټویټر ولیکل، چې د طالبانو بندیان لا هم پاتې دي چې د خوشې کېدو په اړه یې خبرې روانې دي او کله چې یاده پروسه تکمیل شي ، مذاکرات به پیل شي « کله چې د بندیانو د خلاصون پروسه پاي ته ورسیږي ، زمونږ مذاکراتي ټیم د خپلمنځي خبرو د پیل لپاره چمتو دي.

بلخوا بیا یو ميډیا ګروپ بیا د ارګ د ویاند «صدیق صدیقي» له قوله لیکلي «په اوسني وخت کې هیڅ داسې طالب زنداني له موږ سره شتون نه لري. چې نوم یې دې د طالبانو په لست کې وي، زموږ تمه داده چې طالبان ژر تر ژره خپلمنځي مذاکرات پيل کړي.او د سولې په اړه په نورو جزیاتو باندې خبرې وکړي ترڅو د سولې پروسې لارې او چارې معلومې کړي.

د ولسمشرۍ ماڼړۍ ویاند لخوا دغه څرګندونې داسې مهال دي، چې تر دې وړاندې ارګ ویلي وو، د شپږ تنه طالب بندیانو په اړه یې له یو شمېر هغو غربي هیوادونو سره خبرې روانې کړي، چې د یادو بندیانو په اړه ملاحظات لري.د ارګ له لوري د طالب بندیانو په اړه پورته څرګندونې داسې مهال دي، چې طالبانو د بین الافغاني مذاکراتو لپاره یو قوي ټیم ټاکلۍ او په بیا  بیا یې ټینګار کړی چې د بندیانو له خوشې کېدو سره سم تیار دي خپلمنځي خبرې پيل کړي.

دې نه مخکې داسې تمې وې، چې روانه اوونۍ د کابل مذاکراتي ټیم دوحې ته سفر وکړي ؛ خو د ناڅرګندو دلایلو له امله لا هم یاد پلاوي دوحې ته ندي تللي. خو اوسمهال داسې تمه کیږي چې ډېر ژر به د حکومت یو پلاوی دوحې ته په سفر لاړشي او هلته د سولې لپاره په نورو جزیاتو باندې خبرې به وکړي.

ولسمشری ماڼړۍ: ټول طالب زندانیان مو ازاد کړي
ولسمشری ماڼړۍ: ټول طالب زندانیان مو ازاد کړي

اوس وخت دواړو خواو ته لازمه داده چې د نورو سیاسیونو رځنګ ولسي جرګې سره هم دغه موضوع ګانې شریکې کړي ترڅو دویي هم ورسره د سولې په اړه خپل نظرونه شریک کړي او یو سیاسي او ولسي اجماع سره د سولې خبرو کې مخې ته لاړشي. او افغانستان یو باثباته سوله ولري ځکه افغانستان کې د ډېر وخت راهیسې جنګ پیل دی او باید نور سولې ته کار وشي. طلبان ه نور باید د خپلمنځي مزاکراتو په مخ کې خنډونه لرې کړي او دایمي اوربند باندې بحث پیل کړي،

ډېلي بېسټ:خليلزادغواړي طالبانو ته کابل وسپاري

افغان زندانونو د طالبانو  زندانیانو د خلاصون په اړه، د زلمي خلیلزاد سره په قطر  په قطر کې د طالبانو د دفتر مشر او د دې ډلې معاون ملا برادر د بندیانو د ژرخلاصون په باره کې خبرې کړې دي د دغې ډلې ویاند په دې اړه یو ټويټ هم کړۍ دۍ. .

د دغې ډلې د قطر دفتر ویاند سهیل شاهین پر ټوېټرپوسټ کړۍ  ، په دې خبرو کې د قطر د بهرنیو چارو وزارت له ځانګړي استازي مطلق القحطاني سره هم د  زندانیانو د چټک خلاصون او د بین الافغانيخبرو د پیل او د امریکا- طالبانو ترمنځ د اګريمنټ د مکمل عملي کېدو په باره کې  بحث شوی. .

له دې وړاندې هم د امریکا د بهرنیو چارو وزارت په یوه خبرپاڼه کېذکر کړي وو، خلیلزاد د مۍ په ۵ دوحې ته روان شوی او بیا به نوي ډیلي او اسلام اباد ته هم ولاړ شي او هلته به د سولې په اړه د دغو هۍوادونو له مشرانو سره خبرې وکړي.

په بازې راپورونو کې دا هم ذکر شوۍ  وو، چې رلمۍ خلیلزاد په دوحه کې له طالب استازو سره د امریکا- طالبانو ترمنځ د هوکړې پر بشپړ تطبیق وغږېږي او له هندي چارواکو سره به د افغانستان او سیمې د سولې تلپاتې بهیر پر اهمیت بحث وکړي.

په‌ پلان کې ده چې خلیلزاد به اسلام اباد کې کې له پاکستاني چارواکو سره پر افغان سولې بهیر وغږېږي او د تاوتریخوالي پر سم لاسي کمېدو او د بین الافغاني مذاکراتو د پیلېدو لپاره د مهالوېش په اړه دکومک غوښتنه وکړي. متحده ایالاتو او طالبانو د تېرې فبرورۍ پر ۲۹مه په قطر کې د سولې هوکړه لاسلیک کړه

د سولې په دې اګریمنټ کې د مارچ تر ۱۰ مې د بین الافغاني خبرو تر پیلېدا مخکې، له افغان بنديخانو د ۵۰۰۰ طالب بندیانو او له طالبانو سره د ۱۰۰۰ حکومتي ځواکونو د بندیانو خوشي کېدو غوښتنه شوې، خو تر یادې نېټې له دواړو طرفو بندیان خلاص نه شول او دا بهیر وروسته شو. .

تر اوسه افغان حکومت د طالبانو تر نهه سوو ډېر طالب بندیان او طالبانو د حکومت تر ۱۲۰ ډېر بندیان خوشي کړي

پازې شنونکي وايي چې ښايي دغه مزاکرات وروسته شي او د ځنډ ښکار شي.د راپورونو أه مښې دغه مزاکراتو د ځنډ لامل د کرونا ویروس زیاتوالۍ دۍ او دغه مرض ښايي نور هم زیات شي د یاد ناروغۍ له امله د ژوند په ډېرو چارو اثر کړۍ دۍ..

سهیل شاهین:د امریکا بریدونه د سولې توافق خلاف کار دۍ

طالبانو د افغان دولت له بندیانو د خپلو سلګونو بندیانو د خلاصون هرکلی کړی دی، هغوي د بندیانو د خوشې کېدو أباره عکسلعمل خودلۍ او ټینګار کوي چې له کورونا وېروس د بندیانو د محفوظ ساتلو لپاره باید دا لړۍ نوره هم تیزه شي. په قطر کې د طالبانو د سیاسي دفتر ویاند سهیل شاهین پر خپله ټوېټر پانه لیکلي چې تېرو ۳ ورځو کې د دوی ۳۰۰ بندیان خوشي شوي، خو وایي چې دا جریان کفایت نه کوي.

شاهین همدا راز ویلي چې طالبان به هم له خپلې خوا د بندیانو خلاصون ته دوام ورکوي، او ټینګار کوي چې دا چاره به د بین الافغاني خبرو پیلېدو ته لاره هواره کړي. له یوې هفتې ځنډ وروسته افغان حکومت د طالب بندیانو د خوشي کولو لړۍ بیا پېل کړې ده. په دې لړ کې ۹۸ تنه نور طالب بندیان یکشنبه ماښام د څرخي پله له بندخونې نه خوشې شول.

یادو بندیانو په خوشې کیدو سره د ټولو خوشې شویو طالب بندیانو شمیر ۷۴۸ تنو ته رسیږي. طالبانو هم تر دې دمه په کندهار، لغمان او کندوز ولایتونو کې په څو پړاوونو کې یو شمېر بندیان خوشي کړي دي. افغان حکومت د ځینو خوشي شویو بندیانو په ا ړه ویلي وو چې ولسي خلک دي، خو په کندوز کې د خوشي شویو بندیانو په اړه یې ومنله چې د افغان امنیتي ځواکونو سرتېري پکې وو.

بل خوا ته افغان دولت له طالبانو غوښتي چې د کورونا وېروس د لا خپرېدو د مخنيوي او پر دې وېروس اخته کسانو ته د مرستو رسولو لپاره دې “بشردوستانه” اوربند ومني.

دا خبرې د ولسمشرۍ ویاند صدیق صدیقي نن (دوشنبې، غویی ۱۵/ مئ ۴) په کابل کې په یوه خبري غونډه کې وکړې.

خو طالبان وايي امریکا او افغان حکومت د سولې په وړاندې خنډونه جوړوي. دې ډلې وړاندې هم د اوربند په اړه د افغان حکومت غوښتنه رد کړې وه.

د ولسمشر محمد اشرف غني ویاند صدیق صدیقي ټېنګار وکړ چې اوس د دې وخت رارسېدلی چې طالبان د کورونا وېروس موضوع بابېزه ونه ګڼي او تاوتریخوالی کم کړي، څو پر کورونا اخته کسانو ته په وخت ګټورې مرستې ورسېږي او د وېروس د خپرېدو مخنیوی وشي.

صدیقي وویل، که طالبان تاوتریخوالي او جګړې ته دوام ورکړي که وضعیت خرابېږي، نو بیا به یې پړه د دوی پر غاړه وي.

د افغان ولسمشر ویاند په دې وروستیو کې د طالبانو بریدونو ته په اشارې سره وویل دې بریدونو پر سولې د خلکو باور کم کړی دی خو ټینګار یې وکړ چې سوله لا هم د افغانانو او افغان حکومت لپاره لومړیتوب دی.

د ارګ ویاند صدیق صدیقي وايي، د ولسمشر غني د فرمان پر بنسټ د بندیانو د خوشي کېدو په برخه کې مهم ګامونه اخیستل شوي خو د ده په وینا، اوس مهمه خبره دا ده چې طالبان څه کوي؟ غواړي سوله وکړي او که جګړه روانه ساتي؟

جمهورریس غني د ښځو عالي شورا د جوړولو فرمان صادرکړ

ولسمشرمحمد اشرف غني وايي، د افغان حکومت مذاکراتي ډله له طالبانو سره مخامخ خبرو پیلولو ته چمتو ده. نوموړي یو ځل بیا وویل، د خبرو له پیلېدا مخکې د طالب بندیانو خوشي کول باید د شرط په توګه مطرح نه شي، خو په بین الافغاني خبرو کې بحث پرې کېدای شي.

ولسمشر غني دا څرګندونې د ملي شورا د اوولسمې تقنیني دورې د دویم کال د پرانیستې په مراسمو کې وکړې او له پارلمان یې غوښتل چې د بین الافغاني خبرو په مذاکراتي ډله کې د شاملولو لپاره پنځه غړي (درې سړي او دوه ښځې) وروپېژني.

طالبان ټینګار کوي چې د افغانانو خپلمنځي خبرو له پیل وړاندې دې د افغان حکومت په زندانونو کې د دوی پنځه زره زندانیان خوشي کړل شي او په مقابل کې به یې دوی د افغان دولت اړوند زر بندیان خوشې کړي.

په ورته وخت کې، د افغنستان د ملي امنیت شورا له امنیتي بنسټونو غوښتي چې له طالبانو سره د بندي شویو امنیتي کسانو نوملړ چمتو کړي.

غني وویل، د افغانستان د ولسمشر په توګه نه غواړي چې یو طالب بندي هم ورسره پاتې شي، خو په وینا یې “د یوه راڼه او ښکاره میکانېزم پر بنسټ باید دا کار وشي، چې خلک ډاډمن شي له خوشي کېدو وروسته په دې کسانو کې څومره بدلون لیدلی شي.”

غني وویل، د سولې په نوي تګلوري کې باید “یو موټی مخته ولاړ شو، د سولې په اړه د افغانستان حکومت ټول تصامیم د مشورو پر اساس و او وي به.”

ده وویل، د حکومت مذاکراتي ټیم به د کب میاشتې تر شلمې چمتو شي او د سولې په تړاو هره هوکړه به د ملي شورا له تصویب وروسته د لویې جرګې لخوا هم تاییدېږي.

تېره ورځ (جمعه) په قطر کې د طالبانو د سیاسـي دفتر ویاند سهیل شاهین ویلي و، طالبان د افغانانو خپلمنځي خبرو ته چمتو دي خو که له هوکړې سره سم عملي ګامونه وانه خېستل شي او بندیان خوشي نه شي نو مسؤلیت به د نورو پر غاړه وي.

شاهین پر ټویټر یوه بیان کې ویلي، د طالبانو له خوا د افغانانو خپلمنځي خبرو لپاره چې ټاکل شوې د روانې مارچ میاشتې پر لسمه نېټه پيل شي، د دوی اجنډا چمتو ده او له شوې هوکړې “سره سم پرمخ ځو، خو که یاد مذاکرات له پورته نېټې نه وځنډیږي پړه به یې د نورو په غاړه وي. “

امریکا له طالبانو سره په شوې هوکړه کې ژمنه کړې چې د پنځه زره طالب زندانیانو او زر تنه دولتي کسانو چې له طالبانو سره زنداني دي، د تبادلې لپاره به لاره هواروي.ا

د سولې مزاکرات او پښتانه

د طالبانو د سیاسـي دفتر ویاند سهیل شاهین وايي طالبان د افغانانو خپلمنځي خبرو ته چمتو دي خو که له هوکړې سره سم عملي ګامونه وانه خېستل شي او بندیان خوشې نه شي نو مسؤلیت به د نورو پر غاړه وي.

د طالبانو سباسي دفترویاندشاهین پر ټویټر یوه بیان کې ویلي د طالبانو له خوا د افغانانو خپلمنځي خبرو لپاره چې ټاکل شوې د روانې مارچ میاشتې پر لسمه نېټه پيل شي، د دوی اجنډا چمتو ده او له شوې هوکړې “سره سم پرمخ ځو خو که یاد مذاکرات له پورته نېټې نه وځنډیږي پړه به یې د نورو په غاړه وي. “

طالبان ټینګار کوي چې د افغانانو خپلمنځي خبرو له پیل وړاندې دې د افغان حکومت په زندانونو کې د دوی پنځه زره زندانیان خوشې کړل شي او په مقابل کې به یې دوی د افغان دولت اړوند زر بندیان خوشې کړي.

خو افغان دولت ټینګار کوي چې د افغانانو خپلمنځي خبرو په لړ کې باید د دې زندانیانو پر تبادلې خبرې وشي او دا مساله باید د خبرو لپاره د شرط په توګه نه بلکې د خبرو د اجنډا برخه وي.

ورته وخت کې د افغان سولې لپاره د امریکا ځانګړي استازي زلمي خلیلزاد نن ( جمعه ۶ مارچ) له افغان ولسمشر محمد اشرف غني سره کتلي.

د ولسمشر ویاند صدیق صدیقي پر ټویټر یوه بیان کې ویلي په دې کتنه کې د سولې بهیر لپاره پر تیاریو او راتلونکو ګامونو په اړه خبرې وشوې.

ښاغلی صدیقي زیاتوي په دې کتنه کې ” له طالبانو سره د افغانستان د اسلامي جمهوریت د مرکچي پلاوی د لېدنې په اړه هم بحث وشو. “

ولسمشرۍ ماڼۍ د دې کتنې په اړه نور معلومات نه دي ورکړي او نه یې هم له طالبانو سره د زندانیانو د تبالې یادونه کړې ده.

له دې یوه ورځ وړاندې د امریکا د بهرنیو چارو وزیر مایک پومپیو ویلي وو، افغان حکومت او طالبان باید د خپلمنځي خبرو لپاره عملي ګامونه پیل کړي، او ټولې خواوې پوهېږي چې اوس د بندیانو د تبادلې وخت را رسېدلی دی.

نوموړي ټينګار کړی وو چې په تېرو ورځو کې په افغانستان کې د تاوتریخوالي ډېرېدل د منلو وړ نه دي، او د سولې د بهیر د پرمختګ لپاره باید تاوتریخوالی ژر تر ژره کم کړای شي.

امریکا له طالبانو سره په شوې هوکړه کې ژمنه کړې چې د پنځه زره طالب زندانیانو او زر تنه دولتي کسانو چې له طالبانو سره زنداني دي، د تبادلې لپاره به لاره هواروي.