ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې دافغانستان د اسلامي جمهوریت جمهوررئیس محمد اشرف غني د لومړۍ کرښې سرتېرو سره د ټلیفوني خبرو په لړ کې پرون سهار په تخار کې د جګړې لومړۍ کرښه کې له لومړي بریدمن ضابط جان سره خبرې وکړې.

د خبرو پرمهال د سرتېرو زړورتیا او اتلولي وستایله او د هغوی احوال یې واخیست.لومړي بریدمن ضابط جان د جمهوررئیس پاملرنې او احوال اخیستو څخه په مننې وویل، د وطن دفاع پر موږ فرض ده او په هر ډول شرایطو کې یې د وینې تر وروستي څاڅکي ساتنه کوو. هغه زیاته کړه، زموږ ترمنځ ښې همغږۍ د جګړې په لومړۍ کرښه کې موږ ډېر برلاسي کړي یوو.یاد ټلیفوني تما س کې دویمې څارنې مدینې له جمهوررئیس څخه مننه وکړه او وې ویل، ننګرهار ته ستاسو د وروستي سفر پر مهال د ۷ ښځینه پولیسو د ترفیعاتو، د ښځینه پولیسو لپاره د لارې کرایې او وړکتون پرانېستلو په اړه ستاسو لارښوونې عملي شوي.

هغېې زیاته کړه، ښځینه پولیسو د پولیسو ښارګوټي کې خپلې پیسې تحویل کړي، خو ځمکې ورته نه دي وېشل شوي.جمهوررئیس په ننګرهار ولایت کې د ښځینه پولیسو د زړورتیا او مېړانې ستاینه وکړه وې ویل، ټولو ښځینه پولیسو ته ځانګړې پاملرنه کېږي، ترفیعات مو اجرا شول او د پولیسو ښارګوټي د نومرو ستونزې ته د رسیدګي لپاره یې اړوندو مسوولینو ته لازمې لارښوونې وکړې.

د دې نه وروسته ولسمشرغني په شهید سردار محمد داوود خان روغتون کې د ملي پوځ د ټپي سرتېري صبغت الله د حال پوښتنه وکړه.صبغت الله د جمهوررئیس د احوال اخیستو مننه وکړه وې ویل، پښه مې ټپي، خو مورال مې لوړ دی او له رغېدو وروسته به د هیواد د دفاع سنګر ته ستون شم.

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې
ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې

ولسمشر غني د لومړۍ کرښې سرتېرو د اتلولیو ستاینه وکړه وې ویل، زه په ټولو قول اردوګانو کې مخامخ له بریدملانو، سرتېرو او افسرانو سره غږېدلی یم. ستاسو غوښتنو او وړاندیزونو ته رسیدګي کېږي او د جګړې په لومړۍ کرښه کې د ښې همغږۍ له امله به اړوند مسوولین تقدیر شي.ځکه دوی د وطن سرمایه ده او ستاینه ېې په مونږ حق ده.

ولسمشر اشرف غني د امریکا دفاع وزیر سره تیلفوني خبرې شوي دي

ولسمشر اشرف غني د امریکا دفاع وزیر سره تیلفوني خبرې شوي دي د افغانستان ولسمشر ډاکټر محمداشرف غني د امریکا نوي ټاکل شوي ددفاع وزارت سرپرست جنرال کریسټوفر سي میلر سره تیلیفوني خبرې کړې دي.او د سیمې تازه صورتحال باندې ورسره غږېدلی.

د ولسمشری ماڼړی څخه خپره شوې خبرپاڼه کې ویل شوي چې اشرف غني پرون د سه شنبې په ورځ د تیلفوني اړیکې له لارې د امریکا نوي ټاکل شوي ددفاع سرپرست وزیر جنرال کریسټوفر میلر سره په داسې مهال د افغانستان د روانو حالاتو په اړه خبرې کړي چې د امریکا د پوځ لوی درستیز جنرال مایک میلر هم موجود ؤ.د ارګ په خبرپاڼه کې ویل شوي چې د امریکا سرپرست دفاع وزیر افغانستان سره د امریکا د دوامدارې همکارۍ ډاډ ورکړی دی.نموړي ویلی دويي نور هم د افغانستان سره همکاري وکړي.

ولسمشر غني د امریکا سرپرست دفاع وزیر سره په داسې مهال تیلیفوني خبرې کوي چې پنټاګون تر راتلونکي جنوري میاشتې له افغانستان څخه د ۲۰۰۰ نورو امریکايي پوځیانو د ایستلو اعلان کړی، چې په دې سره به افغانستان کې د امریکايي ځواکونو شمېر ۲۵۰۰ ته راښکته شي.دې سره ښايي په افغانستان کې د طالبانو زور نور هم زیات شي. او جنګ ته ادامه ورکړي.

په دې اړه د افغانستان د دفاع وزارت سرپرست «اسدالله خالد» وایي، اوس هم باوري نه دی چې په قطر کې روانې خبرې به پایلې ولري. اسدالله خالد دغه خبرې په ولسي جرګه کې د خپلې کاري تګلارې د وړاندې کولو په مهال وکړې.هغه وویل، چې د بهرنیو ځواکونو شمېر شاید کم او یا هم زیات شي؛ خو داسې څه حس شوي نه دي چې وښيي بهرني ځواکونه به په بشپړ ډول له افغانستانه وځي

په سوشل ميډيا کې د امریکا د فوځیان وتلو په اړه عام وګړو غبرګونونه خودلی دی.دويي لیکلي که چېرې د امریکا فوځیان اوځي نو ښايي دا په هېواد کې نور هم حالات خراب کړي او جنګ ادامه نوره هم زیاته شي ځکه د دې نه وړاندې هم ې کله خارجي فوځیان په افغانستان کې نه

د پاکستان اوافغانستان د بهرنیوچارو وزیرانو پرافغان سوله تلیفوني خبرې کړي دي

د پاکستان اوافغانستان د بهرنیوچارو وزیرانو پرافغان سوله تلیفوني خبرې کړي دي د افغانستان د بهرنیو چارو وزارت اعلان وکړ چې د دغه وزارت سرپرست وزیر د پاکستان د بهرنیو چارو له وزیر سره د افغانستان د سولې پروسې په اړه تلیفونې خبرې شوې دي.

خارجه وزارت د یوې خبرپاڼې په خپرولو ویلي چې محمد حنیف اتمر او شاه محمود قریشي پرون ماښام سه شنبه اکتوبر۲۷(لړم۶) د سولې وروستیو جزئیاتو باندې سره خبرې کړي ديپه پیل کې ، د بهرنیو چارو سرپرست وزیر په هغه هیواد کې میشتو افغان مهاجرینو سره دCovid19 ناروغی د خپریدو په وخت کې د پاکستان د اسلامي جمهوریت د مرستو او همکاریو څخه مننه وکړه.او وی ویل پاکستان همیشه د افغان عوامو سره په ځانګړي ډول پاکستان کې مېشت افغانانو سره همکاري کړې ده.

اړونده خبرونه: د افغان عسکرو او نظامي سکتور سره د امریکا ملاتړ دوام کوي

دواړو لورو د ویزې مسلو حل او د افغانستان اتباعو لپاره د قونسلي ظرفیتونو لوړولو پر امکاناتو هم خبرې وکړې.اعلامیه زیاتوي”دواړو لورو د سولې پروسې پر ورستیو پرمختګونو او د دواړو هېوادونو پرګډې همکارۍ په ځانګړې توګه د سولې خبرو کې د پاکستان رول په اړه خبرې اترې کړي دي.”

اعلامیې کې د شاه محمود قریشي له قوله راغلي دي چې افغانستان کې روان تاوتریخوالی به د بین الافغاني خبرو له لارې ختم شي.هغه دا هم ویلي چې هېواد یې د افغانستان د سولې پروسې ملاتړ کوي او پر دې ټینګار کړی چې د تېرو دوو لسیزو لاسته راوړنې خوندي پاتې شي.په پای کې ، دواړو لوریو د دواړو هیوادونو تر منځ د دوه اړخیزو اړیکو او همکاریو پراختیا او پیاوړتیا باندې ټینګار وکړ.

د پاکستان اوافغانستان د بهرنیوچارو وزیرانو پرافغان سوله تلیفوني خبرې کړي دي

له دې سره په یو وخت کې د اسلامي همکاریو سازمان هم یو ځل بیا په افغانستان کې د ملکیانو وژل کېدو په اړه د خواشینۍ څرګندونې تر څنګ د جګړې ښکلېلو خواو غوښتي چې اوربند وکړي او د سولې خبرو د کامیابۍ لپاره ودرومي.د دې نه وړاندې د بنګله دیش هېواد دیني علماو هم فتوه ورکړې وخ چې افغانستان کې روان جنګ باید پای ته ورسیږي او اوربند وشي.

ولسمشرغني د امریکا د ملي امنیت سلاکار سره تلیفوني خبرې کړي دي

ولسمشرغني د امریکا د ملي امنیت سلاکار سره تلیفوني خبرې کړي دي د امریکا د ملي امنیت شورا سلاکار «رابرټ اوبراین» د جمهور ریس «اشرف غني» سره تلیفوني خبرې اترې شوي او د افغان سولې اړوندو موضوعاتو په اړه ورسره بحث کړۍ،

د متحده ایالاتو د ملي امنیت شورا اړوند ټویټر پاڼه باندې لیکل شوي، چې په دې تلیفوني خبرو کې «رابرټ اوبراین» پرته له ځنډه د خپملنځي مذاکراتو په پیلېدو ټینګار کړی او د امریکا متحده ایالات یې یوه ډيموکراټيک، یو موټي او خپلواک افغانستان ته چې بیا ځلې د «تروریستانو ځاله» نشي؛ ژمن بللي.هغه ددې تر څنګ له دولتي عسکرو خپل ملاتړ اعلان کړی، چې دده په خبره «د افغانانو لپاره يې خدمت کړۍ دۍ،

ولسمشرۍ ماڼۍ که څه هم په دې تړاو څه نه دي ویلی؛ خو دا تلیفوني خبرې داسې مهال دي، چې د پاتې طالب بندیانو د خلاصون لړۍ بیا ځلې پیل شوې او په دې برخه کې د طالبانو او دولت څو میاشتنی اختلاف حل شوی ښکاري.ځکه نړیوال غواړي چې ژر تر ژره د خپلمنځي خبرو پیل وشي او دولت هم دې خبرې ته ژمن ښکاري، اوس صرف د دولت او طالبانو د لومړي پړاو پیلیدو ته خبره پاتې ده،

پرون د څرخي پله او یو شمېر ولایتونو له زندانونو څخه ۱۰۴ تنه طالب بندیان خوشې شول او د سرچینو په خبره، دا لړۍ ښايي تر راتلونکې جمعې پورې پای ته ورسېږي.او زیات شمېر زندانیان خوشې شي اوس باید دولت ټول بندیان خوشې کړي ترڅو دا بهانه هم ختمه شي او د سولې خبرو ته لاره نوره هم هواره شي،

دولت له اوږدې مودې راپدېخوا د یو شمېر طالب بندیانو له خلاصون سره مخالفت درلود او طالبانو بیا د خپلو بندیانو خلاصون د بین الافغاني مذاکراتو لپاره شرط باله؛ چې له امله یې د افغانانو خپلمنځي خبرې ځنډېدلې وې.خو اوسمهال داسې ښکاري چې د ډېرو بهرنیو فشارونو دواړه لورې دې ته اړ کړل چې څومره ژر کيږي باید د سولې خپلمنځي خبرې پیل شي،

ولسمشرغني د امریکا د ملي امنیت سلاکار سره تلیفوني خبرې کړي دي
ولسمشرغني د امریکا د ملي امنیت سلاکار سره تلیفوني خبرې کړي دي

دواړو لوریو ته پکار دي چې باید سولې ته قرباني ورکړي او د خپل شخصي ګټو پر ځاۍ د مملکت ګټو ته ژمن پاتې شي ترڅو افغانستان کې نور سوله راشي او افغانان په سمه توګه خپل ژوند پیل کړي ځکه افغانانو د ډېر وخت راهیسې په بد بختیو باندې وخت تېر کړۍ او ټول هېوادوال د سولې تګي دي او سوله غواړي،