کريم جنت: زموږ ټوله کورنی کرکټ سره بلده ده

 دکريم جنت: زموږ ټوله کورنی کرکټ سره بلده ده دافغانستان کرکټ ملي ټیم الراونډر کريم جنت وايي، چې زموږ ټوله کورنۍ کرکټران دي. د کريم جنت په ګډون درې وروڼه او يو خوريى يې په کرکټ کې اوس لوبه کوي.او نور د فامیل غړي ېې کرکټ سره پوره بلدیت لري.

ښاغلی جنت د یو شخصی ټلويزيون سره په خپله مرکه کې وويل، چې له ماشوموالي نه يې له کرکټ سره مينه درلوده او د درس ويلو تر څنګ به يې د ټېنس لوبه هم کوله، چې ورځ تر بلې يې له کرکټ سره شوق زياتېده.د دې پوښتنې په ځواب کې چې د درې وروڼو نه پرته په کور کې نور کرکټران هم لري، هغه وويل چې موږ خانداني کرکټران يو، زموږ يو مشر ورور هم مشهور لوبغاړى تېر شوى دى چې هغه په انګلستان کې هم لوبې کړي دي.

کریم جنت وويل چې له کورنۍ نه ورته په پيل کې مشکلات و، ځکه پلار يې غوښتل چې بچي يې درس ووايي او کرکټ ونکړي، خو کله چې اصغر افغان کرکټ ته راغى او ځان ته يې يو ځانګړى مقام جوړ کړو، نو وروسته بيا دوى ته هم کرکټ ته راتګ اسانه شو.هغه وويل، چې اصغر افغان ورسره د کرکټ په اړه خپلې مشورې شريکوي او دا د هغه د مشورو او تجربو برکت دى، چې نن دې مقام ته رارسېدلى دى.په شپږيزه کرکټ ليګ او د ويسټ انډيز پر وړاندې د ښه ځلېدو په اړه هغه وويل، چې زه ډېر خوشحاله يم، ځکه هر ځاى چې ښه لوبه کوو

د هغه پر وینا د افغانستان لپاره يې کوو او افغانستان ته وياړونه راوړو.د دې پوښتنې په ځواب کې چې خلک وايي کريم جنت د اصغر افغان په واسطه کرکټ ته راغلى دى، هغه وويل چې يو کس به ستاسې واسطه تر څو وکړي؟ کله چې يو لوبغاړى مېدان ته کوز شي، بيا هلته واسطه کار نه ورکوي او هلته به لوبغاړى په خپله لوبه ترسره کوي.

کريم جنت: زموږ ټوله کورنی کرکټ سره بلده ده
کريم جنت: زموږ ټوله کورنی کرکټ سره بلده ده

کریم جنت همدا راز زياته کړه، چې په مېدان کې دننه بيا داسې نه شي کېداى چې يو څوک دې توپوهونکي ته ووايي چې د پلاني توپ اچونکي سره ګوزاره وکړه، يا دې توپ اچونکي ته ووايي چې پلاني توپوهونکي ته لږ په ورو توپ اچونه وکړه.هغه وايي چې تل به هڅه کوم چې افغانستان ته ویاړونه راوړم.اوښه لوبه وکړم.

راشد خان  ٢٠٢٠ کې په ټي ټونټي لوبو کې د ويکټو پنځوسيزه پوره کړه

راشد خان ٢٠٢٠ کې په ټي ټونټي لوبو کې د ويکټو پنځوسيزه پوره کړه د هېواد کرکټ ملي ټيم مشهور سپن بالر په روان کال کې په ټونټي لوبو کې د ويکټو پنځوسيزو پوره کړه، خو نوموړى دويم توپ اچونکى دى چې په ٢٠٢٠ کال کې يې زياتې ویکټې ترلاسه کړي دي.

ارمان خان چې په بيګ باش ليګ کې د اډلايډ سټرايکرز لپاره لوبېږي، نن يې د هوبارټ هوريکنز پر وړاندې په لوبه کې په لوبه کې ١ ويکټ واخيسته، چې له دې سره يې په روان کال کې ٥٠ ويکټې پوره کړې.هغه په نننۍ لوبه کې د ٤ اورونو په ترسره کولو سره ٢٧ منډې ورکړې او ١ لوبغاړى يې وسوځاوه.راشد خان په ٢٠٢٠ کال کې تراوسه پورې ٤١ شل اوريزې لوبې ترسره کړې دي، چې پکې يې ٥٠ ويکټې اخيستي دي.

همدا راز په يوه لوبه کې يې د ٢٢ منډو په ورکولو سره ٤ لوبغاړي هم سوځولي دي.هغه ١٥٩.٢ اورونه ترسره کړي دي، چې ٩٩٨ منډې يې ورکړې دي او اوسط يې ١٩.٩٦ دى، اکانومي يې بيا ٦.٢٦ ده.په ٢٠٢٠ کال کې تر ټولو زياتې ويکټې د پاکستان حارث روف اخيستي دي، نوموړي په ٣٢ لوبو کې ٥٢ لوبغاړي سوځولي دي، چې په يوه لوبه کې يې د ٢٣ منډو په بدل کې ٤ لوبغاړي هم سوځولي دي.

هغه ١٢٠.٥ اورونه ترسره کړي دي او ١٠٠٤ منډې يې ورکړې دي.که څه هم سږکال د افغانستان نړيوالې لوبې په نه شتون حساب دي، خو راشد خان بيا د نړۍ په سترو تجارتي ليګونو کې لوبېږي. او هره لوبه کې لاسته راوړنې لري.

راشد خان چې په دې نږديو کې په کارابين پريمئير ليګ او اى پي ايل کې ولوبېده، اوس په بيګ باش ليګ کې هم لوبېږي.په هند تجارتي ليګ (اى پي ايل) کې نوموړي د روان کال تر ټولو اقتصادي توپ اچونه هم ترسره کړه.هغه هره لوبې نه لاسته راوړنو سره رازي او هره لوبه کې وېکټې اخلي.

دسولې مزاکراتو کې پرمختګ او دبهرنیو هېوادونو هر کلی

دسولې خبرو پرمختګ او بهرنیو هېوادونو هر کلی د افغان سولې د مذاکراتي پرمختګ برخه کې د امریکا په ګډون ډیرو هېوادونو هرکلی کړی او زیاته کړې يې ده چې باید په افغانستان کې یوه دایمي اوربند باندې خبرې وشي تر څو په هېواد کې دایمي سوله راشي.

پاکستان ،امریکا او یو شمېر نورو مملکتونو د سولې د خبرو د کړنلارې پرسر توافق، ته رسیدل یو هم ګام بللی او د خپلو همکاریو ډاډ يې ورکړیتراوسه پوري د افغان سولې لپاره عملي او د جګړې کمیدلو پر لور هیڅ یو داسې اغېزمن ګام نه دی اخیستل سوی چې  عام افغانان يې په عملي ډول حیس کړي او ورته ګټور تمام سي، دوی ټول داسې فکر کوي چې د سولې روان مذاکرات چې نژدې کلونه يې ونیول یوه نمایشي پروژه ده، په قطرکې څو ځله د سولې خبرو د پرمختګ ا وپيل خبرې سوې خو په افغانستان کې د جګړې اور ګرم ساتل شوی چې ملکي وګړي یې زیات نقصان کې اچولي دي.

د افغانستان پلازمینې کابل کې د مقناطسي ماینونو چاودونو سلسله او په یو شمېر سهیلي ولایتونو کې د درنو جګړو دوام د ولس غوښتنې او هیلې پیکه کړې او هره ورځ د یوه بد خبر انتظار باسيکه چیري امریکا د سولې تر تړون وړاندې ووزي نو لیري نه ده چې  جګړه به تر دې هم شدیده او ډیره نقصاني وي.

د امریکا د پوځ لوی درستیز مارک میلې ټینګار کړی چې امریکايي سرتیري به له افغانستانه وژي او یوازي ۲۵۰۰ سرتیري به په یو شمېر اډو کې  پاتي کیږي د امریکایانو داسې وتل یو شمېر غبرګونونه هم له ځان سره لري.او عام افغانان په دې وېره کې دي چې داسې نه چې یو ځل بیا افغانستان د پخوا په څېر د خانه جنګی ښکار نشي.

دسولې مزاکراتو کې پرمختګ او دبهرنیو هېوادونو هر کلی
دسولې مزاکراتو کې پرمختګ او دبهرنیو هېوادونو هر کلی

بلخوا بیا د امریکا په کور دننه کې یو شمېر سیاسي او پوځي مشران وايي چې له افغانستان غیري مسؤلانه وتل به ښې پایلي ونلري او دا چاره کولای شي چې د امریکا امنیت ته ګواښ پیښ کړي.دويي وايي افغان فوځیان لا هم پوره ندي ټرین او نشي کولی چې ددافغانانو امنیت وساتي.

د وردګو مڼې سږ کال ښه حاصلات لري

سږ کال دوردګومڼې دتېر کال په پرتله ښه حاصلات لري دمیدان وردګو ولایت مڼې د افغانستان په کچه له غوره تولیداتو څخه دي چې هرکال ورڅخه د دې سیمې خلک ښه ګټه اخلي له دې لارې عایدات هم ترلاسه کوي او خپل روزمره ژوندورباندې کوي

روان کال د میدان وردګو ولایت د مڼو حاصلات ۱۲۰زره میټریکه ټنو ته رسیدلی او ښايي دا شمېره تر مخکې  لوړه وي له دې ولایت څخه تل د ۱۰۰ مټریکه ټنه څخه تر ۱۳۰ زره مټریکه ټنه د مڼې حاصلات تولیدوي د میدان وردګ ولایت یو کرنیز او سرسبزه ولایت دید کلونو په تيردو، د بي شميره هواي دهليزونو با وجود حکومت نه دي توانيدلي د میدان وردګو ولايت د مڼو د حاصلاتو لپاره د خرڅلاو سالم مارکيټ پيدا کړي،او په خلکو او نورو ملکونو ېې وپلوري.د افغانستان د هر ولایت د دې غوره تولیداتو ترڅڼګ بیاهم میوو، او تولیداتو ته مارکیټ نلرو ترڅو کروندګر د خپلو خواریو ښه نتیجه واخلي او له دې برخې څخه ګټه ترلاسه کړي.

نور خبرونه: د افغان عسکرو او نظامي سکتور سره د امریکا ملاتړ دوام کوي

افغانستان کې د نورو شیانو په پرتله ميوه ډېر حاصلات لري او اکثره ولایاتو کې عام وګړي او غټ تجاران د میوې د پلورلو تجارت کوي زمونړ هېواد په ټوله نړی کې په ښه لمده او وچه مشهور دی خو د دولت د نه توجوع له امله دغه سکتور هم په سمه توګه پرمختګ ندی کړی خو تجاران او عامو وګړو په خپلو شخصي دوستیو او تعلقاتو دغه سکتور مخې ته وړي او په نورو ملکونو ېې پلوري دويي د دولت نه غوښتنه کوي چې باید دې سکتور ته پاملرنه وکړي ترڅو د دويي زحمتونه او خواری بې خایه نشي

که چرته افغان تولیدات اومیوې د افغانستان په نوم بهرنیو هېوادونو ته ولاړې شي نو لیري نه ده چې افغانستان به په دې برخه کې په نړیوال بازار کې خورا ښه نوم ولري ځکه کوم توکي او میوې چې له افغانستانه بهرنیو هېوادونو ته وړل شوې له ښه نوم څخه برخمنې شوې او افغانستان ته يې لوی نوم ورکړی نو دولت ته پکار دي چې باید دغه سکتور ته ځانګړې پاملرنه وکړي ترڅو مونږ په نړیواله کچه پرمختللي ملکونو ته زمون د میوو تولیدات ورسیږي او زمونږ لا نور هم نوم پیدا کړي او پرمختګ وکړي.

سږ کال دوردګومڼې دتېر کال په پرتله ښه حاصلات لري
سږ کال دوردګومڼې دتېر کال په پرتله ښه حاصلات لري

اوس پوښتنه داده چې تش په نوم هوايي دهلیزونه ولې نتیجه نه ورکوي او د میدان وردګ د مڼو غوندي غوره میوو، ته ولې لاهم مارکیټ نشته ؟ افغان دولت ادعاکړې چې اوس مهال د بندرونو او هوايي دهلیزونو له لارې بهرنیو هېوادونو ته خپل توکي لیږي خو تراوسه د عامو افغانانو لپاره دې بندرونو او هوايي دهلیزونو هیڅ ګټه نه ده کړې او دا خلک غوښتنه لري ترڅو په سمه توګه يې تولیداتو  ته مارکیټ او بازار پیدا شي ترڅو په کلني ډول خپل عایدات په سمه توګه ترلاسه شي.او هېواد مو اقتصادي پرمختګ وکړي

د سولې خبرو سره سره جګړه هم دوام لري

نن شنبې د سپټمبر ۱۲ نیټه باندې د افغانانو خپلمنځي مزاکراتو پرانست غونډه پیل شوه له ډېر وخت راهیسې خونړۍ جګړې وروسته په اول ځل د طالبانو  او افغان جهتونو مذاکراتي ټیمونه د لسګونو هیوادونو د سفیرانو او بهرنیو چارو وزیرانو په حضور کې یو بل ته مخامخ ناست وو.

او په دې ناستې سره ېې د د خپلمنّځي مزاکراتو لړۍ پیل کړه د امریکایانو اود طالبانو دا توفق شوی وو چې د امریکا اود طالبانو توافق پر بنسټ به بین الافغاني مزاکرات پيليږي. یاده ناسته چې د قطر په وخت په نهه بجې او د کابل په لس نیمي بجې پیل شوه ، د دواړو لورو د مذاکراتي ټیمونو تر څنګ به  د طالبانو د سیاسي دفتر رییس «ملا برادر اخند»، د  امریکا د بهرنیو چارو وزیر پمپیو، د افغانستان د سولې لپاره د امریکا ځانګړی استازی «زلمی خلیلزاد»، د ملی مصالحې عالي شورا شورا مشر عبدالله عبدالله، اخارجه وزیر حنیف اتمر او د لسګونو هیوادونو سفیران هم پکې ګډون کوي او د بهرنیو چارو ګڼ وزیران به یې د په انلاین بڼه پکې شرکت وکړ

ویل کېږي، د یادې ناستې پرانیستونکي وینا به د قطر د بهرنیو چارو  د وزیر «شیخ محمد بن عبدالرحمن ال ثاني» له لوري وشوه او ورپسې به عبدالله عبدالله، ملا عبدالغني برادر او مایک پمپیو ویناوې وکړې. د میلمنو له ډلې به د ناروې، چین، اندونیزیا، ازبکستان، جرمني، پاکستان، هند، ایران، هسپانیې، فنلنډ، برتانیا او جاپان د بهرنیو چارو وزیران،

همداراز د ترکمنستان د بهرنیو چارو مرستیال وزیر، د ملګرو ملتونو عمومي سرمنشي، د اسلامي همکاریو سازمان رییس، د ناټو عمومي منشي، او د اروپایي اتحادیې د بهرنیو چارو مشر به د ناستې ګډونوالو ته ویناکوي.دويي به د افغانستان د دولت او طالبانو تر منځ پیل شوي مزاکراتو خپل ملاتړ اعلانوي. او دويي به د خپل هېوادونو پیغامونه هم ګډونوالو ته واوروي.

ناسته به دوه ساعته دوام وکړي او د ډوډۍ او لمانځه تر وقفې وروسته د بېلابېلو لورو تر منځ دوه اړخیزې او درې اړخیزې لیدنې هم کېږي.او ټول غړي به خپل خپل نظریات شریکوي او د سولې خبرو په اجنډا به خبرې کوي او دې سره سره به په افغانستان کې په اوربند هم خبرې کوي.

د خپلمنځي مزاکراتو لومړۍ غونډه
د خپلمنځي مزاکراتو لومړۍ غونډه

ویل کېږي، چې د قطر د بهرنیو چارو وزیر په حضور کې به د طالبانو د سیاسي دفتر رییس «ملا عبدالغني برادر» د کابل د پخلاینې عالي شورا له مشر «عبدالله عبدالله» سره وګوري.او د بین الافغاني خبرو د پیل او نورو جزیاتو په اړه به سره وغږیږي. او همداراز به په راتلونکې پلانونو هم خبرې وکړي.

دولسمشر غني به مشرۍ د اقتصاد شورا غونډه جوړه شوه

رویټرز خبري آژانس د امریکايي سرچینو له قوله لیکلي، واشنګټن له ولسمشر محمد اشرف غني غوښتي، چې خپل د لوړې مراسم وځنډوي؛ خو باوري سرچینو وویل چې غني د امریکا غوښتنه رد او ټینګار يې کړی چې مراسم به پر خپل ټاکلي وخت چې د ۵ شنبې ورځ ده، ترسره کوي او هغه ټول خلک به پکې ګډون وکړي چې دغه مراسمو ته غوښتل شوې دي د یادونې وړ ده چې یادې غونډې ته د پختون ژغورنې غورځنک يو غړئ محسن داوړ هم غوښتئ.

د سرچینې په وینا، ولسمشر غني په تونده امریکا ته ویلي، له طالبانو سره د مذاکراتو د پرمخ وړو لپاره یو واحد جهت او قوي حکومت ته اړتیا ده او امریکا دې دې معقولیت ته غاړه کېږدي چې د خلکو په رایو رامنځته شوی حکومت په تدبیر او واحد دریځ د سولې مذاکرات پرمخ وړلی شي.

سرچینه زیاتوي، له لومړي سره د امریکا فشار د همدې لپاره و چې یو مصلحتي حکومت رامنځته شي، خو د ولسمشر غني ټینګار پر ټاکنو ځکه و، چې د سولې د مذاکراتو د بریالي کولو او په نظام کې د طالبانو د راګډولو لپاره یو واحد او غښتلي حکومت ته اړتیا ده او د پخوانیو تجربو پر اساس څو جهتي حکومت حد اقل یو واحد مذاکراتي پلاوی هم نشي رامنځته کولی.

یوې بلې سرچینې رسنیو ته څرګنده کړه، چې امریکا د ټاکنو لانجو برخه کې د اشرف غني د مخالفو سیاسي جهتونو غوښتنو ته غاړه ایښې ده، ځکه خو د لوړې مراسمو ځنډولو خبره کوي.

پر دې سربېره، کرزي او یو شمېر نورو سیاسي جهتونه چې ښاغلي غني سره وران دي او ټاکنو کې د هغه ناکامي غواړي، له امریکا يې غوښتي وو، چې د ټاکنو پایلې باطلې اعلان کړي.

د ولسمشر غني د لوړې مراسمو لپاره ټول ترتیبات نیول شوي دي او ګڼ شمېر خلکو ته بلنه هم ورکړل شوې.

بلخواد عبدالله عبدالله لخوا هم لوړې مراسمو لپاره ټول ترتیبات نیول شوي دي او ګڼ شمېر خلکو ته بلنه هم ورکړل شوې. او کمېسون ورته خم تشکيل شوئ.

قطر ته دولتي تلونکي پلاوي ټېسټونه وشول

د متحدو ايالتونو د بهرنيو چارو وزير مايک پامپيو وايي د واشنګټن او طالبانو ترمنځ به د سولې هوکړه د فبرورۍ پر ٢٩مه لاسليک شي.

افغان حکومت د دې هوکړې د لاسليک په درشل کې د يوې اوونۍ لپاره د تاوتریخوالي د کمولو پرېکړه کړې.

د امنيت شورا وياند جاويد فيصل وايي، د تاوتریخوالي د کمولو پرېکړه د نن شپې له ١٢ بجو عملي کېږي.

هغه زیاته کړه: “افغان دولت له سولې څخه د اعظمي ګټې اخیستنې په هدف بشپړ چمتوالی نیولی، د یوې اونۍ لپاره چې وسله والو طالبانو د تاوتریخوالی د کموالي په نوم نومولې، موږ له خپل ادرس بشپړ تیاری لرو او په دې هیله چې دغه یوه اونۍ د دې باعث شي، چې د تل پاتې اوربند خاوندان شو او افغانستان کې تل پاتې سوله راشي دا نېټه د شپې له دولسو بجو پیلیږي.”

د طالبانو يوې سرچينې د نوم نه ښوولو په شرط ازادۍ راډيو ته ويلي، د تاوتريخوالي د کمېدو په وخت کې به د افغان قواوو د شپې عمليات او هوايي حملې بندېږي، په بدل کې به طالبان هم لويې حملې نه کوي.

د طالبانو يوې سرچينې د نوم نه ښوولو په شرط نن ازادۍ راډيو ته وويل، که ښکېل اړخونه خپلې ژمنې پرځاى کړي، د تشدد کمول به سر له سبا عملي شي.

دامریکاحکومت له طالبانونوې غوښتنې کړي’

د سولې لپاره د امریکا د حکومت ځانګړی استازی زلمی خلیلزاد د یوولسم وار لپاره په دوحه کې د طالبانو له سیاسي استازو سره د سولې یوې موافقې ته رسېدو لپاره خبرې کوي.

د جنوبي اسیا د چارو امریکايي څارونکي بارنټ روبین له ازادي راډیو سره په مرکه کې تېره اونۍ وویل چې د طالبانو او امریکا د سولې په موافقه کې منل شوې چې طالبان به له ۷ تر لسو ورځو تشدد را کموي، د موافقې د لاسلیک په ۱۳۵ ورځو کې به د امریکا د پوځيانو شمېر ۸۵۰۰ ته را کمېږي، د موافقې تر لاسلیک وروسته په لسو ورځو کې به د طالبانو استازي د افغانستان له حکومت سره مخامخ خبرې کوي.

بارنټ روبین تائید کړه چې طالبان او امریکا د موافقې لاسلیک ته ډېر نږدې شوي او څرګنده یې کړه چې بین الافغاني خبرې به په ناروې کې کېږي.

وسله والو طالبانو پر خپله وېب پاڼه په یوه نوي بیان کې، له دې کبله چې امریکا سره له دې چې هغوي د سولې د موافقې لپاره د تشدد د کمولو ژمنه کړې وه، نوې غوښتنې ورڅخه کړې له شکایته ډک بیان یې خپور کړی دی.

د طالبانو په بیان کې نور وضاحت نه دی ورکړ شوی او دا یې نه ده څرګنده کړې چې امریکا کومې نوې غوښتنې کړې دي.

د اسوشیتد پرس په حواله، وسله والوطالبانو د تېرې پنج شنبې په ورځ په دې بیان کې ویلي چې واشنګټن هسې وقت ضایع کوي او دا چې د تشدد د کمولو تعبیر له خلیلزاد سره خبرې متاثره کړې دي.

د طالبانو له لوري دا بیان د هغوی له پخوانیو خبرو سره توپیر لري.

دطالبانو د سیاسي دفتر ویاند سهیل شاهین د پاکستان ډان ورځپاڼې ته ویلي و چې له امریکا سره د سولې د موافقې لاسلیک ته نږدې شوي دي.

د طالبانو له لوري د نوي ګیله مند بیان په اړه د خلیلزاد دفتر لا رسماً څه نه دي ویلي او د امریکا د بهرنیو چارو وزارت هم تبصره نه ده کړې.

خو امریکا له طالبانو سره په شرایطو کې څه ډول بدلون راوستی دی؟

ازاد خبریال سمع الله یوسفزي چې په دوحه کې د امریکا او طالبانو د سیاسي استازو د خبرو او مذاکرو له جریانه معلومات لري، د دې پوښتنې په ځواب کې ازادي راډیو ته وویل:

“ویل کېږي چې د امریکا هیئت په غوښتنو کې تغیر او تبدیل راغلی. داسې ویل کېږي چې امریکایان وايي چې موږ داسې د تشدد کموالی یا اوربند غواړو چې هغه دوام وکړي، تردې علاوه، دا هم ویل کېږي چې امریکایان وايي که امریکاییان او طالبان د امریکايي ځواکونو د وتلو قرارداد کوي، په هغه کې به هم شرایط وي. شرطونه به دا وي چې طالبان باید له افغان سیاسیونو او د افغانستان له حکومت سره یوې جوړې ته ورسېږي او کوم پرمختګ چې په افغانستان کې شوی، ډیموکراسي پرمختګ کړی باید له منځه ولاړ نه شي، نو له دې امله طالبان سخت ناراض دي او وايي چې کوم شرایط چې خلیلزاد غوښتل هغه د دوی لپاره واضح وو او هغه یې ومنل خو خلیلزاد له خپلې وعدې واوښت او نور شرایط یې کېښودل.”

د وسله والو طالبانو دا وړاندیز چې تشدد به کموي د افغانستان حکومت هم کافي نه دی بللی.

د افغانستان حکومت مکرراً ویلي چې طالبان باید په بشپړ ډول اوربند اعلان کړي بیا حکومت خبرې ورسره کوي.

په دې اړه د عفوې نړیوال سازمان پرون، د جنورۍ په ۲۴مه، په یوه اعلامیه کې وویل چې د تشدد د کمولو وړاندیز یوه بې مفهومه او مسخره خبره ده.

د عفوې نړیوال سازمان وویل چې د تشدد هېڅ اندازه اوحد د منلو وړ نه دي.

د عفوې په نړیوال سازمان کې د جنوبي اسیا د چارو مرستیال، عمر وړایچ ویلي چې په داسې یوه بحراني حالت کې چې پر ملکي خلکو حملې کېږي دا خبره بې مفهومه ده چې د تشدد اندازه به کمه شي.

عمر وړایچ وويل، د امریکا متحده ایالات او د افغانستان طالبان باید د جګړې قوانینو ته متعهد وي او پر ټولو ملکي افغانانو حملې باید بندې شي.

د سولی تړون به د امریکا او طالبانو ترمنځ دایمي اوربند ته لاره هواره کړي، دامریکا سفارت

کابل کې دا مریکا سفارت آفغانستان ته د امریکا د ځانګړي استازي زلمي خلیلزاد وروستی ترسره شوی سفرمهم او ګټور یاد کړی دی.

په کابل کې د امریکا سفارت څرګند ګړی چی زلمي خلیزاد په دې دوه ورځني سفر کې له ولسمشر اشرف غني او اجرائیه رئیس عبدالله عبدالله سره د سولې په تړاومفصل  بحث او خبرې کړي دي.

د سفارتخانې د بيان ترمخه په دې لیدنه کې زلمي خلیلزاد ټینګار وکړ چې له طالبانو سره دې زر تر زره  د بین الافغاني خبرو اترو لپاره هر اړخیزه مرکچي پلاوی جوړ شي او د مذاکراتو لپاره دې چمتوالی ونیول شي.

د امریکا سفارت ویلي زلمي خلیلزاد د سولې په تړاو له وروستیو هڅو چې د امریکا له لخوا پېل شوې افغان مشران یې خبر کړي دي.

په دې بیان کې هیله ښودل شوې چې د امریکا او طالبانو ترمنځ د سولې تړون به بېن الافغاني خبرو، یو هر اړخیزه دایمي ډزبندۍ او د باثباته سولې رامنځته کیدو ته زمینه برابره کړي.

په ورته وخت کېارګ په دې وروستیو کې ویلي ؤ افغان حکومت د سولې لپاره بشپړ چمتوالی لري خو که طالبان په ډزبندۍ موافقه وکړي.

افغان چارواکو ویلی دوی له دی وړاندی همه شموله ۱۵کسیزه  مرکچی پلاوی ټاکلی او د پلاوی ټاکلو چاری یی بشپړی کړی دی

د ۲۰۱۸م کال راهیسې تر اوسه د امریکا او طالبانو ترمنځ په قطر کې د سولې په اړه په بیلابیلو پړاونو کې لس ځله مذاکرات شوي خو د وروستی ځل مذاکرات له دې امله د ځنډېدو راپورونه ترلاسه شوي چې طالبانو له دایمي اوربند سره چې د افغان حکومت او ولس غوښتنه ده رضایت نه دی ښودلی.

د افغانستان صدارتي ماڼۍ د ، شنبې په ورځ ويلي، د افغانستان د سولې دپاره د امریکا ځانګړي استازي زلمي خليلزاد د ولسمشر اشرف غني سره ليدلي او ويلي یې دي، “طالبانو سره په خبرو کې د پام وړ پرمختګ نه دی راغلی او هیله لرم په دې برخه کې یوې پایلې ته ورسېږوتر څو با عزته سولی ته لار هواره شی.