ولسمشرغني ته د مالیې وزارت د اصلاحي برنامو راپور وړاندې شو

ولسمشرغني ته د مالیې وزارت د اصلاحي برنامو راپور وړاندې شو.دافغانستان اسلامي جمهوریت جمهوررئیس محمداشرف غني نن ماښام د مالیې وزارت رهبري سره په کتنه کې په دغه وزارت کې د اصلاحاتو او سیستمونو د منظمولو په اړه بحث او خبرې وکړې.

په دغه کتنه کې چې په ارګ کې وشوه، په پیل کې مالیې وزیر عبدالهادي ارغنديوال او د یاد وزارت ټولو مسوولینو په سیستمونو، تشکیلاتو، استخدام او بشري سرچینو کې د اصلاحاتو په اړه خپل راپور له جمهوررئیس سره شریک کړ.دوی وویل، زموږ عواید ۱۱،۵ میلیارده افغانۍ وو چې د تېر کال په پرتله سږ کال ۱۰،۵ سلنه لوړ شوي دي.همدارنګه سیستمونه کمپیوټري شوي، شفافیت منځته راغلی او هڅه کوو د هرې ورځې په تېرېدو سره عواید لوړ کړو.ولسمشر غني د دوی د راپور له اورېدو وروسته وویل، باید د خپلو عوایدو او لګښتونو په اړه وپوهېږو او د پیاوړتیا او کمزورۍ ټکي یې وپېژنو.

هغه زیاته کړه، باید د وارداتي توکو او داخلي تولیداتو په اندازې پوه شو او همداراز د مالیې وزارت سیستمونه توحید او مالکیت یې افغاني شي.جمهوررئیس غني دېته په اشارې چې افغانستان د دیجیټلي کېدو پر لور حرکت کوي وویل، مالیې وزارت ته د دغه سیستم تطبیقول زیات اړین دي. همدارنګه موږ د تفتیش په برخه کې متخصصینو ته اړتیا لرو، ترڅو د عوایدو د فرار مخنیوی وشي.د هیواد جمهوررئیس وویل، د مالیاتو د فرار یو لامل د سیستمونو پراګندګي ده باید سیستمونه اصلاح او منظم شي.

نوموړي وویل، د برنامو پر اقتصادي بعد باید بیاکتنه وشي او په مالیې او نورو ټولو وزارتونو کې دې افغانستان شموله برنامې په پام کې ونیول شي.ولسمشرغني په بنسټونو کې د اصلاحاتو په خاطر په جینوا کنفرانس کې د افغانستان اسلامي جمهوري دولت تعهداتو ته په اشارې وویل، باید په مالیې وزارت کې اصلاحي برنامې تطبیق او هره برخه یې مسلکي او تخصصي شي.

ولسمشرغني ته د مالیې وزارت د اصلاحي برنامو راپور وړاندې شو
ولسمشرغني ته د مالیې وزارت د اصلاحي برنامو راپور وړاندې شو

ښاغلي ولسمشر د خپلو خبرو په پای کې څرګنده کړه، موږ په راتلونکي کې د ډونرانو په نشتوالي کې پالیسیو ته اړتیا لرو او باید زموږ د پانګونې تمرکز پر کانونو، زېربناو او سیمه ییزه اقتصادي همکاریو اوسي.هغه وویل چې موږ باید یو داسې چوکاټ رامنځته کړو چې د فساد نه پکې خلاص شو.اوپه ځان بسیا شو.

د مالیې وزارت مالي يو کارمندان په ستاینلیکونو وستایل شو

د مالیې وزارت يو شمېر کارمندان په ستاینلیکونو وستایل شومالیې وزارت په وړاندیز او د ولسمشرۍ ماڼۍ عالي مقام په منظورۍ، د مرغومې میاشتې په ۱۳ مه نېټه د مالیې وزارت بهرنیو اړیکو رئیس ښاغلي صبغت الله احساس لخوا د مالیې وزارت یو شمېر کارکونکو ته ستاینلیکونه ډالی شو.

د دغه ریس لخوا دجلالتماب ولسمشر د حکم په لوستلو د دې وزارت مالي مرستیال ښاغلي عبدالحبیب ځدراڼ، ته د مالي سیستمونو د پراختیا او ۱۴۰۰ مالي کال ملي بودیجې د طرحې ترتیبولو کې د زیاتو هڅو له کبله د غازي میر مسجدي خان مډال ډالۍ شو.همدا راز د ولسمشرۍ ماڼۍ عالي مقام د حکم پر بنسټ، د بودیجې عمومي رئیس ښاغلي سید نصیر احمد ته افتخاري او د بودیجې د اجراء رئیس ښاغلي رامین اکبرزي ته لومړۍ درجه ستاینلیک، د څارنې او همغږۍ رئیس ښاغلي شمس الله شمس ته لومړۍ درجه ستاینلیک او د بودیجې عمومي ریاست یو شمېر کارکوونکو ته چې په اړوندو چارو کې یې خپله وړتیا ښوودلې وه،

د مالیې وزیر ښاغلي عبدالهادي ارغندیوال، له لوري ستاینلیکونه ورکړل شول.د مالیې وزیر، مالي مرستیال او کارکوونکو ته چې په ستاینلیکونو ویاړل شوي وو د مبارکۍ ترڅنګ وویل، چې په ۱۳۹۹ مالي کال کې د مالیې وزارت د کرونا ویروس خپرېدو له کبله له ګڼو ستونزو سره لاس او ګرېوال وو، چې له نېکمرغه د مالیې وزارت کارکوونکو په خپلو هلو ځلو وکولی شول د هیواد مالي سرچینې په ښه توګه مدیریت کړي

او د ۱۴۰۰ مالي کال ملي بودیجه د لومړیتوبونو او اړتیا وو په پام کې نیولو سره ترتیب او په دې برخه کې خپلې وړتیاوې په ډاګه کړي. وړ کارکوونکو ته د ستاینلیک ورکول، د ادارې موخو ته د رسېدو په لاره کې د دوی د ښې ژمنې او زیاتو هڅو سبب ګرځي.مالي مرستیال، حبیب ځدران د مالیې وزارت او د لسمشرۍ ماڼۍ عالي مقام له مشرتابه، د حکومت د لوړو موخو پلي کولو په پار مننه وکړه.

د مالیې وزارت مالي يو کارمندان په ستاینلیکونو وستایل شو
د مالیې وزارت مالي يو کارمندان په ستاینلیکونو وستایل شو

نوموړي ژمنه یې وکړه، چې د ۱۴۰۰کال ملي بودیجه کې به د مالي چارو او عامه لګښتونو ښه مدیریت او اړوندو برخو کې د اصلاحاتو پلي کولو لپاره زیاتې هلې ځلې کوي.ښاغلی ځدران یو د تکړه معینانو څخه دی او هر وخت ېې کوشش کړی چې هیواد لپاره خدمت وکړی نوموړی د ښه پوهې سره د ښو اخلاقو څښتن هم دی.

ولسي جرګې د ١٤٠٠ مالي کال بودیجه رد کړه

ولسي جرګې د ١٤٠٠ مالي کال بودیجه رد کړه د ولسي جرګې غړیو په خپلې عمومي غونډه کې د رایو په اکثریت د ۱۴۰۰ مالي کال بودجه د رایو په اکثریت رد کړه او ویلي یې دي چې دغه بودجه عادلانه نه وه ترتیب شوې.دوي ویلی باید د ولایاتو لپاره مناسب بودیجه ترتیب شي

دپارلمان غړي ویلي چې د ۱۴۰۰ مالي کال بودجه کې د امتیازي معاشونو او اضافي لګښتونو لپاره ملیاردونه افغانۍ ځانګړې شوې دي چې دوی ته د منلو وړ نه دي دوی ویلی دغه بودیجه کې هیڅ عدالت ندی تامین شوی باید بودیجه ملی اووسیږي.دوی ویلي چې حکومت د دې پر ځای چې د ښوونکو او ټیټ پوړو مامورینو معاشات لوړ کړي، د لوړ پوړو چارواکو معاشات یې لوړ کړي او داسې یو سیستم یې جوړ کړی چې د سیاسي اړیکو له مخې د لوړ پوړو چارواکو نږدې کسان لوړ او غیر عادلانه معاشونه اخلي.

د پارلمان غړي ټینګار کوي چې باید د مامورینو په معاشونو کې عدالت رامنځته شي او په ځانګړې توګه د ښوونکو معاشونه باید لوړ کړل شي ځکه په دې سختو شرایطو کې دوی په کمو معاشونو کار کوي.ولسي جرګې په داسې حال کې د نوي مالي کال بودجه رد کړه چې لا هم په دولتي ادارو کې پراخ فساد روان دی او نه یوازې مفسدین محاکمه شوي نه دي، بلکې د فساد کچه ورځ تر بلې په زیاتېدو ده.

د۹۱ کوډ میلیونونه ناقانونه پیسې ایستل، د کرونا پیسو کې میلیوني فساد، د ملي امنیت ادارې میلیونه اوپراتیفي پیسې تالا کېدل، ګمرکونو کې فساد او یو شمېر نور غیرقانوني لګښتونه د مالي فساد عمده بېلګې دي.دوی وای باید بودیجه غیر ضروري سکتورونو ته کمه کړل شي

ولسي جرګې د ١٤٠٠ مالي کال بودیجه رد کړه
ولسي جرګې د ١٤٠٠ مالي کال بودیجه رد کړه

ولسي جرګې د ۱۴۰۰ کال بودجې په رد کېدو ولس ته یو څه ژمنیتا وښوده او هیله دا ده چې د تېرو فسادونو په اړه هم څېړنې وکړي، تر څو په راتلونکي کې چارواکو ته یو سبق شي او د فساد مخه ونیول شي.دوی وای دولت باید خپل ټول لګښتونه راکم کړي تر څو د دغه سکتورونو بودیجه په ملت ولګول شي. او عام وګړو ته کومک وشي

وزارت مالیه:تېرودوواونیوکې عواید زیات شوي

مالیې وزارت:هرات کې۹۰سلنه غلا نه کيږي مالیې وزارت د هرات د والي سیدعبدالوحید قتالي هغه خبره رد کړې، چې په وینا ېې پ د هرات ګمرک ۹۰ سلنه عواید د مافیایي ډلو له لورې غلا کيږي،دغه وزارت وايٍي که څه هم کرونا شتون لري خو بیا هم دغه ولایت کې عواید خورا زیات راټوليږي،

د یاد وزارت ویاند شمروز خان مسجدي پرخپلې ټویټر پاڼې لیکلي یوه وضاحت پاڼه خپره کړې او ویلي، چې هرات ګمرک په کرونا ځپلي حالت کې هم د میاشتې یو میلیارد افغانۍ عاید لري.هغه وايي چې دغه ولایت کې ۹۰ سلنه غلا نه کيږي چارواکي باید داسې اوازې خپرې نه کړي ځکه داسې خبرې د خلکو ذهنونه خرابوي نوو باید داسې خبروو کې احتیات وشي ترڅو کارمندان سم خپل کاري ځایونو ته لاړ شي او خپل کارونو ته ادامه ورکړي، که داسې اوازې خپرې شي نو دا به

د هغه په خبره، دا عواید د کال دولس میلیارده افغانۍ کیږي او که د هرات دوالي محاسبه سمه وي، بیا به د کال ۱۲۰۰ میلیارده افغانۍ عاید وکړی شي.نو د دغه وزارت د ویاند د خبر نه معلوميږي چې دغه ولایت کې دومره غلا نه کيږي او د ولایت والي د ګمرک نه نا خبره دی دولتي چارواکي باید داسې څرګندونې ونکړي ترڅو د هېوادوالو روحیه خرابه نشي او دولتي کارمندانو باندې د هېوادوالو باور کم هم نشي،

د دغه وزارت نوور په دې اړه ویلي، چې دوی د فساد ضد هڅو ته ویلکم کوي ، خو داسې غیر واقعي محاسبې عامه ذهنیتونه خرابوي.بلخوا د د هرات والي د مالیې وزارت د ویاند پر وړاندې غبرګون نه دی ښودلی.هغه څو ورځې مخکې وویل، چې د هرات ګمرک د مافیا لاس کې دی او هره ورځ په میلیونونه افغانۍ ترې غلا کیږي.

د ا هم یاده کړو چې ولسمشر غني خپل لومړي مرستیال امرالله صالح ته خاصه دنده ورکړې، چې په هېواد کې د جرمونو د مخنیوي ترڅنګ په عایداتي ادارو کې دغلا د ختمولو او په کلیوالي سیمو کې د حکومتولۍ د پياوړتیا لپاره پاملرنه او کار وکړي،شاغلي صالح په خپل فېسبوک پاڼې لیکلي وو چې زه به د ولسمشر راکړل شوي وظیفې ښه په صداقت سر ته رسوم،

مالیې وزارت:هرات کې۹۰سلنه غلا نه کيږي
مالیې وزارت:هرات کې۹۰سلنه غلا نه کيږي

په همدې لړ کې د ولسمشر په هدایت د مالیې وزارت یو شمېر لوړ پوري چارواکي په بلیک لست کې اچولي وو او بازې ېې ممنوع الخروج اعلان کړي وو په دغه لست کې د سلو نه زیات کارمندان شامل په دې کې عمومي ریسان او څلور مرستیالان هم شامل دي خو بیا وروسته ریس جمهور غني هدایت وکړ چې دغه کارمندان دې فل هال خپل کارونو ته ادامه ورکړي او خيل کارونه دې په ښه ډول سره انجاموي دغه خبره د ولسمشر ویاند صدیق صدیقي رسنیو سره په خبر کې کړې وه،