ولسمشرغني:دوزارتونو ولایتونو او نوروادارو ترمنځ باید هماهنګي زیاته شي

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي دافغانستان د اسلامي جمهوریت جمهوررئیس محمد اشرف غني هرات ولایت ته د خپل سفر په دویمه ورځ له غرمې وړاندې د هرات له ولسوالانو او د سیمه ییزو ادارو رئیسانو سره لیدل کتل وشو.

دغه کتنه کې لومړی د هرات والي ښاغلي قتالي خبرې وکړې او هرات ولایت په ځانګړي ډول د هرات مصلی، جامع جومات او نورو تاریخي او فرهنګي سیمو بیارغاونې ته د جمهوررئیس له پاملرنې مننه وکړه او د هغه ولایت د عمومي وضعیت په اړه یې معلومات ورکړل.وروسته د هرات د ښارجوړولو او ځمکو رئیس محمد فریدون د ښاري انکشاف چوکاټ کې د ښاري مدیریت لیدلوري په اړه د خپلو اهدافو او برنامو د تطبیق معلومات ورکړل وې ویل، دغه کار به د هرات ښار د تحول او منظم کېدو سبب وګرزي.

وروسته د هرات څارنوالۍ رئیس عبدالحق احمدي خبرې وکړې او د یادې ادارې د فعالیتونو د معلوماتو ترڅنګ یې وویل، د قانونیت، عدالت او انساني کرامت رعایت اصل د هغوی لومړیتوب دی، پراخ اصلاحات او له فساد سره یې مبارزه پیل کړې ده.د هرات د ګذرې ولسوال شیر اقا سروري د هرات د نورو ولسوالانو په استازیتوب خبرې وکړې

هغه وویل د افغانستان اسلامي جمهوري نظام د ملاتړ ترڅنګ د ولسوالیو د امنیت تامین، د عام المنفعه پروژو د تطبیق، ملي دسترخوان برنامې او کارموندنې، د برېښنا تمدید، د څښاک اوبو، د روغتیایي خدمتونو ښه والي او په ولسوالیو کې پوهنې ته د لا زیاتې پاملرنې غوښتنه وکړه.

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي
ولسمشرغني:دوزارتونو ولایتونو او نوروادارو ترمنځ باید هماهنګي زیاته شي

وروسته ولسمشر غني وویل، د هرات والي عبدالوحید قتالي په هرات کې د جمهوررئیس ځانګړی استازی دی او د دې ولایت ټولې ادارې باید د هغه د اوامرو متابعت وکړي.جمهوررئیس د دې په بیانولو سره چې د نظام د راتلونکي په اړه اندېښنه ستاسو کار نه دی وویل، ستاسو کار خلکو ته د خدمتونو وړاندې کول دي، اساسي خبره په افغانستان پورې اړه لري، واحد، خپلواک او ولسواک هیواد چې د اساسي قانون پر اساس به پر مخ وړل کیږي

ولسمشر غني په یو ورځني سفر هرات ته ورسېد

ولسمشر غني هرات ته یو ورځني سفر ورسېد دافغانستان د اسلامي جمهوریت جمهوررئيس محمداشرف غني د لوړپوړي دولتي پلاوي په مشرۍ د هرات ولایت د عمومي وضعیت د ارزونې په موخه نن سهار هرات ته ورسېد. نوموړی به هلته په هرات کې د دغه ولیت عموي امنیت هم اوګوري. او د دغه ځای چارواکو سره له اوګوري.

د هرات په نړیوال هوايي ډګر کې د هرات ولایت مسوولینو، مشرانو او متنفذینو جمهوررئيس غني او ورسره پلاوي ته ښه راغلاست ووایه.جمهوررئيس غني به په دغه سفر کې د دې ولایت ملکي او نظامي مسوولینو، علمای کرامو، ښځو، ځوانانو، ولایتي شورا غړو، متنفذینو، مدني فعالانو او تاجرانو سره جلا جلا لیدنې ولري.له نوموړي سره په دې سفر کې د هغه لومړی مرستیال امرالله صالح هم ملتیا کوي.

ولسمشر غني هرات ته له رسېدو سره سم دیاد ولایت د هوایي ډګر چې د «خواجه عبدالله انصاري هوايي ډګر» په نوم نومول شوی وو؛ پرانستنه وکړه.نوموړی به یوې عمومي غونډې ته وینا هم وکړي او د دغه ځای خلکو ستونزې به هم واوري.هرات ولایت که څه هم د نورو ولایتونو په پرتله پرمختللی ولایت خو بیا هم په هیواد کې د وروستیو حالاتو په کتو یو عمومي امنیت وضغیت وڅېړل شي او وروسته ورته بیا پلانونه هم جوړ شي.

ولسمشر غني په یو ورځني سفر هرات ته ورسېد
ولسمشر غني په یو ورځني سفر هرات ته ورسېد

هېره دې نه وي چې ولسمشر غني د عمومي وضعیت ارزونې په موخه ولایتونو ته سفرونه پیل کړي دي. هغه د دې نه وړاندې کندهار او ځیني نور ولایاتو ته هم سفرونه کړي دي او هلته د نظامي او ملکي مسولینو سره لیدل کتل شوي دي.نوموړي خپل سفرونه په داسې حال کې پیل کړي چې د هېواد عمومي امنیت وضعیت د باور وړ ندی او هره ورځ پکې هدفي وژنې او نور جنایتي جرمونه تر سره کیږي.

که مونږ اوګورو د ولاایاتو تر څنګ پلازمېنه کابل کې هم هره ورځ په لسګونو کسانو ته مرګ ژوبله اوړي او د عاموخلکو ژوند ترینه متاثره کیږي.بلخوا ډېری هام وګړي او مدني فعالان دې ته مجبور شوي چې افغانستان پرېږدي او نورو هېوادونو ته کډه وکړي. په همدې لړ ډيوه نیازی عصمت قانع او داسې نور فعالان هم مجبور شو چې افغانستان پرېږدي او بهر ته ولاړ شي.

وزارت مالیه:تېرودوواونیوکې عواید زیات شوي

مالیې وزارت:هرات کې۹۰سلنه غلا نه کيږي مالیې وزارت د هرات د والي سیدعبدالوحید قتالي هغه خبره رد کړې، چې په وینا ېې پ د هرات ګمرک ۹۰ سلنه عواید د مافیایي ډلو له لورې غلا کيږي،دغه وزارت وايٍي که څه هم کرونا شتون لري خو بیا هم دغه ولایت کې عواید خورا زیات راټوليږي،

د یاد وزارت ویاند شمروز خان مسجدي پرخپلې ټویټر پاڼې لیکلي یوه وضاحت پاڼه خپره کړې او ویلي، چې هرات ګمرک په کرونا ځپلي حالت کې هم د میاشتې یو میلیارد افغانۍ عاید لري.هغه وايي چې دغه ولایت کې ۹۰ سلنه غلا نه کيږي چارواکي باید داسې اوازې خپرې نه کړي ځکه داسې خبرې د خلکو ذهنونه خرابوي نوو باید داسې خبروو کې احتیات وشي ترڅو کارمندان سم خپل کاري ځایونو ته لاړ شي او خپل کارونو ته ادامه ورکړي، که داسې اوازې خپرې شي نو دا به

د هغه په خبره، دا عواید د کال دولس میلیارده افغانۍ کیږي او که د هرات دوالي محاسبه سمه وي، بیا به د کال ۱۲۰۰ میلیارده افغانۍ عاید وکړی شي.نو د دغه وزارت د ویاند د خبر نه معلوميږي چې دغه ولایت کې دومره غلا نه کيږي او د ولایت والي د ګمرک نه نا خبره دی دولتي چارواکي باید داسې څرګندونې ونکړي ترڅو د هېوادوالو روحیه خرابه نشي او دولتي کارمندانو باندې د هېوادوالو باور کم هم نشي،

د دغه وزارت نوور په دې اړه ویلي، چې دوی د فساد ضد هڅو ته ویلکم کوي ، خو داسې غیر واقعي محاسبې عامه ذهنیتونه خرابوي.بلخوا د د هرات والي د مالیې وزارت د ویاند پر وړاندې غبرګون نه دی ښودلی.هغه څو ورځې مخکې وویل، چې د هرات ګمرک د مافیا لاس کې دی او هره ورځ په میلیونونه افغانۍ ترې غلا کیږي.

د ا هم یاده کړو چې ولسمشر غني خپل لومړي مرستیال امرالله صالح ته خاصه دنده ورکړې، چې په هېواد کې د جرمونو د مخنیوي ترڅنګ په عایداتي ادارو کې دغلا د ختمولو او په کلیوالي سیمو کې د حکومتولۍ د پياوړتیا لپاره پاملرنه او کار وکړي،شاغلي صالح په خپل فېسبوک پاڼې لیکلي وو چې زه به د ولسمشر راکړل شوي وظیفې ښه په صداقت سر ته رسوم،

مالیې وزارت:هرات کې۹۰سلنه غلا نه کيږي
مالیې وزارت:هرات کې۹۰سلنه غلا نه کيږي

په همدې لړ کې د ولسمشر په هدایت د مالیې وزارت یو شمېر لوړ پوري چارواکي په بلیک لست کې اچولي وو او بازې ېې ممنوع الخروج اعلان کړي وو په دغه لست کې د سلو نه زیات کارمندان شامل په دې کې عمومي ریسان او څلور مرستیالان هم شامل دي خو بیا وروسته ریس جمهور غني هدایت وکړ چې دغه کارمندان دې فل هال خپل کارونو ته ادامه ورکړي او خيل کارونه دې په ښه ډول سره انجاموي دغه خبره د ولسمشر ویاند صدیق صدیقي رسنیو سره په خبر کې کړې وه،

افغانستان مرکزي اسیا ته دوه نیم زره لارۍ واستولې

کرونا و یروس د هرات په شمول د هۍواد یو شمېر نور ولایاتو ته هم رسيدلۍ او ۱۰۰ نه یی ډۍر خلک نیولي دي .که څه هم دا ویروس د انسانانو ته د زیان سره سره د ژوند په نورو اړخونو هم اغېز کړۍ او په ټوله کې بیا د افغانستان یی ډۍر اسر کړۍ

که نړيوال اقتصادي انځور کې خپل هېواد ته پام وکړو نو دا چې د افغانستان اقتصاد د نړۍ یا سیمې په اقتصاد کې د پام وړ ونډه نه لري، نو له دغه بحثونو څخه باندې پاتې و. بل لامل یې دا دی چې زمونږ د اقتصادي ودې د ځوړ عمده لاملونه داخلي دي.

د ۲۰۱۴ کال څخه را په دېخوا پس له هغې له ستونزو سره مخ شوو کله چې مالي مرستې را کمې شوې، ګڼ شمېر نړېوال ځواکونه له هېواده ووتل، امنیتي وضیعت لازیات خراب شو. د دې ټولو ستونزو ترڅنګ د ولسمشرۍ ټاکنو د نتايجو پر سر شخړه او په پایله کې د ملي وحدت حکومت رامنځته شو چې د هېواد اقتصادي وضعیت باندې یې لازیات منفي اغېز وارد کړ.

همدا لامل دی چې د هېواد اقتصاد کوم چې باید زمونږه اړتیا سره سم ۵ یا له دې نه هم په زیاته سلنه وده کړې وی، پس له ډېرو هلو ځلو تېر کال ایله ۲.۹ سلنې ته ورسېده. له همدې ټیټې اقتصادي ودې له کبه په هېواد کې د بېوزلۍ له کرښې لاندې ژوند کوونکو سلنه له ۵۴٪ نه لوړه شو او د بېکارۍ کچه ۴۰ سلنې ته لوړه شوه..

په دې وروستیو کې په ځانګړې توګه د طالبانو او امریکايي لوري ترمنځ د سولې له تړون څخه وروسته دا هیله پېدا شوې وه چې د خصوصي سکتور ذهنیت به مثبت او ډاډ به بېرته ترلاسه شي او په هېواد کې به پانګه اچونه لوړه شي چې په پایله کې به اقتصادي ودې کې د پام وړ لوړوالی راشي. خو له بده مرغه، د کورونا وېروس خپرېدلو دغه فرصت ته زیان ورساوه.

هرات کې دکرونانورې شکمنې پيښې هم ثبت شوې

د افغانستان د هرات روغتيايي چارواكي په دې ولايت كې د كرونا ويروس ۴ نورې شکمنې پيښې یې هم ثبت کړې دي

 هرات کې له ياد ويروس سره د مبارزې لپاره د عامه پوهاوي وركولو كمېټې مسوول نذير احمد رسنیو ته ویلي، تیره ورځ دوی سره د یاد ویروس په اړه څلور شكمنې پېښې ثبت شوې دي دا په داسې حال کې ده ، چې وړمه ورځ هم په هرات کې ۳ شکمنې پیښې ثبت شوې وې، چېوروسته یې ۲ منفي او یوه یې مثبته ومنل شوه. په هرات کې د یوې مثبتې پيښې ثبتیدو وروسته د عامې روغتيا وزارت په یاد ولایت كې بېړنى حالت اعلان كړى دی

د روغتیا وزارت له ټولو هوايي او ځمكنيو ټرانسپورټي شركتونو غوښتي، چې دغه ولايت ته تګ راتګ محدود كړي

د عامې روغتيا وزير فېروزالدين فېروز تیره ورځ له رسنيو، ديني عالمانو، مدني ټولنو، ښوونكو او نورو خلكو غوښتنه وكړه، چې په دې اړه د عامه پوهاوي په برخه كې ورسره مرسته وکړي.

له دې وړاندې افغانستان له ایران سره خپله پوله هغه وخت وتړله کله ، چې په ایران کې د کرونا ویروس پيښې ثبت شوې او خلکو ته یې اندیښنې زیاتې کړې.

خو د ملي امنيت شورا وياند جاوېد فيصل تازه ویلي، ایران سره پوله بیرته پرانیستل شوه.

هغه زیاته کړې ، چې دا پریکړه د روغتيا نړيوال سازمان د سټنډرډونو د تطبيق په شرط نيول شوى دى.

د ده په وينا، مسافر كولى شي د عامې روغتيا وزارت او د روغتيا نړيوال سازمان د پروسيجرونو تر تطبيق دا په داسې حال کې ده ، چې چین د کرونا ویروس کوربه هیواد بلل کیږي او لومړی هم د چین په ووهان ایالت کې وموندل شو وروسته ايران ته تګ راتګ وكړي.

د تازه راپورونو پر بنسټ په چين كې د ۷۱ نورو كسانو په مړه كېدو سره د كورونا ويروس د قربانيانو شمېر ۲۶۶۳ تنو ته ورسېد د راپورونو پر بنسټ، هلته په دغه ويروس د اخته كسانو شمېر ۷۷۶۵۸ ته لوړ شوى دى په دې هېواد كې د كورونا ويروس ۵۰۸ نوې پېښې ثبت شوې دي .

اوس مهال د چين، ايران، جنوبي كوريا، جاپان، ايټاليا، فرانسې او تايوان په ګډون د نړۍ په ۳۵ هېوادونو كې كورونا ويروس موجود دى. دغه ويروس په ايران، جنوبي كوريا او ايټاليا كې هم د ۲۷ تنو ژوند اخيستى او ګڼ شمېر نور پرې اخته دي

هرات کې نجونو لپاره د سپورټي لوبغالي نشتوالئ

هرات ولایت کې ځیني سپورټي لوبغاړې وايي چې په دغه ولایت کې د نجونو لپاره ځانګړي لوبغالي نشته

دوی زیاتوي چې د نجونو لپاره د ځانګړو لوبغالو سره سپورټ ته د نجونو لېوالتیا زیاتیږي

لوبغاړې، مهناز حسیني په دې اړه وايي:«هرات کې د نجونو لپاره لوبغاړی اړین دی، ځکه چې دلته د نجونو لپاره لوبغاړی نشته. او ښځو ته دومره پام نه کیږي، او اړینه ده چې والیبال ته د نجونو لپاره ځانګړی لوبغالی جوړ شي

همداراز مژګان زیاتوي:«کله لوبغالي ته راځو، دېر وخت دلته نارینه وي. او د ښځو لپاره ځانګړی ځای نشته چې تمرین وکړي، او اسانیتاوې هم نشته

اوس مهال هرات کې د ټولنیزو ستونزو سره سره ډېر شمېر نجونو سپورټ ته مخه کړې ده

روزونکی، محمد میرویس سکندري څرګندوي:«که امکانات ووسي موږ کولی شو چې ښې لاسته راوړنې ولرو، ښه تمرین وکړو، اوس موږ په کمو اسانتیاوو سره ډېرې لاسته راوړنې لرو، ډېره لیوالتیا والیبال ته شته

له کلونو راهیسې هرات ولایت کې د نجونو لپاره د سپورټ مناسب ځای نشتوالی ستونزه.

په همدې حال کې د هرات د والیبار فدراسیون سرپرست، زمری سلجوقي وايي:«وخت د ښځو لپاره ځانګړی شوی دی، او هڅه کوو چې بودجه پیدا او دولت هم هوډ لري چې د ښځو لپاره ځانګړی لوبغالی جوړ کړي

هرات ولایت کې سیمه ییز چارواکي وايي په دې ولایت کې د والیبال، فوتبال، بایسکل ځغلونې، هند بال او څو نورو ورزشي څانګو ته ډېر شمېر نجونو مخه کړې ده.