د خوست ولس ددولسمشر نه د کرکټ ژغورلو غوښتنه کړې ده

د خوست ولس ددولسمشر نه د کرکټ ژغورلو غوښتنه کړې ده د پکتیا او خوست ولایتونو  سلګونه ځوانانو خوست کې د افغانستان د کرېکټ بورډ ادارې پر ضد لاریون کړی.او د ولسمشر نه ېې غوښتي چې کرکټ بورډ دې د فساد څخه وژغوري.

د دغه ولایتونو خلکو په ولسمشر اشرف غني غږ وکړ، چې د کرکټ بورډ ملي اداره له پراشوټي ګومارنو څخه وژغوره او د افغانستان عزت وساته.لاریون وال وایي، د ولسمشر له لوري د کرېکټ پر برخلیک لوبې کول موږ ته د منلو وړ نه ده، د ځوانانو هیلې دې نه خاورې کوي، کرېکټ بورډ دې وژغوري او د افغانستان عزت دې وساتي. لاریونوالو دا راز له ځانونو سره بېنرونه راوړي وو او د کرېکټ بورډ د رییس فرهان یوسفزي پر عکس یې سرې کرښې کش کړې وې او له ولسمشر یې غوښتل چې یوسفزی دې محاکمه کړي او کرکټ دې کرېکټرانو ته وسپاري.تر څو دغه اداره رشت وکړي.

اړونده خبرونه: د خوست ولس ددولسمشر نه د کرکټ ژغورلو غوښتنه کړې ده

د دغه لاریون، اصلي لامل یې د کرېکټ بورډ له لوري د میلیون جام سیالیو د ترسراوي ځنډ او د یاد لیګ پر وړاندې د بورډ له خوا د بهانو او خنډونو جوړول دي، او لاریونوال له بورډ غواړي چې د میلیون لیګ سیالیو د ترسراوي اجازې دې ژر تر ژره ورکړي، او په خپله نېټه دې په خوست ولایت کې ترسره شي.دغه لیګ ته د خوست خلک ډېر په تمه دي او وايي چې دې سره به د خوست د خلکو ارمان پوره شي.

د میلیون لیګ سیالۍ چې ټاکل شوې را روانه نومبر میاشت د ملي لوبغاړي شاپور ځدراڼ له لوري په خوست ولایت کې ترسره شي، کرېکټ بورډ یې مخه نیسي.ملي لوبغاړی شاپور ځدراڼ چې د یاد لیګ تنظیموونکی دی، له لمر ټلوېزیون سره یې د لیګ د ترسراوي تړون هم لاسلیک کړی، او خلکو سره ېې شریک کړی هم دی.

د خوست ولس ددولسمشر نه د کرکټ ژغورلو غوښتنه کړې ده
د خوست ولس ددولسمشر نه د کرکټ ژغورلو غوښتنه کړې ده

خو د رسنیو د راپورونو پر اساس د کرېکټ بورډ اداره یې پر وړاندې خنډونه جوړوي او د لیګ د ترسره کېدو مخه نیسي.خوست کې د لاریون سره هم مهاله د کرېکټ بورډ ملي ادارې په یوه اعلامیه کې ویلي چې د لیګ تنظیموونکي باید ټول اصول او پروسې بشپړې کړي. دوی د میلیون لیګ د ترسره کېدو مخالفت نه کوي.خو لا هم د دغه بورډ د پیلیدو نيټه پوره په واضحه ډول نده اعلان شوې.

د جمهورریس غني په مشرۍ د کابینې غونډه تر سره شوه

د ولسمشر په مشرۍ په ولسمشرۍ ماڼۍ کې د کابينې غونډه تر سره شوه، دغه غونډه کې د وزیرانو ترڅنګ د ولایاتو والیانو هم ګډون وکړ یاده غونډه د ویډیو کانفرانس له لارې تر سره شوه او د ولسمشرلخوا اړوندو ادارو ا خلکو ته سپارښتنې هم وشوې،

د ولسمشرۍ ماڼړۍ وايي اول جمهوررئیس غني، د امنیتي او دفاعي ځواکونو او ملکي وګړو پر وړاندې د طالبانو له لوري وروستي حملې او د تاوتریخوالي دوام سخت وغانده او هغه یې سولې ته د ژمنتیا روحیې خلاف وباله او همدارنګه د هیواد په وروستیو پزمختګونو رڼا واچوله.جمهوررئیس د بهرنیو اسعارو پر ځای د افغانیوعامولو په برخه کې د ننګرهار والي فعالیتونو ستاینه وکړه والیان یې وظيفې ورکړې چې پخپلو اړوندو ولایتونو کې دې کار ته پلانونه جوړ کړي،ولسمشر غني د پروژو په تطبیق کې د لا زیات تحرک او خلکو ته د خدمت کولو بهیر چټکتیا، ولسوالیو او کلیو ته د لومړیتوب ورکولو په اړه خبرې وکړې، وزارتونه او دولتي ادارې یې موظف کړې ترڅو د انکشافي پروژو د بودجې په لګښت کې خپله وړتیا مشخصه کړي او راپور یې د کابینې غونډې ته د وړاندې کولو په موخه مالیې وزارت ته واستوي

ورپسې، د جمهوري ریاست لومړي مرستیال د کابینې غړو ته په اجنډا کې د یادو شویو موضوعاتو د معرفي کولو ترڅنګ، د هیواد پر امنیتي او دفاعي ځواکونو د دښمن له لوري بریدونه وغندل او د هیواد د دفاع په لاره کې یې د دفاعي او امنیتي ځواکونو مېړانه وستایله.

راپورونو له مخې په همدې ترتیب د جمهوررئیس دویم مرستیال د سوشل ميډیا په قانون کې د احتمالي تعدیلاتو وړاندیز په اړه چې د رسنیو ټولنې د اندېښنې لامل شوی و، معلومات وړاندې کړل. کابینې پرېکړه وکړه چې په پارلماني چارو کې د دولت وزارت دې یاده وړاندیز شوې طرحه بېرته له پارلمان څخه وګرځوي ترڅو د جمهوررئیس د دویم مرستیال تر نظر لاندې د هیواد د رسنیو ټولنې سره په مشوره لا زیات دقت پرې وشي.

د صحت وزارت نوماند او سرپرست په څلورو برخو؛ تشخیص او وقایه، جدي مراقبت، د وضعیت تحلیل او راتلونکي ګامونه کې په هیواد کې د کرونا وضعیت څرنګوالي لنډ راپور او همداراز د ولایتونو اړتیا وړ اکسیجن سروې او د اکسیجن د پېرلو لپاره د مارکېټ ارزونه غونډې ته وړاندې کړه.

کابینې کرونا ویروس سره د مبارزې په برخه کې د روغتیایي کارکوونکو، روغتیایي پرسونل او د عامې روغتیا وزارت رهبرۍ د ستاینې ترڅنګ، هغه وزارت موظف کړ چې د اخته شویو، ښو شویو او د کرونا ویروس له امله د مړو شویو کسانو رسمي او غیر رسمي ارقام او د دې ویروس د اغېز څرنګوالي پر اساس اړوندو بین المللي بنسټونو سره ګډ علمي تحلیل او د هیوادوالو د مقاومت او دفاعي سیستم کچه د راتلونکې اونۍ تر شنبې ورځې د حکومت رهبرۍ غونډې ته وړاندې کړي او پایله یې د کابینې غونډې سره شریکه کړي

دولت باید دغه اقدامات او سپارښتنې صرف د غونډو پورې محدودې نکړي باید عملي اقدامات وکړي ترڅو عام وګړو ته په سمه توګه خدمات وړاندې کړي او ولس د دغو شته بد بختیو نه وژغوري ځکه افغانستان د ډېر پخوا راهيسې د بد بختیو او جنګونو سره مخ دۍ باید نور حکومت او سیاسیون جدي اقدامات وکړي،

عبدالله عبدالله: دحکومت مزاکراتي ټيم دتقویت لپاره باید کار وشي

د ولسمشريزو ټاکنو کې د ثبات او همپالنې ټاکنيزه ډله وايي، چې دوى د ګډ دولت په اړه خپله طرحه نهایي کړې ده او د منځګړې ډلې سره به يې ژر شريکه کړي. د ثبات او همپالنې ټاکنيز ټيم رسنيو ته ويلي دي، چې دوى خپله طرحه بشپړه کړې ده او د روانې اونۍ تر پاى پورې به يې د منځګړې ډلې سره شريکه کړي.

د عبدالله عبدالله ډله وايي، چې دوى د واک مساويانه وېش او همدا راز د مصالحې اجرايي صدارت غواړي. دغه ډله به خپله طرحه له منځګړې ډلې سره شريکوي او ياده ډله به د دوى طرحه بيا له ولسمشر غني سره شريکه کړي.

د ځينو سرچينو په حواله، د عبدالله عبدالله ډله په خپله په دغه طرحه باندې سره نه دي جوړ شوي او لا هم پرې بحثونه روان دي. دوى همدا راز دا هم وايي چې دغه طرحه به د يوه همه شموله حکومت د جوړولو لپاره لار پرانيزي.

د ولسمشر غني او عبدالله عبدالله ترمنځ په داسې حالت کې د واک پر سر شخړه روانه ده، چې افغانستان د کورونا ويروس له بحران سره مخ دى، خلک له لوږې سره مخ دي، نړيوال افغانستان کې د واک شخړې ته حېرانه دي او ژر تر ژره د دې لانجې د حل غوښتونکي دي

له بلېخوا شاه حسېن مرتضوي په خپل ټويټر په يو ټويټ کې په عبدالله عبدالله او د هغه په ډلې نيوکې کړې دي. هغه وايي، چې يو يې صدراعظمي غواړي، بل يې د سولې شورا رياست غواړي، بل يې انتخابات لغوله کول غواړي، خو اصلاً معلومات نشته چې دوى څه غواړي.

شاه حسېن مرتضوي ليکي: اصلاً معلومه نه ده چې دوى څه غواړي، يو صدراعظمي غواړي، يو د سولې شورا غواړي، يو ټاکنې لغوه کول غواړي، يو سياسي توافق غواړي، يو کابينه کې پنځوس سلنه برخه غواړي، يو همه شمول غواړي، يو هم نغدي معامله غواړي، کورونا او د خلکو سرنويشت دوى ته اهميت نه لري.

شاه حسېن مرتضوي، چې تل په ټويټر باندې په عبدالله عبدالله او د هغه په ټيم نيوکې کوي، دا ټويټ يې وروسته له هغه کړى دى، چې د عبدالله عبدالله دفتر رسنيو ته ويلي دي، چې دوى په يوه نوې طرحه کار کوي او له جوړولو وروسته به يې ولسمشر غني ته وړاندې کړي.

د عبدالله عبدالله دفتر ويلي دي، چې اساسي شرط د دوى ګډ حکومت دى او په دې فکر کوي چې جوړجاړي ته سره څنګه ورسېږي.

دولسمشر غني به مشرۍ د اقتصاد شورا غونډه جوړه شوه

رویټرز خبري آژانس د امریکايي سرچینو له قوله لیکلي، واشنګټن له ولسمشر محمد اشرف غني غوښتي، چې خپل د لوړې مراسم وځنډوي؛ خو باوري سرچینو وویل چې غني د امریکا غوښتنه رد او ټینګار يې کړی چې مراسم به پر خپل ټاکلي وخت چې د ۵ شنبې ورځ ده، ترسره کوي او هغه ټول خلک به پکې ګډون وکړي چې دغه مراسمو ته غوښتل شوې دي د یادونې وړ ده چې یادې غونډې ته د پختون ژغورنې غورځنک يو غړئ محسن داوړ هم غوښتئ.

د سرچینې په وینا، ولسمشر غني په تونده امریکا ته ویلي، له طالبانو سره د مذاکراتو د پرمخ وړو لپاره یو واحد جهت او قوي حکومت ته اړتیا ده او امریکا دې دې معقولیت ته غاړه کېږدي چې د خلکو په رایو رامنځته شوی حکومت په تدبیر او واحد دریځ د سولې مذاکرات پرمخ وړلی شي.

سرچینه زیاتوي، له لومړي سره د امریکا فشار د همدې لپاره و چې یو مصلحتي حکومت رامنځته شي، خو د ولسمشر غني ټینګار پر ټاکنو ځکه و، چې د سولې د مذاکراتو د بریالي کولو او په نظام کې د طالبانو د راګډولو لپاره یو واحد او غښتلي حکومت ته اړتیا ده او د پخوانیو تجربو پر اساس څو جهتي حکومت حد اقل یو واحد مذاکراتي پلاوی هم نشي رامنځته کولی.

یوې بلې سرچینې رسنیو ته څرګنده کړه، چې امریکا د ټاکنو لانجو برخه کې د اشرف غني د مخالفو سیاسي جهتونو غوښتنو ته غاړه ایښې ده، ځکه خو د لوړې مراسمو ځنډولو خبره کوي.

پر دې سربېره، کرزي او یو شمېر نورو سیاسي جهتونه چې ښاغلي غني سره وران دي او ټاکنو کې د هغه ناکامي غواړي، له امریکا يې غوښتي وو، چې د ټاکنو پایلې باطلې اعلان کړي.

د ولسمشر غني د لوړې مراسمو لپاره ټول ترتیبات نیول شوي دي او ګڼ شمېر خلکو ته بلنه هم ورکړل شوې.

بلخواد عبدالله عبدالله لخوا هم لوړې مراسمو لپاره ټول ترتیبات نیول شوي دي او ګڼ شمېر خلکو ته بلنه هم ورکړل شوې. او کمېسون ورته خم تشکيل شوئ.

پرطالبانودې بریدونه بندشي ولسمشرغني

ولسمشر پرون، د فبرورۍ په ۲۱مه نېته په ټول هېواد کې امنیتي او د فاعي ځواکونو ته امر وکړ چې پر وسله‌والو طالبانو حملې بندې کړي.

د امریکا اوطالبانو ترمنځ د موافقې له مخې، د بېګا شپې له ۱۲ بجو د فبرورۍ تر ۲۹ مې به په ټول افغانستان کې تاوتریخوالی کم وي.

اشرف غني پرون په ټلویزوني وینا کې وویل چې د افغانستان امنیتي ځواکونه به په دفاعي حالت کې وي.

ښاغلي غني زیاته کړه: “اوس چې د سولې لپاره زمینه برابره شوې، له دې فرصته موږ د خپلو خلکو برحقه غوښتنه مطرح کړه چې طالبان اوربند ومني او مذاکرات پېل شي، خو دا چې د طالبانو ډلې د تاوتریخوالي په کموالي هوکړه وکړه، داهم اوربند او پایه دارې سولې ته د رسېدو لپاره یو مهم ګام دی.”

د  طالبانو د نظامي چارو کمېسیون هم یو بیان خپور کړی او ویلي یې دي چې تر راتلونکې شنبې به د افغانستان پر امنیتي او دفاعي ځواکونو او امریکايي قواوو حملې نه کېږي.

په خبرپاڼه کې وسله‌والو طالبانو ته ویل شوي چې دافغانستان د حکومت تر کنټرول سیمو ته له تګه ډډه وکړي.

د امریکا د بهرنیو چارو وزیر مایک پامپیو وویل چې په یوه اوونۍ کې د تاوتریخوالي د کمولو پرېکړه په بریالیتوب عملي شوه، د فبرورۍ په ۲۹مه به امریکا له طالبانو سره د سولې هوکړه لاسلیک کړي.

فیسبوک ادارې د چین له ولسمشر بښنه وغوښته

فیسبوک د چین له ولسمشر د هغه د نوم د غلط ژباړلو له امله بخښنه وغوښته.

يادې ادارې په یوه اعلامیه کې ویلي چې دا یوه تخینکي ستونزه وه او د چین له ولسمشر شي جین پینګ یې بخښنه د چین ولسشمر میانمار ته تللی او هلته یې د میانمار له مشرې انګ سن سو کیا سره په لسګونو تړنونونه هم لاسلیک کړي دي هم غوښتې.

د اغلې سن سو په هغه بیانیه کې چې له ملاقات وروسته یې خپره کړې وه، په برمايي ژبه کې یې د چین ولسمشر نوم په برمایي ژبه کې د چین ولسمشر نوم لیکلی و چې فیسبوک دا د “ Mr Shithol ته ژباړلی و او دا لغات په انګلیسي کې د (سپک، بیخي ډیر خیرن…) مانا ورکوي.

دغېادارې په خپره شوې اعلامیه کې ویل شوي

«موږ هغه تخنیکي ستونزه حل کړه چې په فیسبوک کې له برمايي ژبې انګلیسي ته یې غلطه ژباړه کوله. بیا به داسې ونه شي او موږ نور اقدامات هم کوو چې تکرار نه شي. موږ په رښتیني توګه ددې سختې غلطۍ بخنښه غواړو.»

 فیسبوک په خپل د برمايي ژبې ډیټابیس کې د چین ولسمشر نوم نه و ثبت کړی.

فیسبوک له برمايي ژبې د ژباړې په برخه کې ډیر مشکل لري. ویل کیږي پخوا هم ديته ورته غلطې اتومات ژباړې شوي.

باید یاده کړو چې له انګلیسي یا فارسې ژبې پښتو ته د فیسبوک اتومات ژباړه کې هم ډیرې ستونزې دي. ډیر کله یې ځیني شیان په عجیب انداز ژباړلي وي، چې ددې لامل هم له فیسبوک سره لکه د نورو ژبو د پښتو نه ثبت په ګوته کوي.