چین دخپلمنځي مزاکراتو ملاتړ کوي

چین د خپلمنځي مزاکراتو ملاتړ کوي. دچین ولسي جمهوریت په افغانستان کې د سولې پروسې څخه په جرات ملاتړ کوي او هیله لري چې په سوله ییز افغانستان کې به دسیمي اقتصادي اړیکې لاپراخې شي.او ګاونډي هېوادونه به هم په امن کې اووسي.

دا خبرې په دوحه کې د چین د ولسي جمهوریت سفیر زوجیان د طالبانو سیاسي مرستیال او د سیاسي دفتر مشر ملا عبدالغني برادر سره ملاقات کې کړي دي.دطالبانو د سیاسي دفتر او مرکچي پلاوي ویاند ډاکټر محمدنعیم وايي، دغه لیدنه نن ماښام  دوحه کې ترسره شوې د دواړو مشرانو او مل هیئتونو ترمنځ شوې، چې په ترڅ کې یې د خپلمنځي خبرو په روان بهیر او د طالبانو او امریکا متحدو ایالاتو ترمنځ لاسلیک شوي سولې  تړون د بشپړ تطبیق په هکله بحث شوی.

هغه ویلي، ددې ناستې پر وخت د چین ولسي جمهوریت سفیر «زوجیان» د بین الافغاني مذاکراتو روانې پروسې څخه د خپل هېواد د بشپړ ملاتړ ډاډ ورکړی دی.هغه داسې لیکلي: «د چین سفیر دبین الافغانی مذاکراتو د پروسې څخه دخپل هیواد دپوره ملاتړ ډاډ وښود، او په افغانستان کې يې دسولې راتلو او ثبات قایم کيدو هيله څرګنده کړه، تر څو د افغانستان او چين اړیکې او اقتصادی پروژې لا پراختیا ومومی.

یاد ملاقات په ترڅ کې طالب چارواکو د چین له سفیر څخه غوښتنه کړې، چې د کرونا ویروس په مخنیوي او واکسین په برخه کې له افغان ولس سره همکاري وکړي.دوی په اینده کې د ښه اړیکو په اهمیت هم ټينګار کړی او د دواړو هیوادونو ښه تعلقات ېې اړین بللي.

چین دخپلمنځي مزاکراتو ملاتړ کوي
چین دخپلمنځي مزاکراتو ملاتړ کوي

هېره دې نه وي چې تیرکال د امریکا او طالبانو ترمنځ د مذاکراتو په ۱۸ میاشتني بهیر کې کله چې د امریکا د هغه وخت ولسمشر ډونالډ ټرمپ د یو ټویټ په کولو طالبانو سره د سولې مذاکرات وځنډول د چین او روسیې په ګډون د سیمې هېوادونو ته د طالبانو د سیاسي پلاوو پرلپسې سفرونه ددې باعث شول چې مزاکرات بیا بحال شول او د سولې په اړه ناستې وشوې.

عربي اماراتو او چین افغانستان سره د طبی وسایلو مرسته وکړه

کرونا ویروس د نړۍ یو شمېر هېوادونه متاثره کړي دي. دغه وبا ورځ تر بله نور هم ګړندۍ کیږي او د پېښو شمیر زیاتیږي کرونا ویروس د نړۍ خلک او ملکونه هیران کړي دي  ډۍر هېوادونه د کرونا سره پوره په سمه توګه مبارزه نشي کولۍ او نه یی په سمه توګه مخنیوۍ کولۍشي. په دې لړ کې د متحده عربي اماراتواو چین  د کرونا سره د مبارزه کولو لپاره ګڼ شمۍر هۍوادونو سره مرستې د ستایلو وړ دي عربي اماراتو د مختلفو هۍوادونو سره مرستې کړي او لا هم دوام لري

عربي یونان هېواد سره هم د کرونا ویروس سره مبارزې له امله مرسته کړې او طبي سامانونه یی ورته استولي دي. د یو راپور له مخې د عربي اماراتو دولت ۱۱ ټنه طبي سامانونه یونان ته استولۍ تر څو د کرونا سره مبارزې کې ورسره مرسته وکړي. د يونان دولت د دغه امدادي پیکج هر کلئ کړئ او د اماراتو د دولت مننه یی کړې.

د افغانستان د عامې روغتیا وزارت وايي، له کورونا وېروس سره د مبارزې لپاره یې له چین نه د طبي وسایلو لوی پیټی (کارګو) ترلاسه کړی دی. دا وزارت وايي، په دې بسته کې د کورونا د تشخیص وسایل، ماسکونه او نورې طبي الې شاملې دي. وړمه ورځ له عربي متحده اماراتو هم د طبي وسایلو ډکه کارګو افغانستان ته رسېدلې وه. د عامې روغتیا وزارت وايي، د عربي متحده اماراتو لخوا د کورونا د تشخیص ۲۵ زره کیټونه افغان حکومت ته سپارل شوي‌ وو.

د دې وزارت ویاند وحید مایار وايي، د کورونا د خپرېدو وضعیت ته په کتو هڅه کوي چې د تشخیص امکانات هم ډېر کړي. د عامې روغتیا وزارت ویاند وحید مایار چارشنبه ماسخوتن ناوخته ویلي چې په هرات کې د کورونا وېروس ۴۱ تازه مثبتې پېښې ثبت شوې دي. له دې سره په ټول افغانستان کې د مثبتو پېښو شمېر شاخوا ۲۴۰ کسانو ته رسېدلی دی.

ښاغلي مایار لیکلي چې په تازه پېښو کې ۲۴ نارینه او ۱۷ ښخې دي او په دوی کې یو هم دې وروستیو کې له ایرانه نه دی راستون شوی. د روغتیا وزارت په وینا، تر اوسه په کورونا اخته لس کسان روغ شوي او پنځه کسانو ژوند بایللی. د کوېډ ۱۹ ناورغي د افغانستان ۱۶ ولایتونو ته خپره شوې چې له پلازمینې کابل او ایران سره پر پوله پرتو ولایتونو وروسته، تېره ورځ په ځینو شمالي ولایتونو کې هم ګرز بندیزونه ولګول شو چې ورسره خوراکي توکو ته د خلکو د لاسرسي کمېدو په اړه اندېښنې پيدا شوي.

افغان ولسمشر محمد اشرف غني د چارشبنې پر ورځ یو فرمان صادر کړ چې حکومت به بېوزلو، اړمنو، کورنیو او بهرني بېځایه شویو کورنیو او کارګرو ته د قرنطین په ورځو کې مرستې ورکوی. د ارګ اعلامیې پر بنسټ، محمد اشرف غني بېړنۍ کمېتې ته امر کړی چې دغو کسانو ته د غنمې د وېشلو په یوه ترحه کار وکړي او هوکړه شوې چې په یوه میاشت کې ۴۰ زره کسانو ته کاري فرصتونه برابرې شي

چین د ماسکونو جوړولوشرکت پرانیسته

لکه څنکه چې تاسو ته معلومه ده چین کې ورځ تر بلې په کرونا ویروس باندې زرګونه خلک اخته کېږي تېره شپه یې اعلان وکړ چې د ماسکونو د کمبود له امله یې په دغې هېواد کې ستره فابریکه پرانیسته.

د چینایي رسنیو د معلوماتو له مخې دغه فابریکه په ډیر لږ وخت کې بشپړه شوه او سمدستي یې په تولیداتو پیل وکړ چې تولید به یې د دې هېواد ټولو وګړو ته ورسیږي د معلوماتو له مخې دغه فابریکه خورا ستره ده چې پکې په سلګونه تنه کار کوونکي کار کوي او د کرونا څخه د ځان ساتلو پر موخه ماسکونه تولیدوي..

د دغې فابریکې په اړه ویل کېږي چې ماسکونه خورا په احتیاط او اغېز ناک ډول جوړ شوي دي چې د کرونا د انتقال او د راتګ مخنیوي کې مهم رول لوبولی شي چینایي رسنۍ وایي، دغه فابریکه په ګوانګژو ایالت کې پرانیستل شوه چې په یوه دقیقه کې خورا ډیر ۱۰۰۰ ماسکونه تولیدوي

چین وایي، چې دوی د دغې ویروس د انتقال د مخنیوي پرموخه عملأ له هر ډول لارو چارو کار اخلي او غواړي چې یاد ویروس کنټرول کړي.

چینایي چارواکي وایي، چې دغې فابریکي په زرګونه جوړ شوي ماسکونه د چین لیرو پرتو سیمو، او ښارونو ته هم انتقال کړي دي او په یو شمېر خلکو یې په وړیا توګه ویشلي دي.

چینایي چارواکي وایي، چې دغې فابریکي په زرګونه جوړ شوي ماسکونه د چین لیرو پرتو سیمو، او ښارونو ته هم انتقال کړي دي او په یو شمېر خلکو یې په وړیا توګه ویشلي دي د چارواکو پر وینا د چین په ټولو ښارونو کې ځانګړي روغتونونه د کرونا ویروس اخته ناروغانو ته خالي شوي دي او یو شمېر یې نوي هم ورته جوړ شوي

د چین حکومت وایي، دوی د کرونا ویروس د مخنیوي پر موخه ناغیړي نه ده کړې او په پیل کې هم لوی روغتون د دغې ناروغیو اخته کسانو ته په یوې اونۍ کې جوړ کړ دا مهال په چین کې په کرونا ویروس د اخته کسانو شمېر نور هم لوړ شوی دی؛ او تر ۸۰ زرو کسانو پورې رسېدلی دی او د مړو شمېر هم تر ۳ زرو واوښت

کرونا ویروس په لومړي ځل د چین په ووهان ښار کې پیل شو چې بیا وروسته د افغانستان په ګډون ۳۳ نورو هېوادونو ته هم انتقال کړی شو.

د چین را وروسته په ایران کې هم دغې ویروس په چتکتیا سره پرمختګ کړی دی چې تر ۱۵ پورې کسان پکې مړه شوي او ۹۵ نور پرې اخته شوي دي.

دغه راز ایران چې له افغانستان سره پر پوله پروت هېواد دی د تګ راتګ له له امله دغه ناروغي هرات ولایت ته هم را ورسېدله چې امله یې یوه مثبته پېښه ثبت شوې او نهه نورې شکمنې وې، خو منفي ثابتې شوې .

چین: د افغانستان نوي حکومت سره کار ته چمتو یو

د چین د بهرنیو چارو وزارت وايي چې د افغانستان د انتخاباتو د نتایجو په اړه خبر دي او د افغانستان د راتلونکي په اړه د افغانانو د پرېکړې هرکلی کوي. ویاند “ژو لیان” د دوشنبې په د چین د بهرنیو چارو وزارت ورځ (فبروري۲۴) خبریالانو ته وویل چې هغوی خبر دي چې د افغانستان د ټاکنو کمېسیون ولسمشر غني د ټاکنو ګټونکی اعلان کړی دی

هغه وویل: “افغانستان زموږ ملګری ګاونډی دی. چین د افغانستان د ولسمشریزو ټاکنو د بهیر درناوی کوي، د آینده په اړه د افغانانو د خپلواکی د پرېکړې ننګه کوي او د نوي منتخب حکومت او د افغانستان د خلکو سره د سولې، ثبات او پرمختګ لپاره ګډ کار کولو ته چمتو دی.”

د ټاکنو خپلواک کمېسیون تېره اونۍ ولسمشر غني د ټاکنو ګټونکی اعلان کړ، خو عبدالله عبدالله ادعا کوي چې په ټاکنو کې درغلي شوې ده. هغه دا پایلې ونه منلې او اعلان یې وکړ چې خپل حکومت جوړوي.

د چین د بهرنیو چارو د وزارت ویاند همدغه راز د امریکا او طالبانو ترمنځ د سولې د خبرو په اړه هم وغږېده. هغه وویل چې د افغانستان د سولې د مذاکراتو په اړه له اړوندو خواو سره نژدې تماسونه او همکاري لري.

هغه وویل: “چین د افغانانو په مشرۍ او د افغانانو له لورې د سولې او بیا پخلاینې د همه شمول بهیر کلکه ننګه کوي. د امریکا-طالبانو ترمنځ د تړون ( ممکنه تړون) د لاسلیک کېدو هرکلی کوو او هیله لرو چې دا بهیر په ښه توګه پلي شي چې د افغانستان مسئلې ته نهايي سیاسي حل پیدا شي. “

نوموړي وویل چين په افغانستان کې د سولې، ثبات او بیا پخلاینې لپاره له اړوندو غاړو او نړیوالې ټولنې سره کار کولو ته چمتو دي.

ولسمشر ټرمپ تېره ورځ اعلان وکړ چې له طالبانو سره به د سولې تړون لاسلیک کوي. په افغانستان کې د شنبې په شپه د طالبانو، امریکا او افغان ځواکونو ترمنځ د تاوتریخوالي د کمولو ۷-ورځنی بهیر پیل شو.

چارواکي وايي که دا بهیر بریالی ختم شو، د طالبانو-امریکا ترمنځ به د سولې تړون لاسلیک شي.

فیسبوک ادارې د چین له ولسمشر بښنه وغوښته

فیسبوک د چین له ولسمشر د هغه د نوم د غلط ژباړلو له امله بخښنه وغوښته.

يادې ادارې په یوه اعلامیه کې ویلي چې دا یوه تخینکي ستونزه وه او د چین له ولسمشر شي جین پینګ یې بخښنه د چین ولسشمر میانمار ته تللی او هلته یې د میانمار له مشرې انګ سن سو کیا سره په لسګونو تړنونونه هم لاسلیک کړي دي هم غوښتې.

د اغلې سن سو په هغه بیانیه کې چې له ملاقات وروسته یې خپره کړې وه، په برمايي ژبه کې یې د چین ولسمشر نوم په برمایي ژبه کې د چین ولسمشر نوم لیکلی و چې فیسبوک دا د “ Mr Shithol ته ژباړلی و او دا لغات په انګلیسي کې د (سپک، بیخي ډیر خیرن…) مانا ورکوي.

دغېادارې په خپره شوې اعلامیه کې ویل شوي

«موږ هغه تخنیکي ستونزه حل کړه چې په فیسبوک کې له برمايي ژبې انګلیسي ته یې غلطه ژباړه کوله. بیا به داسې ونه شي او موږ نور اقدامات هم کوو چې تکرار نه شي. موږ په رښتیني توګه ددې سختې غلطۍ بخنښه غواړو.»

 فیسبوک په خپل د برمايي ژبې ډیټابیس کې د چین ولسمشر نوم نه و ثبت کړی.

فیسبوک له برمايي ژبې د ژباړې په برخه کې ډیر مشکل لري. ویل کیږي پخوا هم ديته ورته غلطې اتومات ژباړې شوي.

باید یاده کړو چې له انګلیسي یا فارسې ژبې پښتو ته د فیسبوک اتومات ژباړه کې هم ډیرې ستونزې دي. ډیر کله یې ځیني شیان په عجیب انداز ژباړلي وي، چې ددې لامل هم له فیسبوک سره لکه د نورو ژبو د پښتو نه ثبت په ګوته کوي.