د بدن دفاعي سېستم

کرونا و یروس د هرات په شمول د هۍواد یو شمېر نور ولایاتو ته هم رسيدلۍ او۰ ۱۰۰ نه یی ډۍر خلک نیولي دي .که څه هم دا ویروس د انسانانو ته د زیان سره سره د ژوند په نورو اړخونو هم اغېز کړۍ او په ټوله کې بیا د افغانستان یی ډۍر اسر کړۍ

اوسمهال د برېتانيې په اکسفورډ پوهنتون کې د کورونا ويروس لپاره جوړ شوي واکسين په انسانانو ازمايښت پيل شو. د رسنيو د راپورونو په وېنا، د واکسين د ازمايښت په لومړۍ مرحله کې په يو وخت کې درې ادارو کې دا ازمايښت پيل شوى دى چې له ١٨ څخه تر ٥٥ کلونو پورې عمر لرونکو ٥٠٠ کسانو باندې به دا ازمايښت ترسره شي

دغه کسانو په انلاين بڼه په رضاکار ډول ځانونه دې کار ته اماده کړي و، په لومړۍ برخه کې چې کوم کسان په دې ازمايښت کې برخه اخلي، د هغوى لپاره د پوره روغتيا شرط ورکړل شوى و، په دې کسانو کې هېڅ الرجي، کېسنر يا د کورونا ويروس نښې بايد نه وي.

د روغتياپالانو اراده دا ده چې د دې ازمايښت لپاره ١٠٠٠ کسان راجستر کړي او هغه بيا په دوه ډلو ووېشي، چې دواړو ډلو باندې بيل بيل واکسين وازمايي.

په دې ازمايښت کې برخوال به څو وارې څېړنيز مرکز ته بلل کېږي او همدا راز هغوى ته به د سفر مصارف او د نورو مصارفو لپاره ٦٢٥ پاونډه هم ورکول کېږي.

د اکسفورډ پوهنتون او امپيريل پوهنتون ته د کورونا ويروس د واکسين جوړولو لپاره نورې ٤١ ميليون پاونډه فنډ ورکړل شوى دى، تر څو د واکسين د څېړنې او ازمايښت ژر تر ژره پاى ته ورسېږي.د واړه ټيمونه په ډېرې خوارۍ او زيار سره کار کوي.

..

یوافغانه ډاکټره د پاکستان په یو شفاخانه کې د کورونا ويروس سره مبارزې کې برخه اخلي

د کورونا ويروس د نړۍ په کجه غټه او تاریخي وبا ده  په دې سخت حالت کې په ټوله نړۍ کې خپور شوى او د ټولې نړۍ اقتصادي، ټولنيزې او نورې چارې په ټپه ولاړې دي او خلک په کورونو کې بند دي، يوه افغان کډواله ډاکټر په پاکستان کې د کورونا ويروس ناروغانو لپاره شپه و ورځ مبارزه کوي.

ډاکټر سليمه رحمان یو افغان کډواله د او په پاکستان کې له ډېر وخت راهیسي په یو شفاخانه کې کارکوي هغه  يو له هغه ډاکټرانو څخه ده چې د پاکستان په يوه روغتون کې د کورونا ويروس د ناروغانو په درملنه بوخته ده. د يو اېن اېچ سي ار په خپل ټويټر اکاونټ باندې د دغه د افغانې کډوالې ډاکټرې ډاکټر سليمه رحمان انځورونه خپاره کړي دي او ورسره يې ليکلي دي، چې د پاکستان په پېنډۍ ښار کې په هولي فاميلي روغتون کې د غريبو ناروغانو په درملنه بوخته ده..

دغه روغتون چې د غريبو او کډوالو لپاره خدمات وړاندې کوي، د اروپايي هېوادونو او يو اېن چي سي ار پاکستان له لوري يې ملاتړ کېږي د په پاکستان کې اوس مهال په لکونو افغان کډوال ژوند کوي، ډېرى يې په همدغه هېواد کې زېږېدلي، لوى شوي دي او اوس په همدغه هېواد کې ژوند کوي.

د ډاکټر سليمه رحمان کړنې د ستایلو دي باید د هغې کړنې د مختلفو ادارو او اشخاصو لخوا ووستایل شي ترڅو د معاشرې عام وګړي هم د خلکو د خدمت لپاره کار وکړي او په دغه سختې وبا مخنیوۍ وشي.  

بل لوري ته د کورونا ويروس چې په ټوله نړۍ کې په چټکۍ سره خپرېږي، په پاکستان کې هم ډېر په چټکۍ خپرېږي او په دغه هېواد کې د کورونا ويروس د مثبتو پېښو شمېر له څلور زره څخه اوښتى دى.

که څه هم د پاکستان حکومت ټول هېواد کې ګرځبندېز اعلان کړى دى او له ډېرو ورځو راهيسې بازارونه تړلي، خلک په کورونو کې بند دي، خو بيا هم د کورونا ويروس پېښې کمېږي نه او پرلپسې دغه ويروس په پاکستان کې خورېږي

اوسمهال ددې وخت رارسېدلۍ دۍ چې باید ټوله نړۍ په دغې سخت وخت کې د کرونا ویروس سره جدي مبارزه وکړي په خیریه کارونو کې برخه واخلي د کرونا ویروس باندې مبتلا خلکو سره مرسته وکړي هغه ډاکټران چې تخصص لري باید د کرونا ویروس د درمل یا واکسین جوړولو لپاره ریسرچ وکړي تر څو د دغې وبایی نارړغۍ زر تر زره مخنیوۍ وشي.

دکورونا ويروس مختلفواجتماعي شبکو شرکتونوته ۱.۳ ټریلیونه ډالره نقصان ورساوه

کورونا ويروس په بزنیسونو ډېر زيات اثر کړی، البته دا اثر تر ډېره مطلق منفي دی، په ځانګړي ډول هغه ځايونه چې ګټه یې له بیروبار څخه وي، د مثال په ډول د سينما سکتور د نوي کورونا ويروس تر ټولو لوی قرباني دی، البته ډيجيټل سينما لکه نېټ فلکس بيا په دې ورځو کې تر نورو ډېر په کش کې روان دی، په ټوله نړۍ کې خلک په خپلو کورونو کې بند دي او بيرون ته نه وځي، نو د وخت تېرولو يو تر ټولو ښه څيز فلم کتل دي.

د سینما د سکتور ترڅنګ د هوټلونو وضعيت هم خراب ښکاري، اوس چې خلک له کور څخه بيرون ته نه راوځي نو د رسټورانټ او هوټل غوندې ځايونو سرنوشت هم معلوم نه دی، د دوی څخه ډېری یې کرايه ورکوي، په دې وخت کې د هوټل څښتن خپله کرایه غواړي او هوټل واله ته بيا څوک ډوډۍ ته نه راځي، خو د دې ټولو هاخوا نوي کورونا ويروس بيا هغه شرکتونه هم ولړزول چې سرمايه یې د نړۍ د ډېرو هېوادونو له ټولې سرمايې څخه زياته ده.

د دې جملې څخه د څلورو لويو شرکتونو نومونه اخيستلای شو، د اېپل، مايکروسافټ، امازون او ګوګل غوندې شرکتونه چې په وروستیو کې ښه ځلېدل خو دوی هم د کورونا ويروس له تاثیراتو څخه بچ نه شول، د دې څلورو شرکتونو ارزښت ۱.۳ ټریلیونه ډالره راولوېد، د دې څلورو شرکتونو حصې شل څخه تر دېرش سلنه پورې راټیټې شوې، د Alphabet شرکت چې ګوګل یې هم تر چتر لاندې کار کوي ۲۹.۳ سلنه حصې راولوېدې، د مايکروسافټ ۲۶.۹ سلنه، د اېپل ۲۵.۴ سلنه حصو خپل ارزښت له لاسه ورکړ.

دا په دې مانا چې مايکروسافټ په دې جريان کې ۴۰۵.۲ ميليارده زيان کړی، اېپل ۳۷۱.۸ ميليارده او ګوګل هم ۳۱۱.۱ ميليارده ډالره زيان کړی دی، امازون بيا ۲۳۹.۴ ميليارده ډالر زيان کړی، اېپل د کورونا ويروس درامنځته کېدو سره سم خبر ورکړی و چې د دوی د توکو پلورل به کم شي، د دوی د اټکل سره سم د اوس لپاره د اېپل خرڅلاو په بې ساري توګه راټيټ شوی دى.

فېسبوک بیا په دې مرحله کې وروسته له دې چې خپل کار کوونکي کورونو ته ولېږل، دوی هر يوه ته د ۱۰۰۰ ډالرو تحفه هم ورکړه، د دې ترڅنګ فیسبوک دا ژمنه هم کړې چې د کوچنيو شرکتونو سره به سل ميليونه ډالر پور او بلاعوضه مرسته وکړي.

د کورونا ويروس تر اوسه نړۍ ته په مختلفو برخو کې د زيانونو رسولو ته دوام ورکوي، نړيوال په مختلفو هيلو سره د عادي ژوند په تمه دي، د يوې خوا نړيوال اخته دي چې د دې ويروس په ضد واکسين جوړ کړي، د بلې خوا ډېری خلک بيا دې ته لاس تر زنې ناست دي چې اوړی شي هواوې ګرمې شي نو ویروس به په خپله له منځه لاړ شي، که څه هم په ټوله کې ويروسونه په ګرمۍ کې مړه کېږي خو د دې ويروس په هکله تراوسه داسې علمي څېړنه او ثبوت نشته دی، يوازينۍ قطعي هيله چې ده واکسين دی، تر اوسه د دې واکسين په وړاندې ډېری خنډونه له منځه تللي خو په ټوله مانا یې تجاري بازار ته وړاندې کول شايد کم تر کمه يو کال وخت ونيسي.

IPLد کورونا ويروس په ويره کې دى

د کرونا ويروس په ويره کې دى او لا هم په دغه ليګ کې لوبېدونکو نړيوالو لوبغاړو ته د وېزو بندوبست نه دى شوى، تر څو هند ته راشي. د هند کرکټ بورډ يا BCCI مسوولينو ټول نړيوال لوبغاړي په تمه کړي دي، خو لا هم هېڅ معلومات نشته چې په دغه ليګ کې لوبېدونکو نړيوالو لوبغاړو ته به وېزې څه وخت برابرې کړي.

د کورونا ويروس چې د چين له ووهان ښار څخه خپور شوى دى، د نړۍ تر ډېرو هېوادونو ته رسېدلى دى او تر ١٢٠ زره ډېر کسان په دغه ويروس باندې اخته شوي دي او د روغتيا نړيوال سازمان کورونا ويروس يوه نړيواله وبا اعلان کړې ده. همدا راز په هند کې هم په کورونا ويروس ٦٠ کسان اخته دي او له دې امله د هند حکومت هم د وېزو په ورکړه کې بندېز لګولى دى.

د هند کرکټ بورډ وايي، چې دوى به ژر له حکومت سره يوه ناسته وکړي او د اى پي ايل په اړه به ورسره يوې پرېکړې ته ورسېږي.

همدا راز د هند کرکټ بورډ دوه ورځې وروسته د مارچ په ١٤مه نېټه يوه ناسته کوي او په هغې کې به د اى پي ايل په اړه خبرې کوي چې څه وکړي.

تر دې مخکې د هند کرکټ بورډ مشر سارو ګنګولي ويلي و، چې اى پي ايل به په هر حال کې کېږي او د کورونا ويروس ويره نشته دى، خو اوس ويره دا دى چې هسې نه د کرکټ له لارې د کورونا ويروس خپور شي.

ځکه په هند کې خلک د کرکټ سره ډېره زياته مينه لري او هر ډول لوبې چې ترسره کېږي، لوبغالي پکې له خلکو ډک وي، همدا لامل دى چې اوس داسې اوازې هم روانې دي چې ښايي اى پي ايل ترسره نه شي.

خو د هند کرکټ بورډ ځينو سرچينو نړيوالو رسنيو ته ويلي دي، چې ښايي دوى له خلکو هيله وکړي چې د لوبو پر مهال لوبغالو ته نه راځي او لوبې دې په خپلو کورونو کې په ټلويزيونونو وګوري.

د هند تجارتي ليګ يا اى پي ايل د روانې مياشتې په ٢٩مه نېټه په هند کې پيلېږي.