ولسمشر غني د ملالې میوند له کورنۍ سره غمشریکي وکړه

ولسمشر غني د ملالې میوند له کورنۍ سره غمشریکي وکړه د افغانستان د اسلامي جمهوریت جمهوررئيس محمداشرف غني چې د لوړپوړي دولتي پلاوي په مشرۍ د ننګرهار د عمومي وضعیت د ارزونې په موخه یې دغه ولایت ته سفر کړی وو، پرون ماښام بېرته کابل ته راستون شو.

ولسمشر غني کابل ته له روانېدو مخکې په جلال اباد ښار کې د ملالې میوند کورنۍ سره وکتل او یو ځل بیا یې د خپلې خواخوږۍ او همدردۍ مراتب څرګند کړل.په پیل کې د ملالې میوند ورور په خپلو خبرو کې ملاله د هیواد او ولس شهیده او د سولې ارمانجنه وبلله، وې ویل دا زموږ د کور ګټیالۍ وه چې په شهادت سره یې موږ له ګڼو اقتصادي ستونزو سره مخ شو. نوموړي د ننګرهار والي څخه په مننې وویل،

هیله ده دولت له موږ سره د سرپنا په برخه کې لازمه همکاري وکړي.د هغې نه وروسته د جمهوررئیس لومړي مرستیال امراالله صالح د ملالې میوند کورنۍ ته تسلیت ووایه، زیاته یې کړه اقتصادي ستونزې به مو حل او د زعفران ښارګوټي د استوګنې نمرو وېش لیست کې به مو په پام کې ونیسو.تو تر اخره به مو کلاړ وکړو.ځکه ملاله یوه تکړه ځوانه مبارزه وه او موږ غواړو چې د هغې یاد تازه وساتل شي

د صالح د خبرو نه وروسته د ننګرهار والي ضیاء الحق امرخېل په خپلو خبرو کې وویل، تر کومه چې ما ملاله میوند پېژندله هغه یوه باجرئته او سپیڅلې پېغله وه او د ننګرهار ولایت د شهیدانو او معلولینو ریاست ته مې دنده سپارلې چې کورنۍ سره یې اوږدمهاله مرسته وکړي.هغه وویل چې زه خپله د دوی کور ته ورغلی وم او د دوی عمومي وضعیت مو ولید چې اقتصادي ستونزې ډېرې دي او مونږ په دې حقله هڅه کوو چې د دوي اقتصادي ستونزې حل کړو.

ولسمشر غني د ملالې میوند له کورنۍ سره غمشریکي وکړه
ولسمشر غني د ملالې میوند له کورنۍ سره غمشریکي وکړه

جمهور ریس غني د یادو ویناوالو د خبرو وروسته د ملالی میوند فامیل سره غمشریکي پر مهال د نوموړې کورنی سره پنځه لکه افغانی نغدې مرسته وکړه او وی ویل تاسې ته به د کار کولو زمینه برابره او د پیاوړې ملالی یاد به تازه وساتل شي. نوموړي د دوي سره د کتنې وروسته خپل سفر پای ته ورسو او بېګا ما ښام کابل ته راستون شو.

جينوا كنفرانس:افغان حکومت سره د نړیولو مرستې

جینیوا کې د افغانستان د رفا او ځان بساینې په نوم رابلل شوي کنفرانس کې د نړۍ ډېری هیوادونو له افغان حکومت سره میلیاردونه ډالر کومک اعلان کړ.د دې نه وړاندې ویل کېدل چې ښايي دغه کومک ونشي لامل ېې د فساد سره مبارزه نه کول یاد شوی وو.

شمروز خان مسجدي چې دمالیې وزارتویاند دی په یوه ویډيويي پیغام کې ویلي، چې د جینیوا کنفرانس په ناسته کې اروپايي اتحادیې، پاکستان، جاپان، هند، ایټالیا، انګلستان، اسټرالیاډنمارک، ناروې او یو شمېر نورو هیوادونو په کلني ډول او یا هم د مرستو په څلور کلن پروګرام کې له حکومت سره د مرستو اعلان کړی.دهغه په خبره، که څه هم تمه ده چې د غونډې په دوام د امریکا او سعودي په ګډون یو شمېرمهم هیوادونه او د نړیوال بانک او اسیا پراختیایي بانک په ګډون یو شمېر مهم بنسټونه مرستې اعلان کړي؛

خو تر اوسه له حکومت سره د شویو مرستو اندازه شپږ میلیارد ډالرو ته رسېدلې.دغه مرستې داسې مهال اعلانېږي، چې د طالبانو او امریکا تر منځ د شوي تړون په اساس له افغانستانه د بهرنیو ځواکونو د وتلو لړۍ روانه ده او تر څنګ یې په دوحه کې د افغان سولې خبرې هم پیل شوې.

داسې ګمان کېده چې نړیوال به نور له حکومت سره مرستې ونکړي او شوې مرستې به د هیواد په سوله او ثبات پورې وتړي؛ خو داځل هم د ۲۰۱۶ کال د جینوا کنفرانس په اړه مرستې اعلان شوې.او لا هم تمه کیږي چې مرستې نورې هم زیاتې شي ویل کیږي چې د نړیوال بانک او امریکا لخوا لا هم د مرستو اعلان ندی شوی.

د جېنيوا کنفرانس کې د مرسته کوونکو هيوادونو له توقع څخه لوړو مرستو لپاره، له ټولو هيوادونو څخه مننه کړې او سوشل میډیا کې په دې اړه ویلي چې د جینیوا کنفرانس پخپل ځان کې د افغانستان لپاره له سیاسي پلوه یوه بې ساري لاسته راوړنه ده.دويي پر حکومت ږغ کړی. چې د تېر ځل څخه په تفاوت دا ځل ټولي مرسته شوي پيسې په پرمختيايي چارو کې په شفاف ډول مصرف کړي؛ د فساد او څو مشخصو کسانو جېبونو ته د تللو مخه يې ونيسي.
.

سیګار: حکومت د فساد سره په سمه توګه مبارزه نه کوي

سیګار: حکومت د فساد سره په سمه توګه مبارزه نه کوي دافغانستان د بیارغونې لپاره پر امریکایي مرستو د څار اداره «سیګار» وایي، د فساد په وړاندې د حکومت مبارزه بې اثره او یوازې تر جلسو جوړولو او د کاغذ پر مخ د فساد ضد طرحو تر لیکلو پورې محدوده ده.دويي وايي هیڅ ډول عملي کار ندی شوی.

د سیګار راپورتېره اوونۍ د امریکا دفاع وزارت او د نړیوالۍ پراختیا لپاره امریکایي ادارې ته لېږل شوی، پکې راغلي چې د سیسټماټیک فساد په وړاندې د حکومت مبارزه ضعیفه او بې اثره ده او د ځواکمنو کسانو بښل کېدل او یا هم له محکمې معاف کول هغه څه دي، چې په دې لاره کې يې دایمي ستونزې راولاړې کړې.سیګار له امریکا او د یاد هیواد له متحدینو غوښتي، چې په جینوا کنفرانس کې له افان حکومت سره کېدونکې احتمالي مرستې د فساد په وړاندې د حکومت په پام وړ مبارزې پورې مشروطې کړي.ترڅودويي د فساد سره جدي مبارزه پیل کړي.

په امریکایي مرستو د څار ادارې په خپل راپور کې د ټاکنو خپلواک کمېسیون پخوانی رییس«یوسف نورستانی»  له فساد سره د حکومت د نه مبارزې یو مثال بللی، چې د امریکایي محکمې له لوري په فساد، اختلاس او له خپل واک څخه په ناوړه ګټه اخیستنه تورن شوی؛ خو د کابل حکومت مشر «اشرف غني» نوموړی د مشرانو جرګې غړی ټاکلی او د په دې توګه یې د هغه د نیول کېدو مخه یې ډب کړې.

د سیګار له لوري پورته راپور داسې مهال خپرېږي، چې ویل کېږي دوې اوونۍ وروسته د نږدې اویا هیوادونو د بهرنیو چارو  وزیران او د افعان حکومت مالي ملاتړي په جینوا کې راټولېږي او د راتلونکو څلورو کلونو په دوران کې له حکومت سره کېدونکې مرستې اعلانوي.

سیګار: حکومت د فساد سره په سمه توګه مبارزه نه کوي
سیګار: حکومت د فساد سره په سمه توګه مبارزه نه کوي

د یادونې وړ ده چې افغانستان سره مرستې تر دې دمه هم کیږي او اکثره سکتورونه ېې په بهرینیو مالي مرستو روان دي لکه د ښوونکو معاشونه د پولیسو معاشونه د لوړ رتبه مامورینو معاشونه اود نړیوال بانک او امریکا کومکونه شامل دي دوي هر کالافغانستان سره کومک کوي یاد کومکونه د مالیې وزارت له طریق دويي ته ږرکول کیږي خو د روان اداري او مالي فسادونو له امله دويي خپل کومکونو ته د شک په نظر ګوري دويي وايي چې ښايي دغه مرستې به غلا کیږي.

جاوېد اميرخېل: غواړم د سېلاب ځپلو مرسته وکړم

جاوېد اميرخېل: غواړم د سېلاب ځپلو مرسته وکړم د افغانستان مشهور هنرمند جاوېد اميرخېل په يو شمېر هغه ولايتونو کې، چې سېلاب پکې راغلۍ او خلک ېې ځپلي ،غواړي د دغه ولایاتو خلکو سره مرسته وکړي،

ښاغلۍ اميرخېل په خپله فېسبوکپاڼه کې پوسټ کړۍ او لیکلي ېې دي، چې وخت د لاسنيوى دى. هغه وايي بدبختانه له څو ورځو راهيسې د هېواد په بېلا بېلو سيمو کې د طبيعي پېښو له امله زموږ هېوادوالو سخت مشکلاتو سره مخ دي، نوموړي ویلي د پکتيا، مېدان وردګ، پروان، پنجشېر، لوګر او ځينې نورو ولايتونو خلکو ځاني او مالي زيانونه ګاللي دي. په داسې وخت کې موږ انساني او هېوادنى مسووليت دغو سېلاب ځپلو سره مرسته او د دوى مشکلات حل کول دي،

جاوېد وايي: زه او زما نور ملګري نيت لرو چې د سېلاب ځپلو کورنيو د خواخوږۍ لپاره سيمې ته لاړ شو.هغه په هېوادوالو هم غږ کړى دى چې په دې وخت کې دې له خپلو هېوادوالو سره مرسته وکړي. ((په هېوادوالو غږ کوم چې خپلو خويندو او وروڼو سره دې سخت وخت کې ودرېږي، مرسته ورسره وکړي او لاسنيوى يې وکړي،

هېره دې نه وي چې تر دې مخکې د افغانستان د کرکټ ملي لوبډلې لوبغاړو هم د سېلاب ځپلو سره د مرستې لپاره اعلان کړى دى.راشد خان چې په کارابين پريمئير ليګ کې لوبېږي، د سېلاب ځپلو لپاره د کومک په راټولولو هم لګيا دى او په انلاين بڼه غواړي چې سل زره پاونډه جمع کړي ترڅو سېلاب ځپلو سره مرسته وکړي،

د راشد نه علاوه محمد نبي هم وايي، چې زړه يې له هېواد سره دى او له کارابين سياليو بېرته ګرځېدو سره سم به له سېلاب ځپلو سره خپلې مرستې وکړي.هغه غواړي چې په دې سخت وخت کې د هېوادوالو او په ځانګړي ډول د سېلاب ځپلو سره مرسته وکړي او د دويي مشکلات رفع کړي ترڅو هېوادول احتیاج پاتې نشي،ځکه په دغه ځایونو کې د پخوا نه هم بد بختي ده او اوس سېلاب بیا یو نوۍ مشکل دۍ چې د دغه ځاۍ خلک ځپي،

جاوېد اميرخېل: غواړم د سېلاب ځپلو مرسته وکړم
جاوېد اميرخېل: غواړم د سېلاب ځپلو مرسته وکړم

بل خوا ته نجيب الله ځدراڼ هم له سېلاب ځپلو سره د مرستې غږ کړى دى او ويلي يې دي، چې هغه به د خپلې وسې سره سم له سېلاب ځپلو سره مرستې وکړي.هغه خپله هم سېلاب ځپلو سره کومک کوي او په عام عوامو تجارانو او نورو پیسه دارو خلکو نه ېې غوښتي چې سېلاب ځپلو سره دې کومک وکړي، يادو ټولو لوبغاړو په هېواد کې دننه او بهر هم خلکو باندې غږ کړى دى چې له سېلاب ځپلو سره دې خپلې کومکونه وکړل،