ګلبدین حکمتیار:دسولې لپاره باید یو نوی حکومت رامنځته شي

ګلبدین حکمتیار:دسولې لپاره باید یو نوی حکومت رامنځته شي د حزب اسلامي امیر ګلبدين حکمتيار پخپلو تازه څرګندونو کې يو ځل بیا په دې ټينګار کړی دی چې د سولې لپاره د حکومت بدلون ضروري دی،

ښاغلي حکمتیار وايي تر هغه چې حکومت بدل نشي د سولې راتګ امکان نه لري حکمتیار پخپلو دې تازه څرګندونو کې ويلي دي چې جمهورریس غني هم د حکومت بدلون ته غاړه ایښې وه خو په دې شرط چې یو نیم کال دې د مؤقت حکومت مشر هم دی وي، حکمتیار زياتوي ولسمشر غني پاکستاني مقاماتو ته دا وړانديز کړی و چې طالبانو ته دا ووايي چې اشرف غني په موقت حکومت راضي دی خو په دې شرط چې مشري به یې دی کوي او دا موقت حکومت به کم تر کمه يو نيم کال وخت لري،

دښاغلي حکمتیار په خبره چې پاکستاني مقاماتو ته د طالبانو له لوري د رد ځواب ورکړل شوی دی.حکمتیار او ځینې نور افغان سياستوال په دې قناعت دي چې طالبان په هېڅ صورت په دې راضي نه دی چې په اوسنی حکومت کې لږ يا ډېره ونډه ورکړل شي، دوی نه غواړي له موجود ټیم او حکومت سره يو ځای کار وکړي.

ګلبدین حکمتیار:دسولې لپاره باید یو نوی حکومت رامنځته شي
ګلبدین حکمتیار:دسولې لپاره باید یو نوی حکومت رامنځته شي

لومړی خو دا يوه بېله پوښتنه ده چې طالبان په ټاکنو باور لري او که نه، په فکري لحاظ ويلی شو چې طالبي فکر په ټاکنو باور نلري، خو ددې ډلې سياسي مشران په ښکاره وايي چې د خلکو اراده ورته الویت لري او هغه ډول حکومت به رامنځته کوي چې خلک ورسره همغږي وي.

سیاسی تجزیه نګاران په دې اند دي چې طالبان د اوسني حکومت په لاس د ترسره کېدونکو ټاکنو په شفافیت باندې هم باور نلري، ځکه د حکومت له لوري ترسره شوې پخوانۍ ټاکنې هسې هم د ټولې نړۍ د خندا او رشخند وې.پورته حالت ته په کتو حکمتیار او یوه ډله نور سياستوال په دې قناعت دي چې حکومت بايد بل راشي.

حکمتیار: افغان سیاسيون به له طالبانو سره خپلمنځي مذاکرات پیل کړي

حکمتیار: افغان سیاسيون باید له طالبانو سره خپلمنځي مذاکرات پیل کړي د حزب اسلامي امیر او پخوانی جهادي رهبر ګلبدین حکمتیار ویلي ، سیاسي ګوندونه او شخصیتونه به له طالبانو سره مذاکراتو پیل کړی، او په دې اړه خبرې هم روانې دي،

یوې رسنۍ د کلبدین حکمتیار له خولې لیکلي، چې ولسمشرۍ ماڼړۍ له مخکښو سیاسي ګوندونو سره د سولې په تړاو مشورې نه دي کړي، چې له امله یې سیاسي ګوندونو له طالبانو سره مخامخ مذاکرات پیل کړي او په دې برخه کې لومړنیو توافقاتو ته هم رسېدلي ، دولت سیاسي اجماع نه لري، له سیاسي ګوندونو سره موافق ندي ، همدا لامل دی، چې سیاسي احزاب مجبور شول له طالبانو سره مخامخ خبرې پیل کړي، او طالبان هم له ګوندونو سره خبرو ته جمتو دي.

په دې اړه طالبانو سره ځیني توفقات هم شوي دي، حتی د مذاکراتو د پیلېدو د ځای په اړه هم موافقه شوې. طالبان هم پوهېږي چې دولت ریښتنی نه دی او وخت ضایع کوي، د هغه په خبره، چې طالبان اوسنی حکومت په رسمیت نه پېژني او د حکومت پالیسې هم جګړه ییزه ده چې باید تغیر ورکړي زما په نظر له دې نظام سره سوله نا ممکنه ده،

که دولت غواړي نظام او امنیتي ځواکونه په خپل حال پاتې شي او د نجیب تاریخ بیا ځلې تکرار نشي، نو په ريښتیني ډول دې خپلمنځي مزاکرات پیل کړي او وخت دې نه ضایع کوي، ښاغلي حکمتیار ددې تر څنګ حکومت د سولې په پروسه کې په صلاحیت نه درلودلو تورن کړی او په خبره يې «کابل حکومت د سولې په قضیه کې هیڅ رول نه لري،

د هغه په وینا ټول واک د امریکا په لاس کې دی، کله چې دولت کومه شوخي کوي، نو د امریکا د بهرنیو چارو وزیر له ملا برادر اخند سره غږېږي، تر څو هغه ته ور وفهموي، چې د سولې هره چاره د امریکا سره ده نوموړي ویلي که د سولې چارې همداسې روانې وي نو ددا به افغانستان یو ځل بیا خانه جنګۍ پلو روان کړي او افغانان به یو وار بیا خپلو منځو کې سره جنګ پیل کړي،

حکمتیار:افغان سیاسيون به له طالبانو سره خپلمنځي مذاکرات پیل کړي
حکمتیار:افغان سیاسيون به له طالبانو سره خپلمنځي مذاکرات پیل کړي

د ښاغلي حکمتیار لخوا پدا څرګندونې داسې مهال دي، چې تمه ده په نږدې راتلونکې د طالبانو او فغان جهتونو تر منځ بین الافغاني مذاکرات پیل شي.طالبانو تر دې مخکې په بیا، بیا ټینګار کړی چې کابل کې د دولت په نامه څه په رسمیت نه پېژني او نه د افغان دولت په نامه چا سره خبرې کوي خو اوس ډېره تمه کیږي چې دولت او طالبان دواړه لورې دې ته اړ شوي چې ژر تر ژره خپلمنځي مزاکرات پیل کړي ، دا هم باید یاده کړو چې د مصالحې شورا مشر هم یو هفته وړاندې د خپلمنځي مزاکراتو د پیلېدو خبر ورکړۍ وو،

ګلبدین حکمتیار:دسولې لپاره دې یو طرحه جوړه شي

ګلبدین حکمتیاردسولې لپاره دې یو طرحه جوړه شي، د حزب اسلامي مشر ګلبدین حکمتیار او دافغانستان ددولت د مرکچي پلاوي تر مابین د ۱۳۹۵ کال د تلې میاشتې په اوله نېټه د سولې هوکړه لیک دستخط شو

د دغه ګوند مشر مشرحکمتیار پلازمینه کابل کې خبریالانو ته وویل، چې حکومت له دغه ګوند سره د سولې پر شوې هوکړه عمل نه دی کړی او د دغه ګوند زرګونه کسان لا هم بندیان دي.دده په وینا، له حزب اسلامي سره د دولت د سولې هوکړې په نه عملي کېدو  ولسي جرګه، امنیت شورا او بهرنۍ هېوادونه خبر دي، خو هیچا یې هم د عملي کېدو لپاره ګام نه دی اخیستی.نوموړي زیاته کړه تر هغه چې حکومت له موږ سره د هوکړې هر بند نه وي پلی کړی، موږ د حزب په توګه د دغه حکومت تر مدیریت لاندې کار نه کوو. تر اوسه د دغې هوکړې منځ پانګه نه ده عملي شوې.

ښاغلي حکمتیار وویل ، چې د طالبانو مشران او د داعش مشران خوشي شول، خو د حزب اسلامي بندیان تر اوسه په زندانونو کې پراته دي.هغه د یادې هوکړې د نه عملي کېدو په اړه له جزییاتو ورکولو پرته وویل:«شاید ددغې هوکړې د نه عملي کېدو لامل دا وي چې د اقتدار په کرسۍ ناست کسان داسې فکر کوي چې که دغه هوکړه منل شوې وای نو دوی ته به ګواښونه رامنځته شوي وای او د ټاکنو پایلې به هم داسې نه وې.»

نوموړۍ وايي د سولې بین الافغاني خبرې دې پرته له شرطه پيل شي، د سولې لپاره دې یو اتفاقي طرحه جوړه شي او د تصمیم لپاره باید یوه مقتدره ټیم را منځ ته شي.هغه وویل دغه ټیم باید د یوه فرد، د یوه ګوند، د یوه قوم په انحصار کې نه وي، اوس مهال د افغانستان ۹۹ سلنه خلک سوله غواړي، یواځې هغه کسان سوله نه غواړي چې خپل اقتدار او قدرت په خطر کې ګڼي

هغه له حکومت څخه وغوښتل چې داسې شرایط وضع نه کړي چې د سولې بهیر له خنډونو سره مخ شي. ده په خلکو غږ وکړ چې سره یوځای شي ترڅو د اوسني وضعیت څخه وژغورل شي.حکمتیار، په نننۍ ناسته کې دا هم وویل چې هېواد کې جوماتونه هم نه دي خوندي او حکومت یې د امنیت په ټینګښت کې پاتې راغلی.

هغه زیاته کړه، د امریکا او طالبانو ترمنځ له هوکړې وروسته پرځای ددې چې د تاوتریخوالې کچه راټیټه شي، هدفي وژنې، ترور او تاوتریخوالی لازیات شوي دي.د امریکا او طالبان ترمنځ هوکړه تېرکال د کب میاشتې په لسمه په قطر کې لاسلیک شوه.حکمتیار وایي:« د فحشا ځایونه او عاملین یې خوندي دي، خو د کابل ښار په مرکز ګې د ارګ شاوخوا علما، او نور مشران ترور کیږي.

هغه وویل چې دولت باید د بهرنیانو له وتلو وروسته وضعیت ته تیارۍ ونیسي، ترڅو پخوانۍ کارونه بیا تکرار نه شي.د ده په وینا، ددغه حالت د چمتووالي لپاره باید یو درېیمګړی مستقل محور را منځ ته شي، داسې محور چې  د شخصیتونو او ګوندونو پر بنسټ نه، بلکې د خلکو د ارمانونو او اهدافو پر بنیاد جوړ شوی وي.او داسې بو نظام رامنځته شي چې ټول اړخنه پکې شامل وي،

ګلبدین حکمتیار:دسولې لپاره دې یو طرحه جوړه شي

د حزب اسلامي امیر  ګلبدين حکمتيار وايي افغانستان اوس وخت کې هيڅ کوم ولسمشر نلري ، د غني په مشرۍ د حکومت هیڅ پروګرام کې ګډون نه کوو او نه د دويي په کوم پلان یا تصمیم کې برخه اخلو نوموړي د دې وړاندې هم په اوسني حکومت نیوکې کړي دي,

د دغه ګووند مشر ګلبدين حکمتيار له خوا په يوه خپره شوې اعلاميه کې ذکرشوي دي چې په افغانستان کې اوسمهال هېڅ منتخب ولسمشر نشته دى. هغه و زیاتوي د ولسمشر غني تر مشرۍ لاندې حکومت په هېڅ پروګرام کې به تر هغه پورې ګډون ونه کړي، چې له دوى سره د سولې د شوې هوکړې ټول موارد عملي شوي نه وي.

هغه د دولت د عالي شورا او سولې پروسه کې دهمکارۍ لپاره هم شرطونه وړاندې کړي دي. ګلبدين حکمتيار وايي، که د حکومت له لوري د سياسي اپوزيسيون په توګه منل کېږي، د سولې عالي شورا د دريو ګوندونو او پخواني ولسمشر له ترکيب جوړېږي او د سولې اړوند ټولې پرېکړې له دې درکه کېږي، نو دوى د سولې په پروسه کې همکارۍ ته تيار دي

نوموړي وايي، چې په افغانستان کې اوسمهال منتخب ولسمشر نشته دى، هغه د پېسو له نړيوال صندوق څخه د حکومت د پور اخيستو پرېکړې سره هم مخالفت ښکاره کړ، هغه وايي چې دغه رنګې قرض د افغانستان د اقتصاد لپاره خه ندۍ د افغانستان ګمرکونه دومره عواید نه لري چې بیا دغه قرض نه شي ادا کولۍ،

ګلبدین حکمتيار د دې وړاندې هم د دولت خلاف کړۍ او دغه دولت ېې د افغانستان لپاره ضرري بللۍ او ویلي دي چې دغه دولت د درغلیو په نتيجه رامنځته شوۍ دۍ باید بیا د سسر نه انتخابات وشي ترڅو افغانستان کې یو سیاسي اسلامي او ازاد حکومت ته رامنڅته شي او افغانان ازاد په ځان بسیا هېواد ولرو،

د ګلبدین حکمتیار دغه څرکندونو سره په اجتماعي شبکوکې  غبرګون ښودلۍ او ویلي ېې دي چې دغه رقم بیانونه د یو رهبر لخوا هيڅ خه خبره نده عاموخلکو په سوشل ميډیا کې په حکمتیار تور پورې کړۍ دۍ چې دا خبرې ملک سره خیانت دۍ او دا خبرې باید د رهبر د اددرس نه داسې څرکندونې د افغانستان او د افغانانو د اتفاق او اتحاد ته ضرر رسوي،  

اوس وخت د دې رارسېدلۍ دۍ چې ټول هېوادوال او سیاسي څېرې باید ټول یو ځاۍ شي ترڅو افغانستان نورد دغې بد بختیو نه وژغورل شي سیاسي او جهادي رهبران باید د دغه رقم څرکندونو نه ډډه وکړي ترڅو بهرني قوتونه په دې پوه شي چې افغانان ټول سره په یو اتفاق دي او دښمن ته ماتې ورکولو کې بې اتفاقي نه لري،

ګلبدین حکمتیار:دسولې لپاره دې یو طرحه جوړه شي

ګلبدين حکمتيار وايي، چې يوه نوې طرحه يې ټولو لوريو ته وړاندې کړې ده، چې عبدالله عبدالله او حامد کرزي منلې ده، خو اشرف غني لا هم دا طرحه نه ده منلې.

د حکمتيار په وېنا، دغه طرحه يې د دې لپاره جوړه کړې ده چې هېواد له بحرانه وباسي، ځکه چې ټاکنې شفافې نه وې او د ټاکنو له لارې راغلى ولسمشر نه هم ټاکنيز ټيمونه مني، نه يې ملت مني او نه يې هم بهرنيان مني، نو په داسې وخت کې د حل يوازينۍ لاره همدا ده چې د څلورو لوريو يو حکومت جوړ شي.

ګلبدين حکمتيار چې له شمشاد ټلويزيون سره يې ځانګړې مرکه درلوده، وويل چې هغه سبا د ولسمشر د لوړې په مراسمو کې ګډون نه کوي، ځکه چې د يو پر ځاى دوه ځايه ولسمشران د لوړې مراسم ترسره کوي، دا هر څه له دې لامله وشو چې ټاکنې شفافې ونه شوې، خلکو پکې ګډون ونه کړ او د اشغال تر لاندې هېڅ کله هم شفافې ټاکنې نه شي ترسره کېداى.

هغه همدا راز وايي، چې په ټاکنو باور لرم او تل پرې ټينګار کوم، خو داسې ټاکنې نه چې کمېسيون يې مستقل نه وي، له تقلب ډکې وي او هېڅوک يې هم نه مني، هغه وايي که د ټاکنو نتيجې ټولو منلې واى، په ځانګړې توګه بهرنيانو، ځکه چې د ولسمشر د ټاکلو پرېکړه خو هغوى کوي.

هغه وايي، که موږ په ټاکنو کې بريا هم ترلاسه کړې واى، په دې پوهېدو چې هېڅوک يې راسره نه مني، موږ ويل چې انلاين ټاکنې به ترسره شي او په سبا به يې رسمي پايلې هم اعلان شي، ځکه موږ ټاکنې د حل يوازينۍ لاره ګڼو، خو هغسې ونه شو.

حکمتيار وايي، چې له عبدالله عبدالله او حامد کرزي سره مې ګډه غونډه درلوده، تر څو په هېواد کې روان بحران پاى ته ورسوو.

هغه وايي، هغوى ته مې وويل چې سوله اوس يو ضرورت دى، نو راځئ چې د ټاکنو پاڼه نوره واړوو، موازي حکومت هم نه غواړو، مشارکتي حکومت هم نه غواړو او د ملي يووالي حکومت هم له فساده ډک و، نو راځئ چې يوه نوې طرحه وړاندې کړو او يوه معقوله لاره پېدا کړو.

د ګلبدين حکمتيار د طرحې ته مرخه، اشرف غني به ولسمشر وي او ټول به يې مني هم، که څه هم ځينې يې منتخب ولسمشر نه مني، خو د ولسمشر په توګه به يې ومني، نو تر څو چې سوله راځي او نوى حکومت جوړېږي، په دې موده کې يو حکومت ته اړتيا شته، خو د ټاکنو په اساس راغلى ولسمشر هېڅوک نه مني او ملت يې هم نه مني.

هغه وايي، چې اشرف غني به ولسمشر وي، اجماع به رامنځته کېږي، تر څو اقتدار د يو چا په انحصار کې نه وي، په خپل سر به پرېکړې نه کېږي، د ولسمشر تر څنګ به د تصميم يو عالي مرجع رامنځته کېږي، چې په ټولو ملي مسايلو کې به پرېکړې کوي او دا مرجع به د څلور واړه لوريو په توافق سره رامنځته کېږي، تر څو څوک دا فکر ونه کړي چې د چا پرېکړې ته احترام نشته.

د هغه په وېنا، د دغه عالي مرجع پرېکړې به ټول مني، دا مرجع به پرېکړې کوي، لکه د سولې خبرې، سرې کرښې او نورې ډېرې، همدا راز د واليانو، وزيرانو، سفيرانو او نورو ټولو خلکو ټاکل به هم د همدې مرجع پرېکړې وي.

ګلبدين حکمتيار زياتوي، چې له دې طرحې يې معنا دا نه ده چې موږ اقتدار وېشو، بلکې يو حکومت ته اړتيا لرو تر څو بحران ختم شي او روغه جوړه وشي، ځکه د روغې جوړې تر ټولو اسانه لاره همدا ده.

خو د هغه په وېنا، دا مرجع چې د عبدالله عبدالله، حامد کرزي، اشرف غني او په خپله د ده له لوري به جوړېږي، درې لوريو منلې ده خو اشرف غني تراوسه پورې مثبت ځواب نه دى ورکړى.

هغه وايي، چې دا طرحه موږ له بهرنيانو او ټولو سره شريکه کړې ده، موږ اشرف غني ته وايو چې د ټاکنو په اساس هم ته په ارګ کې پاتې کېدل غواړې او موږ هم تا په ارګ کې غواړو، نو بيا مشکل په څه کې دى.

حکمتيار وايي، چې سوله به راځي، ښايي ٤ مياشتو کې راشي، امريکايان خپل پوځيان وباسي او دا خبره خو ډونالډ ټرمپ په خپله کړې ده چې د دوى پوځيان ووتل، نو دا حکومت بيا مقاومت نه شي کولاى.

د يوې پوښتنې په ځواب کې ګلبدين حکمتيار وويل، چې د اشرف غني په ناکامه او بدنامه حکومت کې هېڅ کله ګډون نه کوي.