د هندوستان غوره ليګ IPL سياليو په لړ کې تېره ورځ دوه لوبې ترسره شوې چې په لومړۍ لوبه کې ګجرات لوبډلې لکنو لوبډلې ته ماتې ورکړه او په دويمه لوبه کې سنرايزرس لوبډلې راجستان لوبډلې ته ماتې ورکړه
د آی پي اېل سياليو د ۵۱مې لوبې پچه د لکنو سوپر جاينټ لوبډلې لوبډلمشر کرونل پنډيا وګټله او لومړی يې د توپ اچونې پرېکړه وکړه.
د ګجرات ټايټنس لوبډلې په شلو اورونو کې ۲۲۷ منډې جوړې کړې، د دوی له لوري شبمن ګيل ۹۴ ناسوزيدلې منډې، ورينډمن ساها ۸۱ منډې او لوبډلمشر هارډک پانډيا ۲۵ منډې جوړې کړې.
نور ولولئ: د هندوستان غوره ليګ IPL سياليو په لړ کې ګجرات ټايټنس لوبډلې راجستان رويلس لوبډلې ته ماتې ورکړه
د لکنو سوپر جاينټ لوبډلې له لوري اويش خان او محسن خان يوه-يوه ويکټ ترلاسه کړه.
د لکنو لوبډله د ۲۲۷ منډو هدف پوره کولو لپاره ميدان ته راښکته شوه. د دوی له لوري قوينټن ډيکاک ۷۰ منډې، کايل مايرس ۴۸ منډې او اياش بډوني ۲۱ منډې وکړې. د لکنو لوبډلې په شلو اورونو کې ۱۷۱ منډې وکړې، ۷ لوبغاړي يې له لاسه ورکړل او لوبه يې د ۵۶ منډو په توپير وبايلله.
د دغه لوبې غوره لوبغاړی شبمن ګيل وټاکل شو چې ښه توپ وهنه يې وکړه.
د آی پي اېل سياليو د ۵۲می لوبې پچه د راجستان رويلس لوبډلې لوبډلمشر سنجو سمسون وګټله او لومړی يې د توپ وهنې پرېکړه وکړه
د راجستان رويلس لوبډلې له لوري جوس بټلر ۹۵ منډې، لوبډلمشر سنجو سمسون ۶۶ ناسوزيدلې منډې او يشسوي جېسوال ۳۵ منډې وکړې. راجستان لوبډلې په شلو اورونو کې ۲۱۴ منډې وکړې، دوه لوبغاړي يې وسوزيدل او سيالې لوبډلې ته يې د ۲۱۵ منډو هدف وټاکه.
نور ولولئ: د هندوستان غوره ليګ IPL سياليو په لړ کې کلکتې لوبډلې سنرايزرس لوبډلې ته ماتې ورکړه
د سنرايزرس حيدرآباد لوبډلې له لوري مارکو جانسن او بهانشوار کومار يوه-يوه ويکټ ترلاسه کړه.
د سنرايزرس حيدرآباد لوبډلې له لوري بيا ابهيشک شرما ۵۵ منډې، راهول ټريپاټي ۴۷ منډې او اتمولپريټ سينګ ۳۳ منډې وکړې. د سنرايزرس حيدرآباد لوبډلې ورکړل شوی هدف په وروستي توپ پوره کړ او ۶ لوبغاړي يې وسوزيدل.
نور ولولئ: د هندوستان غوره ليګ IPL سياليو په لړ کې تېره ورځ دوه لوبې ترسره شوې
د راجستان رويلس لوبډلې له لوري يزوېنډرا چهال ۴ لوبغاړي، رېويچنډرن اشوين او کولډيپ يادو يو-يو لوبغاړی وسوځاوه.
د نن لوبې له حاله هم خبر شئ
د هندوستان غوره ليګ سياليو په لړ کې نن يوه لوبه ترسره کيږي چې کلکتې نايټ رايډرز لوبډله له پنجاب کينګز لوبډلې سره لوبه کوي.
